iOS قاچقۇنلىرىغا ئەڭ يېڭى شۇم خەۋەر

Abdurexit

مۇشۇ ئاينىڭ بېشىدا خەنزۇچە مۇنبەرلەردە iOS نىڭ ئەڭ يېڭى نەشرى 5.1 نىڭ تۈرمىدىن قېچىش ئۇسۇلى ۋە قورالىنىڭ 4-ئاينىڭ 20-كۈنىدىن 24-كۈنىگىچە بولغان ئارىلىقتا ئېلان قىلىنىدىغانلىقىنى خەۋەر قىلىشقانىدى. تۇرمىدىن قېچىش ئارزۇسىدىكى ئالما ھەۋەسكارلىرى بۇ كۈننى ئىنتىزارلىق ئىچىدە كۈتكەن، مانا ئەمدى ئەينى ۋاقىتتىكى خەۋەردە ئېيتىلغان ئاخىرقى چەككە ئۇلىشىپ تۈرمىدىن قېچىش ئۇسۇلى ۋە قورالىنى تۆت كۆز بىلەن كۈتىۋاتقاندا ئويلىمىغان يەردىن ئۇ يەر، بۇ يەردە شۇم خەۋەرلەر ئېلان قىلىنىشقا باشلىدى؛ خەۋەرلەردە بىردەك تۈرمىدىن قېچىش قورالىنىڭ ئېلان قىلىنىش ۋاقتىنىڭ يەنە كەينىگە سۈرۈلگەنلىكى قەيت قىلىنماقتا،  سۈرۈلۈش چېكى ئېنىق ئەمەس، بەلكىم بىرەر ئاي ئەپچۆرىسىدە كېچىكىشى مۇمكىن ئىكەن. دېمەك، يەنە 5-ئاينىڭ ئاخىرلىرىدا بىر گەپ بولىدىغاندەك...
5.1 نەشر ئېلان قىلىنىپ ئەتىسىدىن باشلاپلا تۈرمىدىن قاچۇرۇش ئۇستىلىرىنىڭ خۇش خەۋەرلىرى تارقىلىشقا باشلىغانىدى، تولىمۇ ئەپسۇس... مانا كۈتە، كۈتە ئىككى ئاي ۋاقىت ئۆتكەن بۈگۈنكى كۈندىمۇ بۇ جەھەتتە ھېچبىر ئىلگىرىلەش بولمىدى.
مەنغۇ تۈرمىدىن قاچۇرماي ئىشلىتىپمۇ كۈنۈپ كەتتىم، تېگى-تەكتىدىن قارىغاندا ۋە ئەستايىدىل ئويلانغاندا تۈرمىدىن قاچۇرۇش ئۇنچىۋالامۇ زۆرۈر ئەمەس. app store دا نۇرغۇن ئېسىل ئەپلەر بىزنىڭ ئىشلىتىشىمىزنى كۈتۈپ تۇرۇپتۇ. ھازىر مەن تېلېفونۇمنى ئاساسىي جەھەتتىن ھەممە ئېھتىياجىمدىن چىققۇدەك ھالغا كەلتۈرۈپ بولدۇم، ئۇيغۇرچە فۇنتنى نەزەردىن ساقىت قىلغاندا تۈرمىدىن قاچۇرۇشقا ئۇنچە بەك ئېھتىياجلىقمۇ ئەمەسمەن.
تورداشلارنىڭ سەۋرچانلىق بىلەن ساقلىشىنى تەۋسىيە قىلىمەن. مەن 20 كۈن ئالدىدا تۈرمىدىن قېچىش قورالىنىڭ 4-ئاينىڭ 20-كۈنىدىن 24-كۈنىگىچە بولغان ئارىلىقتا ئېلان قىلىنىدۇ دېگەن خەۋەرلەرگە ئانچە ئىشەنمىگەن، «ھەر قانچە بولسىمۇ بۇنچە سۈرۈلۈپ كەتمەس» دەپ ئويلىغانىدىم، دەرۋەقە ئاشۇ خەۋەر راست بولۇپ چىقتى... مۇشۇنداق قىلىپ 5.1 نىڭ تۈرمىدىن قاچۇرۇش قورالى چىقىپ بولغۇچە ئالما گاچچىدە 5.2 ياكى 5.1.1 نى ئېلان قىلىپ تۈرمىدىن قاچۇرغۇچىلارغا يەنە يېڭى قىيىنچىلىقلارنى تۇغدۇرۇپ بەرمىسە بولاتتىغۇ! ھازىر بۇ ئېھتىماللىقنى چەتكە قاققىلى بولمايدىغان بولۇپ قالدى.



خەنزۇچە خەۋەرلەردىن ئۆزلەشتۈرۈلدى. باشقا مۇنبەرگە يۆتكىسىىڭىز ئاپتورنى ئەسكەرتىڭ.
ئەسلى خەۋەر مەنبەلىرى: http://iphone.91.com/content/2012-04-23/20120423225641599.shtml
http://zx.sj.91.com/content/2012-04-23/20120423233833312.shtml

پاسىبان

كۆنۈپ قالسا قاچمىسىمۇ بولىۋېرىدىكەن ئەسلى. مەن ھازىر تۈرمىدىن قېچىپ تۇرۇپ قاچماسلىققا كۆنۈۋاتىمەن. چۈنكى ئامېرىكا نۇسقىسى بولغاچ قاچماي ئامال يوق بولىۋاتىدۇ. لېكىن باشقا نەرسىلەرنى خۇددى قاچمىغاندەك ئىشلىتىۋاتىمەن. بولىدىغان ئىشكەن قاچماسلىقمۇ. شۇڭا ئۇزۇن بولدى تۈرمىدىن قېچىش توغرىسىدا خەۋەرلەرنى ئىزدىمەي قويدۇم.