ئوقۇتقۇچىلارنىڭ دېيىشى چەكلەنگەن مۇنداق سۆزلەر

ئارتىس119

   ئوقۇتقۇچىلارنىڭ دېيىشى چەكلەنگەن 10 ئېغىز گەپ ئېلان قىلىندى....


سىنا تورىنىڭ 2-سىنتەبىر خەۋىرى (ئوكيان تورىدىن ھاجىم تەرجىمىسى): 9-ئاينىڭ 1-كۈنى خۇبېي ئۆلكىلىك مائارىپ نازارىتى خۇبېي ئۆلكىسىدىكى ئوقۇتقۇچىلار ئۈچۈن «10 گۈزەل گەپ، 10 چەكلەنگەن گەپ» يىغىش پائالىيىتىنىڭ تاللاش نەتىجىسىنى ئېلان قىلىپ، كەڭ ئوقۇتقۇچىلارنىڭ «گۈزەل گەپ» لەرنى كۆپ قىلىپ، «چەكلەنگەن گەپ» لەرنى دېمەسلىككە، كەسپىي قىلمىشىنى ئاڭلىق قېلىپلاشتۇرۇشقا يېتەكلىدى.

10 چەكلەنگەن گەپ: سەن ئۆگەنمىسەڭ بولىدۇ، ئەمما باشقىلارغا تەسىر يەتكۈزمە! سېنىڭلا ئىشىڭ جىقكەن، تېزاق بول، مەن ئالدىراش! سېنىڭ ئاتا ئاناڭ نېمە ئىش قىلىدۇ؟ ساڭا ئوخشاش ئوقۇغۇچىنى كۆرۈپ باقمىغانتىم! مەن راستىنلا چىدىيالمىدىم! مەن بىلىمەن، سەن ئۆزگەرتەلمەيسەن! سەن نېمىشقا بارغانسېرى ناچار بولۇپ كەتتىڭ! دەرس ئاڭلاشنى خالىمىغانلار ئۇخلىسا بولىدۇ! سەن ئۆگىنىشنى خالىمىساڭ قايتىپ كەت! مەن نېمىشقا سىلەرنىڭ ياشلىقىڭلاردىكى جاسارىتىڭلارنى ھېس قىلالمايمەن!

10 گۈزەل گەپ: خاتا بولۇپ قالسا قورقماڭ، يەنە بىر قېتىم قىلساق بولىدۇ! سىز ئەڭ قالتىس قىز! بالام دۇنيادا ھامان سەن ئۈچۈن ئېچىلىدىغان ئىشىك بار! مەن سىزگە ئىشىنىمەن، سىز قىلالايسىز! ئۆتمۈشىڭىز كەلگۈسىڭىزگە ۋەكىللىك قىلمايدۇ، ئۆزىڭىزگە ئىشەنسىڭىزلا چوقۇم قىلالايسىز! ئوقۇغۇچى سىزنىڭ بالىڭىز ھەم مېنىڭ بالام. سىنىپ خاتالىق چىقىشقا رۇخسەت قىلىدىغان جاي. مەغلۇبىيەت يوق، پەقەت ۋاقىتلىق توختاپ قالغان مۇۋەپپەقىيەت بار. ئۆگىنىشتە قەدەمنى كېيىن ئېلىپ قېلىشتىن قورقمايمىز، تالانتلىق بولۇشتا ئورنىمىزنىڭ تۆۋەن بولۇپ قېلىشىدىن قورقمايمىز. سىزنىڭ مەندىن بىر مەزگىل ئاغرىنىشىڭىزغا رازىمەنكى، بۇنىڭدىن كېيىن مەندىن بىر ئۆمۈر نەپرەتلىنىشىڭىزنى خالىمايمەن!

ئۆلكىلىك مائارىپ نازارىتى ئوقۇتقۇچىلار باشقارمىسىنىڭ مەسئۇلىنىڭ بىلدۈرۈشىچە، ئوقۇتقۇچىلىق كەسپىنىڭ ئالاھىدىلىكى زور، تەربىيەلەش ئوبيېكتىنىڭ كۆپىنچىسى قورامىغا يەتمىگەنلەر بولۇپ، ئوقۇتۇش ئىبارىلىرىدىكى بىر جۈملە چىن دىلىدىن دېيىلگەن «ياخشى گەپ» ئوقۇغۇچىلارنىڭ قەلبىدىكى «كىچىك ئالەم» نى قوزغىتىپ، مۆلچەرلىگۈسىز ئاكتىپ ئېنېرگىيە پەيدا قىلىدىكەن. غەرەزسىز دېيىلگەن بىر جۈملە «چەكلەنگەن گەپ» ئوقۇغۇچىلارنىڭ ئۆزىگە بولغان ئىشەنچىسىنى ۋەيران قىلىپ بالىلارنىڭ ئۆمۈرلۈك ھاياتىغا تەسىر يەتكۈزىدىكەن.

ئاي بەرگى

مەنغۇ بەك چىرايلىق گەپ قىلىمەن بولمىسا ،تاپشۇرۇقنى ئىشلىمەي ئاچچىقىمنى كەلتۈرگەن ۋاقىتتىن باشقا ۋاقىتتا

شاھزاد

بىز  ئوقۇۋاتقان  ۋاقىتلىرىمىزدا   بەك  تىلغا  ئالغۇسز  گەپلە  بىلەن تىللايتتى

ھازىر بىرە   يەردە كۆرۈشۈپ  قالساق   ۋاي  مىنڭ  ئوقۇغۇچۇم  ئىدى  دەپ  نايناقشىپ  كىتىدۇ

قاھىرە

ئوقۇغۇچى  دىگەنگە   قانچە  مەدەت  بەرگەنسېرى  شۇنچە  ياخشى   بولىدۇ  دەپ  ئويلايمەن  ئۆزۈمچە  ....

ئەزىزىم

مەن باشلانغۇچتا ئوقىغاندا بىر ھازازۇل مالىم بولىدىغان،ئوغۇللار كەپسىزلىك قىلسا ئۈستەلنىڭ ئۈستىگە چىقىپ ئۇچلۇق پاشنىسى بىلەن گاچ گاچ دەسسەيتى.قىزلار نى چىرايلىق ئاق بىلىكىدىن 180 گىرادۇس مورلايتى.ببەكمۇ ئۆچ ئىدۇق.
يەنە بىر جەمىيەت دەرسى  بېردىغان مالىم بار ئىدى،گېپى ئالامەت تاتلىق،بەك ئامراقتۇق،ھېلىقى كەپسىز ياغاچقۇلاقلارمۇ جىم ئولتۇرۇپ تىڭشايتى دەرىسنى.شۇ مالىم يۆتكەلگەندە ھەممىمىز يىغلاپ ئۇزاتقانتۇق.

نوتا

مۇشۇ ئوقۇتقۇچىلارنىڭ قىلمىشى چەكلىگىنىگە كۆپ رەھمەت جۇمۇ .
مەن تۇلۇق ئوتتۇرنىڭ ئۈچۈنچى يىللىقىغا چىققان ۋاقىتتا بر ئايال مۇئەللىم بولدىغان بەك سەت گەپ قىلاتتى بەش قېتىملىق مانۋىر ئىمتاھانسىدا ماتىماتكا نۇمىرىم ئەڭ يۇقۇرسى 15 بولدى قالغانلىرىنىڭ ھەممىسى نۆل ئىدى شۇ خۇتۇن مىنى چارقىرىپ ئەچىقىپ بەكلا سەت تىللاپ كەتتى ئىشقىپ ئوغۇل بالىلىق غۇرۇرىمغا بەك تىكەتتىمۇ تىللىسام ئالدىمغا يۈگرەپ شاپىلاق بىلەن ئۇرىۋەتكەنتى ياقىدىن تۇتۇپ يۇندا چىلىكىگە بېشىنى تىقىۋەتسەم مەكتەپتىن قوغلاندى قىلمە دەپ تۇرۋالدى كۆترە قاسقىنىڭنى سەندەك ئادەمنىڭ قۇلىدا ئۇقىمايمەن دەپ كۈدى-كۆرپەمنى كۈتىرىپ ماڭسام مۇئەللىمىم چارقىرىپ ياقامدىن تۇتۇپلا ئۈستەلنىڭ ئۈستىدە ئولتۇرغۇزۇپ قۇيۇپ دادامنى چارقىرتىپ ھەممە مۇئەللىملەر نەسىھەت قىلغانتى ھېلقى خۇتۇن دادامنىڭ ئالدىدا مىنى ھ......قىز دەپلا تىللاپ كەتتى دادام ئاچچىقىدا مەن بالامنى ئوغۇل بالا دەپ تاپقان نىم دەيدۇ ما ساراڭ قېرى دەپ دادام تىللاپ كەتتى ئۇ خۇتۇننى شۇنىڭ بىلەن ئۇ خۇتۇن سەن ئالىي مەكتەپكە ئۈتەلەيدىغان بولساڭ قۇلىقىمنى چالمىدا كىسىۋىتىمەن دەپ چىقىپ كەتكەن باشقا مۇئەللىملەر مى ماتىماتكىلا ئۆگەن باشقا نەرسە ئۆگەنمىسەڭمۇ بولىدۇ دىگەن شۇندا مەسىللەر بولۇپ ئالىي مەكتەپكە 49 نۇمۇر بىلەن (ماتىماتكا نۇمۇرىم )ئۈتۈپ كەتتىم نەتىجە چىققاندا ئاشۇ خۇتۇننىڭ ئالدىغا چالما كۆتۈرىپ كىسە قۇلاقنى دەپ سەنلەپلا ماڭسام گەپمۇ قىلماي ئىشخانىنى تاشلاپ چىقىپ كتەكەن ھازىرغىچە مىنى كۆرسە يەرگە قاراپ ماڭىدۇ ئۇ خۇتۇن

ئاي بەرگى

ھەممە ئادەم ئاۋال ئۆزىدىن باشلىشى كېرەك.بىر سىنىپتىكى 40 ئوقۇغۇچىدىن يېرىمى بەرگەن تاپشۇرۇقنى ئىشلەپ كەلمىسە :ۋاي جېنىم،خېنىم ،تاتلىقىم ،تاپشۇرۇقنى نىمىشقا ئىشلىملە ،ئۇنداق قىلماي ئىشلەپ بەرىسلە دەپ قۇلاقتىن تۇتۇپ سۈيۈپ قويغىلى بولمايدۇ.بەك بولمىغاندا ئانچە مۇنچە ئەدەبلەپمۇ قويغۇلۇق.بالىسى گەپ ئاڭلىمىسا ،تاپشۇرۇق ئىشلىمىسە كارى يوق ئاتا -ئانىلار ئوقۇتقۇچى گەپ قىلىپ بولغۇچە ئاۋال يۈگىرەپ كىلىدىغىنى قىزىق.
ئوقۇغۇچىنىڭ مەكتەپتىكى ھوقۇقى ھەقىقەتەن كۆپ،تەربىيلىنىش،بىلىم ئېلىش ،ئاسرىلىش ۋاھاكازا...لېكىن شۇنىڭ ئىچىدە قائىدە-ئىنتىزامغا بويسۇنۇش مەجبۇرىيىتىمۇ بار.
بەلكىم مەجبۇرىيەتنى ئۇنتۇپ ھوقۇقنى چوڭ بىلىش ھەممىمىزدە بار ئىشتۇ.

مۇئەللىم

سائەت 5:30 غىچە سىنىپتا تاپشۇرۇقنى تولۇق ئىشلىمىگەن،توغرا ئىشلىمىگەن بالىلارغا تولۇقلاپ تاپشۇرۇق ئىشلەتتىم،ھازىر كىرىشىم ئۆيگە،ئۇ بالىلارنى ‹‹تاتلىق قوزام،چىرايلىق بالام،كۈندە تاپشۇرۇقلارنى مۇشۇنداق ئىشلىمەي كېلىڭ،سىز بەك قالتىس....››دەپ مەدەت بېرەتتىمكەن بۇ تېمىنى بالدۇرراق كۆرگەن بولسام.....