بۇ يازمىنى ئاخىرىدا بەھرام تەھرىرلىگەن. ۋاقتى 2013-1-19 23:35
iPhone نىڭ بۇ خىل ئىقتىدارىنى بىلەمسىز ؟
ئەمەلىيەتتە ، iPhone نىڭ بىرقانچە يوشۇرۇن ئىقتىدارلىرى بار ، بەزىلىرىنى بەلكىم ھەممىمىز بىلىمىز، بەزىلىرىنى پەقەت ئاز بىر قىسىم ئادەملەرلا بىلىدۇ . ئادەتتە بۇنداق يوشۇرۇن ئىقتىدارلارنى يانفوننىڭ چۈشەندۈرۈلىشىگىمۇ يازمايدۇ ، پەقەت ئۆزىمىز كۆپ ئىشلىتىپ بايقىشىمىز كېرەك . مېنىڭچە بۇمۇ نېمىشقا شۇنچە جىق ئادەم ئالما ئەسۋابلىرىنى تەتقىق قىلىشقا ئامراقلىقىنىڭ جاۋابى ھېسابلىنىدۇ . خوش ، گېپىمىزگە كېلەيلى ، تۆۋەندە مەن بىرنى چۈشەندۈرۈپ ئۆتەي ، بەلكىم بەزى دوستلىرىمىز بىلىپ كەتمەسلىكى مۇمكىن .
iPhone نىڭ يانفون سېگنالىنىڭ كۈچلۈك ياكى ئاجىزلىقىنى رەقەم بىلەن توغرا ئېنىق كۆرسىتىپ بېرىشتەك بىر يوشۇرۇن ئىقتىدارى بار . بۇ ئىقتىدارى يانفون تورىنىڭ كۈچلۈك ئاجىزلىقىنىمۇ ئوخشاشلا بىزگە رەقەم بىلەن ئېنىق قىلىپ كۆرسىتەلەيدۇ .
مەشغۇلات ئۇسۇلى :
1. iPhone نىڭ تېلفون ئىقتىدارى (电话) نى ئېچىڭ .
2. كۆرۈنگەن نومۇر تاختىسىدا ماۋۇ رەقەملەرنى بېسىڭ : *#12345#3001* ( خۇددى رەسىمدە كۆرسىتىلگەن بويىچە ) . ئاندىن چاقىرىش كۇنۇپكىسى (呼叫) نى بېسىڭ .
3. بۇ ۋاقتىدا iPhone نىڭ Field Test دېگەن ناملىق ئىچكى ئىقتىدارى قوزغىلىدۇ ، شۇنىڭ بىلەن بىرگە سېگنال رايونىدىكى سېگنال بەلگىسىنىڭ ئورنىغا رەقەم كۆرۈنىدۇ ، مۇشۇ رەقەم دەل سىزنىڭ يانفون سېگنالىڭىزنىڭ كۈچلۈك ياكى ئاجىزلىقىنى ئىپادىلەيدۇ .
4. Power كۇنۇپكىسىنى بېسىپ تۇرۇپ يانفوننى ئۆچۈرۈش كۆزنىكى (移动滑块来关机) نى چىقىرىڭ ، ئەمدى يانفوننى ئۆچۈرمەستىن بەلكى Home كۇنۇپكىسىنى بىر قانچە سېكۇنت بېسىپ تۇرسىڭىز iPhone باش بەتكە قايتىدۇ .
5. بۇ باش بەتكە قايتىش ئۇسۇلى ئادەتتىكى Home كۇنۇپكىسىنى بېسىپ تۇرۇپ باش بەتكە قايتىش ئۇسۇلىغا ئوخشىمايدۇ ، بۇ ئۇسۇلدا باش بەتكە قايتقاندىن كېيىن ، سول ئۈستى تەرەپتە سېگنال بەلگىسى بىلەن رەقەم ئارىسىدا سېگنال بەلگىسىنى بىر چېكىش ئارقىلىق ئىختىيارى ئالماشتۇرالايسىز .
رەقەم ۋە مەنىسى توغرىسىدا :
ئەمدى سانلىق رەقەمنىڭ مەنىسى توغرىسىدا توختىلىپ ئۆتسەك ، رەقەم قانچە كىچىك بولسا ، يانفون سېگنالىڭىزنىڭ شۇنچە ئاجىز ئىكەنلىكىنى بىلدۈرىدۇ . ئادەتتە تۆۋەندىكىدەك بىر قانچە دەرىجىگە ئايرىلىدۇ :
(1) سېگنال رەقىمى 50- ~ 40- ئارىسىدا بولسا ، يانفونىڭىز ئاساسىي جەھەتتىن ئاساسىي پونكىت ئەتراپىدا ئىكەنلىكىنى بىلدۈرىدۇ .
(2) سېگنال رەقىمى 60- ~ 50- ئارىسىدا بولسا ، يانفون سېگنالىڭىزنىڭ ناھايىتى ياخشى ئىكەنلىكىنى بىلدۈرىدۇ .
(3) سېگنال رەقىمى 70- ~ 60- ئارىسىدا بولسا ، يانفون سېگنالىڭىزنىڭ ئاساسىي جەھەتتىن ياخشى ئىكەنلىكىنى بىلدۈرىدۇ .
(4) سېگنال رەقىمى 80- ~ 70- ئارىسىدا بولسا ، يانفون سېگنالىڭىزنىڭ بىرئاز ئاجىز ئىكەنلىكىنى بىلدۈرىدۇ .
(5) سېگنال رەقىمى 90- ~ 80- ئارىسىدا بولسا ، يانفون سېگنالىڭىزنىڭ ئاساسىي جەھەتتىن ئاجىز ئىكەنلىكىنى بىلدۈرىدۇ.
(6) سېگنال رەقىمى 90- دىن تۆۋەن بولسا ، تېلفون قىلالايسىز ، لېكىن ھەرزامان ئۈزۈلۈپ قېلىشى مۇمكىن بولىدۇ ، سېگنال بەك ئاجىز ئىكەنلىكىنى بىلدۈرىدۇ.
(7) سېگنال رەقىمى 100- ياكى 100- دىنمۇ تۆۋەن بولسا ، يانفونىڭىز سېگنال تاپالمايدۇ ، بۇ ۋاقىتتا يانفونىڭىزنى ئۇچۇش شەكلىگە ياكى ئۆچۈرۋېتىشىڭىزنى تەۋسىيە قىلىمەن ، چۈنكى بۇنداق مۇھىتتا iPhone توختىماي ئۆزلىكىدىن سېگنال ئىزدەش بىلەن بىرگە باتارىيەدە خوراش چوڭ بولىدۇ ھەم رادىئاتسىيە بىرقەدەر كۈچلۈك ، ئادەم بەدىنىگە زىيانلىق ھېساپلىنىدۇ .
مانا بۇ مەن دوستلارغا تونۇشتۇرماقچى بولغان iPhone نىڭ بىر يوشۇرۇن ئىقتىدارى بولىدۇ ، يۇقىرىدا تونۇشتۇرۇپ ئۆتكەن ئۇسۇلدىكىدەك يانفوننى رەقەملىك سېگنال ھالىتىگە يۆتكىۋالسىڭىز ، تۇرۇشلۇق ئورۇن ياكى رايونىڭىزنىڭ قەيەرىدە سېگنال كۈچلۈك قەيەردە سېگنال ئاجىز ئىكەنلىكىنى يۈزەكى ئىگەللىشىڭىزغا قولايلىق دەپ قارايمەن ، ھەم شۇنىڭ بىلەن بىرگە مۇھىم تېلفونلارنى ئۇرماقچى بولغىنىڭىزدا بۇ ئۇسۇل ناھايىتى پايدىلىق ھېساپلىنىدۇ . تورداشلارغا پايدىسى تېگىپ قالسا ئەجەپ ئەمەس .
تامام
مۇنبىرىمىزنىڭ تەرەققىياتى ئۈچۈن ئېلانلارنى چېكىپ قويۇڭ . كۆپ رەھمەت!
| 
قۇربان ھېيت ئۆتۈپ كەتتى .. 
ئەمەلنىڭ ساۋابى تەڭداشسىز بولغان تەشرىق كۈنلىرى يەنە بىر يىللىق مۇساپە [em:26: ...
يوللىغان ۋاقتى 2013-1-1 19:35:07
يوللىغان ۋاقتى 2013-1-1 20:52:53
