قارا ھىجرانغا خەنجەرمەن

ئەلبۇم

قارا ھىجرانغا خەنجەرمەن

ئالىمجان توختىمۇھەممەد

چېچەكلەر ئۈششۈگەن باغقا تۆكۈپ ئاپتاپ يېقىلغايمەن،
كۆمۈپ مۇز تەكتىگە يالقۇن زىمىستانغا چېقىلغايمەن.

ھىجىر قىيناقلىرى جاننى قىلىچلاپ، قىلسا مىڭ پارە،
يېتىم قۇشنىڭ لېۋىدىن دان يۇتۇپ پىنھان بېقىلغايمەن.

كۆڭۈلگە قار كەبى ئاقلىق سىڭىپ سۆيدى جاراھەتنى،
يۈرەككە زەررە چاڭ قونسا باياۋانغا قېقىلغايمەن.

گۈلۈمنىڭ كۆزىگە مەلئۇن چاچار بولسا توپاسىنى،
ئېزىقماستىن ئۈزۈپ گۈلنى ساداقەتكە يېقىلغايمەن.

ئۈمىد گۈلشەنىدە ئەلبۇم شەپەقتەك چوغلىنىپ كۆيگەي،
قارا ھىجرانغا سۈبھىدە بولۇپ خەنجەر تىقىلغايمەن.

ئاتىكەم

سىز   جانبەر  شۇمۇ  ؟ ئىسمىڭىزغا  قارىسام  ئوخشاشكەن  .
ئەسەرلىرىڭىزگە  گەپ كەتمەيدۇ  ،  ئىسىل ئەسەرلەرنى داۋاملىق يىزىپ يوللاپ تۇرغايسىز  !
بىزەك قىستۇرۇپ بىزەپ قوياي دىسەم قىلالمىدىم  ، بەكرەك  ئىيتىشاي دىسەم  تىما ئۆچۈپ كىتىپ قالمىسۇن دەپ ئەنسىرىدىم .

بۇلبۇل

ئاتىكەم يوللىغان ۋاقتى  2016-2-27 10:45
سىز   جانبەر  شۇمۇ  ؟ ئىسمىڭىزغا  قارىسام  ئوخشاشكەن  .
ئە ...

ۋۇييۇ ئاتىكەم ھەدە سىز تېخىچە ئەلبۇمنىڭ جانبەر ئىكەنلىكىنى بىلمەي يۈرگەنما ؟

بۇلبۇل

مۇنبەرگە كىرمىگىلى ئۇزۇن بولغاچ ئىنكاسقا بولغان سەۋىيەرىممۇ تۆۋەنلەپ كىتىپتۇ .
ئىسىل يازمىڭىزغا تېتىملىق ئىنكاس يېزىشقا قەلىمىم ئاجىز كەپ قالدى .
لىكىن مەن شۇنى ھىس قىلىپ يەتتىمكى سىزنىڭ يېزىقچىلىق سەۋىيەرىڭىز ئىلگىرىكى مەن تۇنۇيدىغان ئەلبۇمنىڭكىدىن خىلىلا ئۈسۈپ قاپتۇ .
ھارمىغايسىز جاپا چىكىپسىز .........

ئاتىكەم

بۇلبۇل يوللىغان ۋاقتى  2016-2-27 13:42
ۋۇييۇ ئاتىكەم ھەدە سىز تېخىچە ئەلبۇمنىڭ جانبەر ئىكەن ...

مەن راستىنلا بىلمەپتىمەن  ، نادىرلار مۇنبىرىدە  ، چولپانلار  مۇنبىرىدە  جانبەر  دەپ  قوللانغان بولغاچ  ،  ئوقۇغۇچىلار مۇنبىرىدە  جانبەر يوق دەپ ئويلاپ قاپتىمەن .
بۈگۈن تىما تەستىقلىغاچ قارىسام ئالىمجان توختىمۇھەممەت  دەپ تۇرىدۇ  ،  شۇڭا  سوراپ باققان  تىخى .
ئەمدى  بىلىۋالدىم  ، رەھمەت  !
مۇنبەردە  كۆپلىرىمىز  چولپانلار   مۇنبىرىدىن چىققانلار ئىكەنمىز  ،  چولپانلار مۇنبىرى شۇنداق قىلىپ يوق بولدى  ھە  .بەك ئەپسۇسلىنىمەن  ، ئانچە - مۇنچە  ئادرىسىنى چىكىپ باقسام قونچاقلار  چىقىۋالىدۇ ،  باش بەت ئىچىلىدىكەن ، لىكىن مۇنبەر ئىچىلمايدىكەن .

ئايقۇت

ھىجىر قىيناقلىرى جاننى قىلىچلاپ، قىلسا مىڭ پارە،
يېتىم قۇشنىڭ لېۋىدىن دان يۇتۇپ پىنھان بېقىلغايمەن.

بەلكىم بۇ يەردىكى ھىجىر سۆزى ھىجران دىگەن مەنىنى بىلدۈرسە كېرەك دەپ ئويلىدىم ئۆزۈمچە.
يېقىلغايمەن  نىڭ ئىككى يەردە تەكرارلىنىشى كۆزۈمگە سىغمىدى.
بۈگۈن قۇسۇر دەپتىرىمنى كۆتۈرۈپلا كىرگەن چېغىم بار مۇنبەرگە .ھەممىسى ياخشى دىگەن ئەسەردىن قۇسۇر ئىزدەپ قالدىم.توغرا چۈشىنەرسىز.

چېچەك

بېرىلىپ  ئوقۇۋاتسام تۈگەپ كەتتا  ئەجەپ  
بۇمۇ ياخشى چىقىپتۇ  ،  ئىشقىلىپ  سىز  قانداقلا  شەكىلدە  يازسىڭىز  ياخشى چىقىۋىردىكەن جۇمۇ .

چېچەك

ئايقۇت يوللىغان ۋاقتى  2016-2-27 22:03
ھىجىر قىيناقلىرى جاننى قىلىچلاپ، قىلسا مىڭ پارە،
يېتى ...

يېقىلغايمەن  ئىككى يەردە  ئەمەس  جانىم  .  بىرى  بېقىلغايمەن  .

ئايقۇت

چېچەك يوللىغان ۋاقتى  2016-2-28 00:02
يېقىلغايمەن  ئىككى يەردە  ئەمەس  جانىم  .  بىرى  بېقىلغا ...

قارا ھىجرانغا خەنجەرمەن

ئالىمجان توختىمۇھەممەد

چېچەكلەر ئۈششۈگەن باغقا تۆكۈپ ئاپتاپ يېقىلغايمەن،
كۆمۈپ مۇز تەكتىگە يالقۇن زىمىستانغا چېقىلغايمەن.

ھىجىر قىيناقلىرى جاننى قىلىچلاپ، قىلسا مىڭ پارە،
يېتىم قۇشنىڭ لېۋىدىن دان يۇتۇپ پىنھان بېقىلغايمەن.

كۆڭۈلگە قار كەبى ئاقلىق سىڭىپ سۆيدى جاراھەتنى،
يۈرەككە زەررە چاڭ قونسا باياۋانغا قېقىلغايمەن.

گۈلۈمنىڭ كۆزىگە مەلئۇن چاچار بولسا توپاسىنى،
ئېزىقماستىن ئۈزۈپ گۈلنى ساداقەتكە يېقىلغايمەن.

ئۈمىد گۈلشەنىدە ئەلبۇم شەپەقتەك چوغلىنىپ كۆيگەي،
قارا ھىجرانغا سۈبھىدە بولۇپ خەنجەر تىقىلغايمەن.

چېچەك

ئايقۇت يوللىغان ۋاقتى  2016-2-28 22:26
قارا ھىجرانغا خەنجەرمەن

ئالىمجان توختىمۇھەممەد

ئ‍ەئ‍ە ستايدىللىقىڭىزغا  قول  قويدۇم !   مەن ئ‍ىككىنچى  مىسراسىغىلا  دىققەت  قىپتىمەن .   لىكىن   مىنىڭچە   ئ‍ۇ   ئ‍ىككى  يەردە  تەكرارلىنىشى   شېئىر  مەزمۇنىغا  تەسىر  يەتكۈزەلمەيدۇ .