ھەقسىز قان تەقدىم قىلىش

قاراخان

ھەقسىز قان تەقدىم قىلىش

قاراخان

oتىپلىق قانداشلار ئاڭلا سۆزۈمنى،
قەرزگە دالاي قىپ قان بەردىم بۈگۈن.
يەڭگىللەپ قالغاندەك ھېس قىپ ئۆزۈمنى،
ئېچىلدى كۆز كۆڭۈل،بولمىدىم چۈشكۈن.

ھەق تاما قىلمىدىم ۋە ياكى دۇئا،
بولغاچقا ئەل-ۋەتەن ئالدىدا قەرزىم.
بەرگىنىم قىپ-قىزىل قاندۇر بىر قۇتا،
يەنىلا يۈز يورۇق، ئاناردەك مەڭزىم.

تۈغۇلغان يېرىمنىڭ سۇلىرى كەۋسەر،
سىڭىدۇ ئۇچۇملاپ ئىچسەم تومۇرغا.
تۇغۇلغان يېرىمنىڭ دانلىرى گۆھەر،
داۋادۇر كور،ئاقساق،چولاق، چوقۇرغا.

ھاۋادىن قوغداشقا مەندە چارە يوق،
دېڭىزدا كاپىتان بولمىقىم قىيىن.
قۇرۇقلۇق جەڭچىسى بولۇشقا بار زوق،
ياش ئۆتۈپ كەتكەندە بۇ گەپ بىر تىيىن.

شۇڭلاشقا قان بېرىپ كۆڭلۈمنى ئىزھار ،
قىلماققا ئۇزۇندىن چوت سوقۇپ كەلدىم.
ئاخىرقى بىر تامچە قېنىم يادىكار...
بولسۇن ئەل-ۋەتەنگە بارلىغىم تەقدىم.

ئاشۇ قان سەكراتتا ياتقان بىمارنىڭ،
جېنىغا جان قوشۇپ ئويغۇنۇپ كەتسۇن.
ئاشۇ قان يار ئۈچۈن سولغان نىگارنىڭ،
روھىغا ۋىسالدىن نۇر بەخش ئەتسۇن.


2015-يىلى 7-ئۆكتەبىر

قاراخان

‹‹ئا››لەشمە ،شەرھى لۇغەت

قاراخان

قەلەندەر،دىۋانە دىيىلەر -ئابدال،
ئابىدە-مەڭگۈتاش،ئاپتومات-قورال.
ھەر بىر سۆز ،تېرمىننىڭ باردۇر مەنىسى،
ئۇيغۇرچە ئىزاھلاي قىلىڭ ئىستىمال.

ئاپلېسىن مىۋىدۇر تەمى غەلىتە،
ئاتامان -يولباشچى،ئاتلاس -خەرىتە.
ئاتېئست خۇدانىڭ دىنسىز بەندىسى،
ئاپتونوم -ھوقۇقلۇق ئورۇن ،دەرىجە.

ئاپپارات -ئۈسكۈنە ،ئورگان تەشكىلات،
ئاتاكا -شىددەتلىك ھۇجۇم مەشغۇلات.
ئارسىزلىق-نومۇسسىز ئادەم بەلگىسى،
ئاخبارات -ئۇچۇر ،ئىز، خەۋەر ،مەلۇمات.

ئارغۇلار- ئۇيغۇرنىڭ قەدىم ئەجدادى،
ئارسلان- يىرتقۇچ ھايۋان ئەۋلادى.
ئارگىنال- قوليازما ،ئەسلى نۇسخىسى،
ئاسايىش- ئىنساننىڭ مەمۇر ھاياتى.

ئازغۇنلۇق-تۇيۇق يول ،ئارمان-ئىستەكتۇر،
ئارمىيە -ئەل يۇرتقا تاغدەك يۆلەكتۇر،
ئاستانە-مەركەز  يا  ئالتۇن بوسۇغا،
ئايغاقچى -گەپ توشۇپ يۈرگەن جىسەكتۇر.

ئاياز-ئۇ قەھرىتان ،زىمىستان دىمەك،
ئاھانەت -خورلۇق ۋە بۆھتاندىن دېرەك.
ئادالەت-ھەركىمنىڭ تەڭلىك تۇيغۇسى،
ئاقىل ۋە زىللارنى ئاتايمىز زېرەك.

ئامباللار-خوجايىن ،يەرلىك ۋەزىردۇر،
ئاليۇمىن،ئالماسلار قىممەتلىك ‹‹زەر››دۇر.
ئالۋان -ئۇ دېھقاننىڭ مەجبۇر غەللىسى،
ئاڭقاۋلار-ئاڭسىزلار مەخلۇق خەتەردۇر.

ئاكتىيور،ئارتىستلار-ئويۇنچى، رولچى،
ئاغمىغان ئاق، سېرىق بىر سۈت ئەمگۈچى.
ئاشىيان -قۇشلارنىڭ ئىن ۋە ئۇۋىسى،
ئاشىقلار- مەھبۇبقا كۆيۈپ ئۆلگۈچى.

ئاسارەت -چەكلىمە،تۇتقۇن ،ئەسىرلىك،
ئاپتور-ئۇ تۇرمۇشنى يازار تەسىرلىك.
ئارزۇيۇم  غايەمنىڭ پارلاق كەلگۈسى،
ئانا تىل پەخرىمدۇر،ۋەزنى سېھىرلىك...

2015-يىلى 8-ئۆكتەبىر

قاھىرە

قەلەم  تۇلپارىڭىز  ھارمىغاي ، كىيىكى  ئىجادىيەتلىرىڭىز  تېخىمۇ   ئۇتۇقلۇق  بولغۇسى .

شاكىلات

تەشەككۈر     قەلەم     تۇلپارىڭىز   ھارمىغاي     تولىمۇ   ئەھمىيەتلىك   بولغان   تىمىا   يوللاپسىز   …

ئېرفان

قان تەقدىم قىلىش ياخشى ئىش،قان تەقدىم قىلىڭلا جۇمۇ.

تىلسىم

ئەسسالامۇ ئەلەيكۇم ، ماۋۇ شېئىرنى بەك ياخشى كۆردۈم ،  ئالدىنقى مەۋسۇملاردا مەنمۇ ماياك فوبندىمىز ئارقىلىق قان بەرگەن ئىدىم ، باشقىلارغا زەررىچە ياخشىلىق قىلالىساق كۆڭلىمىز بىر خىل ئىچىلىپ قالىدىكەن .
ئىجادىيەتلىرىڭىزگە ئۇتۇق تىلەيمەن .

ئاي بەرگى

قان دىگەن گەپنى ئاڭلىسام بويۇم جىغ قىلىدۇ.قاندىن بەك قورقىمەن دىسە

لېكىن شېئىر ياخشى چىقپتۇ

نوتا

قان تەقدىم قىلىش دىگەن شېئىرىڭىزنى ئۇقۇپ شۇنداق خوشال بولدۇم ،كەمىنە شىنجاڭ ھەقسىز قان تەقدىم قىلىش ،ئىللىقلىق يەتكۈزۈش پىدائىرلار ئەترىتىدىن بولۇش سۈپىتىم بىلەن شۇنداق سىزگە كۆپتىن كۆپ رەھمەت ئېيتىمەن . بولسا قۇلىدىن كېلىدىغانلار خالايدىغانلارنىڭ بۇ پىدائىي ئەترىتىگە قاتنىشىپ بىزگە مۇھتاج بولۇپ دوختۇرغانىدا ئىڭىراپ ياتقان شۇ بىچچارە بىمارلارغا ئىسسىق قېنىمز بىلەن بولسىمۇ ياردەم قىلساق دىگەن ئۈمۈتتە مەن ،رەھمەت قولىڭىزغا دەرىت كەلمىسۇن

قاراخان

‹‹ئە››لەشمە ،شەرھى لۇغەت
http://bbs.misranim.com/forum.ph ... 6&fromuid=86954

قاراخان

‹‹ب››لەشمە نەزمى لۇغەت*
http://bbs.misranim.com/forum.ph ... 4&fromuid=86954