بالىلارنى مۇكاپاتلاش پاسسىپ ئېنېرگىيەگە ئايلىنىپ قالمىسۇن

بۇدۇنيا

نۇرغۇن ئاتا- ئانا پەرزەنتنىڭ تىرىشىپ ئوقۇشقا ئىلھام بېرىش ئۈچۈن مۇكاپاتلاش تەدبىرىنى قوللانغان بولۇشى مۇمكىن. ئىلگىرى مەن مۇشۇنداق قىلاتتىم،مەسىلەن، بىر قېتىم ئەخلەت تۆكسە بىر يۈەن، بىر قېتىم ھۇجرىسىنى رەتلىسە ئىككى يۈەن دېگەندەك، ئوغلۇم بۇ ئىشلارنى ناھايىتى خۇشاللىق بىلەن قىلىپ، تاپقان پۇلىغا ئۆزى ياخشى كۆرىدىغان نەرسىلەرنى ئېلىپ شۇنچىلىك خۇشال بولۇپ كېتەتتى. ۋاقىت ئۇزارغانسېرى مەن ئوغلۇمنىڭ مۇكاپاتنى ئىشلىتىشكە مېنىڭدىنمۇ بەكرەك ماھىر بولۇپ كەتكەنلىكىنى بايقىدىم، بىر كۈنى ئوغلۇم بىلەن بازار ئايلىنىپ داڭلىق ماركىلىق ئاياق دۇكىنىغا كىردۇق، ئوغلۇم بىر ئاياقنى كۆرۈپ:«مەۋسۈم ئاخىرىدىكى ئىمتىھاندا ئالدىنقى بەش ئوقۇغۇچىنىڭ قاتارىغا كىرەلىسەم ماڭا شۇ ئاياقنى ئېلىپ بېرەمسىز؟» دېدى. مەن ئاياقنىڭ باھاسىنى كۆرۈپ تۇرۇپلا قالدىم، ئوغلۇمنىڭ تەلىپى مېنى ئەنسىرىتىپ قويدى شۇڭا شۇ ۋاقىتنىڭ ئۆزىدىلا ئۇنى رەت قىلدىم، ئويلىمىغان يەردىن ئوغلۇم «ئۇنداق بولسا بۇرۇنقىدەك تىرىشمايمەن» دېدى. شۇندىلا ئۆزۈمنىڭ تەربىيە ئۇسۇلۇم ھەققىدە ئويلىنىپ قالدىم، مۇكاپاتلاشنىڭ ئاكتىپ تەرىپى بولغىنى بىلەن پاسسىپ تەرىپىنىڭمۇ بارلىقىنى ھېس قىلىپ يەتتىم.
تاساددىپىي پەيتتە، چەتئەلنىڭ بىر ھېكايىسىنى كۆرۈپ قالدىم، ھېكايىدە بىر توپ بالا ھەر كۈنى بىر بوۋاينىڭ دېرىزىسى ئالدىدا ئويناپ بوۋاينىڭ ئارامىنى بۇزىدىكەن، كېيىن بوۋاي ھەربىر بالىغا بىر ئامېرىكا دوللىرى بېرىپ ئۇلارنىڭ بۇ يەردە ۋاراڭ- چۇرۇڭ قىلىپ قىزىتىپ بېرىشنى دەپتۇ، 2-كۈنى ھەربىرىگە 50 سېنتتىن، 3-كۈنى 10 سېنت بېرىپتىكەن، نەتىجىدە بالىلار بىردەم ئويناپلا كېتىپ قاپتۇ، 4-كۈنى ياشانغان كىشى ئۇلارغا بىر سېىنتمۇ بەرمەپتۇ، بۇنىڭدىن بالىلارنىڭ ئاچچىقى كېلىپ ئۇنىڭ قورۇسى ئەتراپىدا ئەمدى ھەرگىز ئوينىمايمىز دېيىشىپ كېتىپ قاپتۇ. ئويناش ئەسلى بالىنىڭ تەبىئىيىتى، ئەمما مۇكاپاتلاشنىڭ ئوتتۇرىغا چىقىشى بىلەن بىر تۈرلۈك پاسسىپ ۋەزىپىگە ئايلىنىپ قالغان، ئۆگىنىش ئەسلىدە ئوغلۇمنىڭ قىلىشىقا تېگىشلىك ئىشى، ئەمما مېنىڭ مۇكاپاتلاش مېخانىزمىنىڭ تۈرتكسىدە ئوغلۇم بىلىپ بىلمەي ئۆگۈنۈشنى ئاتا- ئانىسى ئۈچۈن قىلىپ بېرىدىغان بىر ئىش دەپ قارايدىغان بولۇپ قالغان.
مۇكاپاتلاش بىر ئارغامچىغا ئوخشايدۇ، ئۇ بالىنى تارتىپ ئالغا سىلجىتىدۇ، لېكىن مۇبادا، ئارغامچا ئۈزۈلۈپ قالىدىكەن ياكى ئارغامچا يۈتۈپ كېتىدىكەن، ئۇنداقتا بالىنى ئالغا ئىلگىرىلىتىدىغان ھەرىكەتلەندۈرگۈچ كۈچى يوقايدۇ، ئەڭ ياخشىسى ئۇسۇل شۇكى، بالىنى ئۆز قىزىقىشى بويىچە يېتەكلەپ، بالىنىڭ ئىچكى ھەرىكەتلەندۈرگۈچ كۈچىنى قوزغىتىپ بالىنى ئۆز ئىختىيارى بىلەن ئ‍ۆگىنىدىغان قىلىش لازىم، شۇندىلا بالا مەزمۇت ماڭالايدۇ ۋە يىراق مەنزىللەرگە يېتەلەيدۇ.
شىنجاڭ قانۇنچىلىق گېزىتى.

ئاتىكەم

ئوغۇللىرىڭىز  بەك  ئوماق ئىكەن . كىچىك ئوغلىڭىز  سىزگە ئوخشاش بودەككەن  ھە  ؟
مۇلاھىزە قىلىشقا تىگىشلىك ياخشى تىما يوللاپسىز  .
مەنغۇ بالىلىرىمغا  ئۇنداق شەرت بىلەن پۇل بەرمەيمەن ، لىكىن پۇل لازىم دىسىلا  قانچلىك دىسە شۇنچىلىك بىرىمىز . قىزىم 11ياش ،   پارچە خەجلەش ئۈچۈن كۈندە 5 يۇەن ئالىدۇ ، باشقا خىراجىتىنى لازىم بولغىنى بويىچە بىرىمىز .ئوغلۇم دىگەن گۇي 5 ياشقا كىرگەن ئىدى ، ئۇنىڭغا پۇل بەرمەي ، دىگەن نەرسىسىنى ئۆيىمىزنىڭ ئاستىدىكى تاللا بازىرىدىن ئىلىپ بىرىمىز .
قىلىشقا تىگىشلىك ئىشلىرىنى بۇيرۇپ قىلدۇرىمىز ، قىزىم سىنىپ بويىچە دەرستە ياخشى .
لىكىن  بەتخەج بولۇپ قالدى ، پۇلنى كۆپ بەرمەيلى دىسەم يولدۇشۇم ئۇنىماي ، بالىنىڭ بوينى قىسىلىپ قالىدۇ دەي تۇرۇۋالىدۇ . پەرزەنت تەربىيىسى دۇنيادىكى ئەڭ تەس تىمىمىكىن دەيمەن .
مەنمۇ بەزىد ەبەكلا گاڭگىراپ قالىمەن .
ياخشى تىما يوللىغىنىڭىزغا تەشەككۈر  !

زۇھەل0201

ئاتىكەم يوللىغان ۋاقتى  2016-3-29 11:40
ئوغۇللىرىڭىز  بەك  ئوماق ئىكەن . كىچىك ئوغلىڭىز  سىزگە ئ ...

قىز بالىنى پۇلنى جىق جىق بېرېپ ئاقساراق چوڭ قىلغان ياخشى ،  ئوغال بالىغا پۇلنىڭ نەدىن كىلدىغىننى بىلدۈرۈپراق چوڭ قىلغان ياخشى.  (ھەجەپ تەجرىبىلىك دادىلادەك سۆزلەپ كەتتىم ھە )

بۇدۇنيا

ئاتىكەم يوللىغان ۋاقتى  2016-3-29 11:40
ئوغۇللىرىڭىز  بەك  ئوماق ئىكەن . كىچىك ئوغلىڭىز  سىزگە ئ ...

دىگەنلىرىڭىز  ئورۇنلۇق گەپلەر
رەھمەت سىزگە  ئاتىكەم  مەن قانداقلا  تىما يوللىسام سىز تۇنجى بولۇپ ئىنكاس يازىسىز  سىزگە  كۆپتىن كۆپ رەھمەت
مىنىڭ چوڭ  ئوغلۇم قەيسەر   2004.07.06  تۇغۇلغان ئاللا خالىسا  بۇ يىل 07.06  كەلسە 12 ياشقا كىرىدۇ.
كىچىك ئوغلۇم ئەنزەر  2010.10.12كۈنى تۇغۇلغان  ئاللا خالىسا بۇ يىل 10.12 كەلسە 8.ياشقا كىرىدۇ.

يۈرىكىم

پايدىلانغۇدەك ياخشى تىما ئىكەن.

مېھرىيە

ئەھمىيەتلىك تېمىلىرىڭىز ئۈزۈلمىگەي .
ئوغلۇڭىز 2010-يىلى تۇغۇلۇپ بۇ يىل 8 ياشقا كىرسە ، مېنىڭ قوشماقلىرىم 2008-يىلى تۇغۇلۇپ بۇ يىل سەككىزگە كىرمەكچى ئېدى . مەن قېرىپ قالغاندەك قىلامدىم نېمە ئاۋۇ كىچىك ئوغلۇڭىز ئۆزىڭىزنىڭ نىگاتىپى ئىكەن . ئاللا باللىرىڭىزنى تېخىمۇ ساغلام ، ئەقىللىق قىلسۇن !

ئاتىكەم قىزىڭىز كۈندە بەش كوي پۇل خەجلىسە قالماشماي قاپتۇ . مەنغۇ ئەزەلدىن باللىرىمنى پۇلدىن قىسمايمەن ، لېكىن كۈندە خەجلە دەپ پۇل بەرمەيمەن ، ئۇلارمۇ كېرەكلىك ئوقۇش ماتىريالى ئالماقچى بولسا مەندىن پۇل سورايدۇ ، بەش كوي سورىسا 10 كوي بېرىمەن ، ئەمما كەچتە بەشكوينى قايتۇرۇپ بېرىدۇ . شۇ چاغدا ئاندىن ئۇنى سىز خەجلەڭ دەپ بېرىمەن . بىرە قېتىم ئۆزلىرى پۇل بەر خەجلەيدىغانغا دەپ سورىمايدۇ .
باللىرىم ماختىغىنىم ئەمەس دەرستە ياخشى ، سىنىپنىڭ ئالدىدا ماڭىدۇ ، ھەر شەنبە ياكشەنبىنىڭ بىركۈنى ئۇلارنى ئېلىپ چىقىپ كىنو كورسۈتۈپ ، تاللا بازارلىرىغا ، سىرتلارغا ئېلىپ چىقىپ ساياھەت قىلدۇرۇپ ، كوپرەك تەبىئەت بىلەن ئۇچۇراشتۇرۇپ تۇرىمىز . شۇنداق ۋاقىتلاردا پۇلنى ئۇلار ئۈچۈن ئايىمايلا خەجلەپ كوكسى قارنىنى تويغۇزۇپ ماڭىمىز .

قاھىرە

ئەھمىيەتلىك  تىما  يوللاپسىز  ، ياخشى  پايدىلانساق  بولغۇدەك  ،ئوماقلىرىڭىزغا  كۆز  تەگمىسۇن .

قاھىرە

مېھرىيە يوللىغان ۋاقتى  2016-3-29 17:12
ئەھمىيەتلىك تېمىلىرىڭىز ئۈزۈلمىگەي .
ئوغلۇڭىز 2010-يىلى ...

بالىڭىز  قوشكىزەك  ئوخشىمامدۇۇۇۇۇۇۇۇۇۇۇۇۇۇۇۇۇۇۇۇۇ

روھناز

مىنىڭ قوشماق ئوغۇللىرىم تېخى تۆت ئايلىق بولدى،ئاللاھ خالىسا ئىنتايىن ياخشى تەربىيەلىسەم دەپ ئويلايمەن ھەم تېرىشىۋاتىمەن.ھەممىمىزنىڭ باللىرىنىڭ تىنىنىڭ سالامەت ئەقىللىق چوڭ بۇلۇشىنى ئۈمۈد قىلىمەن.

بۇدۇنيا

مېھرىيە يوللىغان ۋاقتى  2016-3-29 17:12
ئەھمىيەتلىك تېمىلىرىڭىز ئۈزۈلمىگەي .
ئوغلۇڭىز 2010-يىلى ...

ھا ھا ھا ھا ھا  خاتا  بوپ قاپتۇ  ئەسلى 2008  كەن  مەن 2010  دەپ خاتا  يىزىۋاپتىمەن
بىزمۇ  بەك ياش ئەمەس مېھرىيە خانىم 1980.08.16 تۇغۇلغان ھازىر  36 ياشقا  قاراپ يۈگىرەپ  كىتىپ بارىمىز .دەيمەن