ئاق ئۈجمە ۋە قارا ئۈجمە

oylirim · ۋاقتى: 2014-3-31 11:58:39


	ئاق ئۈجمە ۋە قارا ئۈجمە (مەسەل) بىر قېتىملىق قاتتىق بوران ئەمدىلا شېخىدىن ئۈزۈلۈپ چۈشكەن ئىككى تالئۈجمىنى ئۆزئارا ئۇچراشتۇرۇپتۇ. بۇلارنىڭ بىرى ياۋا ئۈجمە، يەنە بىرى ئاق ئۈجمە ئىكەن. ئۇلار ئۆزئارا سىردىشىپ يېقىن دوستلاردىن بولۇپ قالماقچى بوپتۇ. - سېنىڭ قانداق گۈزەل ئارزۇلىرىڭ بار؟ - دەپسوراپتۇ ياۋا ئۈجمە ئاق ئۈجمىدىن. ئاق ئۈجمە يىراقلارغا تىكىلگەن ھالدا شۇنداق جاۋاب بېرىپتۇ: - ئاتا-بوۋام ئۆزىنىڭ ئېسىل پەزىلىتى بىلەنياشاپ، بىر ئۆمۈر قۇشلار بىلەن ئىنسانلارغا نەپ ئاتا قىلىپ ياشاپتۇ، مەنمۇ ئۇلارغائوخشاش ياشىسام دەيمەن. ئاق ئۈجمىنىڭ سۆزلىرىنى ئاڭلىغان ياۋا ئۈجمە قاقاقلاپ كۈلۈپ كېتىپتۇ: - ۋاي ئەخمەق! بۇنداق ياشىغاننىڭ نېمە راھىتىبولسۇن؟ ھەجەپ سۆگەتكە ئوخشاش بەزى دەرەخلەر ئېرىق - ئۆستەڭ بويلىرىدا تەييارغا ھەيياربولۇپ، خۇشال ياشايدىكەنغۇ؟ مېنىڭمۇ ئاشۇنداق ياشىغۇم بار. ئۇلارنىڭ سۆزى داۋاملىشىپ، كۆپ ۋاقىت ئۆتمەي شارىلداپ يامغۇر يېغىپ كېتىپتۇ.ئاق ئۈجمە بىر توپىلىق يول بويىغا، ياۋا ئۈجمە بولسا بىر گۈزەل باغقا كېلىپ قاپتۇ.ئۇلار ئىككىسى ئۆز ئورۇنلىرىدا چاققانلىق بىلەن يىلتىز تارتىپ كۆكلەپتۇ. ئاق ئۈجمەكۆڭلىدە «بۇ توپىلىق يول بويىدا كۆكلەپ قالسام، كىشىلەرگە سايە بېرەلەيمەن» دەپ ئويلىغانبولسىمۇ، بىراق سۇ مەنبەسىدىن يىراقتا بولغاچقا، ئۇسسۇزلۇقتا چاڭقاپ، بارا-بارا ھالسىزلىنىشقاباشلاپتۇ. شۇنداقتىمۇ ئۇ ئاخىرقى ئۈمىدى بىلەن «ناۋادا قۇرۇپ قالسام، دېھقانلارنىڭبىرەر ۋاخ تامىقىغا بولسىمۇ ئوتۇن بولۇپ قالارمەن» دەپ ئويلاپتۇ. دەل شۇ چاغدا يولداناخشا ئېيتىپ كېلىۋاتقان بىر دېھقان تۇيۇقسىز ئۇنى كۆرۈپ قاپتۇ-دە «ۋوي، بۇ ئاق ئۈجمەكۆچىتىكەنغۇ؟ ئاق ئۈجمە دېگەن ياخشىلىق ھەم بەرىكەتنىڭ بەلگىسى» دېگىنىچە ئۇنى ئاۋايلاپكۆچۈرۈپ ئېلىپ ئۆز ھويلىسىغا تىكىپ ئۆستۈرۈپتۇ. ياۋا ئۈجمە بولسا، باغ ئىچىدە غەمسىز، خۇشال-خورام كۆكلەۋاتقان كۈنلەرنىڭبىرىدە تۇيۇقسىز باغۋەن تەرىپىدىن بايقىلىپ قاپتۇ. باغۋەن ئۇنى كۆرۈپ «بۇ ياۋا ئۈجمەنەدىن پەيدا بوپقالدى؟» دېگىنىچە، پالتىسى بىلەن يىلتىزىدىن چېپىپ تاشلاپتۇ. شۇنداق، كىشىلىك ھاياتتىكى نۇرغۇن ئىشلار مۇشۇنىڭغا ئوخشاپ كېتىدۇ. بەزىلەركىچىككىنە بىر نەرسىنى بىلىۋىلىپلا، ھەدەپ راھەتپەرەسلىككە، ئويۇن تاماشىغا ئىنتىلىدۇ،قانداقتۇر يوللار ئارقىلىق ئۇتۇق قازانماقچى بولىدۇ-يۇ، ئاخىرقى ھېسابتا ھەممىدىن مەھرۇمبولىدۇ. ئەمما، ئۇلۇغۋار غايىگە ئىگە كىشىلەر بولسا ھەمىشە باشقىلارنى ئويلايدىغانبولغاچقا، گەرچە قىيىنچىلىق تارتىپ، بىر مەزگىل جاپا مۇشەققەتتە قالسىمۇ، ھامان باشقىلارتەرىپىدىن بايقىلىپ، چولپان يۇلتۇزدەك جۇلالىنىپ چاقنايدۇ. ئىنسان ئۆز بەخت سائادىتىنىياخشى بولغان شەرت-شارائىتلاردىن ۋە ياكى باشقىلارنىڭ چاپىنىدا تەرلەشتىن ئەمەس، بەلكىتوغرا بولغان كىشىلىك نىشان، مۇستەھكەم ئىرادە ۋە تىرىشچانلىقتىن تاپىدۇ. ئىنسان ھاياتىنىڭچىن مەنىسىمۇ، باشقىلار ئۈچۈن قىلالىغان مىننەتسىز ياردىمىدە، ئۆز غايىسى ئۈچۈن تۆكۈلگەنساپ تەرىدە، شۇنداقلا ئىنسانىيەت ئۈچۈن قوشالىغان تۆھپىسىدە ۋە ئىجاد مېھنىتىدە. ھەممىمىزنىڭقەلبىدە ئۇلۇغۋار ئارزۇلار چوڭقۇر يىلتىز تارتسۇن! چۈنكى، ئۇ بىزنى ھەرۋاقىت تىنىمسىزئىلگىرلەشكە، ئىسسىق-سوغۇق، بوران-چاپقۇنلاردا تاۋلىنىشقا، ئادىمىيلىك دەرىخىمىزنىكۆكلىتىپ ئەلگە مېۋە بېرىشكە ئۈندەيدۇ. قىسقىسى، ئۇ بىزنى ئادىمىيلىك يولىدا يېتەكلەپ،كىشىلىك قەدىر-قىممىتىمىز يۈكسەك پەللىگە كۆتۈرىدۇ

ھېسابات		ساقلاش	پارول قايتۇرىۋېلىش
پارول			ئەزا بۇلۇڭ