يېڭى 100 يۈەننى رەت قىلىشقا بولمايدۇ!!

ئارتىس119

                      يېڭى 100 يۈەننى رەت قىلىشقا بولمايدۇ

  2015-يىلى 11 ئايدىكى جۇڭگو خەلق بانكىسى تورىنىڭ  ئەڭ يېڭى  خەۋىرىگە ئاساسلانغاندا،
خەلق بانكىسىنىڭ ئالاقىدار تارمىقىنىڭ مەسئۇلىنىڭ ئېيتىشىچە، يېڭى نۇسخىدىكى 100 يۈەنلىك خەلق پۇلى دۆلەتنىڭ قانۇنلۇق پۇلى، خەلق پۇلى ئارقىلىق دۆلەت ئىچىدە ھەر قانداق قەرزنى تۆلىگەندە، ھېچقانداق ئورۇن ياكى شەخسنىڭ رەت قىلىشىغا بولمايدىكەن. شەخس ياكى ئورگانلار يېڭى نۇسخىدىكى خەلق پۇلىنى ئىشلىتىش جەريانىدا مەسىلىگە يولۇقسا، شۇ يەرلىك جۇڭگو خەلق بانكىسىغا شىكايەت قىلسا،
خەلق بانكىسى قانۇن بويىچە بىر تەرەپ قىلىدىكەن.
  
   

ئۇنىڭ ئېيتىشىچە، يېڭى نۇسخىدىكى خەلق پۇلى تارقىتىلىشتىن بۇرۇن، بانكا ساھەسىدىكى پۇل-مۇئامىلە ئورۇنلىرىنىڭ پۇل بىر تەرەپ قىلىش ئۈسكۈنىلىرىگە يېڭىلاش كىرگۈزۈلۈپ ھەمدە قاتتىق تەكشۈرۈشتىن ئۆتكەن بولۇپ، ئۈنۈملۈك ھالدا يېڭى نۇسخىدىكى خەلق پۇلىنى تەكشۈرەلەيدىكەن. جەمئىيەتتىكى پارچە سېتىش ساھەسىدىكى پۇل تەكشۈرۈش ماشىنىلىرىنىڭ يېڭىلىنىشى، يېڭى نۇسخىدىكى پۇل ئېلان قىلىنغاندىن كېيىن قوزغىتىلغان ئىكەن.
خەلق بانكىسى ئالاقىدار ئورۇنلار بىلەن ھەمكارلىشىپ پۇل تەكشۈرۈش ماشىنىسى يېڭىلاش خىزمىتىنى ئورۇندايدىكەن.

     جۇڭگو خەلق بانكىسى ئۇقتۇرۇش ئېلان قىلىپ دېيىشىچە، 2015-يىلى 11-ئاينىڭ 22-كۈنى
2015-يىل نەشرىدىكى بەشىنچى يۈرۈش خەلق پۇلى 100 يۈەن قەغەز پۇل ئېلان قىلىنىدىكەن.
جۇڭگو خەلق بانكىسى ئىگە تەرەپ مىكرو بىلوگى يەنە نېمە ئۈچۈن 2015-يىللىق بەشىنچى يۈرۈش 100 يۈەن خەلق پۇلىنى تارقىتىدىغانلىقىنى چۈشەندۈرگەن. مىكرو بىلوگدا دېيىلىشىچە، خەلق پۇلىغا ئىگە بولغۇچىلارنىڭ مەنپەئەتىنى تېخىمۇ ياخشى قوغداش ئۈچۈن، پەن-تېخنىكىنىڭ تەرەققىياتىغا ئاساسەن قەغەز پۇلغا ئىشلىتىلگەن مۇداپىئە تېخنىكىسى ۋە بېسىش سۈپىتىنى ئۈزلۈكسىز ئاشۇرۇش كېرەك، بۇ ئارقىلىق خەلق پۇلىنىڭ مۇداپىئە تېخنىكىسىنىڭ ئىلغارلىق ئورنىنى ساقلاپ قېلىش كېرەك. جۇڭگو ئىقتىساد تورى مۇخبىرىنىڭ كۆزىتىشىچە، قەغەز پۇلنىڭ ئوتتۇرىسىدىكى رەقەملەرگە رەڭلىك نۇر ئۈنۈمى ئىشلىتىلگەن بولۇپ، كىشىلەرنىڭ ياقتۇرۇشىغا ئېرىشكەن، تورداشلار ياقتۇرغانلىقىنى بىلدۈرۈپ، بۇ قېتىم ئېلان قىلىنماقچى بولغان پۇلنى «ئالتۇن رەڭ خەلق پۇلى» دېگەن.

   
كونا خەلق پۇلىغا سېلىشتۇرۇپ كۆرۈپ، تورداشلار يەنە مۇنداق پىكىرلەرنى بەرگەن:
«ئىككىلىك كود قوشۇپ قويۇڭلار! كودنى سىكاننېرلاپلا راست پۇل بىلەن يالغان پۇلنى پەرقلەندۈرۈۋالايلى!».
   مەنبە: ئېنتىرنىت تورىدىن

يۈرىكىم

يىڭى تاقالغان بولسىمۇ .....بۇرۇنقى پۇلغا ئوخشىمايدىكەن دىمەستىنلا خەجلىۋىتىمەن......جۇمۇ.....

gvzalnur

قىزىل بولسىلا خەجلەۋەردىمغۇ

gvzalnur

دىمەك يېڭى خەلق 100 يۈئەنلىك پۇلى بۇرۇنقىسىدىن شەكلى چوڭ چىقىدۇ دىمەكچىما ؟
قانداق قانداق جەھەتتە پەرىقلىندۇ قايسىڭلار بىلىسىلەر؟

sapkalip

چوڭ .كىچىك   بولىشى   بىلەن  كارىم  يوق.ھازىر   بەشتە  كاپالەتلىك  ئائىلە   قاتارىغا   چۇشۇپ  قالاي  دىدىم.  مەن ئوقۇيدىغان  كىتاپلار بەك  قىممەت   توختاۋاتىدۇ. قايسىسى بولسا     خەجلەۋىرەتتىم.

ئەزىزىم

مەنغۇ ئاسان پەرىقلەندۈرەلمەيمەن.

دۇردانە

يېڭى 100 يۈئەن چىرايلىق كۆرۈندىيا

مەنغۇ كونا يېڭى دېمەي خەجلەۋېرىمەن

ئاي بەرگى

كونا بولامدۇ يېڭىمۇ نىمە ئىشىم؟تېزراق مائاشنى بەرسۇنچۇ؟ئايرىماي خەجلەۋېرىمەن

شاھزاد

مەنمۇ  77777 نۇمۇرلۇقتىن بىرسى ئۇچراپتى  پوچچچچى   ساقلاپ قويدۇمغۇ

بارماق

ساختا بولمىسىلا ھەممىسى ئوخشاش قىممەتكە تۇرسا بۇنىڭ پەرىقى نىمە ئەمدى.