مەن سېغىنغان شۇ قىز

مارشال

مەن سېغىنغان شۇقىز

كۆزلىرىدىكى ياشنىڭ يۇقىنى

مەڭزىگە نەقىش قىلىدۇ

مەن سېغىنغان شۇ قىز

ئۆزىدىكى ئازابلار بىلەن

ئەينەك ئالدىدا تۇرسا جاھان تىترەيدۇ

مەن سېغىنغان شۇ قىز

مېنىڭ ھەربىر سۆزۈم بىلەن

كۆزلىرىگە چوڭقۇر چۆكىدۇ

مەن سېغىنغان شۇ قىز

كېچە سوغۇق ۋە تىمتاس

قەدىر گۈللىرىنىڭ توزىغان بەرگىنى ئىزدەپ

تېنەپ يۈرەر

مەن كۈتكەن شۇ قىز

يىراقتىكى مەسۈم ئاۋازى بىلەن

مېنىڭ بۇ يەردىكى بىپەرۋالىقىنى يىرتىۋىتىدۇ،

كۆڭلىدىكى پىغانلىرىنى

ئۆز ئىچىگە سىڭدۈرىۋىتىدۇ،

خۇشاللىقنىڭ مەنىسىنى

كۆزىدىكى ياش گۈللىرى بىلەن چۈمكەيدۇ

مەن سېغىنىۋاتقان شۇقىز

توزىۋاتقان قارنىڭ بەرگىنى

ھەسرەت پايانى بىلەن كۈتىۋالار

مەندىكى ساراڭلىقنى

مېنىڭ كەيپىمنىڭ قارشىسىدا تۇرۇپ

خۇداغا بولغان خىيالىرىغا

مېنىڭ ئىسمىمنى ماۋزۇ قىلىپ

سۈكۈت بىلەن چۇقان سالىدۇ

يىراقتىكى مەن كۈتكەن شۇ قىز...

ھېچكىمگە چۈشەندۈرمىدىم

ھېچكىمگە چۈشەندۈرمىدىم

يىتىم خىياللىرىمنىڭ

ئۆزىدىكى چەكسىز غېرىبلىقىنى

كېچىنى ئاياق ئاستى قىلىۋاتقان خىياللىرىمدىمۇ

بەخت رومكىسىدىن كېيىنكى ھاراق ئىچىشنى داۋاملاشتۇرۇشۇمدىمۇ

بىر ئايالنىڭ نالىسىدىن كېيىنكى يىرگىنىشىمنىمۇ

ئۆلۈمنىڭ لېۋىدىكى سۆيۈشۈشۈمنىڭ مەيۈسلىكىنى

خىيالىمدىكى مۇھەببەتلىشىش مۇراسىمىنى

ھېچكىمگە چۈشەندۈرمىدىم

ھېچكىمگە چۈشەندۈرمىدىم

خۇدادىن باشقىغا چۈشەندۈرۈش مۇمكىن بولغاندىمۇ

ئۆزۈمگە تەۋە ئۆلۈم بىلەن قول تۇتۇشۇپ.

بەختىيار ئابلەت

ئاي بەرگى

سېنى تۇنجى رەت ئالداپ تۇرۇپ سۆيىۋالدىم
شۇنىڭدىن باشلاپ
چىن سۆيگۈمىزگە يالغانچىلىق باشلانغان بولسا كېرەك

سېنى تۇنجى رەت كۆرگەندە
ساڭا مۇھەببەت تەكلىپى قويدۇم
بەلكىم
شۇ چاغدىن باشلاپ ئايرىلغان بولساق كېرەك

قەيس مەجنۇن دەپ ئاتالغاندىن كېيىن
ھېچكىم بىرىنى ئۇ لەيلىنى سۆيگەندەك سۆيۈپ باقمىدى
بەلكىم
ئۇلار ۋىسال تاپمىغاچقا تىللاردا داستان بولسا كېرەك

ھېچكىم مېنى سەندەك سۆيۈپ باقمىدى
بەلكىم
شۇنىڭ ئۈچۈن ئايرىلغان بولساق كېرەك…

بەختىيار

ئاي بەرگى

تالانىڭ رەڭگى
*
دەرىزەمنىڭ سىرتىدا نەمخۇش ،
سىرغىپ تۇرار ئاينىڭ شولىسى.
تىمتاسقىنە يازار ھىكايە،
ئۈنى ئۆچكەن يارنىڭ ھويلىسى.
*
دىكابىرنىڭ جىمجىتلىقىنى،
سۆيۈپ ئۆتكەن قارنىڭ لېۋىدەك.
ئېچىرقايدۇ سۈترەڭ كېچلەر،
خىلۋەتتىكى خىياللىرىمدەك.
*
بەختىيار ئابلەت

ئاي بەرگى

سېنى بار دېسەم
باغلىرىمغا كۈز كەلدى
ئۆلۈم گۈللىرى ئېچىلىۋاتقان سەھەردە
چۈشۈڭگە كىرىمەن بەلكىم
.
ۋىسالىمىز
ھالسىرىغان ۋاقىتنىڭ چاقىدا بوغۇلۇپ قالغان
تۈنلەر تەمتىرەيدۇ
ئىچىمدىكى قاراڭغۇلۇقتا…
.
بەختىيار

ئاي بەرگى

قايسى كۈنى مەن سوراپ بولغىچە دىگۈدەكلا تېپىۋالغان ئىدىڭ ھە ماۋۇ ناخشىنى؟ ناخشىنى ئاڭلاپلا شېئىرنى ئوقۇغاندىكى  تاتلىق ھېسلىرىم ئۆلدى.
بېزەكلەرنى ياقتۇرۇشۇڭنى ئۈمىد قىلىمەن.ئىجادىيىتىڭ قۇت تاپسۇن.يوقاپ كەتمەي يېزىپ تۇرغىن!
ھەراس.رۇخسىتىڭسىزلا چەمبىرىكىڭدىكى ھەم ماڭا كۆرۈپ بېقىش ئۈچۈن يوللاپ بەرگەن شېئىرلىرىڭنى ئىنكاس شەكلىدە يوللاپ قويدۇم.بىرسىنىڭ تېمىسىنى يازماپتىكەنسەن.شۇ پېتى قېلىۋەردى.يىغلىما ھە

ئاتىكەم

كىلىشكەن ئىنىم قايسى ئوماقنى سىىغىنىۋاتقانسىز  ؟  سىزنى شۇنچە سىغىندۇرغان قايسى بەختلىك قىزدۇ ؟(چاقچاق)
ئەسەرلىرىڭىزنى بەكمۇ ياقتۇرۇپ ئوقۇيمەن ،  داۋاملىق تىرىشقايسىز  ،  غەلبە  ھامان تىرىشقاق سىزگە مەنسۈپ !

مارشال

رەھمەت  ئايبەرگى، رەھمەت ئاتىكەم ھەدە،  بىر قاتار شېئىرلىرىم يوللىنىپ كەتتى، 2015-يىلى يازغان شېئىرىم ئونغا بارمايتتى، 2016-يىلى كىرىپلا ئۈچ-تۆتنى يېزىپتىمەن، ئەمدى يەنە بىر يازغۇچە مۇنبەردىكى ئورنۇمنى سەل توپا بېسىپ قېلىشى مۇمكىن. ئۇنىڭ ئۈستىگە مەكتەپ پۈتتۈرۈش ئالدىدا تۇرىمەن دېمەك تېخىمۇ ئالدىراشلىق باشلىنىدۇ. مۇشۇ مۇنبەر قۇرۇلغاندا يېڭى كەسپكە چىققان ئىدىم.

مارشال

ئاي بەرگى يوللىغان ۋاقتى  2016-1-6 07:28
قايسى كۈنى مەن سوراپ بولغىچە دىگۈدەكلا تېپىۋالغان ئىد ...

«ئاي بەرگى تەھرىرلىگەن» دېگەن سۆزنى ئوقۇۋىتىپ، شېئىرىمدىكى مەن بايقىغان بىرتال ئىملا خاتالىقىنى كۆرگەنلىكىمدىن بىرخىل زەھەرخەندىلەرچە كۈلىۋالدىم

ئاي بەرگى

مارشال يوللىغان ۋاقتى  2016-1-6 14:03
«ئاي بەرگى تەھرىرلىگەن» دېگەن سۆزنى ئوقۇۋىتىپ، شېئىر ...

زەھەرخەندىلەرچە كۈلكىلىرىڭ بىلەن ئادەمنى بەك بەك بىئارام قىلدىڭ لېكىن،ئادىتىڭگە يات ھالدا تېماڭدا نەچچە تال ئىملا خاتالىقىنى بايىقاپ تۈزىتىپ قويغان ئىدىم.لېكىن شۇ بىرسىنى كۆرمەپتىكەنمەن ئۇيقۇلۇقتا....بەك سەت يۈزۈمنى چۈشۈردۈڭدە لىكىن زەھەرخەندىلەرچە كۈلكىلىرىڭ بىلەن  

مېھرىيە

ئوقۇش پۈتتۈرۈش ئالدىدا تۇرغان بولسىڭىز ، بەلكىم ئالدىراش بۇلۇپ كېتىشىڭىز مۇمكىن ئۇكام ، ئەمما قەلەم توختاپ قالمىسۇن ، ۋاقىت يار بەرسىلا شېئىر يېزىشنى تاشلاپ قويماڭ .