A,B,AB,Oقان تىپىلارنىڭ بايانى

ئارتىس119

      A,B,AB,Oقان تىپىلارنىڭ بايانى


ئا قان تىپىدىكىلەر:
ئالاھىدىلىكى: مۇلايىم، ئېغىر-بېسىق، زىل، ئىنچىكە، كەمتەر، مېھرىبان، ھەمكارلىشىشقا، قۇربان بېرىشكە تەييار، جىمغۇر.
كەمچىلىكى: ھەممە ئىشتىن غەم يەپ، تەشۋىشلىنىپلا تۇرىدۇ. ئىرادىسى ئاجىز، ئاسانلا ھېسسىياتقا بېرىلىپ كېتىدۇ، زىيادە مىسكىن، ئۈمىدىسز، نومۇسچان، بېكىنمىچىلىكى ئېغىر.
تىپىك ئالاھىدىلىكى: ئۆزىگە ئىشىنىشى كەمچىل، شۇڭا ئاسانلىقچە باشقىلارغا ئىشەنمەيدۇ، ئۆزىنى تۆۋەن كۆرىدۇ.

ب قان تىپىدىكىلەر:
ئالاھىدىلىكى: بىغەم، خۇشخۇي، تېتىك، نازۇك، ئۈمىدۋار،قاينام-تاشقىنلىقنى خالايدۇ.
كەمچىلىكى: ھەممىگە تەڭ ئېسىلىۋالىدۇ، ئاسانلا ئىرادە قىلغان ئىشىدىن يېنىپ قالىدۇ. قاپ يۈرەك، ئىرادىسىز، ھە دېسە نام قازىنىشنى قوغلىشىدۇ. كىچىككىنە ئىشلار سەۋەبىدىن ئىرادىسى بوشىشىپ قالىدۇ. ئىش-ھەرىكىتىنى سەل چەكتىن ئاشۇرۇۋېتىدۇ.
تىپىك ئالاھىدىلىكى: ئۆزىنى ئۆزى مۇئەييەنلەشتۈرۈش ئىدىيىسى كۈچلۈك. ئۆزىگە بەك ئىشىنىدۇ.

ئا ب قان تىپىكىدىكىلەر:
ئالاھىدىلىكى: بۇ قان تىپىدىكىلەرنىڭ چۈشىنىش ئىقتىدارى ئالاھىدە كۈچلۈك، مۇلايىم، يېقىملىق، قىزغىن، كېلىشتۈرۈشكە ماھىر. ھېسداشلىققا، ئۆزىنى تىزگىنلەپ تۇرۇشقا، باشقىلار ئۈچۈن قۇربان بېرىش روھىغا باي.
كەمچىلىكى: ئايال بولسا مىجەزى ئىتتىك ئۆزگىرىپ تۇرىدۇ. ئاسانلا ئاچچىقلىنىدۇ. چېچىلغاقراق، ھە دېسىلا ئۇنىڭدىن-بۇنىڭدىن ئاغرىنىپ يۈرىدۇ. سەل سۆرەلمىرەك كېلىدۇ. ئەر بولسا سوغۇققان، بىپەرۋا كېلىدۇ.
تىپىك ئالاھىدىلىكى: ئايال بولسا زىيادە مۇكەممەللىكنى قوغلىشىدۇ. ئەر بولسا ئىشنىڭ ماھىيىتىنى چۈشىنىشكە ئامراق، ئەقلىي تەپەككۈرى كۈچلۈك، ئەقىل بىلەن ئىش كۆرىدۇ.

ئو قان تىپىدىكىلەر:
ئالاھىدىلىكى: ئۆزىگە قاتتىق ئىشىنىدۇ، ھېسسىيات بىلەن ئەمەس، ئەقىل بىلەن ئىش قىلىدۇ. جانلىق، تېتىك، پۈتۈن ۋۇجۇدى ھاياتىي كۈچكە تولغان بولۇپ، ئەمەلىيەتچىل، كەڭ قورساق، ئوچۇق-يورۇق، تۈز.
كەمچىلىكى: جاھىل، ئۆزۈمچىلىك خاھىشى زىيادە كۈچلۈك.
تىپىك ئالاھىدىلىكى: ئۆزىنى زىيادە مۇئەييەنلەشتۈرىدۇ.

  مەنبە:‹‹قان تىپ ۋە خاراكتىرىڭىزنى بىلىۋېلىڭ›› دېگەن كىتابتىن

ئەزىزىم

مەن ئو تىپلىق.

شاھزاد

مەنمۇ  ب   ئوخشاپمۇ   قالىدىكن

زەمزەم

مەنمۇ ئو قان تىپلىق لىكىن  بەزىدە ھېسىياتقا كىرىپ ئىش قىلىپ سالىمەن . باشقىسى تامامەن توغرىكەن ،

قاھىرە

مەنمۇ  ئو  قان  تىپلىق  بەزى يەرلىرى  بەكلا  ماس كېلىدىكەن مەنمۇ  بەكلا  جاھىلچۇ  .......

ئاتىكەم

مەن   ب  تىپلىق  ئىدىم  .

چېچەك

ئو   قان تىپلىقلا  مەلۇم قىلۋېتىڭلا  ئۆزەڭلارنى   

ئاتىكەم

چېچەك يوللىغان ۋاقتى  2015-11-30 21:55
ئو   قان تىپلىقلا  مەلۇم قىلۋېتىڭلا  ئۆزەڭلارنى

مىنىڭ  قىزىم  ئو  قان تىپلىق  .

كۆكتاش

مەنمۇ ئوتىپلىق ئەينا

روھناز

تۈپتىن خاتادەكلا ھىس قىلدىم جۇمۇ،مەن ئا تىپلىق،لىكىن يۇقارقى ئەھۋاللاردىن تۇلىمۇ يىراقتا مەن.