|
Cydia دا كۆپ كۆرۈلىدىغان خاتالىقلار ھەققىدە
Cydia بولسا ھەممىمىزگە تونۇشلۇق بولغان ، ھەم iDevice لارنى تۈرمىدىن قاچۇرۇپ بولغاندىن كېيىن iDevice لارغا ئۆزلىكىدىن قاچىلىنىدىغان قىستۇرما باشقۇرۇش ۋە قاچىلاش مەنبەيى . قالغان تەپسىلاتىنى تونۇشتۇرمىساممۇ دوستلارنىڭ ھەممىسىگە ئايان بولغاي . بۈگۈن دوستلارنىڭ ھوزۇرىغا سۇنىدىغىنىم بولسا ، iDevice لارنى تۈرمىدىن قاچۇرۇپ بولۇپ Cydia نى ئىشلىتىش جەريانىدا كۆپ كۆرۈلىدىغان قىزىل رەڭلىك ياكى سېرىق رەڭلىك خاتالىقلار چۈشەندۈرۈلىشى ۋە بەلگىلىك ھەل قىلىش ئۇسۇلى ( ئاساسلىقى ئېنتىرنېت ۋە مۇلازىمېتىر سەۋەبى تۈپەيلىدىن كېلىپ چىققان خاتالىقلار) .
1. I wasn’t able to locate file for the XXX package.This might mean you need to manually fix this package
مەنىسى : يەرلىك بولاق جەدۋەل ئۇچۇرىدىن مەنبە مۇلازىمېتىر ئىچىدىكى XXX غا ماس كېلىدىغان قاچىلاش بولىقىنى تاپالمىدى ، بۇ بەلكىم سىزنىڭ ئۆزىڭىز مەزكۇر بولاق جەدۋەل ئۇچۇرى ھۆججىتىنى ئەسلىگە كەلتۈرىشىڭىزنى تەلەپ قىلىدۇ .
ئادەتتىكى ھەل قىلىش ئۇسۇلى : Cydia دىن چېكىنىپ چىقىپ قايتا قوزغىتىڭ . ئاندىن 变更 ياكى Changes دېگەننى بېسىپ سول تەرەپ ئوڭدىكى 刷新 ياكى Refresh دېگەننى بېسىڭ . بۇنداق بولغاندا يەرلىك بولاق جەدۋەل ئۇچۇرىڭىز يېڭىلىنىپ مۇلازىمېتىر بىلەن ماسقەدەملىنىدۇ .
2. Host Unreachable ۋە Cache Failure
مەنىسى : مەنبە مۇلازىمېتىرىغا ئۇلانمىغانلىق سەۋەبىدىن ، قاچىلاش بولىقىنىڭ جەدۋەل تىزىملىكى يەرلىك ھۆججەت سېستىمىسىغا چۈشۈرۈش مۇۋاپىقىيەتلىك بولمىدى .
ئادەتتىكى ھەل قىلىش ئۇسۇلى : ئالدى بىلەن iDevice دىكى تور ئۇلىنىشىنى تەكشۈرۈپ بېقىڭ ، مەيلى WIFI بولسۇن ياكى 3G, EDGE بولسۇن ، چوقۇم تورىڭىز مۇقىم بولسۇن ، بەزىدە تور سۈرئىتى بەك ئاستا بولسىمۇ مۇشۇنداق مەسىلە يۈز بېرىدۇ . تور مۇھىتى ئالماشتۇرۇش ياكى يۇقارقى 1-مەسىلىنىڭ ھەل قىلىش ئۇسۇلىدەك مەشغۇلات قىلسىڭىز ئوڭشىلىدۇ .
3. ئەگەر خاتالىق ئۇچۇرىدا GPG دېگەن سۆز بولسىلا ، بۇ كۆپىنچە ئەھۋال ئاستىدا خاتالىق ئۇچۇرى قىستۇرما مەنبەسىنىڭ گۇۋاھنامىسى بىلەن مۇناسىۋەتلىك بولىدۇ . بەزى قىستۇرما مەنبەلىرىنىڭ گۇۋاھنامىسى يوق ياكى ۋاقتى ئۆتۈپ كەتكەن ئەھۋال ئاستىدا مەزكۇر خاتالىق يۈز بېرىدۇ .
4. sub-process /bin/bzip2 returned an error code 2
ئادەتتىكى ھەل قىلىش ئۇسۇلى : بۇ خاتالىق ئۇچۇرىنىڭ يۈز بېرىشىمۇ تور مۇھىتى بىلەن باغلىنىشلىق ، بۇ /bin/bzip2 پروگراممىسىدىن پايدىلىنىپ ، چۈشۈرگەن ھۆججەتنى پىرىستىن يېشىش جەريانىدا كۆرۈلىدىغان خاتالىقتىن ئىبارەت . ھەل قىلىش ئۇسۇلى 2-مەسىلىنىڭ ھەل قىلىش ئۇسۇلىغا ئوخشايدۇ ، چۈشۈرگەن ھۆججەت ياكى قىستۇرما مۇۋاپىقىيەتلىك قاچىلانمىغان بولسا ، تور مۇھىتىڭىزنى ئالماشتۇرۇپ ئاندىن قايتا چۈشۈرۈپ سىناپ كۆرۈڭ .
5 The list of sources could not be read.
Malformed line 2 in source list
/etc/apt/sources.list.d/cydia.list dist
مەنىسى : بۇ خاتالىقنىڭ كېلىپ چىقىش سەۋەبى بولسا مەنبەنىڭ جەدۋەل ھۆججىتىنى ئوقۇپ چىقىش جەريانى مۇۋاپىقىيەتلىك بولمىغان سەۋەبلىكتىن ئىبارەت . ھەمدە سىزگە خاتالىق ئۇچرىغان ئورۇننىڭ مەنبە جەدۋەل ھۆججىتىنىڭ 2-قۇر ئىكەنلىكىنى كۆرسىتىپ بەردى . كۆپىنچە ئەھۋال ئاستىدا ، Cydia.list بۇ ھۆججەت ساقلانغان مەنبەدىن چاتاق چىقسىمۇ يۇقارقىدەك خاتالىق يۈز بېرىدۇ ، ھازىرچە ئۈنۈملۈك ھەل قىلىش ئۇسۇلىنى ئىزدەپ تاپالمىدىم .
6.Did not find repository
The indicated repository could not befound this could be because you are trying to add a legacy installer repositoey (these are not supported). Also ,this interface is only capable of working with exact repository URLs
If you host a repository and are having issues please contact the author of Cydia with any questions you have.
مەنىسى : بۇ خاتالىقنىڭ كېلىپ چىقىشى ھۆججەت سېستىمىسى ياكى مۇلازىمېتر تورى بىلەن ئانچە مۇناسىۋېتى يوق . بۇ خاتالىق Cydia غا قوشۇلغان مەنبەنىڭ خاتالىقىنى كۆرسىتىدۇ ، بۇ نېمە گەپ دېگەندە ، سىز ئۆزىڭىز قىستۇرما قاچىلاش ئۈچۈن Cydia غا قوشقان بۇ مەنبەنىڭ مەنبە تەسۋىر ھۆججەت ئۇچۇرىنى تاپالمىغاندا يۇقارقىدەك خاتالىق يۈز بېرىدۇ ، مېنىڭ تەكلىپىم ، ئەگەر سىز مەنبە ئادېرىسىنى خاتا كىرگۈزمىگەن بولسىڭىز ، بۇ مەنبەنى قوشمىسىڭىزمۇ بولىدۇ .
7. HTTP/1.1 404 Not Found
مەنىسى : مېنىڭچە بۇ خاتالىق Cydia دا ئەڭ كۆپ كۆرۈلىدىغان خاتالىق ئۇچۇرى ، بۇ بەزى چەتئەل مەنبەلىرىنى جۇڭگودا قوشالماسلىقتىن كېلىپ چىقىدۇ ، يەنى مەنبە ئادېرىسى تەسۋىر ھۆججىتىنىڭ ئىچىدە خاتالىق بارلىقىدىن دېرەك بېرىدۇ ، شۇنداقلا Cydia نىڭ بۇ مەنبەگە ئائىت ھېچقانداق ئۇچۇرغا ئىگە بولمىغانلىقىنى كۆرسىتىدۇ .
8. Source Warning
This repository has been reported by the community to be illegally redistributing copyrighted works.
مەنىسى : كەسكىن قىلىپ ئېيتقاندا ، بۇنى خاتالىق ئۇچۇرى دېيىشكە بولمايدۇ ، چۈنكى بۇ Cydia نىڭ ئاتىسى بولغان پېشقەدەم پروگراممېر Saurik نىڭ Cydia ئىچىدىكى مەنبەلەرنىڭ نەشىر ھوقۇقىنى قوغداش ئۈچۈن يازغان بىر ئەسكەرتىش ، بۇ ئەسكەرتىش ئادەتتە سىز يېڭى مەنبە قوشقاندا كۆرۈلىدۇ ، بولۇپمۇ دۆلىتىمىزنىڭ خەنزۇ تىلىدىكى مەنبەلىرىنى قوشقاندا . سىز قوشقان شۇ مەنبە باشقىلار تەرىپىدىن پاش قىلىنغان ياكى Cydia مۇلازىمېتىرى تەرىپىدىن قارا تىزىملىككە قوشۇپ قويغان بولىشى مۇمكىن ، چۈنكى بۇ مەنبە ئىچىدە بىرقانچە نەشىر ھوقۇقىغا دەخلى تەرۈز قىلىدىغان ئەپ ياكى قىستۇرمىلار بولىشى مۇمكىن ، Cydia مۇلازىمېتىرىنىڭ تەسىتىقىدىن ئۆتمىگەن ئەھۋال ئاستىدا سىزگە بىر كۆزنەك ئەسكەرتىشى بېرىدۇ ھەم دىققەت قىلىشىڭىزنى تەكىتلەيدۇ . لېكىن ، Jay Freeman دېگەن بۇ ئادەم (يەنى Saurik نىڭ ئەسلى ئىسمى ) خېلى كەڭ قوساق ئىكەن ، سىز قوشقان بۇ مەنبە قانۇنغا خىلاپ ھەم نەشىر ھوقۇقىغا دەخلى تەرۈز قىلغان بولسىمۇ ، قوشۇشىڭىزنى توسىماستىن بەلكى يۇقارقى شۇ ئەسكەرتىشنى بېرىپلا Add Anyway (قانداق بولىشىدىن قەتئىي نەزەر بۇ مەنبەنى قوشىمەن دىمەكچى) دېگەن كۇنۇپكىسىنى تەمىنلەيدۇ . 
تامام! بۇ يازمىنى ئاخىرىدا بەھرام تەھرىرلىگەن. ۋاقتى 2012-8-31 11:39
| 
يوللىغان ۋاقتى 2012-8-30 20:37:32
يوللىغان ۋاقتى 2012-8-31 18:52:42
