گۈزەل ئەخلاق ھاياتلىق بېغىمىزنىڭ مېۋىسى

（http://bbs.oylirim.cn）+ t( o& |5 V; h% b7 @$ u2 Qئۆز ئارا يول قويۇشمۇ بىر ئېسىل پەزىلەتلەرنىڭ بىرى. يېقىندا مەلۇم بىر ئىدارىدا مۇنداق بىر ئىش يۈز بېرىپتۇ. بىر قېتىملىق ئۇنۋان باھالاشتا ئىدارىدىكىلەر خىزمەت تارىخى، يېشى، خىزمەت نورمىسى، ئېرىشكەن شان-شەرىپى قاتارلىق جەھەتلەردىن شەرتكە تولۇق چۈشىدىغان بىرىسىنىڭ يۇقىرى دەرىجىلىك ئۇنۋان ئېلىشقا قوشۇلماي ئۆزلىرىگە تارتىشقان، ئاخىرىدا ئۇنۋان ئېلىش پۇرسىتىنىڭ ئۆزلىرىگە نېسىپ بولمايدىغانلىقىنى ھېس قىلىشىپ، شەرتكە چۈشمەيدىغانلا بىرسىنى نامزاتلىققا كۆرسەتكەن. نەتىجىدە ئۇ شەرتلەرنى ھازىرلىمىغانلىقتىن باھالىنالمىغان. بۇ ئىش ھېلىقى كىشىگە قاتتىق زەربە بولغان. ئەسلىدە ئاساسلىق باشقۇرغۇچى خادىم ئىدارىگە يېڭىدىن يۆتكىلىپ كەلگەچكە، كونكېرىت ئىشلارنى ئوتتۇرا قاتلامدىكىلەرنىڭ رايى بويىچە بېجىرىپ كېلىۋاتقانىكەن. بۇنىڭ بىلەن بىر قسىم «توپىلاڭدىن توغاچ ئوغرىلايدىغان»لار پۇرسەتپەرەسلىك قىلغانىكەن.（بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ）
دەرۋەقە، خىزمەت ۋە تۇرمۇشتا ئاز بىر قىسىم كىشىلەر «ئۆزۈم يېسەم سېسىق ئىشىم، خەقكە بەرسەم ئىسىت ئېشىم»دېگەندەك، بەزى پۇرسەت ھەم ئىمتىيازلارنى ئۆز كۆمۈچىگە چوغ تارتىپ ياكى ئاللىكىملەرگە يېقىنچىلىق قىلىپ، دوست تارتىپ ھېسىياتقا تايىنىپ ئىش كۆرىدۇ-دە، داغدام يولدا مېڭىشقا تېگىشلىكلەرگە يول بەرمەيدۇ. شۇنى تونۇپ يېتىش كېرەككى، پەزىلەتلىك، مەسئۇلىيەتچان، ئادىميىلىك تۇيغۇغا ئىگە كىشىلەر ئۈچۈن ئېيتقاندا، باشقىلارغا يول بەرمەسلىك ھەم باشقىلار مېڭىشقا تېگىشلىك يولغا «قاپقان»قۇرۇش تولىمۇ ئەخلاقسىزلىق،. ئەستايىدىل، سەمىمىي ئادەم بولسىڭىز، چوقۇم باشقىلارغا يول بېرىشنى ھەم يول قويۇشنى بىلىۋىلىڭ. ئىنساننىڭ ئىناۋىتى «بۇرۇتقا چاپلاشقان ئاش» تا قورساق توقلاش ياكى باشقىلارنىڭ ھالال نېسىۋىسىدە جان بېقىش ئەمەس، باشقىلارنىڭ ئەجرىنى كۆزىنى چوڭراق ئېچىپ كۆرەلىشىدە، خىزمەت ئۈنۈمى، شان-شەرىپى ئۆزىدىن يۇقىرى تۇرىدىغانلارنى پۇتلاش، توسقۇنلۇق قىلىش، يالغاندىن ماختانغانلارنى قوللاش ئەمەس، كەڭ قورساقلىق بىلەن ھەر كىمنىڭ تۆھپىسىگە يارىشا ئىمتىيازدىن بەھرىمان بولۇشىغا يول بېرىشتە ئىپادىلىنىدۇ. مانا بۇ ئىنسانىي پەزىلەت ۋە كىشىلىك قەدىر-قىممەتتۇر. پەقەت ۋە پەقەتلا كىشىلىك قەدىر-قىممىتىنى ساقلىغان ھەم ئادىميىلىك خىسلەتكە ئىگە كىشىلەر نام-مەنپەئەتتە باشقىلارغا يول قويىدۇ.، يەنە ئورتاق تۆھپىنى ئادىل تالىشىدۇ، ئۆز تۆھپىسنى پەردازلىمايدۇ. باشقىلارنىڭ زەررىچە ئارتۇقچىلىقىنىمۇ نەزەردىن ساقىت قىلمايدۇ.