لالەم-3

ئايقۇت

لالەم"دىن باشلانغان قۇرلار يەنە يېزىلىۋاتىدۇ،ھەربىر سۆزگە ساڭا بولغان سېغىنشىم سىڭگەن،ھەر بىر قۇردا سېنىڭ كۈلۈمسىرەپ تۇرغان ،ھەممىگە چىداشلىق بېرەلەيدىغان قىياپىتىڭ كۆرۈنۈپ تۇرىدۇ.

باھار كەلگەندە ئاچىلار،
ئاشۇ سەن سۆيگەن لالىلەر.
سەن بىلەن مېنى ئۇچراشتۇرغان،
چىرايلىق قىزىل لالىلەر.

قولغا ئالدىم قەغەز قەلەم،
مەكتۇبىم ياش تولار ،ئەلەم.
سەن ئۆزگىگە يار بولۇپسەن،
ئاشۇ مەكتۇبلارنى يىرتىمەن.

لالىلەر ،مېنىڭ دەردىم بىلىدۇ لالىلەر
كۆز ياشلىرىم ئېرتىدۇ لالىلەر
سىرداشلىرىم بولىدۇ ،سېنى قانچىلىك سۆيگەنىمنى بىلىدۇ

پەقەت ئۇلار بىلىدۇ لالىلەر

قۇلاق تۈۋىمدە ئىككىمىز ئەڭ ياقتۇردىغان ،تالاي -تالاي شادلىق-قايغۇلىرىمىزغا شاھىد بولغان يېقىملىق كۈي "لالىلەر "ياڭراۋاتىدۇ.سېنى ئۇزىتىپ قويغىنىمغا دەل يەتتە كۈن بوپتۇ.يەتتە قېتىم قۇياشنى ئۇزىتىپ ،يەتتە كېچە تولۇنئاي بىلەن سىردىشىپتىمەن.

ئىنسان شۇنداق ناشۈكۈر كىلەمدۇ بىلمىدىم؟ بۈگۈن بىللە ئۆتكەن كۈنلىرىمىزنى ئويلاپ سېنى كۆپ رەنجىتكىنىمنى ،كۆڭلۈڭنى ئاغرىتقىنىمنى بىلدىم.ھەممە ئۆتكەندە پۇشايمانغا ئورۇن بارمۇ قارا كۆزۈم؟

يېقىملىق مۇزىكا ئاستىدا مۈرەڭگە بېشىمنى قويۇپ ئولتۇرۇشقا شۇنچە ئامراق ئىدىم ھە؟ چاچلىرىم يۈزلىرىڭنى غىدىقلغاندا نىمىلەرنى ئويلىغان بولغىيدىڭ؟
كۆكسۈڭگە بېشىمنى قويۇپ گەپ قىلىشىمنى شۇنچىلىك ياقتۇراتتىڭ:ئەمدى مېنىڭ لالەمگە ئوخشىدىڭ ،ۋېچىرلاپ بېرە ..دىگىنىڭدە يالغاندىن تېرىككەن ئىدىم ....

يۈرىكىم ئاغرىۋاتىدۇ جېنىم.....مەن شۇنچە تەتۈر پىشانىمۇ ياكى تەقدىر پىشانەمگە شۇنى پۈتكەنمۇ ئويلىغۇدەك ماجالىم قالمىدى.
مېنى دەپ قانچىلىك قۇربانلىقلارنى بەردىڭ،نېمىلەردىن كەچتىڭ،شۇ ۋا زكېچىشلىرىڭ بەدىلىگە يەنە قانچىلىك قارا قىسمەتلەرگە يولۇقۇۋاتىسەن ..بۇنى بىلمىگۈدەك يەردە ئەمەسمەن.ئوتنىڭ سىرىتىدا كۆيۈش ھەممىدىن ئازابلىقكەن جېنىم.ساڭا نىمە قىلىپ بېرىشىم كېرەكلىكىنى بىلمەيمەن.ھەم نىمە قېلىپ بىرەلەيدىغىنمنىمۇ بىلمەيمەن.

ئۈن-تىنسىز تىلفۇنغا قاراپ خەۋىرىڭنى كۈتۈش مېنىڭ ئىشىم بولدى."لالەلەر.."نى كۈتىمەن.....ئۇنىڭدىن سېنىڭ يۈرەك تىۋىشىڭنى ئاڭلىغاندەك بولىمەن.ئۇنىڭ بىلەن سېنى ئويلايمەن.مىسرالىرىدا سەن كۈلۈپ كىلىسەن،ئاھاڭلىرىدا يۈزلىرىمنى سىيلايسەن...شۇ قەدەر سەۋىرلىكمەن جېنىم..... "لالەم "دەپ كۈلۈپ كىلىدىغان مىنۇتنى كۈتىمەن.

مەنبە:ئايقۇت

2015.10.25

كۆكتاش

باھار كەلگەندە ئاچىلار،
ئاشۇ سەن سۆيگەن لالىلەر.
سەن بىلەن مېنى ئۇچراشتۇرغان،
چىرايلىق قىزىل لالىلەر.

قولغا ئالدىم قەغەز قەلەم،
مەكتۇبىم ياش تولار ،ئەلەم.
سەن ئۆزگىگە يار بولۇپسەن،
ئاشۇ مەكتۇبلارنى يىرتىمەن.

لالىلەر ،مېنىڭ دەردىم بىلىدۇ لالىلەر
كۆز ياشلىرىم ئېرتىدۇ لالىلەر
سىرداشلىرىم بولىدۇ ،سېنى قانچىلىك سۆيگەنىمنى بىلىدۇ
پەقەت ئۇلار بىلىدۇ لالىلەر

ئاي بەرگى

سەندىدۇر كۆزلىرىم ،سەندىدۇر كۆڭلۈم
ئۇزاقلارغا سېغىنىش بىلەن باقىمەن.

ئاتىكەم

ئەسىرىڭىزنى  ھاياجان ئىچىدە ئوقۇپ تۈگەتتىم .
چۈنكى  مىنىڭ  يەنە بىر ئىسمىم  لالە  ئىدى  .
ئەسىرىڭىزگە  رەھمە ت!

قاھىرە

كۆڭلۈمدىكىنى  يېزىپسەن   دوستۇم  ، تېخىمۇ  بەرىكەتلىك  بولغىن   بەكلا  ياقتۇردۇم  .

نوتا

كۈتكەن ھەربىر مىنۇتلىرىڭ سەن ئۈچۈن ئۆتمۈش بولسۇن ئامرىقىم 。سېنىڭ تال-تال چېچىڭنىڭ ھىدىنى ھەربىر سېغىنغىنىمدا يۈرىكىم يىغىدىن ئېسەدەپ ئاران توختايدۇ 。كۈزۈم ياش يۇقىدا نەملەنگەندە يادىكار قول ياغلىقىنىڭ گۈلىنى سۇغۇرىمەن ،ھەربىر كەشتە ئۈچۈن تاللىغان يىپىڭگە قاراپ ئۈزەمنى تۇتالماي ئىسمىڭنى توۋلاپ سالغىنىم پەقەت ئۈزەمگە ئايان 。

ھەربىر ئېغىر تېىنغىنىمدا سېنڭ مەيدەمگە باش قويغىنىڭ ئېسىمگە كىلىپ يۈرىكىمنى تىرناقلىرىم بىلەن تىلغاپ باقىمەن ،سېنى قەلىپ ھۇزۇرىمدىن چىقىرىپ قېنىپ سۆيگۈم كېلىدۇ 。قۇلىقىم تۈۋىدە سېنىڭ پىچچىرلاشلىرىڭ ئەسكە كەلگەندە كۆزلىرىم رامكىسىدىن چىقىپ كەتمىدىيۇ سېنى ئىزتىراپ بىلەن ئىزلەپ باقدى ،ئىسىت تاپالمىغاندا يىتىم بالىدەك ياش تۈكۈپ باقتى 。

  دۇنيارىمغا ئېچىنىمەن ،تەقدىرىمگە كۈلىمەن ،ئۈزۈمنى يۇقىتىپ سەۋدايى بولغىنىمدا پەقەت بىرلا ئۈمۈت ھايات ياشاشقا ئۈندەۋاتىدۇ 。ئىشەن گۈلۈم بىزنىڭ 《لالىمىز 》يەنە جاراڭلايدۇ 。بىزنى ۋاقىتلىق ئايرىغان زامان ۋاقىتسىز جەم قىلىدۇكى شۇ چاغدا قەغەزچىلىك يېقىنلىقتىكى ئىككى يۈرەك يەنە بىر-بىرىگە قانماي قول سۇزىشىدۇ

ئەزىزىم

نوتا نىڭ يازمىسىمۇ ما ئەسەرگە ئەجەپ ماسلىشىپتۇ.

ئاي بەرگى

ئەزىزىم يوللىغان ۋاقتى  2015-10-27 11:21
نوتا نىڭ يازمىسىمۇ ما ئەسەرگە ئەجەپ ماسلىشىپتۇ.

سىزمۇ داۋاملاشتۇرۋەتمەمسىز ؟يارىشىپتۇ دەپلا قاراپ تۇرماي

دۇردانە

ئەجەپ ئەجەپ ئەجەپ يېرىم بولدىغۇ بۇ كۆڭلۈم، ئېسىت يانداشقۇدەك ھالىم بولسىدى

تىلسىم

بەك ئۇزاق بەك ئۇزاق زامانلار ئىلگىرى نەسىرنى بەك ياخشى كۆرگەن ئىدىم ،  لىكىن ھازىر تۇرمۇش مىنى ئالدىغا سىلىۋالدى .  يا ھەممىدىن مەن ۋاز كىچىمەن ، ياكى ھەممە مەندىن ۋاز كىچىدۇ .
نەسىرىڭىزنى بەك ياقتۇردۇم. ‹‹لالىلەر ›› دىگەن ناخشىغا مەنمۇ بەك ئامراق .
ئىجادىيەتلىرىڭىز قۇت تاپسۇن .