بۇ بىر ماتىماتىكىلىق مىسال ، لىكىن بۇنىڭ يەنە باشقا مەنىسىمۇ بار، بۇنىڭدىكى 310 دىگىنى يولدۇشۇمنىڭ تۇغۇلغان كۈنى 3-ئاينىڭ 10 -كۈنىنى بىلدۈرىدۇ ، 816 دىگەن بولسا مىنىڭ تۇغۇلغان كۈنۈم 8-ئاينىڭ 16-كۈنىنى كۆرسىتىدۇ ، 1126نىڭ مەنىسىنى بولسا ھازىرچە مەخپى .
يىڭى خىزمەتكە چىققان ۋاقىتلىرىم ئىدى ، ئىدارىدىكى بويى ئىگىز ، ئۇستىخانلىق ، چىرايى ئاق - قىزىل كەلگەن مۇھەممەت ئىىسملىك بىر يىگىتنىڭ دائىم ماڭا ئوغۇرلۇقچە قارايىدىغانلىقنى ، كۆزلىرىمىز ئۇچۇرۇشۇپ قالغاندا دەرھال باشقا ياققا قارىۋالىدىغانلىقىنى سىزىپ تۇراتتىم ۋە پەرۋاسىزلا كۆزى بولغاندىكىن قارىمامدۇ دەپ ئويلايتتىم .
بىركۈنى ئىشخانىدا ئولتۇرسام ئىش بىجىرگىلى كەلگەن بىر ئائىلىلىك بىر پارچە تونۇشتۇرۇشنى ماڭا تەڭلىدى ، مەن ئىتتىك قولۇمغا ئىلىپ قارىسام خەت قارا رەڭلىك قەلەم بىلەن ئاجايىپ چىرايلىق يىزىلغان ئىدى ، مەن دەرھال بۇ خەتنى كىمنىڭ يىزىپ بەرگىنىنى سورۇدۇم ، ئەسلىدە ئۇ خەتنى دائىم ماڭا ئوغۇرلۇقچە قارايدىغان ھىلىقى مۇھەممەت يىزىپتىكەن ، شۇنىڭدىن كىيىن مەندە ئۇ يىگىتكە نىسبەتەن بىر خىل ھۆرمەتلەش تۇيغۇسى شەكىللەندى ، چۈنكى مەن خېتى چىرايلىق كىشىلەرنى بەك ھۆرمەتلەيتىم .
2000-يىلى 6- ئاينىڭ 14-كۈنى (چارشەنبە)چۈشتىن كىيىن ئىدارىدا سىياسىي ئۈگۈنۈش بار ئىدى ، سىياسىي ئۈگۈنۈشتە مەن بىلەن بىر ئىشخانىدا ئىشلەيدىغان قىز مىنى چاقىرىپ" بىللە ئولتۇرىمىز" دىدى ، قارىسام ئۇ قىز ، بىزنىڭ مۇدىر ۋە مۇھەممەتمۇ بار ئىكەن ، مۇدىر بىلەن ئۇ قىز بىر ئورۇنداقتا ئولتۇرۇپتۇ ، مەن ئامالسىز مۇھەممەتنىڭ يىنىدا ئولتۇردۇم .بىز بىللە ئولتۇرۇپ ئوقۇپ بەرگەن ھۆججەتنى ئاڭلىغاچ خاتىرە قالدۇردۇق . ئۈگۈنۈش ئاخىرلاشقاندىن كىيىن مەن مۇھەممەتنىڭ خاتىرىسىنى كۆرۈپ ئۇنىڭغا : «سىلى خەتنى بەك چىرايلىق يازىدىكەنلە ، ئۆتكەندە بىر ئائىلىلىك سىلى يىزىپ بەرگەن تونۇشتۇرۇشنى ئىلىپ كەپتىكەن ، خىتى شۇنداق چىرايلىق ، سۈلكەتلىك ئىكەن ، سورىسام سىلىنى يىزىپ بەردى ،دىگەن ئىدى » دىدىم، بۇ بىزنىڭ تۇنجى قىتىم يۈز كۆرۈشۈشىمىز ۋە پاراڭلىشىشىمىز ئىدى .بۇ ئىش ئۆتۈپ دەل 4 يىل بولغان كۈنى يەنى 2014-يىلى 6 - ئاينىڭ 14- كۈنى قىزىمىز مۇنىسە تۇغۇلدى .
شۇيەردە ئۇلار جۈمە كۈنى چۈشتىن كىيىن رۇخسەت سوراپ خەلق باغچىسىغا بىرىپ «كۈلۈپ تۇرغان شىر بىلەن ھىجىيىپ تۇرغان يولۋاس »نى كۆرۈپ كىلىمىز دەپ مەسلىھەت قىلىشتى ، مەنمۇ يىڭى خىزمەتكە چىققان بولغاچقا ،بالىلار بىلەن ئارلىشىپ ئۆتۈش زۆرۈر بولغانلىقى ئۈچۈن ئامالسىز بىللە بارىدىغان بولدۇم .
جۈمە كۈنى چۈشتىن كىيىن ئىدارىدا يوقلىمىدىن ئۆتۈپ بولغاندىن كىيىن بىز ۋىلسىپىت بىلەن خەلق باغچىسىغا كەلدۇق .مەن ھايۋاناتلارغا بەك ئامراق بولغاچقا تۈرلۈك ھايۋانلارنى كۆرۈپ چۈشەندۈرۈشلىرىنى قويماي ئوقۇپ بەك خۇش بولدۇم . باغچىدا ئىچىملىك ئىچكەچ قارت ئوينىدۇق ،چاقچاق ئارىسىدا ئىككىمىزنى بىر - بىرىمىزگە چاپلايدىغان گەپ - سۆزلەر چىقىشقا باشلىغان ئىدى ، مەن پەقەت زۇۋان سۈرمۈدۈم . شەرت قويۇش قارتى ئويناپ ماڭا جاۋاپ بىرىش چىقىپ قالدى ، جاۋاپ بىرىدىغان سۇئال : قانداق يىگىتنى ياخشى كۆرىدىغانلىقىم توغرىسىدا ئىدى . مەن دەرھال : ئەخلاقلىق ، بىلىملىك ، بويى ئىگىز ، بۇرۇتلۇق يىگىتلەرنى ياخشى كۆرىدىغانلىقمنى ئىيىتتىم (چۈنكى مۇھەممەتنىڭ بۇرۇتى يوق ئىدى )،بالىلار بەكمۇ كۈلۈشۈپ كەتتى ، خىزمەتكە چىققان 4 ئايدىن بۇيان تۇنجى قىتىم ئوينىغىلى چىقىشىم ئىدى ،شۇنداق قىلىپ يىرىم كۈن بەكمۇ خۇشال ئوينۇدۇق .
ئارلىقتا 10 كۈندەك ۋاقىت ئۆتتى ، بىر كۈنى مۇھەممەت ئىشخانىغا كىرىپتۇ ، قارىسام بىريەرلىرى غەلىتە ، باشتا ھىس قىلماپتىمەن ، كىيىن بىلسەم بۇرۇت قويۇۋاپتۇ ، بەك كۈلگۈم كەپكەتتى .
شۇنداق قىلىپ مۇھەممەت كۈندە بىرەر قىتىم ئىشخانىغا كىرىپ تۇرىدىغان بولدى ، مۇدىرمۇ ئۇنىڭ ماڭا كۆڭلى بارلىقىنى بىلگەچ ئۇنىڭغا شارائىت يارىتىپ بەرگەن بولسا كىرەك ، ھەر چارشەنبە كۈنى سىياسىي ئۈگۈنۈشكە مىنى قاتناشتۇرماي ئىشخانىدا تۈرلۈك چوڭ خەتلەرنى ، لوزۇنكا ، دوسكىلارنى يىزىپ بىرىشنى مۇھەممەت بىلەن دىيىشىپ ،مىنى ياردەملىشىشكە بۇيرۇپ ، ئىشخانىدا يالغۇز قالدۇرۇپ قوياتتى . داۋاملىق بىرگە ئارلىشىش جەريانىدا مۇھەممەت ماڭا خىلى ياخشى تەسىر بەرگەن ئىدى ، مەنمۇ ئەمدى بەك قاچمايدىغان ، تەبىئى ھىس قىلىدىغان بوپ قالغان ئىدىم .
8-ئاينىڭ 16-كۈنى چارشەنبە مىنىڭ تۇغۇلغان كۈنۈم ئىدى ، ئۇ كۈنى ھەر ئىككىمىز چۈشتىن كىيىنكى سىياسىي ئۈگۈنۈشكە قاتناشمىدۇق ، مۇھەممەت چۈشتىن كىيىن ماڭا ئاتاپ ئالغان سوۋغىسى ئىلىپ ئىشخانامغا كەلدى ، مەن باشقىلار كۆرۈپ قالسا گەپ بولۇپ قالىدۇ دەپ مۇشۇ چاغقىچە ئۇنىڭ بىلەن ئاشكارا سىرىتقا بىللە چىقىپ باقمىغان ئىدىم ، شۇڭا ئۇ دائىم مىنى ئىزدەپ ئىشخانامغىلا كىلەتتى ، بەزىدە ئۇنىمىغىنىمىزغا قارىماي ئىشخانىدىكى ھەممەيلەننى مىھمان قىلاتتى . تۇغۇلغان كۈنۈمدە مۇھەممەت ماڭا ئۈچ تال قىزىلگۈل سوۋغا قىلدى ، گۈلنىڭ ئارىسىدا ئاتكىرىتكا بولۇپ ، ئاتكىرىتكىغا
亲爱的816 我永远爱你
爱你者：310
دىگەن خەت يىزىلغان ئىكەن ، مەن دەرھال بۇ نىمە دىگەن گەپ ؟مەن خەنزۇچىنى تازا بىلمەيدىكەنمەن دەپ سورىسام قىزىرىپ تۇرۇپ :
-مەن سىلىنى ياخشى كۆرىمەن ، ماڭا تىگىشنى خالاملا ؟ دەپ سورىدى ، يەنە سوۋغاتلىرىنى چىقاردى ، سومكىدىن ساپسىرىق بىر ئۆردەك قونچاق ۋە كىچىك بىر ئىتنى چىقىرىپ ماڭا تەڭلىدى ، ھەمدە مەن مەڭگۈ سىلىگە ئىتتەك سادىق بولىمەن ، بۇ ئىتنى كارۋاتلىرىنىڭ دەسسەيدىغان يىرىگە قويۇپ قويسىلىرى ھەر دەسىگەندە سىلىگە مىنىڭ سۆزۈمنى ئىيتىدۇ دەپ مىجىپ سۆزلەتتى ، ئەسلىدە ئۇ ئىت ھەر مىجىلغاندا بىر قىتىمYOU I LOVE دەيدىكەن ، مەن دەرھال بۇ نىمە دىگىنى ، مەن يا ئىنگىلىزچە بىلمىسەم دىسەم :
- مەن سىلىنى ياخشى كۆرىمەن دىگىنى ...دەپ تىخىمۇ قىزاردى .
مەن نىمە دىيىشىمنى بىلمەي ئويلۇشۇپ باقاي دەپ جاۋاپ بەردىم .
مەن قانداق قىلىشمنى بىلمەي نەچچە ئاي ئۆتۈپ كەتتى . شۇ كۈنلەردە مەملىكەت بويىچە 5 - قىتىملىق نوپۇسنى ئوموميۈزلۈك ئىنىقلاش خىزمىتى باشلىنىپ بىز بىللە شۇ خىزمەتكە ئاجرىتىلدۇق ، ئۇنىڭ ماڭا بولغان مۇئامىلىسى بىر خىللا ئىدى ، مىنى ئاسرايتتى ، ئىشلىرىمنى يىنىمدا بىللە تۇرۇپ تەڭ قىلىشىپ بىرەتتى ، مەن ئاخىرى ئۇنىڭ تەلىۋىگە رازىلىق بىرىشى قارارىغا كەلدىم ، لىكىن قانداق دىيىشنى بىلمەي بىشىم تازا قاتتى ، دەل شۇ چاغدا ئاتكىرىتكىغا قاراپ ئولتۇرۇپ خىيالىمغا بىر ئىش كەلدى ، دەرھال سىياسىي ئۈگۈنۈش خاتىرەمنىڭ ئىككى يىرىگە 310 816=1126 نى يىزىپ قويدۇم ، 11-ئاينىڭ 26- كۈنى مۇھەممەتنى ئىشخانامغا چاقىرىپ مۇنداق دىدىم :
-مىنىڭ سىلىگە بىرىدىغان جاۋابىم مۇشۇ خاتىرىنىڭ ئىچىدە ئىككى يەردە بار ، ئۆزلىرى تىپىپ كۆرۈۋالسىلا .
مۇھەممەت خاتىرىنى قولىغا ئىلىپ بىردەم ۋاراقلاپ بىر بەتتىكىنى تىپىپ ماڭا كۆرسەتتى ، مەن يەنە بىرىنىمۇ تىپىشنى بۇيرۇدۇم ھايال بولماي ئۇنىمۇ تاپتى ، شۇنداق قىلىپ بىز 11-ئاينىڭ 26-كۈنى ھاياتىمىزنى مەڭگۈ بىللە ئۆتكۈزۈش قارارىغا كەلدۇق .
شۇنىڭدىن بۇيان 15 يىل ئۆتتى ، بىز ھەر يىلى 11-ئاينىڭ 26-كۈنىنى ئەڭ مۇھىم خاتىرە كۈن قاتارىدا ئۆتكۈزۈپ كىلىۋاتىمىز ، ئىشلىتىۋاتقان كومپيۇتېر ، بانكا كارتىسى ...ئىشقىلىپ مەخپى نۇمۇر بارلىكى نەرسىمىزنىڭ مەخپى شىفىرىغا 1126 دىگەن ساننى ئىشلىتىپ كەلدۇق . 2009-يىلى تۇنجى ماشىنىمىزنى سىتىۋالغاندا 1126 دىگەن نۇمۇر تاختىسىنى بىجىرىمىز دەپ ماشىنا باشقۇرۇش ئورنىدىكى مۇناسىۋەتلىك ئادەم بىلەن مۇناسىۋەت باغلاپ ۋاقىتلىق نۇمۇر تاختىسى بىلەن 20نەچچە كۈن يۈردۇق ئاخىرى ئامال بولماي1126گە يىقىنراقكەن دەپ 1196دىگەن نۇمۇر تاختىسىنى بىجىردۇق .
پاك مۇھەببتىمىزنىڭ 15يىللىقىنى خاتىرىلەپ بۇ تىمىنى يىزىپ ئولتۇرۇپتىمەن ، بۇ 15 يلىدا بىز مۇھەببەتلەشتۇق ، توي قىلدۇق ، ئىككى بالىلىق بولدۇق ، بىر - بىرىمىزنى يەنىلا بۇرۇنقىدەك ياخشى كۆرۈپ ،بىر - بىرىمىزنىڭ غىمىنى يەپ ،پەرزەنتلىرىمىزنى تەربىيىلەپ ئۆتۈۋاتىمىز .
بۇنىڭدىن كىيىنمۇ داۋاملىق مۇشۇ كۈننى بىللە ئۆتكۈزۈشىمىزنى ، ھەممىمىزنىڭ تىنى سالامەت ، ئىشلىرىمىزنىڭ ئۇتۇقلۇق بولۇشىنى ، پەرزەنتلىرىمىزنىڭ تىنىنىڭ سالامەت ، ئۆمرىنىڭ ئۇزۇن بولۇشىنى ، مۇراد - مەقسىتىگە يىتىشىنى تىلەيمەن !
بايلىق
شۆھرەت
ۋاقتى: 2015-11-25 19:11:05
ساقلاش
ھەمبەھر
قېزىلما
قوللاش
قارشى
ۋاقتى: 2015-11-26 01:04:25
