ئابلىكىم مۇھەممەت(ئۇپقۇن) ئاتا-ئانا

ئۇپقۇن

ئاتا-ئانا

ئابلىكىم مۇھەممەت(ئۇپقۇن)

دادا

دادا،
سەن خىزىر،
ئالقىنىڭدا كۆكلەيدۇ ھايات.
شۇڭا مەغرۇر يۈرەرمەن دائىم،
سەن بولغاچقا باھارىم ئاۋات.
دادا،
قۇياش يۇرۇدى،
سەن ئۇندىن بۇرۇن ئورنۇڭدىن تۇردۇڭ.
كەتمىنىڭدە ئازابنى كۆمۈپ،
داستىخانغا بەركەت تولدۇردۇڭ.
دادا،
سەن دىھقان،
ئاددى ئىنسان،
بېلىڭ مۈكچەيگەن،قوللىرىڭ قاداق.
مېنىڭ كەيگىنىم شاھانە كېيىم،
ئەمما سېنىڭ ئۇچاڭدا ياماق.
دادا،
سەن كۆمۇر،لىكىن ئاپپاق.
دادا،
سەن بولغاچ مېنىڭ بېغىم بۈك باراقسان.
ئەمما ساڭا قالغىنى شىۋاق.
دادا،
قۇلۇڭدا كەتمەن،
سۇ تۇتىسەن ئىتىزلىرىڭغا،
قىززارغان كۆزلەر ،
تۈرۈلگەن پۇچقاق.
دادا،......

ئانا

ئانا،
بېشىڭدىكى ئاپپاق چاچ،
بەلكىم بەخىت چېچىكى،
يىللار ساڭا سوۋغا قىلغان.
كېچىلىرى مېنى باغرىغا بېسىپ،
بەخىت چېللىغان.
ئانا،
ئۇزۇق بەردىڭ ماڭا قېنىڭدىن.
مېنى شاھانە ياساندۇردۇڭ،
ئۇلۇغ ئىنسان بارمۇ سېنىڭدىن.
ئانا،
تېتىمايدۇ ئېغزىمغا ئەسلا،
سەن ئەتمىگەن ھىچ قايسى نېممەت.
تەۋرىنىدۇ قولۇڭدا دۇنيا،
تاپىنىڭنىڭ ئاستىدا جەننەت.
ئانا،
كۆزلىرىمگە تىكەن كىرسە،
يۈرىكىڭدىن ئاقىدۇ قان.
مېنىڭ بەختىمنى كۆرۈش،
مانا بۇ سەندىكى ئەڭ چوڭ ئارمان.
ئانا،
سەنسىز ئۆي گۆرىستان.
سەن بولمىساڭ قۇشلار سايرىماس،
باغلارمۇ زىمىستان.
سەن بولمىساڭ گۈللەر ئېچىلماس،
ھەتتاكى كەلمەيدۇ مىھمان.
ئانا،
سانسىز تۈنلەرنى تاڭغا ئۇلىدىڭ،
سەن بولغاچقا توققۇزۇم تەل.
يۈرىۋاتىمەن يات شەھەرلەردە،
مېنىڭ ئۈچۈن قۇلۇڭدا مەشئەل.
ئانا،
سەھەردا چولپان بىلەن تەڭ ئورنۇڭدىن تۇرۇپ،
بەختىم ئۈچۈن قىلىسەن دۇئا.
يۈزلىرىڭدە سانسىز قورۇق،
قۇللىرىڭ قاداق،
يىللاردىن قالغان ئىزنادۇر ساڭا.
ئانا،........
2015يىلى12-ئاينىڭ 21-كۈنى(كورلا)

ئاتىكەم

ئاتا دىگەن زۇلپىقار ، ئانا دىگەن تىلتۇمار  ...
ئاتاڭ تاغ يۆلىنىدىغان ، ئاناڭ باغ يايرايدىغان ...
ئەسىرىڭىزنى ياقتۇرۇپ ئوقۇدۇم ، ئاتا - ئانىلىرىمىزنى مەدھىيىلەپ يازغان ئەسىرىڭىزگە  رەھمە ت!

sapkalip

ئاتا   ئانىمىزنى  قانچىلىك  مەدھىيلىسەك  ئەرزىيدۇ .

ئاي بەرگى

ئاتا-ئانىلار ئۈچۈن ھەركىم ھەرخىلدا قەلەم تەۋرىتىدۇ.لېكىن يەنىلا مەقسەت ئۆزگەرمەيدۇ.ھەر بىر قۇردىن بالىنىڭ ئاتا-ئانىغا بولغان سېغىنىشى ،مۇھەببىتى تۆكۈلۈپ تۇرىدىغان قۇرلارنى داۋاملىق يېزىپ تۇرۇڭ.سىزگە ئىزچىللىق يار بولسۇن!

ئۇپقۇن

ھەممىڭلارنىڭ ياقتۇرۇپ ئۇقۇغۇنىڭلارغا رەھمەت كەمچىلىكلىرىمنى كۆرسىتىپ بەرگەيسىلەر.

ئۇپقۇن

ئاي بەرگى يوللىغان ۋاقتى  2015-12-22 18:10
ئاتا-ئانىلار ئۈچۈن ھەركىم ھەرخىلدا قەلەم تەۋرىتىدۇ.لې ...

بولىدۇ چوقۇم دېگىنىڭىزدەك تىرىشىمەن كەمچىلىكلىرىمنى كۆرسىتىپ بەرگەيسىز.

سەبي

تىلى ئاددى يېقىشلىق چىقىپتۇ

ئۇپقۇن

سەبي يوللىغان ۋاقتى  2015-12-23 15:36
تىلى ئاددى يېقىشلىق چىقىپتۇ

رەھمەت.

مېھرىيە

‹ھەممە شائىر ئانا دەپلا قەلەم تەۋرىتىدۇ ، ئۇلارنىڭ ئاتىلىرى يوقمىكىن › دەپ ، سىزنىڭ ئاتا- ئانىلار ئۈچۈن تەۋرەتكەن قەلىمىڭىزگە ئاپىرىن قېرىندىشىم .

ئۇپقۇن

مېھرىيە يوللىغان ۋاقتى  2015-12-24 16:36
‹ھەممە شائىر ئانا دەپلا قەلەم تەۋرىتىدۇ ، ئۇلارنىڭ ئات ...

رەھمەت، سىلەرنىڭ ئىنكاسىڭلار مېنىڭ ئالغا ئىگىرلىشىمدىكى ھەركەتلەندۇرگۈچ كۈچ.