تۈننىڭ تىۋىشلىرى

مارشال

تۈننىڭ تىۋىشلىرى

بارچە ئۇيقۇ ئېگىلىرىنىڭ تىنىقلىرىدا سۆزلەۋاتقان بۇ پەيت
ئىسمىڭدىن باشلىنىدىغان خىياللىرىمنى  قايتا ۋاراقلىدىم
گۈللەرگە ئوخشايدىغان رەنجىشلىرىڭدىن تارتىپ
سېغىنىشقا تولغان يالغۇزلۇقۇمنى يۈدۈپ،  
كېچىلەردىن تاڭغا ئۇلىشىشنى داۋام ئەتمەكتىمەن.
كۈنلەر جىمجىت بىر پارچە شېئىردەك
ئېسەدىمەكتە

توپا باسقان كۈلكىلىرىم
تەقەززا تىنىقلىرىم
ھايات دەپ چاقىرىلىدىغان ئۆلۈم يولى
كۆزلىرىمگە سانجىلىپ قالغان يىغا
ساڭا ئېرىشىشنىڭ قارشى قىرغىقى
ئېرىشكىنىم ئىدى پەقەتلا

ئەي
مېنى مەندىنمۇ بەك يالغۇز قالدۇرغۇچى
تۈننى ئۆچۈرۈش پەيتى كەلدى…

بەختىيار ئابلەت

مارشال

قېرى شامالنىڭ مەڭزىمنى ياكى مەڭزىڭنى
سۆيۈپ ئۆتىشىنى كۈتمەيمەن
بۇلبۇل ۋە گۈلنىڭ مۇناسىۋىتى مىڭلاپ تەكرارلىنىش نەتىجىسىدە
قىممىتىنى يوقىتىپ قويغىنىدەك
ئاينىڭ ھەممىگە گۇۋاھ بولۇپ ئاخىرىدا گۇناھقا شېرىك بولغىنىدەك ياكى
بارچە ئىشلىتىلىپ قىممىتىنى يوقىتىش ئالدىدىكى سېمىۋوللاردەك…

ئەڭ ئاخىرقى ۋە مەن ئۈچۈن تۇنجى بولمىش ئايرىلىش تەكلىپىڭ
مەن قۇرۇقداپ قويغان ھاراق پوتۇلكىسى
ئاۋۇ كارىۋاتتا خورەك ئاۋازى تارقىتىۋاتقان جېمى غەمدىن خالىي غەمكىن بالا
ھەم بىز كېچە دەپ ئاتىۋالغان بۇ رېئاللىق -
مېنىڭ يېڭىدىن جاكارلىماقچى بولغان سۆزلىرىمدۇر.

قەلبىڭ بىلەن ماڭا مايىل بولۇشۇڭ ۋە
غۇرۇڭ بىلەن مېنى تاشلاپ كېتىشڭ
ئەرزىمەس ھالىتىمنى بىز مېڭىپ تۈگىتەلمىگەن ئەمما تولا مېڭىپ زېرىكمىگە يوللارغا سۈرگۈن قىلماقتا…
ئەنە شۇ غۇرۇرۇڭ بىلەن ساڭا قالدۇرغان بارچە سۆيۈش ۋە ھېدلىرىمنى ئېلىپ كەتتىڭ.
مەس ۋە يىغلاڭغۇ ئەركەكلىكىم بىلەن
مەيدەمگە مۇشتلاپ ئەڭلىمنى يىرتماقتىمەن.

كەل
بارچە چارىسىزلىكنى ئىشقا سالايلى
ۋە شۇلار بەدىلىگە ئۆزىمىزنى ئەڭ پاك ۋە گۇناھسىز ھالەتكە ئاپىرايلى
ھەممىگە ئىقرار بولايلى ۋە
بىر-بىرىمىزنى مەڭگۈ ئۇنتۇپ كېتەيلى

بەختىيار ئابلەت

مارشال

كۈز ئۇچۇپ ئۆتكەن سەھەرنىڭ
مەڭىزىدە ھېدلىرىم قالغان
يارنىڭ سىلىق رەت قىلىشلىرىدەك ھامىنى مۇزلىتىدىغان ئاپتاپ
مېنىڭ ئېرىشىدىغىنىم ئىدى پەقەتلا
.
ھالسىرىغان دەرەخلەردەك جىم ئولتۇرۇپ
يوپۇرماقلارنىڭ سارغىيىش مۇراسىمىنى
تاماشا قىلغۇم يوق ئىدى يوق ئىدى پەقەت
.
بەختىيار

مارشال

يېنىۋاتقان بىر سۆز بىلەن ئىچىمگە ئوت يېقىۋاتىمەن..
كەل ، پىنھان تۇتىۋاتقان گۈلخانلىرىڭغا مېنى تاشلا، لەۋلىرىمنىڭ چاڭقاقلىقى ئۇنىڭغا قوشۇلسۇن..
سۆزلىرىڭنى كۆزۈم بىلەن  ئاڭلاي، بارچە تىنىقلىرىڭنى كۆرسۇن قۇلىقىم
يۈرىكىمىزدە ئوت ، كۆڭلىمىزدە شېرىن چەشمە ھازىرلانغىلى نېكەم…

-بەختىيار

ئاي بەرگى

ياغاچ ئۇشتىۋىتەي دىگەن.لېكىن ئەتتىگەندە ياغاچ ئىزدەپ يۈرۈپ سوغۇق ئۆتكۈزۋالماي دەپ ئويلىدىم ئۆزۈمچە.بوپتىمۇ ئۇكام؟

بۇرۇنقىدىن ئاز يازىدىغان بولۇپ قالدىڭغۇ؟ كىتاب ئوقۇماي،تۈگىمەس ئىمتىھاننىڭ غېمى بىلەن يۈرۈۋاتامسەن نىمە؟ قەلەمنى تاشلىما ئەبلەخ ،ساڭا ياراشمايدۇ

چولپان

دىدار غەنىيمەت !ئەتگەندە  تاتلىق ھېسلار بىلەن ئوقۇپ تۇگەتتىم !يوقاپ كەتمەڭ ،مۇنبەردە بولسىمۇ دېدارلېشىپ تۇرايلى .
سالامەت بولۇڭ .

سەۋرىم

كەچۈر بىلەن ئىككىڭلارنىڭ شىئېرلىرىنى تولىمۇ ياقتۇرىمەن، يېزىپ تۇرۇڭ، ئۇزۇندىن بېرى شىئېرلىرىڭىزنى ئوقۇيالماي يۈرەتتۇق..
ئاجايىپ ھۇزۇر بىلەن ئۆزگىچە ھىسلارغا چۆكۈپ ئوقۇپ كەتتىم...

سەۋرىم

كەچۈر بىلەن ئىككىڭلارنىڭ شىئېرلىرىنى تولىمۇ ياقتۇرىمەن، يېزىپ تۇرۇڭ، ئۇزۇندىن بېرى شىئېرلىرىڭىزنى ئوقۇيالماي يۈرەتتۇق..
ئاجايىپ ھۇزۇر بىلەن ئۆزگىچە ھىسلارغا چۆكۈپ ئوقۇپ كەتتىم...

سەۋرىم

ئاي بەرگى يوللىغان ۋاقتى  2015-11-3 08:51
ياغاچ ئۇشتىۋىتەي دىگەن.لېكىن ئەتتىگەندە ياغاچ ئىزدەپ  ...

سىزمۇ يېزىڭچۇ ، نەسىر ئوقۇشنى سۆيۈپ قالدىم .
مۇڭلىنىپ ئولتۇرۇپ ئۆزۈمچىلا يىغلاپ-كۈلۈپ ئوقۇپ كىتەتتىم نەسىرلىرىڭىزنى .

شاھزاد

گۈزەل يازمىلىرىڭىزغا كۆپ رەھمەت