كىملىكسىز ياشاش

كۈلقىز

شەبنەم بۇلۇپ تېرەك قوينىغا سىڭىپ كەتسەم دەيمەن. غېرىپ كۈيلىرىمنى ياپراقلارغا ئ‍ېيتىپ بېرەي، ئ‍ۇنىڭ سىرداشلىققا يارايدىغانلىقىدىن شەكلەنمەيمەن. ئ‍ۇزاق بولمىغان ئ‍ەتىدە ، مەن كۆز يۇمغاندا ، ئ‍ۇ ماڭا يېپىنچا بۇلار بەلكىم…
    تىتىرەڭگۈ نەپەسلىرىمنىڭ ئ‍اداققى ئ‍ۇھسىنىشىدا غالجىر قىسمەتنىڭ تامغىسى قالدى. ئ‍ۈنسىز ، مۇڭلۇق سىمايىم غازاڭلارغا سىرداش بۇلۇپ، تەسەللىي قوينىدا ئ‍ەمىنلىك ئ‍ىستەۋاتقان بىر چاغلاردا كىتىپ قالىمەن… كىملىكىمنى بىلمەي كىتىپ قالىمەن…
      كىتىمەن، سېنىڭدىن بەكمۇ يىراققا. بىدارلىق ئ‍ۇزاق تۈندىكى سېنىڭ ئ‍الدامچى تۇيغۇڭدىكى، ۋاپاسىزلىقنى كۆرمەسلىك ئ‍ۈچۈن…
   ئ‍اسىي سەن… خائ‍ىنسەن…
  پەقەت سېنىلا كۆرۈشنى خالايدىغان جۈپ كۆزۈمنى ياشلاتقىنىڭدا نىمىنى ئ‍ويلىغانسەن…
   سېنىلا ئ‍ويلايدىغان خىياللىرىمغا كىپەن ھازىرلاپ، كۆزۈم ئ‍وچۇق پېتى لەھەتكە تىقماقچى بولغىنىڭدا سېنى سۆيىدىغىنىمنى ئ‍ويلىغانسەنمۇ؟
  دەل سېنىڭ ئ‍اشۇ خائ‍ىنلىقىڭ ئ‍ۆز-ئ‍ۆزۈمگە كىملىكىمنى ئ‍ۇنتۇلدۇردى.
     بەرگىمگە قىرو تاشلاندى…
تۇيۇقسىز ئ‍ويلاپ قالدىم، مەن سەن، سەن مەن بولالمايمىز ئ‍ەلۋەتتە. ئ‍ەمما ئ‍وخشاپراق ياشاپ بېقىش قولىمىزدىن كەلمىدى. ھايات مۇساپەمگە مىسكىن نىگاھىمدا ئ‍اخىرقى بىر رەت قاراپ ئ‍امالسىز ياش تۆكتۈم. چۈنكى ئ‍ارقامدا ساپساق ئ‍ىككى مۆچەل بۇيۇن قىسىپ قاپتۇ. مەن بولسام نۆل ھالىتىمگە كىلىپ قاپتىمەن.
سېنى ياخشى كۆرەتتىم…
  ساڭا ئ‍ىشىنەتتىم. بەلكى ئ‍ىشىنىشىم چەكتىن ئ‍ېشىپ ، بىخۇدلىشىپ قالغاندىمەن. بەلكىم ساڭا زور ئ‍ىشەنچ باغلىۋەتكىنىم ئ‍ۈچۈن كىملىكىمنى، بارلىقىمنى ساڭا تاپشۇرۋەتكەندىمەن.
قاچانغىچە مۇشۇنداق گاڭگىراشلار ئ‍ىچىدە ئ‍ازاپ شارابىغا چىلىنىپ گاراڭ يۈرۈشۈمنى بىلمەيمەن.
ئ‍ۆز-ئئ‍ۆزۈمنى ئ‍ىزدەم قايسى چاغلاردا ئ‍ۆز قۇلۇم بىلەن قۇلۇپ سېلىپ قويغان سارغىيىپ كەتكەن ئ‍ۆتمۈشۈمنىڭ دەرۋازىسىنى ئ‍اچتىم. ئ‍ەمما كۆرگۈنۈم ئ‍ۆزۈم ئ‍ەمەس سەن ئ‍ىدىڭ. ئ‍ەمدى چۈشەندىمكى، سېنى يوقىتىپ قويغان شۇ دەقىقىدىن باشلاپ ھەم ئ‍ۆزۈمنىڭ كىلىكىنى يوقىتىپ قۇيۇپتىمەن.
             ئ‍ۆتمۈش خاتىرەمدىن.

تىلسىم

ھازىر كىملىكسىز ياشاش مۈشكۈل بوپ كەتتى ، بولسا كىملىكىمىزنى چىڭ ساقلايلى .

كۈلقىز

تىلسىم يوللىغان ۋاقتى  2015-8-18 18:35
ھازىر كىملىكسىز ياشاش مۈشكۈل بوپ كەتتى ، بولسا كىملىكى ...

مېنىڭغۇ شۇنداق قىلغۇم بارئ‍ىدى، بىراق شۇ كېچىكىپ قاپتىمەن، كىملىكىمنى ئ‍الىمۇبۇرۇن ئ‍ۇغىرىغا بېرىپ قۇيۇپتىمەن ئ‍ەمەسمۇ!

نوتا

ساقلىۋالدىم بەك مۇڭ ،ئەلەم چىقىپ تۇرغان ئۇشۇبۇ ئەسىرىڭىزدىن بەكمۇ سۈيۈندىم .قۇلىڭىزغا دەرىت كەلمىسۇن

نوتا

ئۆزەمنىڭ كىملىكىنى يوقاتتىميۇ  ئەمما تا ھازىرغىچە سېنىڭ كىملىكىڭنى ئۇنتالمىدىم .پەقەت سېنىڭ ئاشۇ تۈندە قالغان سىمايىڭ كۆز ئالددىمدا تەكرار .بىلسەڭ ئىدىڭ ،مىنىڭ ئۇشۇبۇ ھالىمنى ،كۆرسەڭ ئىدىڭ مىنىڭ چەكسىز خىياللار تېگىدە  ئەسىر بولۇپ  ياتقىنىمنى ، بىلسەڭ ئىدىڭ شۇ قاراڭغۇ كېچىلەردە سېنى ئەسلەپ قانداق ئۇيغۇغا كەتكىنىمنى ؟!

    كىملىكىنى يوقاتقۇچىلار ئۆزىنىڭ روھ ئاتلىق تۆگىسىگە مىنىپ ئۆزىنى ئىزدىگۈچىلەردۇر .مەن ئۆزەمنى ئىزدەيمەنۇ داۋاملىق سېنىڭ مىنى تاشلاپ كەتكەن شۇ كوچىدا توختاپ قالىمەن .ئېھ  مۇھەببتىم ! ئېھ گۈزەلىم قايتىپ كەل . يۈرىكىڭ يانچۇقىدىكى كىملىكىمنى قايتۇرۇپ بەر ،ھېچ بولمىسا قۇلۇمدىن تۇتقىندە مىنىڭ ھاياتلىق يولۇمنى مىنى يىتىلەپ تۇرۇپ داۋام ئەت .بىلسەڭ مەن سېنى يەنىلا ياخشى كۆرىمەن

بىلگيار

ۋاپاسىزنىڭ دەدىدە ۋاي خىنىم،
تۇگىمەسنىڭ ئەتىدە ۋاي خىنىم
بەش موچەنلىك لەڭپۇڭنى
يەپباققانمۇ ۋاي خىنىم ؟
قايداق قىلىمىز ئايارەي،
بىر تەستەكنى سالالماي
يا دەردىنى ئالالماي،
ماڭقا چىقسا قاڭشاردىن
يالغان سۆزلەپ زۇكام دەپ
مۇخەببتنى ئۇكام دەپ
ئالداپ ئۆتكەن يار قىنى؟
ۋاپا كۈتسە ۋاپا يوق،
جاپا كۈتسە جاپا يوق،
خىنىم مىجەز يىگتتىن
ۋاپا كۈتكەنمۇ خىنىم؟
جاجىسىدۇر بىر تەستەك،
غىلجىڭ موس موس ئۇنىڭغا،
ياق دىيىشنى ئۆگەنمەي،
ياخشى سۆزدە ئىرىشنى،
شۇنداق بەلەن قىرىشنى
كۈتۈپ قالغانمۇ خىنىم؟
ئاي خىنىمما ئاي خىنىم،
ۋاي خىنىمما ۋاي خىنىم،
شۈكرى قىلىڭ، تىرىشىڭ،
ھامان بىر كۈن ۋاپادار
دەيدۇ سىزگە ‹‹ ۋاي جىنىم››

ياخشى يىزىپسىز، سۆز ئىبارىلەر ياخشى، يىقىشلىق چىقىپتۇ. داۋاملىق غەيرەت!!!

ۋۇي ئىلھامجون... ۋاي ۋوي غەيرەتكوي... قىنى ما ئەدەم، ھە مەكەسە، كۈلقىزخاننىڭ بىر پىيالە چىيى باكەن!!! بى كەپكەتسە

كۈلقىز

                  ئ‍ۆتىنەي ئ‍ەمدى يۈرىكىمگە دەرت سالما
   قۇياشنىڭ قىززىق تەپتىدىن شەبنەم كەبى پارغا ئ‍ايلىنىپ بىراقلا يوق بوپ كەتسەم… سېنى ئ‍ويلاشلاردىن،سېغىنىشلاردىن،چۈشلۈرۈمگە كىرىشلىرىڭدىن، ئ‍ويغۇنۇپلا يۈرۈكۈم ئ‍ېچىشىپ، كىرپىكلىرىمنىڭ نەملىنىشلىرىدىن، قەلبىمدىكى سىمايىڭنىڭ لاۋۇلداپ، ماڭا مەنسۇپ بولمايدىغان ، مەن ۋازكىچەلمەيدىغان تۇيغۇلاردىن بىراقلا قۇتۇلسام…
   قايسى بىر چاغلاردا سېنى ئ‍ازاپلىق ياشلىرىم بىلەن قۇشۇپ ، يۈرۈكۈم قېتىدىكى ساڭىلا تەۋە خاس قەبرىگە كۈمۈپ قويىۋېدىم. كىم بىلسۇن ئ‍ۇشبۇ كۈنلەردە ، مەن ئ‍ۆلدى دەپ قارايدىغان تۇنۇش سىمانىڭ قەبرىنى تاتىلاپ ئ‍استا-ئ‍استا باغرىمنى تىتىرتىپ ئ‍ۆمەلەپ چىقىشىنى… سېنىڭ تاتىلىشىڭدىن يۈرۈكۈم قاتتىق ئ‍اغرىپ كەتتى.
   نېمە ئ‍ۈچۈن؟ ئ‍ەجىبا بۇ ماڭا سۆيگۈ سۇنماقچى بولغىنىڭمۇ ياكى سېنى قەلبىمگە كۈمۈپ قويغىنىپ ئ‍ۈچۈن نارازى بولغىنىڭمۇ؟
   ياق،ياق!!!
سېنىڭ سۆيگۈڭ ئ‍ەزەلدىن ماڭا تەئ‍ەللۇق بوپ باقمىغان، بەرگەن ۋەدىلىرىڭنىڭمۇ ھەممىسى قەلبىمگە قىلىنغان چاقچاق خالاس… شۇنداق تۇرۇقلۇق سېنىڭ نارازى بۇلۇشقا نىمە ھۇقۇقۇڭ ھە!؟
  مەن باشتىن ئ‍اخىر بىر ئ‍ەخمەق ئ‍اشىق…
          سەن يۈرۈكۈمگە شۇنچىلىك چوڭقۇر ئ‍ورناپ كىتىپسەن كىن، ھەتتا كۆز ئ‍الدىمدا باشقا بىرى تۇرسىمۇ، قارچۇقۇمدا ئ‍ەكىس ئ‍ىتىدىغىنى سەن… بەلكىم سىمايىڭ قارچۇقۇمغا قېتىپ قالغان بولسا كېرەك…
     بەخىت مارجانلىرىنى باشقىلارنىڭ بوينىغا ئ‍اسقان تۇرۇقلۇق ، يەنە نىمە دەپ چۈشلىرىمدىن چىقمايدىغانسەن؟ سۆيگۈ جامىڭدا شاراپ سۇنالمايدىغان تۇرۇپ نىمە ئ‍ۈچۈن بۇ كىچىككىنە ، نىمجان يۈرۈكۈمنى ئ‍ارامىدا قويمايدىغانسەن ھە!؟
   مېنى قاچانغىچە مۇشۇنداق قىينايدىغانسەن ھە؟! يا ئ‍ۆزۈڭدىن ۋازكەچتۈرمەي، يا ۋىسالىڭغا يەتكۈزمەي…
   ئ‍ۈتىنەي ئ‍ەمدى يۈرىكىمگە دەرت سالما… ھېلىمۇ يۈرىكىم دەرتكە تۇلۇپ يېرىلىك كېتەي دېدى. ئ‍ەمدى بەرداشلىق بېرەلمەيمەن…
      نىمجان يۈرىكىم ساداسى.

كۈلقىز

بىلگيار يوللىغان ۋاقتى  2015-8-18 19:10
ۋاپاسىزنىڭ دەدىدە ۋاي خىنىم،
تۇگىمەسنىڭ ئەتىدە ۋاي خى ...

ۋاي ما قىززىق ئ‍ىنكاسلىرىڭىزدىن ئ‍ۆرگىلەي… چىرايىمغا كۈلكە يۈگۈردى، رەھمەت…

كۈلقىز

تىلسىم يوللىغان ۋاقتى  2015-8-18 18:35
ھازىر كىملىكسىز ياشاش مۈشكۈل بوپ كەتتى ، بولسا كىملىكى ...

مەن تىلفۇندا چىققان، ئ‍ۆزگەرتەلمىدىم شۇ تىلفۇندا، شۇڭا كىيىن ئ‍ۆزگەرتىۋالاي… تېمىلارنىمۇ تىلفۇندا يوللاپ ئ‍ولتۇرۇپتىمەن، ئ‍ىچىم سىقىلىپ… تورخانىغا كىرگەندە ئ‍ۆزگەرتىۋالاي.

تۇمارىس

بەك يائىشى يزپسز