ئايفون 5 سىېتىۋېلىشقا باھانىڭىز يوقمۇ؟؟؟

Abdurexit

مان Windows Phone7 يېڭىدا چىققاندا قىزىقىپ بىرنى سېتىۋېلىپ ئىشلەتكەن، مەنمۇ شۇ ئۇيغۇرچىغا ھەۋەس قىلىپ كۆرۈپ باقاي دېسەم ئەتراپىمدا يوق شۇنىڭ بىلەن بىرنى سېتىۋېلىپ ئويناپ باققان، مېنى تېلېفون تارىخىمدا ئەڭ زېرىكتۈرگىنى دەل ئاشۇ Windows Phone بولغان. ئۇنىڭدىن كېيىن ئاندروئىدنى سىناپ باقاي دەپ ئۇنىمۇ ئىشلىتىپ باقتىم، ھەر ھالدا بولىدىكەن دېگەن يەرگە كەلدىم. كېيىن بىردىن بىر سىناپ باقمىغىنىم ئالما بولۇپ قاپتۇ دەپ iPhone 4 تىن بىرنى (ئېلان قىلىنىپ بىر يېرىم ئايدىن كېيىن) سېتىۋالدىم ۋە يىلدا بىر نەچچە تېلېفوننى ئالماشتۇرىدىغان مەن ساراڭمۇ ئاخىرقى ھېسابتا ئالمىدا توختىدىم. سەۋەبى، مەن ئالمىدا ئۆزۈم ھاجەت بولغان ھەر قانداق مەشغۇلاتنى بىمالال بىجىرىپ كەلدىم. بىر ئىشنى دېسەم ھەيران قالىسىلەر، ئالدىنقى ھەپتە بىر يەردە بىرسىگە ساقلاپ يېرىم كۈن تۇرۇپ قالدىم. سائەت 12 بوپ كېتىۋاتاتتى، قولۇمدا سائەت ئىككىگە ئۈلگۈرتۈپ تەييارلىمىسام بولمايدىغان بىر ماتېرىيال بار ئىدى، ماتېرىيال تەييار بولسىمۇ ئۇنى كومپيۇتېرغا كىرگۈزۈشۈپ بولۇشۇم كېرەك ئىدى، مەندەك قولى نورمال ئادەم ئۈچۈن 20 بەتكە يېقىن  ماتېرىيالنى كومپيۇتېرغا ئۇرۇپ كىرگۈزۈشكە ئا دېگەندە بىر يېرىم سائەت كېتەتتى، ئۇنى ئۆزۈم ئۇقۇپ ئۆزۈم ئۇرۇشۇم كېرەك ئىدى... تىت - تىت بولۇۋتىمەن. تۇرۇپلا بىكار تۇرغۇچە ماتېرىيالنى ئايفوندىلا ئۇرغاچ تۇرمايمۇ دەپ ئۇرۇشقا باشلىدىم، ئالاھەزەل يېرىم سائەتلەردىن كېيىن كۆرۈشىدىغان ئادەم بىلەن كۆرۈشتۈم. شۇنىڭغىچە 3 بەت ماتېرىيالنى ئۇرۇپ ئايفونغا كىرگۈزۈپ بوپتىمەن. ھېلىقى بۇرادەر ئۇنىمىسام ئۇنىماي تاماققا باشلىدى، سائەت بىر بولۇپ كەتكەنىدى. ئاشخانىدا ئولتۇرۇپمۇ يەنە كىرگۈزدۈم... كومپيۇتېرنىڭ ئالدىغا بارغاندا سائەت ئاللىقاچان بىر يېرىم بولۇپ قالغانىدى. داۋامىنى كومپيۇتېردا كىرگۈزۈپ بايا ئايفوندا كىرگۈزگىنىمنى ئۇلاپ دەل سائەت 2 دىن 10 مىنۇت ئۆتكەندە ماتېرىيالنى پۈتتۈردۇم. دېمەك، شۇ ۋاقىتتا ئايفوننىڭ ھەقىقەتەن بىر قوللىنىشچان ئۈسكۈنە ئىكەنلىكىگە يەنە بىر قېتىم تەن بەردىم. ئەگەر مەن شۇ چاغدا ۋاقتنىڭ ئۆتكىنىگە تىت-تىت بولۇپ تېزراق كومپيۇتېرنىڭ ئالدىغا بېرىشنى كۈتۈپ ئولتۇرغان بولسام شۇ ماتېرىيالنى ھەرگىزمۇ سائەت 2 گە تەييارلاپ بولالمايتتىم...
گىپىمنى يەنە بىر تەكرارلىسام مەن ھازىرغىچە ئىشلەتكەن ئەقىلفونلار ئىچىدە مېنى ئۆزىگە ئايفوندەك مەپتۇن قىلغان يەنە بىر تېلېفون يوق. ئۇنىڭدىن باشقا ئايفون ئىشلىتىۋاتقان 2 يىلدىن ئارتۇقراق تارىخىمدا ئايفوننىڭ زادى قوللىنىشچان ئۈسكۈنە ئىكەنلىكىنى بارغانچە ھېس قىلىۋاتىمەن.
مەنمۇ Windows نىڭ تەرەققىياتىغا كۆڭۈل بۆلگۈچىلەرنىڭ بىرى. مەن Windows Vista چىققاندا بىرىنچى بولۇپ ئۇيغۇرچە كىرگۈزۈشتىكى بىر مەسىلىنى بايقاپ ئۇيغۇر سوفت ۋە ئالىم ئەخەتنىڭ ياردىمىدە مىكروسوفتقا مەلۇم قىلغان. بۇ مەسىلە ئورگان تەرەپنىڭ ئېتىراپ قىلىشىغا ئىرىشىپ Windows7 گە كەلگەندە بۇ مەسىلە تەلتۈكۈس ھەل بولغان (بىلىك كۇلۇبىغا كىرىپ تۇرىدىغانلار بۇنى بىلىشى مۇمكىن). ئەمدى ماۋۇ Windows8 گە ئۇيغۇرچە تىل بۇلىقىنىڭ قوشۇلىدىغانلىقىدىن خەۋەر تېپىپ ئىچ-ئىچىدىن ھاياجانلانغانلار ئىچىدە مەنمۇ بار. مەن ھازىرغىچە پەد ئالمىدىم. چۈنكى، مەن ئىشلىتىدىغان پەد كومپيۇتېرىمنىڭ Windows نىڭ ياردەمچىسى بولۇشى كېرەك. دېمەك، مەن ئۆيدە پۈتتۈرۈپ بولالمىغان مەشغۇلاتلىرىمنى پەدتە داۋاملاشتۇرالىشىم كېرەك. بازاردا Windows سىستېمىلىق پەد يوق ئىدى. مانا ئەمدى مىكروسوفت surface نى ئېلان قىلىش ئالدىدا تۇرىۋاتىدۇ. مەنمۇ surface غا ئىشتەي ساقلاپ تۇرىۋاتىمەن. surface دەل مەن ئارزۇ قىلغان پەد. تېخىمۇ خوشاللىنارلىق يىرى ئۇنىڭ ئارا يۈزىمۇ پۈتۈنلەي ئۇيغۇرچە (ئۇيغۇرچە تىل بۇلىقىنى قاچلىساقلا ئۇيغۇرچە بولىدۇ). ھازىر مەن ئۇنىڭ بازارغا سېلىنىشىنى كۈتىۋاتىمەن. مەن كەسپىي نۇسخىسىنى ئالىمەن. 6000 لارغىچە باھادا چىقالىسا جەزمەن بىرىنچى بولۇپ سېتىۋېلىشىم مۇمكىن. ئەمدى Windows Phone8 گە كەلسەك بۇنىڭ ئۇيغۇرچە بولۇشى ھازىرچە مۇمكىن ئەمەس، ئەمما ئۇيغۇرچە كىرگۈزۈش ئۇسۇلىنىڭ قېتىلىشىدىن ئۈمىدۋارمەن. ھازىر نوكىئانىڭ بۇ خىل يانفونلىرى بازارغا كىردى، تېخى ئۇنى ھېچقايسىمىز كۆرۈپ باقمىدۇق. كۆڭلۈمدىكى گەپنى قىلسام مەن يەنىلا iOS قا كۈنۈپ قاپتىمەن. تېلېفونغا iOS نى پەدكە Windows نى ئىشلىتەي.

ئاتامان

ئۆھھۆ ، ئۆھھۆ . . .

Abdurexit

ئاتامان يوللىغان ۋاقتى  2012-9-14 06:49
ئۆھھۆ ، ئۆھھۆ . . .

تەقسىر، نېمىگە ھۆ بوپ قاللىكىن؟

Esil

ئاتامان بۇرادەر قۇرۇق يۆتىلپ يۈرىۋەرمەي دوختۇرغا بىرڭلا ۋاقتدا.....

uyghurbeg

ئالما مەھسۇلاتلىرىنىڭ ئىچىدە ئايفون ھەممىدىن ياقتى، ھېلىقى مەكبۇك، ئالما كومپىيۇتېر ۋە ئايپەد3لەرنىمۇ ئويناپ باقتىم، لېكىن كۆڭلۈم ئايفوندا قالدى. بولۇپمۇ ئۇيغۇرچە كىرگۈزگۈچنى ئورنىتىۋالاندىن كېيىن.

تېلېفونىمدا نېمە قىلالايمەن، تورغا چىقىش، ئويۇن ئويناش، ئۇچۇر يوللاشنى دېمەيلى، بۇلاردىن باشقا بلوگىمغا كەلگەن ئىنكاسنى تەستىقلاپ جاۋاب يازالايمەن، دەرس سېتكامنى تۈزەلەيمەن، قۇرئان كەرىمنى قاچىلىغان، ئىنگىلىزچە تەرجىمىسىگە قاراپ ئوقۇيالايمەن، تېلېفونغا پۇل قاچىلاش ھەممىدىن قولاي، ياتاقداشلىرىم كارىۋېتىدىن قوپماي تۇرۇپ پۇل قاچىلىۋېتە دەيدۇ. 15 سىكۇنتتا قاچىلاپ بولىمەن، پۇلىنى قوپقاندىن كېيىن بىرىدۇ؛ بەزىدە سىرىتتا بولۇپ قېلىپ، كومپىيۇتېرغا چىقىش قولايلىق بولماي قالسا، خېرىدارلىرىمنىڭ تور ناملىرىنى باشقۇرۇش تەھرىرلەش توغرا كەلسە، شۇ ھامان تېلېفوندىلا قىلىۋېتىمەن.
ئىشقىلىپ كومپىيۇتېرىمدا قىلالايدىغان بلوگىمدا يازما يوللاش ۋە ئۇسلۇب ئۆزگەرتىش دېگەندەك تېخنىكىلىق ئىشلارنى قىلالمىغىنىم بىلەن، بۇ كىچىككىنە ئوقەت باشقا يىنىك ھاجەتلىرىمدىن ئىزچىل چىقىپ كەلدى.
ئەمما مەن ئالما مەستانىسى ئەمەس، 4sتى قولۇمدىكى، بەشىنچى ئەۋلاد چىقىدىكەن دېسە ھە دەپ قويدۇم، دىققەت قىلىپ كەتمىدىم، ئاخشام گۈدۈكنى ئاچسام ھە دەپ مۇشۇ ھەقتە مىكروبلوگلار بولۇپ كېتىپتۇ، خېلى كۆپ قىسىملار ئۈمىدسىزلەنگەن ئوخشايدۇ، ماڭىغۇ قولۇمدىكى تېلېفوننى ئىشلىتىۋەرسەم بولىدۇ، بۇرۇن 3GS ئىشلەتكەن، تۇرۇپ ئوقۇغۇچى بولغاندىكى مۇنداق قىممەت تېلېفوننى تۇتۇپ يۈرمەي سېتىۋېتىپ يەنە 3GS ئېلىۋالايمۇ يا دەپمۇ ئويلىدىم، 4s ئالماقچى بولغان تورداشلار بولسا سوراپ بېقىڭلار، ياخشى باھا چىقىپ قالسا سېتىۋېتىمەن...
Windows8گە كەلسەم، بۇرۇن ئۇيغۇرچىكەن دەپ Linuxنى قاچىلاپ باققان، ئەمما كۆڭلۈمدىكى گەپنى قىلسام، ياراتمىدىم. ياراتمىغانلىقىم ھەرگىزمۇ Linuxنى چۈشۈرگەنلىكىم ئەمەس، ماڭا سەل قولايسىز تۇيۇلدى، شۇنداق دېسەم ماڭا بۇنى تۇنۇشتۇرغان دوستۇم «شۇنداق، ئىچىدە ئويۇن يوق!»دەپ تەنە گەپ قىلدى، كۈلۈپ قويدۇم، مەن ئەزەلدىن ئويۇن ئوينىمايدىغان ئادەم، ئويۇن بولسا بولمىسا ماڭا بەرىبىر، بەلكىم ۋىندوۋس7گە كۆنۈپ قالدىم بولغاي. بۇ قېتىم ۋىندوۋس8 پۈتۈنلەي ئۇيغۇرچە ھالەتتە چىقىدىكەن دېسە، راستنى دېسەم ھاياجانلانمىدىم، لېكىن خۇرسەن بولدۇم، ناۋادا ۋىندوۋس8 چىقسا شۇنداقلا قولايلىقراق چىقسا، مەنمۇ بىرنى ئېلىشنى ئويلىشىۋاتىمەن ھەقلىق نەشىرىدىن.

ئاندىروئىد تېلېفوننى ئىشلىتىپ باقمىدىم، گۈرۈچفوننى باللانىڭ قولىدا كۆرۈپ باقتىم، يامان ئەمەس چىققان ئوخشايدۇ...

Abdurexit

ئېسىل پاراڭلار بولۇۋاتىدۇ، كۆڭلىمىزدىكى گەپنى قىلساق ئىچىمىز بوشاپ قالىدۇ، ئۇ نوچى، بۇ نوچى ئەمەس قايسى بىزنىڭ ھاجىتىمىزدىن چىقسا شۇ ئەڭ نوچى. ئۇيغۇربەگ دېگەندەك ئېلەت يوللاش، قوبۇل قىلىش، جاۋاب قايتۇرۇش، بلۇگقا كەلگەن ئىنكاسلارنى ئۆچۈرۈش، تەستىقلاش، ئىنكاس يېزىش، توردىن ماتېرىيال ئىزدەش، مەنىسىنى ئۇقالمىغان خەتلىرىم بولسا قولدا يېزىپ لۇغەتتىن ئۇيغۇرچە مەنىسىنى ئاقتۇرۇش...
مەن بىر نەرسىگە ھەيران، مېنىڭ ئەڭ كۆپ ئىشلەتكىنىم نوكىئا (سىمبيان سىستېمىسى)، ئۇ تېلېفونمۇ ھەر ھالدا ئادەتتىكى ھاجەتتىن چىقىپ قوياتتى، مەسىلەن، مۇھىم ئۇچۇرلارنى خاتىرىگە ئېلىش، تەھرىرلەش، سۈرەت تارتىش... ئويلاپ باقسام ئۇ تېلېفوندا تورنىڭ ھۇزۇرىنى سۈرۈپ باققىنىمنى ئۇقمايمەن، كېيىن ئاندروئىد بىلەن Windows Phone نى ئىشلىتىپ باقتىم، ئاندروئىدتا ئازراق تورنىڭ ھۇزۇرىنى سۈرگەندەك بولدۇم، Windows Phone مېنى شۇنداق جىلە قىلغان، ھەر ئىككىلىسى ئۇيغۇرچىنى قوللىمايتتى، يۇقىرىقىدەك بەزى ئادەتتىكى (ئايفونغا نىسبەتەن ئادەتتىكى) ھاجەتتىن چىقىشتىن يىراقتا ئىدى. ئەمما ماۋۇ پۇچۇق ئالما ئىشلەتكەنسېرى ئادەمنى ئۆزىگە ماگنتتەك تارتىدىكەن، سەۋەبى، بارغانچە ئۇنى ئۆزۈڭ ئۈچۈن خىزمەت قىلدۇرۇشنى ئۆگىنىدىكەنسەن

ئەركە1

ھەركاللىدا ھەرخىيال دېگەن شۇدە مانا...

PolatAlemdar

تىما يوللىغۇچى قېرىندىشىم
سىز باشقا توربەتلەرگىمۇ نەزەر سېلىپ بېقىڭ. باشقىلارنىڭ ئويلىغىنىمۇ كۈرۈپ بېقىڭ.
چەتئەلدىمۇ 40 ئادەمنىڭ يىگىرمە بەشى ياختۇرمىدۇق دەپ يۈرىدۇ. مەن مۇ شۇنىڭ ئىچىدە
http://bbs.bilik.biz/thread-25217-1-1.html بۇ يەرگىمۇبىر نەزەر سالاسىز.

ئاتامان

Abdurexit يوللىغان ۋاقتى  2012-9-14 07:05
تەقسىر، نېمىگە ھۆ بوپ قاللىكىن؟

ھۆ بولغان ئىش يوق، گېلىم ئاغرىپ قاپتۇ (سەپەرگە چىقاي دەپ تۇرسام).
(پوق يېگىسى كەپتۇ) دەيدىغانلار يوقتۇ ئارىمىزدا ؟ جاسوسلارچە ھىجايغان چىراي ئىپادىسى (يانفوندا يوقكەن كاساپەت)

jailbreakme

ئاپلا ما پولاتكامنىڭ زەردابى قايناپ قالغىچە مەن بېسىقتۇراي دەپ جاۋاپ بىرىپ بولسام يەنە كۈرۈپ قايناپلا قاپتۇ ئەمەسمۇ،  ئىنسان تەپەككۇرى ئەڭ بەك چۈشەنگەن شىركەت مۇشۇ apple بولدى، بۇرۇن مۇھەببەتنىڭ قەدرى تۇلۇق بار ئىدى، چۈنكى ئۇ ناھايىتى سىرلىق ئۇنىڭ سىرىنى بىلىش ئۈچۈن ناھايىتى ئۇزۇن ۋاقىت ۋە جەريان كىتەتتى. شۇنىڭ ئۈچۈن ئاشۇ مۇھەببەتكە جان تەقسىم قىلاتتىكەن، قاچان بۇ سىر ئاشكارلاندى، بۇ مەڭگۈ بەدەل تۆلەش ئەمەس، بەلكى ئوڭ يانغا 20-30 نى سول يانغا 20-30 نى تىزىپ قۇيۇپ كۈڭۈل خۇشى قىلدىغان نەرسىگە ئايلىنىپ قالدى، شۇنىڭ باھانىسىدە بىز مۇ باشقىلارغا  مۇھەببەت ئىزھار قىلماس ۋە ئىشەنمەس بولدۇق.  apple  تۇنجى مەھسۇلات ئېلان قىلنىشتىن باشلاپ مۇشۇ كەمگىچە سىرلىق نەرسىنىڭ ھەقىقىي قەدرىنى تۇنۇتقان لىكىن مۇشۇ iPhone 5 دە ئۇنداق بولمىدى، سىرلىق نەرسە ئاشكارلىنىپ كەتتى، ۋاي بۇنداق چىقماس يەنىىلام سەۋىر قىللى دىسە، يەنە شۇنداق چىقتى.  بەلكى ھازىرقى سەپلىمىدە بۇلۇپمۇ ئاشۇ ئۇسلۇپلىرى ئاشكارلىنىپ كەتمەي تۇرۇپ چىققان بولسا ئىدى، بۇ مۇنبەردىلام ئەمەس بارلىق مۇنبەردە بۇنداق قارشىلىق ئىنكاس پەيدا بولمىغان ئىدى،  apple دىكىلەر كەڭ تالىقىنى تەڭشەپ  ھازىرقىدىن نىپىز چىقىرالايتى، ئەمما ئۇنى كېلەركى يىلدىكى مەھسۇلاتقا ئېپ قويدى، يەنە app store  دىكى نۇرغۇن ئەپلەرنىڭ كاشلىسىدىنمۇ قوققان بولدى، لىكىن بۇلار ئۇنى ھەل قىلىپ بولغان، بۇلارنىڭ بىزگە ئېلىپ كەلگەن  خوشاللىقى كۆپ بولسىمۇ، يىلدا 5000 دىن بىر تىلاۇن ئالماشتۇرغۇزىشى كاللىغا سىغمىدى، ئۇ مەيلى دىسەك ھەقىقەتەنمۇ بۇلار  بۇ نۆۋەت iPhone 5 دە ياساش ھۈنەرسەنئىتىدە  ئۇتتۇرۇپ قويدى. jobs دەك ئاقىلانە كىشىنىڭ تاللىغىنى مۇشۇنداق  سەنئەت پۇرىقى يوق كىشىمىدۇ، دەپمۇ ئۈلگۈردى. baidu لاپ ياكى بولمىسا تام ئاتلىيالىسىڭىز youtube غا كىرىپ samsung s3 nokia lumia 920 لەرنىمۇ كۈرۈپ قۇيۇڭ.

jailbreakme

ئاتامان يوللىغان ۋاقتى  2012-9-14 11:03
چىرايلىقچە پاراڭلىشايلى قېرىنداشلار! كۆز قارىشىمىزنى  ...

مىنى دىمەكچىمۇ نېمە سىلە،  نىمىشقا مەقسىدىمنى تۇلۇق چۈشەندۈرەلمەيدىغان دىمە.

PolatAlemdar

ئاتامان يوللىغان ۋاقتى  2012-9-14 11:03
چىرايلىقچە پاراڭلىشايلى قېرىنداشلار! كۆز قارىشىمىزنى  ...

ماڭا دىمەيۋاتقانلا؟ كۈزقاراش تاڭمىدۇق. كۈز قارىشىمىزنى ئوتتۇرۇغا قويدۇق.
دىمەك بىزنىڭ كۆزقارىشىمىز بەزىلەرگە تىگىپ كىتىپ قاپتۇ. ئەسلى ۋاي يىڭى ئالما جان ئالما
ئالمىغانلا ئارماندا دېگەن بولساق ھە ما بۇرادەرنىڭ سېپى مەن تەرەپتىكەن دىسە؟

PolatAlemdar

ئۇلۇغ جۈمئى نىڭ خاتىراسى
يىڭى ئالما نەشپۈت توغرىسىدا تالاشقۇم يوق بۇرادەرلە.
يۈيۈك تاھارەت ئېلىپ نامازغا تەييارلىق قىلاي.

ئاتامان

ھەممىڭلارغا دېمەكچى، مەن ئاۋۇ ئىنكاسنى يازغاندا سىلىنىڭ ئىنكاسىڭلا يوقتى، يوللاپ بولۇپ قارىسام تۇرىدۇ.

ئاتامان

مەن بىرەرسىڭلىغا قارىتىپ دېمىدىم، يېڭى ئايفوننىڭ سىزگە ياراش يارىماسلىقى مەن بىلەن مۇناسىۋەتسىز. كومپيۇتېردا چىقىش ئىمكانىيىتى تۇغۇلغاندا مەنمۇ كۆز قارىشىمنى ئوتتۇرىغا قويۇپ باقايمىكىن ؟ ناۋادا تېما كۆز قاراش دائىرىسىن چەتنەپ جېدەل دەرۋازىسىنىڭ ئىشىكىنى چېكىپ سالسا، ئۆچۈرۈپلا قۇتۇلمايمىزمۇ؟ ھا ھا ھا

ھۆرمەتلىك قېرىنداشلىرىم، ھەممىڭلار پاسىبان مۇنبىرىنىڭ ئەزىز ئىشتىراكچىلىرى، سىلەر بولغاچقا بۇ مۇنبەر تەرەققىي قىلىۋاتىدۇ. اللە ھەممىڭلارغا ئىتتىپاقلىق ئاتا قىلغاي،  ئامىن!

گەپنى مۇشۇ يەردە ئاخىرلاشتۇراي، يەنە سۆزلىسەم ئايروپىلانغا ئۈلگۈرەلمىگۈدەكمەن، كۆرۈشكىچە ھەممىڭلار ئامان بولۇڭلار !