چىش چوتكىسىنى دېزىنفېكسىيە قىلىشنى ئۇنۇتماڭ

oylirim

	چىش چوتكىسىنى دېزىنفېكسىيە قىلىشنى ئۇنۇتماڭ （http://bbs.oylirim.cn）. [$ J$ P* w& ] يېقىندا، ئامېرىكىلىق ئىككى نەپەر چىش كېسەللىكلىرى دوختۇرى 4 ھەپتە ئىشلىتىلگەن چىش چوتكىسىنىڭ باكتېرىيە پەيدا قىلىشىغا قارىتا تەكشۈرۈش ئېلىپ بېرىپ ، چىش چوتكىسىدا كاندىدا ئالبكانىس زەمبۇرۇغى، گېمولىتىك زەنجىرسىمان شارچە باكتېرىيەسى قاتارلىق كۆپ خىل باكتېرىيەلەرنىڭ بارلىقىنى بايقىغان. ئۇلار بۇ باكتېرىيەلەر قان تومۇر، لىمفا ئارقىلىق ئورگانىزمدىكى ھەر قايسى ئەزالارغا سىڭىپ كىرىپ، ئاسانلا جاۋغاي ياللۇغى، جىددىي خاراكتىرلىك بادام بېزى ياللۇغى، يۇتقۇنچاق ياللۇغى، رېماتىزم قىزىتمىسى، جىددىي خاراكتىرلىك بۆرەك شارچىلىرى مەنبەلىك بۆرەك ياللۇغى قاتارلىق كۆپ خىل كېسەللىكلەرنى كەلتۈرۈپ چىقىرىپ، ئادەم بەدىنىگە يوشۇرۇن خەۋىپ يەتكۈزىدۇ، شۇڭا چىش چوتكىسىنىڭ تازىلىقىغا ھەرگىز سەل قارىماسلىق كېرەك دەپ ئەسكەرتكەن. چىشنىڭ پاكىزلىقىنى ساقلاش، چىش چوتكىسىنىڭ باكتېرىيە ئېلىپ يۈرىشىنى ئازايتىش ئۈچۈن چىش چوتكىلىغاندا سۇنى كۆپرەك تەييارلاپ، چوتكىلاپ بولغاندىن كېيىن چوتكىنى پاكىز يۇيۇپ، باش تەرپىنى يۇقۇرىغا قارىتىپ چاشكىغا سالغاندىن كېيىن، شامال ئۆتۈشۈپ تۇرىغان جايغا قويۇپ قويۇش كېرەك. چىش چوتكىلايدىغان سۇ پاكىز بولۇشى، تەييارلانغان سۇ ئىسىقراق بولۇشى كېرەك . ئالىملارنىڭ تەتقىقاتىغا قارىغاندا، كېسەللىك پەيدا قىلىدىغان بەزى باكتېرىيەلەر ھاۋا بىلەن ئۇچراشقاندا ئۆزلۈكىدىن ئۆلۈپ كېتىدىكەن. ئەگەر ئىككى چوتكا تەييارلاپ، ھەپتىدە ئالماشتۇرۇپ ئىشلەتكەندە چىش چوتكىسىدىكى باكتېرىيەلەرنى ئازايتقىلى بولىدىكەن. ئەگەر شارائىت يار بەرسە، چىش چوتكىسىنى 0.1-0.5 پىرسەنتلىك پېروكىس B كىسلاتاسىغا 10-15 مىنۇتقىچە چىلاپ قويۇپ، پاكىز يۇيۇۋەتكەندىن كېيىن ئىشلەتسە مىكروپلارنى يوقاتقىلى ياكى چىش چوتكىسىدىكى باكتېرىيەلەرنى ئازايتقىلى بولىدۇ. ــــ ماتېرىيالدىن