ئايال بولۇش بىر ئىلىم ، كېلىن بولۇش بىر سەنئەت

مۇناجات

ئايال بولۇش بىر ئىلىم ، كېلىن بولۇش بىر سەنئەت

ئەرلەرنىڭ نەزىرىدە ئانىسىدىنمۇ ئۇلۇغ ، نۇقسانسىز ، كۆيۈمچان ئايال بولماس . شۇڭا ئۇلار ئانىسىنىڭ ئۆلچىمى بويىنچە ئايالىنى دەڭسەيدۇ . ئانىسىغا سېلىشتۇرىدۇ . ئاياللار ئەرلەرنىڭ بۇ قارىشىنى ئۆزگەرتەلمەيدۇ . قىسقىسى ، ئېرىنى سۆيۈشنى بىلگەن ئايال چوقۇم ئالدى بىلەن ئېرىنىڭ ئاتا - ئانىسىنى ياخشى كۆرىشى ، ھۆرمەتلەشنى بىلىشى زۆرۇر . ئۇنداقتا ، كېلىن بولغۇچى قېينانىنىڭ كۆڭلىنى ئۇتۇش ۋە مېھرىگە ئېرىشىش ئۈچۈن قانداق قىلىش كېرەك ؟

1. كېلىن ئېرىگە بولغان مۇھاببىتىنى دائىم قېينىئانىسىغا بىلدۇرۇپ تۇرۇش بىلەن بىللە ، قېينانىسىنى خۇددى ئۆز ئانىسىدەك كۆرىدىغانلىقىنى ھېس قىلدۇرۇش كېرەك ؛

    2 . قېينانىسىنىڭ ئالدىدا ئېرىنىڭ ياخشى گېپىنى كۆپ قىلىپ بېرىش كېرەك ، چۈنكى ھەر قانداق ئانا ئوغلىنىڭ غەيۋىتىنى ئاڭلاشنى ياخشى كۆرمەيدۇ ؛

    3 . كېلىن قېيناتا - قېينانىسىنىڭ ئالدىدا بىلەرمەنلىك قىلماسلىقى ، بەزى مەسىلىلەردە پىكرى بىلەن ئۆزىنىڭ قارىشى زىت بولغان تەقدىردىمۇ قېينانىسىغا يول قويۇشى كېرەك ؛

   4 . كېلىن ھەر ۋاقىتتا قېينانىسى تەرەپتە تۇرۇپ گەپ قىلىشى كېرەك ، ئەگەر ئېرى بىلەن قېينانىسى ئوتتۇرسىدا ئىختىلاپ كورۇلسە ، كېلىن چوقۇم قېينانىسى تەرەپتە تۇرۇپ ئېرىنى بېسىشى كېرەك . چۈنكى نۇرغۇن قېينانىلار ئوغلىنىڭ ‹‹ ئوزگۈرۈپ كېتىشى ›› نىڭ سەۋەبىنى كېلىنىدىن كۆرىدۇ ، شۇڭا كېلىن چوقۇم قېينانىسى تەرەپتە تۇرىدىغانلىقىنى بىلدۇرۇپ قويۇشى كېرەك ؛

   5 . كېلىن قېينانىسىنىڭ ئالدىدا ئېرىگە بەكمۇ يېقىنچىلىق قىلىپ كەتمەسلىكى لازىم ، بولمىسا قېينانىسىدا ھەسەت قوزغاپ قويىدۇ ؛

   6 . كېلىن قېينانىسىغا ئۆز قىزىدەك كۆيۈنىشى ، ئۆز ئانىسىغا مۇئامىلە قىلغاندەك مۇئامىلە قىلىشى كېرەك . لېكىن يېقىنچىلىق قىلىپ چەكتىن ئاشۇرىۋەتمەسلىك كېرەك ؛

7 . كېلىن قېينانىسىغا ئونىڭ تۇرمۇشىدىكى مۇھىم ئورنىنى بىلدۇرۇپ قويۇش كېرەك . شۇنداق بولغاندىلا قېينانىنىڭ قەلبىدە ئىپتىخارلىق تۇيغۇسى پەيدا بولۇپ ، ئۇلاردىن رازى بولىدۇ ؛

  8 . كېلىن قېينانىسىنىڭ ئالدىدا ياغاچتەك قېتىۋالماسلىقى ، چوڭ ئىشلاردا مەيدانى مۇستەھكەم ، كىچىك ئىشلاردا دوت بولۇۋېلىشى كېرەك . بۇنداق بولغاندا قېينانا كېلىنىگە ھەم قايىل بولىدۇ ھەم ئۇنىڭدىن رازى بولىدۇ ؛

  9 . كېلىن قېينانىسى بىلەن ئازارلىشىپ قالسا ئېرىگە چاقماسلىقى كېرەك . ئۇنداق قىلغاندا قېينانا بىلەن بولغان مۇناسىۋەت يىرىكلىشىپلا قالماي ، ئېرىنىڭ غەزىپىنى كەلتۇرۇپ قويىدۇ . شۇڭا ئېرىگە قېينانىسى بىلەن ئۆتكۈزگەن كۆڭۈللۈك ۋاقىتلىرىنى دائىم سۆزلەپ بېرىشى كېرەك ، شۇندىلا ئەر ئايالىنىڭ ئىقتىدارلىقىغا قايىل بولىدۇ ھەم ئۇنى بۇرۇنقىدىنمۇ بەكرەك قەدىرلەيدۇ ؛

  10 . ئەگەر قېينانا ھەق گەپ ئۇقمايدىغان ، جاھىل بولسا ، كېلىن چوقۇم قېينانىسىغا ئۆزى ۋە قېينانىسىنىڭ ئوغلى ئەڭ ياخشى كورۇدىغان ، قەدىرلەيدىغان ئايال ئىكەنلىگىنى ، ئىككىسىنىڭ مۇناسىۋېتى يىرىكلەشسە ، ئائىلىنىڭ ئومۇمى كەيپىياتىغا ، پۈتۈنلىكىگە تەسىر يېتىدىغانلىقىنى بىلدۇرۇپ قويۇشى كېرەك.


مەنبە:تەڭرىتاغ تورىدىن

گۈلۈم

تىما ماۋزۇسىدىنلا چىقىپ تۇرۇپتۇ، ئايال بولۇش بىر سەنئەت، كىلىن بولۇش بىر ئېلىم!
ياخشى بىر كىلىن بولسا شۇ ئۆيگىمۇ بەرىكەت ياغىدۇ،  توققۇز ئېشىڭىز توغرا بولۇپ ئونىنچىسىنى خاتا قىلسىىڭىز قېينئانا كۆزىگە چىرايلىق كۆرىنەلمەي قالىسىز، شۇنىڭلىق ئۈچۈن مەلىكىلىك ھاياتىڭىزنى قەدىرلەپ كىلىن بولۇشقا تىگىشلىك سالاھىيەتنى ھازىرلىشىڭىز كىرەك، تويدىن كىيىن ئۆگىنىۋالارمەن دىسىڭىز كۆتۈرگەنلىرى كۆتۈرىدۇ، كۆتۈرمىسىچۇ، ئىككى كۈندە سىزنى يەنە باشقا قىيىنئانا ئالدىغا سەپ قويىدۇ.

تۇمارىس

گۈلۈم يوللىغان ۋاقتى  2013-11-19 21:36
تىما ماۋزۇسىدىنلا چىقىپ تۇرۇپتۇ، ئايال بولۇش بىر سەنئ ...

راس  دەيسىز گۇلۇم  بىز شۇڭا ئازراق  تەييارلىق قىلشىمىز كىرەك

شۈكرانە

ئەمما مىنىڭ كىلىن بۇلۇشقا پەقەت تەيارلىقىم يوق ،،،،،،،،،،ئوفففففففففففففففف      ،،،،،،،،،،،،،قانداق قىلامەنكىن

مۇناجات

ئۇمۇقۇم يوللىغان ۋاقتى  2013-11-20 11:25
ئەمما مىنىڭ كىلىن بۇلۇشقا پەقەت تەيارلىقىم يوق ،،،،،، ...

ھازىردىن باشلاپ تەييارلىق قىلسىڭىزمۇ كىچىكمەيسىز،ئومۇقۇم قىرىندىشىم. قالغىنىغا ئاللاھ ئاسانلىق بەرسۇن.

شۈكرانە

مۇناجات يوللىغان ۋاقتى  2013-11-20 12:36
ھازىردىن باشلاپ تەييارلىق قىلسىڭىزمۇ كىچىكمەيسىز،ئو ...

ئىم،،،،،،،،،،،رەخمەت ،،،،،،،،،،،،

تىلسىم

ھەقىقەتەن قىزلار بىلىۋىلىشقا تىگىشلىك مەسىلىلەر ئىكەن ،  ئەھمىيەتلىك تىمىلىرىڭىز مۇنبىرىمىزدىن ئۈزۈلمىگەي ..

گۈلۈم

تۇمارىس يوللىغان ۋاقتى  2013-11-20 00:50
راس  دەيسىز گۇلۇم  بىز شۇڭا ئازراق  تەييارلىق قىلشىمىز ...

ئازراق ئەمەس، خىلىلا بەك.
ئەگەر سىزنىڭ  ئۆگىنىش، ئەستە تۇتۇش ئىقتىدارىڭىز ياخشى بولسا ، تىلىڭىزدىن بال تىمىپ تۇرسا قىيىنئانىڭىزنى ئاۋال شېرىن شىكەر گەپ بىلەن ئالداپ سىلاپ ئۇنىڭ ھۈنەرلىرىنى  ئۆگەنسىڭىزمۇ كىچىكمەيسىز، كونىلاردا ئېغىزى يۇمشاق موزاي قوش....... ئېمىپتۇ دەيدىغان گەپ بار ئەمەسمۇ؟

بۇلبۇل

گۈلۈم يوللىغان ۋاقتى  2013-11-19 21:36
تىما ماۋزۇسىدىنلا چىقىپ تۇرۇپتۇ، ئايال بولۇش بىر سەنئ ...

گۈلۈم  ھەجەپ ئاپامدەكلام گەپ قىلدىڭىزغۇ سىز .............ئاپامنى ئەسلەپ قالدىم ..........

بۇلبۇل

ئۇمۇقۇم يوللىغان ۋاقتى  2013-11-20 11:25
ئەمما مىنىڭ كىلىن بۇلۇشقا پەقەت تەيارلىقىم يوق ،،،،،، ...

يە مەخسۇس كىلىن تەربىيلەش كۇرسىدا ئوقارىسز ۋاقتى كەلگەندە ئامال يوق .........