ماڭا شۇنچە كۆڭلىڭىز تارمۇ ؟

مۇئەللىم

مۇھاببەتلىك كۆزلىرىم بىلەن،
كۆزىڭىزگە تەلمۈرۈپ قاراپ،
ئۆتۈنۈشتە قىلغان سۆزۈمگە ،
چالۋاقاپلا بېرىسىز جاۋاپ.


رەنجىدىڭىزمۇ ياكى مېنىڭدىن،
بىر قارارغا يوقتۇر كۆزىڭىز.
باشقىلارغا سۆزلەيسىز تاتلىق.
ماڭىلا بار ئاچچىق سۆزىڭىز.


كۆزىڭىزگە تەلمۈرمەس ئىدىم،
كاۋاپ بولۇپ كۆيمىگەن بولسام.
سىزگە ئاتاپ سۆيگۈ سازىنى،
ئىشقىم بىلەن چالمىغان بولسام.


سىزنى سۆيگەن گۇناھىم ئۈچۈن،
ئالدىڭىزدا شۇنچىلىك خارمۇ؟
كۈتمىگەنتىم بۇنداق بولۇشنى،
ماڭا شۇنچە كۆڭلىڭىز تارمۇ؟


مەنبە : ئۆز قەلىمىم

چوكىنات

بەك ياقتۇردۇم بۇ شىئېرنى....تىلى ئاددىي، يېقىشلىق چىقىپتۇ~~ رەھمەت !

قەترە

راست ئاددىي ۋە چىن چىقىپتۇ   
  ئوشتەي  ئۇنچە تارلىق قىلسىچۇ قارىمايلا ئاخسا تۇرىڭە ئۆزى كېلىدۇ تازا

روھناز

تىلى ئاددىي ئەمما شۇنداق تېتىملىق چىقىپتۇ. ياخشى تېمىلىرىڭىز ئۈزۈلۈپ قالمىغاي.

روھناز

تىلى ئاددىي ئەمما شۇنداق تېتىملىق چىقىپتۇ. ياخشى تېمىلىرىڭىز ئۈزۈلۈپ قالمىغاي.

ئايقۇت

تاتلىققىنە شېئىرڭىزنى ئوقۇش نىسىپ بوپتۇ بۈگۈن.

رەيھان

يېقىشلىق چىقىپتۇ ، قەلەملەر توختاپ قالمىسۇن ، ھارمىغايسىز .

قاراخان

كۆڭۈل سىزگە ھەرگىز تار ئەمەس،
كۆڭلى تارلار  سىزگە يار ئەمەس.
  

تىلسىم

كەيپىيات ئوخشاش ئەمەس،  بەزىدە بۇنداق ئىشلار بوپ تۇرىدۇ ، كۆڭلىڭىزنى يىرىم قىلماڭ  .
شېئىر ياخشى يىزىلىپتۇ ھەدە، رەھمەت .

رىتا

بەك ياخشى چىقىپتۇ  ئەجرىڭىزگە رەھمەت
مىنىڭ مۇشۇ  شىئىردىن ساۋادىم چىقماي ئوتۇپ كەتكۈدەكمە  جاھاندىن