ئايالىمنىڭ خىزمىتى يوق !

مېھرىيە

ئايالىمنىڭ خىزمىتى يوق

بىر ئەر بىلەن پىسخىكا دوختۇرىنىڭ پاراڭ خاتىرسى :
پىسخىكا دوختۇرى : سىز نېمە خىزمەت قىلىسىز ؟
ئەر : بانكىدا بۇغالتىرلىك خىزمىتى قېلىمەن .
دوختۇر : ئايالىڭىزچۇ ؟
ئەر : ئايالىمنىڭ خىزمىتى يوق ، ئۇ بىر ئائىلە ئايالى .
دوختۇر : ئەتتىگەندە قايسىڭلار ئەتىگەنلىك تاماق تەييارلايسىلەر ؟
ئەر :ئايالىم ، چۇنكى ئۇنىڭ خىزمىتى يوق-تە !
دوختۇر : ئايالىڭىز سەھەر سائەت قانچىدە ئورنىدىن تۇرۇپ سىز ئۈچۈن تاماق تەييارلايدۇ ؟
ئەر : ئەتتىگەن سائەت بەش ئەتراپىدا ، چۈنكى ئۇ ئالدى بىلەن ئۆيلەرنى بىرە قۇر تازىلاپ يىغىشتۇرۇپ بۇلۇپ ، ئاندىن ئەتتىگەنلىك تاماققا تۇتۇش قىلىدۇ .
دوختۇر : باللىرىڭىز مەكتەپكە قانداق بارىدۇ ؟
ئەر :ئايالىمنىڭ خىزمىتى بولمىغاندىكىن ، ئۇ  باللىرىمنى مەكتەپكە ئاپىرىپ ئەكىلىدۇ ئەلۋەتتە !
دوختۇر :ئايالىڭىز بالىلارنى مەكتەپكە ئاپىرىپ بۇلۇپ يەنە نېمە ئىشلارنى قىلىدۇ ؟
ئەر : كۆكتات بازىرىغا بېرىپ سەي ئالىدۇ ، ئاندىن ئۆيگە قايتىپ كىر قات  يۇيۇپ ، چۈشلۈك تاماق ئېتىدۇ . سىزگە دېدىمغۇ ئۇنىڭ خىزمىتى بولمىغاندىكىن ، ئەمدى ئاشۇ ئىشلارنى قىلىدۇ ئۆيدە .
دوختۇر :كەچتە سىز ئىشتىن چۈشۈپ كىلىپ ،ئائىلىدە نېمە ئىشلارنى قىلىسىز ؟
ئەر :ئارام ئالىمەن . چۈنكى  بىر كۈن ئشخانىدا ئىشلەپ ھېرىپلا قالىمەن .
دوختۇر : بۇ ۋاقىتتا ئايالىڭىز نېمە ئىشلارنى قىلىدۇ ؟
ئەر :ئۇ پۈتۈن ئائىلىدىكىلەر ئۈچۈن كەچلىك تاماق تەيارلايدۇ ، بالىلارغا تاماق بېرىدۇ ، تاماقتىن كېيىن قاچا -قۇچىلارنى يۇيۇپ ئۆينى سەرەمجانلاشتۇرۇپ بۇلۇپ ، بالىلارنى ئۇخلىتىدۇ .
........
بىر ئائىلە ئايالنىڭ كۈندىلىك تۇرمۇشى ئەتىگەن سەھەردىن باشلاپ تاكى تۈن يېرىمىغىچە ئەنە شۇ ئائىلە ئۈچۈن ئالدىراشچىلىقتا ئۆتىدۇ . مانا بۇ ئاتالمىش ‹  خىزمىتى يوق › نىڭ كۈندىلىك خىزمىتى !
گەرچە ئائىلە ئاياللىرىنىڭ ئالىقانداق ئالى ،نەمۇنۇچى دېگەندەك دەرىجە كىنىشكىلىرى بولمىسىمۇ ، ئەمما ئۇلارنىڭ ئائىلىدە ، تۇرمۇشىمىزدا ئوينايدىغان رولى ئىنتايىن مۇھىم . شۇڭا ئاياللارغا ئەرلەر رەھمەت ئېيتىشى ، ئۇلارغا ‹ خىزمىتى يوق › دەپ ، ئائىلىدىكى ھەممىلا ئىشنى‹ ئۇلار قىلىشى كېرەك › دەپ ناتوغرا قاراشتا بولماسلىقى كېرەك . چۈنكى ئاياللار كۈيۈنىشكە مۇھتاج ، ئۇلار ئۈچۈن ئائىلە ئىشلىرى ھېچنىمە ئەمەس ،بەلكى بۇ ئىشلارنى ئۇلار خۇشاللىق دەپ بىلىدۇ . لېكىن ئەرلەرنىڭ ئۇلارنى ‹ خىزمىتى يوق › دەپلا ،ئۇلارغا بىرتەرەپلىمە قارىشى ئۇلارنى ھاردۇرۇپ قۇيۇشى مۇمكىن .شۇڭا ئەرلەر بۇ خىل قاراشقا توغرا مۇئامىلە قىلىشى ، ئۆزلىرىنى شۇ ئاياللارنىڭ ئورنىغا قۇيۇپ ئويلىنىپ بېقىشى كېرەك . جەمىيەتتە ھەر خىل يۇقۇرى ئورگانلاردا خىزمەت قىلىپ ، نۇرغۇن نەتىنجە يارىتىۋاتقان ئاياللىرىمىز بار ، بەلكىم ئۇلارنىڭمۇ ئائىلىسى  ، پەرزەنتلىرى بۇلىشى مۇمكىن . دېمەك ئاياللار قىلايچۇ دېسىلا قىلالمايدىغان خىزمەت يوق . پەقەت ئائىلىدە شۇ ئائىلە ئۈچۈن ئۆزىنى قۇربان قىلىپ ، ئەر ،پەرزەنت شۇنداقلا قېيىن ئاتا-ئاپىلىرى ئۈچۈن ئۈن -تىنسىز زارلىماي خىزمەت قىلىۋاتقان ، پەخىرلىنىشىمىزگە لايىق ئاياللىرىمىز بار .ئۇلارنىڭ ئائىلىدىكى كۈندىلىك ئىشلىرىنى بەلكىم نى -نى مەيدىسىگە ئۇرالايدىغانلارنىڭ قىلىپ كېتىشى ناتايىن دەپ قارايمەن .
مەسىلەن كىچىككىنە مىسال ئالسام :
ئائىلە ئايال جاڭ خانىم ئانىسى ئاغرىپ قېلىش سەۋەپلىك يۇرتىغا بېرىپ كېلىش ئۈچۈن نەچچە كۈن ئۆيدىن ئايرىلغان . بۇ جەرياندا يولدىشى ۋاڭ ئەپەندىم ئىدارىسىدىن رۇخسەت سوراپ ، باللىرىغا قارىغان . بۇ نەچچە كۈن ئۇنىڭغا خۇددى نەچچە يىلدەك بىلىنىپ كەتكەن . چۈنكى سەھەر تۇرۇپ چوڭ قىزىغا تاماق تەيارلىغان ، ئاندىن ئۇنى مەكتەپكە ئاپارغان ، ئۇ يەردىن كىلىپ كىچىك بالىسىنى يەسلىگە ئاپارغان . يەسلىدىن ئۇدۇل ئاتا -ئانىسىنىڭ ئۆيىگە بېرىپ ئۇلارغا تاماق تەيارلىغان ، ئۇ يەردىن ئالدىراپ ئۆز ئۆيىگە كىلىپ  قىزىغا چۈشلۈك تاماق تەيارلىغان ، ئاندىن يەنە قىزىنى  ئالغىلى بارغان ، تاماقتىن كېيىن يەنە مەكتەپكە ئاپارغان ، ئاندىن كوكتات بازىرىغا بېرىپ كەچلىك ،ھەم ئەتىنىڭ سەي -كوكتاتلىرىنى ئالغان ، كېلىپلا كەچلىك تاماققا تۇتۇش قىلغان ، ئاندىن يەنە باللىرىنى ئالغىلى مەكتەپكە ھەم يەسلىگە چاپقان ، ئاندىن كەچلىك تاماقنى باللىلارنىڭ جوزىسىغا قۇيۇپ بېرىپ ، يەنە بىر قاچىغا ئاتا-ئانىسى ئۈچۈن ئۈسۈپ ،چوڭ ئۆيگە يۈگەرگەن . ئۇ يەردىن ئالدىراپلا كىلىپ بالىلارنىڭ تاپشۇرۇقىنى ئىشلەتكەن ، ئۇلارنى ئۇخلۇتۇپ بۇلۇپ ئۆيلەرنى يىغىشتۇرۇپ ، كىيىم كېچەكلەرنى يۇغان . ۋاڭ ئەپەندىم ئەنە شۇ ئىشلار بىلەن بىردەممۇ كېرىلىپ سافادا ئولتۇرالمىغان . ئايالى كېتىپ 3-كۈنى ھېرىپ ھالى قالمىغان . ئەمما بىر قىزىق ئىشنى دەپ ئۆتەي ؛ ئۇ ئەتتىگەندە ئالدىراپ ئەتتىگەنلىك تاماق تەييارلاۋاتسا كىچىك ئوغلى تازىلىق ئۆيدىن چىقىپ ‹‹ دادا ، ئوبۇرنىغا كىرىپ قاراپ باققىنە ماتۇڭنىڭ ( تەرەت قاچىسىنىڭ)رەڭگى قانداق بۇلۇپ قالدىكىن ؟ ئاپام كۈندە دېگىدەك  ماتۇڭنى چوتكىلاپ تازىلاپ تۇرغاچ  پارقىراپلا تۇراتتى ›› دەپتىكەن ، ئۆزىنىڭ پىشانىسىگە بىرنى سېلىپ ، ‹بۇرۇن ھەجەپمۇ بىلمەپتىكەنمەن ، مەن تېخى ماتۇڭنى ئۇنداق مەينەت بۇلۇپ كەتمەيدۇ دەپلا ئويلاپتىكەنمەن ›› دېگىدەك !

يۇقۇرقى مىسالدىن شۇنى ھېس قىلىمىزكى ، نۇرغۇن ئەرلەر ئاياللارنىڭ ئائىلىدە قىلىۋاتقان نۇرغۇن ئىشلىرىنى ھېس قىلىپ كېتەلمەيدۇ .
ناۋادا بىرەسى ئائىلە ئاياللىرىدىن  ‹‹ سىز كەسپى ئايالمۇ ياكى ئائىلە ئايالىمۇ ؟›› دەپ سورىسا ، ئۇ  ‹‹ مەن تۇلۇق كەسىپلىك ئايال ، مېنىڭ خىزمىتىم كۈندە 24 سائەت ....
مەن بىر ئانا ،
مەن بىر ئايال ،
مەن بىر قىز ،
مەن بىر كېلىن ،
مەن بىر سائەت ،
مەن بىر ئاشپەز ،
مەن بىر خىزمەتكار ،
مەن بىر ئوقۇتقۇچى ،
مەن بىر بالا باققۇچى
مەن بىر سېستىرا ،
مەن بىر كۆپكە قادىر ئىشچى،
مەن بىر ئامانلىق قوغدۇغۇچى
مېنىڭ ھەپتىدە بىرە قېتىممۇ دەپ ئېلىشىم يوق ،
يا مېنىڭ بىرە قېتىم ئاغرىپ رۇخسەت سورىشىم يوق ، شۇنداقلا بىرە قېتىممۇ يىللىق دەم ئېلىشىم يوق . مېنىڭ خىزمىتىم يا كېچە -كۈندۈز دەپ ئايرىلمايدۇ ، ئەمما مەن مۇشۇنداق ئىشلەپمۇ ئەڭ ئاخىردا ئېرىشكەن جاۋابىم ‹‹ سەن ئەتىدىن كەچكىچە نېمە قىلدىڭ ؟›› دىن ئىبارەت ! دەپ جاۋاپ بېرىدۇ . بۇ نېمىدىن دېرەك بېرىدۇ ؟
ئويلۇنىشقا تېگىشلىك مەسىلە دەپ قارايمەن بۇنى !

تۆۋەندە بارلىق ئاياللارغا سوغا قىلدىغىنىم :

ئايال كىشى خۇددى تاماق ئۈستىلىدىكى تۇزغا ئوخشايدۇ . نۇرغۇن ئادەملەر  ئۇنىڭ مۇھىملىقىنى ئويلاپ كەتمەيدۇ . ئەمما ئۇ كەم بولسا بارلىق تاماقلار تەمسىز بۇلۇپ ، كىشىنىڭ ئىشتىھاسىنى قاچۇرۇدۇ !

تەرجىمىدە : مېھرىيە
خەنچە ‹ ئەقىللىق ئاياللار › سالۇنىدىن ئۆزلەشتۈرۈپ تەرجىمە قىلدى .

ئۇپقۇن

ئوف!ما گەپنى ،كۆز ئالدىمغا ئانام كېلىۋاتىدۇ.بىزلە تۇرمۇش قۇرغاندا نىمە كۈنلەرنى كۆرەمىز.ھەي ئانىلار،ھەي ئاياللار،ھەي قىزلار.بۇ ئەسەر ئىنكاس يېزىشقا قەلىمىمنى گاللاشتۇرۇپ قويدى.

ئاي بەرگى

ئايال بولماقنىڭ ئۆزى بىر خىزمەت............قەلەملەر بەرىكەت تاپسۇن ھە جانىم

دىلزات

بۇ قۇرلارنى ئوقۇۋىتىپ ئايالىم بىلەن  ئانام كۆز ئالدىمدىن كەچتى .ئايا بولماق ھەقىقىەتەن تەسكەن،
مۇشۇنداق ئىسىل قۇرلار بولسا يەنە تەرجىمە قىلىپ بىزنى ۋاقىپلاندۇرۇپ تۇرۇڭ ھەدە.

نۇراخۇن

بۇ تېمىنى ئوقۇپ «ئايال بولماق تەس» ناملىق شېئىرلار يادىمغا كەپقالدى. بۇ شېئىرنىڭ تېكىستىنى يوللاپ قوياي دېسەم توردىن تاپالمايۋاتىمەن. ئاۋازلىق شېئىر ئىدى. بىلىدىغانلار يوللاپ قويسا بۇ تېمىنىڭ تولۇقلىمىسى سۈپىتىدە تېمىغا تازا ماس كېلەتتى.

نۇراخۇن

ئۇپقۇن يوللىغان ۋاقتى  2015-12-24 19:37
ئوف!ما گەپنى ،كۆز ئالدىمغا ئانام كېلىۋاتىدۇ.بىزلە تۇرم ...

بىزلە تۇرمۇش قۇرغاندا نىمە كۈنلەرنى كۆرەمىز.

سىز تېخىچە بويتاق يىگىتما؟ مەن تېخى سىزنى بىرەر بالىلىق بولۇپ بولغانمىكىن دەپ ئويلاپ كەلگەنتىم...

چېچەك

ئايال كىشى  ئۆي ئۈچۈن توختاۋسىز   تىپىرلىغىنىغا چۇشلۇق  يولدىشنىڭ  كۆينىش ،  چۇشنىشگە   ئېرشىەلىسە  جاپامۇ بىلىنمەيدۇ  ،  ئەتكەن تاماقلىرى باللىرى  ۋە يولدىشنىڭ  ئېغىزىغا  تېتىغاندا  ھاردۇقى  چىقىدۇ .

ياخشى تىما  ئېلىپ كەپسىز  ھەدە  ، تەشەككۇر  سىزگە

ئاتىكەم

ئەسەرنى  بەك جانلىق تەرجىمە قىپسىز  ، بۇ نۇسخىسىنى شىنجاڭ ئاياللىرى ژورنىلىغا ياكى باشقا مەتبۇئاتلارغا  ئىۋەتتىڭىزمۇ ؟ نەشىر قىلىنسا  تىخىمۇ ياخشى بولاتتى ، بارلىق ئەرلەر ئاياللارنىڭ جاپاسىنى چۈشەنگەن بولاتتى .
مەن ئۆزۈمنى ئىلىپ ئىيىتسام مەن  دۆلەت مەمۇرى ، بىر ھەپتىدە تولۇق 7 كۈن 8 سائەتتىن  ھۆكۈمەتنىڭ خىزمىتىنى  قىلىمەن ، ھەپتىدە 6 كۈن ئۆيدە كۈنلىكى ئىككى ۋاخ تاماق ئىتىمەن ، ھەپتىدە 2-3قىتىم كىر - قات يۇيىمەن  (ئۆيۈمدە ئاپتۇماتىك كىرئالغۇ بار ، لىكىن كىيىملەرنى  سۈپىتى بۇزۇلۇپ كىتىدۇ دەپ چوقۇم قولۇمدا سىقىپ ، چوڭ داسقا لىق سۇ ئىلىپ چايقاپ سىقمايلا  كىيىم جازىسىغا ئىلىپ ئىسىپ قۇرىتىمەن ) ، بالىلىرىمنىڭ تاپشۇرۇقلىرىنى ئىشلىتىش ، ئۆيلەرنى يۇغۇشتۇرۇش ، يولدۇشۇمنىڭ ، بالىلىرمنىڭ ئوخشىمىغان شەكىلدە ياقتۇرىدىغىنى بويىچە 3 ۋاخ تامىقىنى تەييارلاش ، يولدۇشۇمنىڭ بالىلىرىمنىڭ مىجەزى يوق بولسا دورىلىرىنى ئۈچۈرۈش ، ئۇۋۇلاش ، پۈتىنى تۇتۇپ قويۇش ، سىرىتتىن سىتىۋالىدىغان ئائىلىنىڭ سودىلىقلىرى ھەممىسى مىنىڭ زىممەمدە .بەزىدە نان سىتىۋىلىشنى ئۇنتۇپ قالغان بولسام كەچتە يەنە ھورنان ، بولكاياكى قۇيماق قاتارلىق نەرسىلەرنى تەييارلايمەن .
يولدۇشۇم پەقەت ئوغلۇمنى يەسلىگە ئاپىرىپ ئەكىلىدۇ ، ئەخلەت تۆكىدۇ .
ئۆزۈمنى  ماشىنا ئادەمدەك ھىس قىلىپ قالىمەن ، قاچان قارىسايۈگرەپ يۈرۈپ ئىش قىلغان ، بىرەر ئىش جايىدا بولمىسا  بىرمۇنچە  خاپىلىق ، تاپا-  تەنە ئاڭلاۋاتقان .
مەن ئايال دىگەن سۆزنىڭ  مەنىسىنى ئايالغۇچى  دەپ ئاڭلىغان ئىدىم ، يىقىندا يەنە بىر كىتاپتىن  ئايال دىگەن سۆزنىڭ ئەسلى مەنىسى   ئاي ئال  ، يەنى ئاسماندىكى ئاينى ئال دىگەنلىك بولىدۇ دەپ ئوقۇدۇم . لىكىن تۇرمۇشتا  ئاياللارنىڭ باشقىلارنى  ئايىغۇچى ئىكەنلىكىنى كۆرۈۋاتىمەن .
بۇ تىمىڭىزنى ئۈندىداردا  ھەمبەھىرلەپ قوياي ،بىزنىڭ ئەرلىرىمىزمۇ ئوقۇپ باقسۇن .
ئەسەرنىڭ ئەڭ ئاخىرقى  بۆلىكىنى  بىلوگۇمغا  چىقىرىۋالدىم :

ئايال كىشى خۇددى تاماق ئۈستىلىدىكى تۇزغا ئوخشايدۇ . نۇرغۇن ئادەملەر  ئۇنىڭ مۇھىملىقىنى ئويلاپ كەتمەيدۇ . ئەمما ئۇ كەم بولسا بارلىق تاماقلار تەمسىز بۇلۇپ ، كىشىنىڭ ئىشتىھاسىنى قاچۇرۇدۇ !

مېھرىيە

تېمىنى كۆزدىن كەچۈرگەن ئەزىزلىرىمگە رەھمەت .
بەلكىم بۇ تېما بەزى ئەرلەرگە ياقماسلىقى مۇمكىن ، چۈنكى بەزى بىزنىڭ ئەرلىرىمىزنىڭ كونا ئېدىيىسى كۈچلۈكرەك . لېكىن ئاشۇنداق ئەرلەر بۇ تېمىنى ئوقۇپ ئازراق بولسىمۇ بىر يەرلىرى چىمىلدىسىكەن دېمەكچى . چۈنكى ئۇلارنىڭمۇ ئانىسى بار . قاچانقى زامان ھازىر ، ئەر كىشى ئاشخانە ئۆيگە كىرسە بولمايدۇ دەيدىغان . ھازىر تۇرمۇشنىڭ ئېھتىياجى  سەۋەپلىك ئەر -ئايال ھەر ئىككىسى سىرتتا خىزمەت قىلىدۇ ، ئاز ساندىكى ئاياللار ، ئۆزلىرىنىڭ سىرتتىكى خىزمىتىدىن ئىستىپا بېرىپ ياكى بولمىسا ، شۇ ئائىلە ئۈچۈن بولدىلا خىزمەت قىلماي بۇ ئائىلىنىڭ ،باللىرىمنىڭلا ھۆددىسىدىن چىقاي دەپ ئائىلە ئايالى دېگەن قالپاقنى كىيىپ ئولتۇرۇشقا مەجبۇر بۇلىدۇ . بۇ مەجبۇرلۇقمۇ باشقا نەرسە ئەمەس بەلكى يەنىلا مۇشۇ بىر ئائىلە كىشىلىرى ئۈچۈندۇر . شۇڭا بەزى ئەرلەرنىڭ ‹ ئايالىمنىڭ خىزمىتى يوق ، مەن يالغۇز بىر ئادەم ئىشلەپ ، بۇ ئائىلىنى بېقىۋاتىمەن ، بىقىش جەريانىدا ئۇ بولدۇم ، بۇ بولدۇم ، › دېگەنلىرىنى ئاڭلىغان چېغىمىزدا ، ئۇلارغا ئائىلىدە ئۇلار ئۈچۈن كېچە -كۈندۈز خىزمەت قىلىۋاتقان ئاشۇ خىزمىتى يوق ئايالغا سەل قاراۋاتقىنىنى ھېس قىلىپمۇ قالىمىز  . لېكىن بۇنى ئەرلەرگە دېمەي يەنىلا ئىچىمىزدىلا بىلىپ قالىمىز . تۇنۇگۈن بۇ ئەسەرنى كۆرۈپ ، ئەسەرنى يازغان ئادەمگە ‹ يارايسەن › دېگەن بارمىقىمنى چىقىرىپ قويۇپ ، تەرجىمە قىلىپ يوللاپ قويدۇم . توغرا قارىغانلار توغرا قارىيالايدۇ ، خاتا قارىغانلارغىمۇ ئامال يوق ، چۈنكى ھەر كاللىدا ھەر خىيال دەپتىكەن كونىلار

ئۇپقۇن

نۇراخۇن يوللىغان ۋاقتى  2015-12-25 09:09
سىز تېخىچە بويتاق يىگىتما؟ مەن تېخى سىزنى بىرەر بالى ...

مېنى مازاق قىلىپ دەۋاتامسىز نىمە بۇ گەپلەرنى.مەن ھازىر كورلىدە ‹‹بايىنغۇلىن كەسپى تىخنىكا ئىنىستۇتى››دا ئوقۇۋاتىمەن