ئەسسالامۇ ئەلەيكۇم مۇنبەر ئەھلى!
پاسىبان كۇلۇبىمىز ئىلگىرى بلوگدىن تەرەققىي قىلىپ، كۆپچىلىك تەڭ بەس-بەستە مۇنازىرە قىلالايدىغان مۇنبەر سۇپىسىغا ئۆزگەردى. مۇنبەر قۇرۇلغاندىن كىيىن ئاز بولمىغان ئالمىداشلارنىڭ ھاجىتىنى راۋا قىلىپ، يولۇققان قىيىنچىلىقلىرىنى مۇشۇ سۇپا ئارقىلىق ھەل قىلىپ ئازاراق بولسىمۇ ماددىي ۋە مەنىۋى جەھەتتىن مەنپەئەت ئالالىدى. مۇنبەرگە كىرىپ قىيىنچىلىقىنى ھەل قىلالىغان ۋە خۇرسەنچىلىك ھېس قىلالىغانلارنىڭ بولغىنى پېقىرنىڭ ئازراق بولسىمۇ ئەمگەك مىۋە دەرەخلىرىنىڭ بىخ سۈرىۋاتقانلىقىدىن دېرەك بەرگىنى ئىدى. ئەلبەتتە، بۇ مىۋىنى سۇ قۇيۇپ سۇغۇرۇپ، پەپىلەپ تۇرغان، كۈندە نەچچە رەت يوقلاپ تۇرىدىغان باشقۇرغۇچىلىرىمىزدىن ئايرىپ قارىغىلى بولمايدۇ.
شۇ ۋەجىدىن يىل ئاخىرىدىكى مۇشۇ نەچچە كۈن ئىچىدە مۇنبەرداشلار بىلەن بىللە ئولتۇرۇپ باشقۇرغۇچىلىرىمىز ئىچىدىن 2 باشقۇرغۇچىنى تاللاپ «2012-يىللىق تۆھپىكار باشقۇرغۇچى» قىلىپ بېكىتىشىنى قارار قىلدىم.
باشقۇرغۇچىلارغا بىلەت تاشلاشتا سىز مۇشۇ يىل جەريانىدىكى شۇ باشقۇرغۇچىنىڭ مۇنبەر ئومومىي تەرەققىياتىغا تۇتقان پوزىتسىيەسى، سىزگە يەتكۈزەلىگەن پايدىسى، باشقىلارغا قىلالىغان ياردىمى ... دېگەندەك ھەرخىل نوقتىلاردىن چىقىش قىلىپ تۇرۇپ تاللىسىڭىز بولىدۇ. تاللاش ھوقوقى نامزاتلارنىڭ ئۆزىدىمۇ بولىدۇ. شۇڭا باشقۇرغۇچىلار ئۆزى ئۆزىگىمۇ بىلەت تاشلىيالايدۇ.
باشقۇرغۇچىلارنىڭ ماتىرىيالىنى كۆرۈپ بىلەت تاشلايدىغانلارغا تۆۋەندىكى ئۇلىنىشنى قالدۇرۇپ قويدۇم. سىز بۇ ئۇلىنىش ئارقىلىق ھەر قايسى ئەزالارنىڭ يوللىغان تېمىسى، ئىنكاسلىرىنى كۆرەلەيسىز. بەلكى بۇ پائالىيەتكە ئەستايىدىل مۇئامىلە قىلىدىغان ئەزالار ئۈچۈن بۇ بىر پايدىلىق ماتىرىيال بولىشى مۇمكىن (ئىلگىرى-كىيىنلىك تەرتىۋى ھېچقانداق مەنا بىلدۈرمەيدۇ).
Jailbreakme ، Uzboy ، قاراخان ، Abdurexit ، ئاتامان ، Teddy ، ئابلەت ، بەھرام ، شاھزادە ، ahmatjan9191 ، ئۇچقۇر ، مۇسلىم .
ھەر بىر ئەزا ئەڭ كۆپ بولغاندا 3 باشقۇرغۇچىنى تاللاپ بىلەت تاشلىيالايدۇ. ئاخىرىدا نومۇرى ئەڭ كۆپ 2 باشقۇرغۇچىنى تاللاپ كىچىككىنە كۆڭۈل سوۋغىمىز بىلەن مۇكاپاتلىنىدۇ. بىرىنجى بولغان باشقۇرغۇچىمىزغا 20،000 مىللى ئامپىر سائەتلىك زەرەتلىگۈچ (ئايفونغا تەخمىنەن 6 قېتىم توك قاچىلىيالايدۇ)، ئىككىنجى بولغان باشقۇرغۇچىمىزغا 12،000 مىللى ئامپىر سائەتلىك زەرەتلىگۈچ (ئايفونغا تەخمىنەن 4 قېتىم توك قاچىلىيالايدۇ) ھەدىيە قىلىنىدۇ.
بۇ زەرەتلىگۈچنىڭ 2 ئېغىزى بار بولۇپ، بىرلا ۋاقىتتا بىر تال ئايفون ۋە بىر تال ئايپەدكە تەڭ توك قاچىلىيالايدۇ. 2.1 ئامپىرلىق ئېغىزى مەخسۇس ئايپەدنى زەرەتلەشكە تەييارلانغان. ئايفوننى زەرەتلىسىمۇ بولىدۇ، ئەلۋەتتە.
نەتىجە يىل ئاخىرىدىكى نەچچە كۈن ئىچىدە ئېلان قىلىنىدۇ. ھەر قايسى ئەزالارنىڭ ئاكتىپ قاتنىشىشىنى، تونۇش-بىلىشلىرىگە ئۆز-ئارا يەتكۈزۈپ قويۇشىنى سەمىمىيلىك بىلەن سورايمىز.
2012-يىلى 12-ئاينىڭ 31-كۈنىدىكى يېڭىلانغىنى:
بۈگۈن بىلەت تاشلاش ئاخىرلاشتى. نەتىجىدە باشقۇرغۇچىمىز بەھرام 1-لىككە، ئاتامان 2-لىككە ئېرىشتى. ھەر قايسىڭلار باشلىق بارلىق باشقۇرغۇچىلارغا تور بېتىمىزدىكى ئەزالار نامىدىن چوڭقۇر رەھمىتىمىزنى بىلدۈرىمىز! تېخىمۇ كۆپ كىشىلەرنىڭ قىيىنچىلىقىنى ھەل قىلىش ئۈستىدە تېخىمۇ كۆپ ۋاقىت چىقىرىدىغانلىقىڭلارغا ئىشىنىمىز. ئاللاھ رەھمەت قىلسۇن!
| 
قۇربان ھېيت ئۆتۈپ كەتتى .. 
ئەمەلنىڭ ساۋابى تەڭداشسىز بولغان تەشرىق كۈنلىرى يەنە بىر يىللىق مۇساپە [em:26: ...
يوللىغان ۋاقتى 2012-12-9 18:35:34
يوللىغان ۋاقتى 2012-12-9 21:05:16
يوللىغان ۋاقتى 2012-12-10 23:04:32
چاقچاقمۇ قىلىپ قويدۇم لىكىن بۇ باھالاش ھەقىقەتەنمۇ يېڭى ئىش بوپتۇ ماددى مۇكاپاتنىڭ كارى چاغلىق بولسىمۇ قىلغان ئەجرىنىڭ مۇئەييەنلەشتۈرۈلگىنىدىن ئىلھام ئېلىشى مۇمكىن باشقۇرغۇچىلارمۇ.
