iOS 6 دىن 5.1.1 گە چۈشۈش دەرسىلىكى

پاسىبان

ئالما شىركىتىنىڭ مەھسۇلاتىنى ئىشلىتىۋاتقانلارغا ناھايىتى ئايان. ئايفون، ئايپەد، ئايپود تاچ قاتارلىق iDevice لارنىڭ ھەممىسىدە سېستىمىنى يۇقىرى كۆتۈرۈشكە رۇخسەت. تۆۋەنلىتىشكە رۇخسەت يوق. ئەگەر 6.0 نى قاچىلىغان بولسىڭىز شۇ سەۋەبلىك 5.1.1 نى قايتا قاچىلىيالمايسىز. لېكىن بۈگۈن بىز بۇ تېمىمىزدا 6.0 دىن 5.1.1 گە قايتىپ چۈشۈش تېخنىكىسىنى ئۆگىتىمىز. بۇ مېنىڭچە كۆپ قىسىم تورداشلىرىمىزغا خوش خەۋەر بولسا كېرەك. تۆۋەندە iOS 6 گە چىقىۋېلىپ چۈشەلمەيۋاتقانلار ئۈچۈن پۇشايمان دورىسى ئېلىپ كەلدىم.

كېتەرلىك نەرسىلەر:

0. ئەسكەرتىپ قويۇشقا تېگىشلىكى شۇكى : بۇ ئۇسۇل بىلەن iPhone 4, 3GS ۋە iPod touch 4 لەرنىڭ سېستىمىسىنى تۆۋەنلەتكىلى بولىدۇ.
1. Redsn0w نىڭ 14b2 ۋىندوۋس نۇسقىسى (بۇيەردىن چۈشۈرۈڭ)
2. iOS 5.1.1 نىڭ سېستىما بولىقى (كۇلۇب باش بېتىدىن تېپىڭ)
3. ئايفونىڭىزنىڭ 5.1.1 گە ماس كېلىدىغان SHSH ھۆججىتى. ئەگەر بۇنى كومپىيۇتېرىڭىزغا ساقلىۋالمىغان بولسىڭىز Cydia مۇلازىمېتىرىدە بولسىمۇ بولىدۇ. Cydia نى بۇرۇن ئاچقان ۋاقتىڭىزدا ئۈستىدىكى SHSH Blobs قاتارىدا 5.1.1 بار بولغان بولسىلا بولىدۇ. ئەگەر بۇ بولمايدىكەن تېمىنىڭ ئاستىدىكى مەزمۇننى كۆرۈپمۇ يۈرمەڭ. چۈنكى بۇ تېمىنىڭ سىز ئۈچۈن ھېچقانداق ئەھمىيىتى يوق.

مەشغۇلات جەريانى
ئەمدى ئىشنى باشلايمىز. بايا چۈشۈرىۋالغان قىزىل قار redsn0w نى قوزغىتىمىز. بۇنىڭدىن قىزىل رامكىغا ئېلىنغان جاينى تەرتىپ بويىچە باسىمىز. بۇ يەردە ئايرىم خەتچىلاپ يېزىپ ئولتۇرماي.

IPSW نى باسقاندىن كىيىن بايا چۈشۈرۈپ قويغان 5.1.1 نىڭ سېستىما بولىقىنى كۆرسىتىپ بېرىمىز.

ئاندىن كىيىن ئاستىدىكى 2 كونۇپكا يورۇش ھالىتىگە ئۆتىدۇ. ئەگەر سىزنىڭ SHSH ھۆججىتىڭىز كومپىيۇتېرىڭىزدا بولسا Local نى بېسىپ كۆرسىتىپ بېرىڭ. Cydia مۇلازىمېتىرىدىن چۈشۈرمەكچى بولسىڭىز Cydia نى بېسىڭ. مەن Cydia نى باستىم.

Cydia دىن مېنىڭ تېلېفونىمغا ماس كېلىدىغان SHSH blobs نى تېپىپ چۈشۈرۈپ، بايىقى سېستىما بولىقىغا چاپلاپ يېڭىدىن بولاق تەييارلاشقا باشلايدۇ. ھەپىلەشمەي جىم تۇپتۇرىمىز.

ئۆزى تەييارلاپ بەرگەن سېستىما بولىقىنى ئادرېسىنى بىزگە ئەسكەرتىپ بېرىدۇ. بىز Back نى بېسىپ قايتىپ باش بېتىگە كېلىمىز.

قايتىپ كېلىپ ئاستى تەرەپتىكى ئۇچۇرغا دىققىتىڭىزنى بېرىڭ. ئۇلانغىنى iPhone 4 , iOS 6.0 مودىم نەشىرى 04.12.02 . ئاللاھ خالىسا بىر ئازدىن كىيىن سېستىما 5.1.1 گە تۆۋەنلەيدۇ. بۇ ھالەتتە بىز يەنە Extras نى باسىمىز.

يۇقارقى كۆزنەك چىققان چاغدا سىز ئايفوننى ئۆچۈرىسىز. ئۆچۈرۈپ كىيىنكى قەدەمدىكى DFU غا ئۆتۈش ئۈچۈن تەييارلىنىسىز.


DFU غا كىرىش ئۇسۇلى:
ئۆچۈرۈش كونۇپكىسىنى 3 سېكونت باسىمىز -› ئۆچۈرۈش كونۇپكىسىنى قويۇۋەتمەي ئاستىدىكى قايتىش كونۇپكىسىنى تەڭ 10 سېكونت باسىمىز -› ئۆچۈرۈش كونۇپكىسىنى قويۇۋېتىپ 15 سېكونت تۇرىمىز.
بۇ DFU غا كىرىش ئۇسۇلى. بۇ ئۇسۇلنى پىششىق بىلىۋالغاندىن كىيىن تەييارلىق پۈتكەندە Next نى باسىمىز ۋە DFU غا كىرىشنى باشلايمىز.

كىرىپ بولغاندا كۆزنەك ئاپتۇماتىك بۇ ھالەتكە ئۆتىدۇ. كىرەلمىسە ئەسكەرتىش كۆرىنىدۇ. تامام دەپ قويۇپ قايتا سىنايسىز.

تەييارلىق تامام. ئەمدى iTunes نى ئېچىپ بايىقى بىز بۇ قورال ئارقىلىق تەييارلىۋالغان سېستىما بولىقىنى تاللاپ سېستىمىنى ئەسلىگە قايتۇرىمىز. بىز بۇ ھالەتتە iTunes قا ئۇلىساق بۇ ئەسكەرتمە چىقىدۇ.

Shift بىلەن 恢复 نى بېسىپ بايا بىز تەييارلىۋالغان سېستىما بولىقىنى كۆرسىتىپ بېرىمىز.

سېستىما يېزىشقا باشلايدۇ. لېكىن ئالما مۇلازىمېتىرىدىن تەستىقلاش باسقۇچىدىن ئۆتۈپ كېتىدۇ. مانا بۇ بايىنىڭزى قىلىۋاتقان ئىشنىڭ ئەمگەك مىۋىسى (iPhone Dev Team غا رەھمەت، شۇنداقلا چۈشەندۈرگۈچى پېقىرغىمۇ رەھمەت ھەقاچان؟ ھا ھا ).

تېلېفوندىكى سېستىما يېزىش باسقۇچىنى كۈتۈپ تۇرىمىز. ئەگەر تەلىيىمىز بولسا سېستىما يېزىلىپ بولغاندىن كىيىن iTunes تا ئاپتۇماتىك پەيدا بولىدۇ. بىز خالىساق يېڭى iPhone دەپ تونىتىمىز، خالىساق بۇرۇنقى زاپاستىن قايتۇرىمىز. نېمىلا قىلايلى، 6.0 دىن 5.1.1 گە چۈشىۋالغان بولىمىز.
ئەگەر ماڭا ئوخشاش تۆۋەندىكىدەك كىچىككىنە ئاۋارىچىلىققا يولۇقسىڭىز بۇ ئۇسۇلنى قوللىنىسىز. بۇ ھالەتتە تېلېفوندا iTunes قا ئۇلاشنىڭ بەلگىسى چىقىپ تۇرىدۇ. بىز قايتىدىن redsn0w نى ئاچىمىز.

بۇ چاغدا بىز يەنە DFU غا كىرىشىمىز كېرەك. بۇ چاغدا تېلېفون يېقىغلىق ھالەتتە بولغاچقا ئۆچۈرۈش كونۇپكىسى بىلەن قايتىش كونۇپكىسىنى تەڭ باسىمىز، ئۆچىدۇ. لېكىن ئۆچۈپلا دەرھال قايتا قوزغىلىپ كېتىدۇ. شۇڭا ئۆچۈپ بولىشىغا ھەر ئىككى كونۇپكىنى قويىۋېتىپ يەنە دەرھال DFU غا كىرىشكە باشلىشىمىز كېرەك.
ئۆچۈرۈش كونۇپكىسى 3 سېكونت، ئۆچۈرۈش بىلەن قايتىشنى 10 سېكونت، قايتىشنى 15 سېكونت.
بۇ قېتىمقىسى بىر ئاز قىيىنغا توختىشى مۇمكىن. قايتا-قايتا سىنايمىز.

بۇ چاغدا بۇرۇن بىز بۇ ئارقىلىق تۈرمىدىن قاچۇرغانغا ئوخشاش ئايفونىمىزدا قاتتىق دېسكىنىڭ، ئاناناسنىڭ ۋە نۇرغۇن ئۇششاق خەتلەرنىڭ سۈرەتلىرى كۆرىنىدۇ. ھەممە مەشغۇلاتلار تاماملانغاندىن كىيىن ئايفون نورمال قوزغىلىدۇ ۋە 5.1.1 نى مۇۋاپپىقىيەتلىك قاچىلىغان بولىمىز.

ئەسكەرتىش: بۇ تېمىنى يازغۇچە ئۆزۈم سىناق قىلىپ ھەر بىر باسقۇچنى رەسىمگە تارتىپ يوللايمەن دەپ بەزىبىر قۇربانلىقلارنى بەردىم. 6.0 دە زاپاسلىغان نەرسىلىرىم غايىب بوپتۇ. تېلېفون دەپتىرى، تېلېفون خاتىرىسى، قىسقا ئۇچۇر، خاس تەڭشەكلىرىم، خاتىرە دەپتەردىكى ئۇچۇرلىرىمنىڭ ھېچقايسىسى يوق. ئەسلىگە كەلتۈرگىلى بولمىدى. كۆچۈرۈپ چاپلاشقا ماھىر تورداشلىرىمىزنىڭ ھەرقانداق ياخشى نىيىتى بىلەن بولسىمۇ باشقا جايلارغا چاپلاپ يۈرىشىنى خالىمايمەن. بۇ تېما پەقەت كۇلۇبىمىزدىلا تۇرغاي. ھەمكارلاشقىنىڭلارغا رەھمەت.

كېرەم

پاسىبان قېرىندىشىمىزغا رەخمەت،ئىشلىرىڭىز كاتتا بولسۇن. شۇنداق ئېسىل تېمىدىن بىرنى يوللاپسىز...
       مەن سىزدىن بىر ئىشنى سوراي دەپ يۈرەتتىم.
               مەندە ئامېرىكىنىڭiPhone 4S دىن بىرسى بار ئىدى، قانداق قىلسام تىلگىرافنىڭ كارتىسىنى تۇنتالامەن !!! ماڭا بىر يول كۆرسەتكەن بولسىڭىز.
      

ئەركە1

بۇ ئۇسۇل 4س غىمۇ بولامدۇ يوق مەن مۇشۇنى ساقلاۋاتقان ئىدىم ،لىكىن 4س بولمايدىكەن دەپ بار ئىدىغۇ.

پاسىبان

ئەركە1 يوللىغان ۋاقتى  2012-10-4 19:34
بۇ ئۇسۇل 4س غىمۇ بولامدۇ يوق مەن مۇشۇنى ساقلاۋاتقان ئىد ...

شۇنداق. iPhone 4, 3GS ۋە iPod touch 4 كە بولىدىكەن.

پاسىبان

كېرەم يوللىغان ۋاقتى  2012-10-4 19:29
پاسىبان قېرىندىشىمىزغا رەخمەت،ئىشلىرىڭىز كاتتا بولسۇ ...

Verizon نۇسقىچى بولمىسا تونىمايدۇ. تونۇتقانلارمۇ باركەن. لېكىن سېگنالى مۇقىم ئەمەسكەن.
بۇ تېمىدىن پايدىلىنىپ قالارسىز بەلكى:
http://blog.pasiban.com/iPhone-4s-cdma.html

ئەركە1

پاسىبان يوللىغان ۋاقتى  2012-10-4 19:36
شۇنداق. iPhone 4, 3GS ۋە iPod touch 4 كە بولىدىكەن.

ھە مۇنداق دەڭە مەن تىخى يىڭىدىن چىققىنى ئوخشايدۇ دەپ خوش بولۇپ كىتىپتىكەنمەن  ھەي....يەنە ساقلايدىغان بولدۇمدە .ئۇنداقتا سىز تىمىڭىزدا ئەسكەرتىپ قويۇڭ بولمىسا باشقىلارمۇ سوراپ قالمىسۇن يەنە...بەك ئىچىم سىقىلدى چۈشەلمەي تىزراق چىقسا بولاتتى.

ئەركە1

بۇ  6.0 توكنى بەك خورتىدىكەن سىلەرنىڭكىدىمۇ شۇنداقمۇ يە.

Esil

توك خوراش مەسىلسى راسلا ئغىركەن.6.0.1ياكى 6.1دەپ نەشىر يىڭللاپ ئوڭشىشى مومكىن بۇ مىنىڭ پەرىزىم.چۈنكى 5.0مۇ شۇنداق ئىدى 5.1.1دا تۈزەتكەن ھەم تۈرمدىن مۇكەممەل قاچقان.ھەي 5.1.1قەدرىڭ ئۆتۈلدى مانا.....

شاش تىكو

بۇ تىما يوللۇنۇپ ناھايىتى ياخشى ئىش بوپتۇ مىنىڭ قولۇمدا بىردانە iPhone4sبار ئىدى تۇرمىدىن قاچۇرۇغلۇق سىستىمانەشىرى 5.1.1ئىدى ئۇچۇر كەلمەيدىغان بوپقالغان ئىدى سىستىمىسدىن بىرەر تال ھۆججەتنى يۇيۇپ ساپتىكەنمەن بۇنىڭ كونا نەشىرى 5.1.1نى يىزىشقا ئامال بارمىدۇ تېلېفوننى يىڭى سىتىۋالغان shshنى تاقىۋەتكەندىن كىيىن ھازىر بۇنۇڭدا shshھۆججىتى يوق لىكىن تېلېفون ھازىرمۇ تۇرمىدىن قاچۇرۇغلۇق

روھچىن

shash  نى كۆرسىتىش باسقۇچىدا cydia دىن كۆرسەتمەكچى ئىچىم لېكىن local يۇرۇپ  cydia يۇرماي قويدى

نۇراخۇن

نېمەدەپ بۇ 4 ئەسچاقنى سىستىما كۆتۈرۈپ يۈرەر بولغىيتىم ؟ ئىسىت 5.1.1 ئازاپ ئىچىدە سىنى ئەسلەيمەن .
بۇ ئايفون مىنىڭمۇ يا ئالما شىركىتىنىڭمۇ ؟ نىمىدەپ خالىغان سىستىمىنى ئشلەتكىلى قويمايدىغاندۇ ؟

Teddy

ياخشى دەرسلىك. مەن 5.1.1 چىققان چاغدىلا دەل مۇشۇ ئۇسۇل بىلەن shsh بىلەن ipsw نى يۇغۇرۇپ بىر ھۆججەت قىلىۋاپتىكەنمەن. ھازىرغىچە ئاشۇنى ئىشلىتىۋاتىمەن، بەك قولايلىقكەن.

Abdurexit

مەن بايا قاراملارچە 6 نى قاچىلىۋەتتىم، بولمىسا 5.1.1 مۇ ناھايىتى نورمال يۈرۈشۈۋاتاتتى. كۆتۈرۈشتىن ئاۋۋال كۆپ ئويلاندىم... ئاخىرى نەشىر كۆتۈرۈپ يېڭى سىستېمىنىڭ ھۇزۇرىنى سۈرگۈم كەلدى. دەرۋەقە نەشىر كۆتۈرگەندىن كېيىن شۇنداق راھەر ھېس قىلدىم، ئەمدى مۇشۇ يېڭى نەشىر تۈرمىدىن قاچقۇچە ساقلىشىم مۇمكىن. بۇ يېڭى نەشرگە نۇرغۇن ئىقتىدارلار پەيدا بوپتۇ ياكى مۇكەممەللەشتۈرۈلۈپتۇ. ئەڭ قالتىس بولغىنى توربەتكە رىسىم قاتارلىق قوشۇمچىلارنى چىقىرىش ئۈچۈن Cydia دىن قاچىلايغان قىستۇرمىنى ئىشلەتمەيمۇ تور بەتلەرگە سۈرەت چىقارغىلى بولىدىكەن...

Abdurexit

ئۇيغۇرچە كىرگۈزۈشنى دېمىسە بۇندىن كېيىن تۈرمىدىن قاچۇرۇشنىڭمۇ كۆپ زۆرۈرىيىتى قالمىغاندەك ھېس قىلدىم.