شاھرۇھخاننىڭ يالى ئۇنۋېرىستىتىدا سۆزلىگەن نۇتۇقى

ئاي بەرگى

شاھرۇھخاننىڭ يالى ئۇنۋېرىستىتىدا سۆزلىگەن نۇتۇقى

(توخنىياز ئىسمائىل نىدائى تەرجىمىسى )

بۇ نۇتۇقنى ھىندىستاننىڭ داڭلىق كىنو چولپىنى شاھرۇھخان 2012-يىلى يالى ئۇنۋېرىسىتېتىدا سۆزلىگەن(قىسقارتىلغان نۇسخىسى)

   كۆپچىلىككە رەﻫمەت! ئىنتايىن مەمنۇن بولدۇم, بۇ يەرگە كەلگىنىمدىن تولىمۇ خۇشال بولدۇم. مەن كۆپچىلىك بىلەن بىرلىكتە ‹‹ﻫاياتلىق سەپىرىمدىكى سەرگۈزەشتىلىرىم››دىن بەﻫىرلەنمەكچىمەن, ﻫاياتلىق, بەخت, ئىجادچانلىق, مۇۋەپپەقىيەت توغرىسىدا پىكىرلەشمەكچىمەن.

   مېنىڭ ﻫاياتلىق نىشانىم ﻫەققىدە ئۆزۈممۇ ئېنىق چۈشەنچىگە ئىگە ئەمەسمەن, مەن ئارزۇيۇمنىڭ يېتەكلىشىدە ئالغا مېڭىۋاتىمەن, چېپىپ كېتىۋاتىمەن.

   مەن مەنزىلىمنىڭ قايدا ئىكەنلىكىنى بىلمەيمەن, مەن پەقەت ئەڭ زور تىرىشچانلىقىم بىلەن ئەڭ ياخشى قىلالايدىغانلىقىمنىلا بىلىمەن.

   مەن ئۆزۈمنىڭ ئۇسۇلى بىلەن ئۆزۈمنىڭ ﻫېكايىسىنى سۆزلەپ بەرمەكچىمەن. مېنىڭ چۈشىنىشىم بويىچە, شان-شەرەپ ۋە مۇۋەپپەقىيەتتىن ﻫالقىپ كەتكىلى بولىدۇ.

   مەن ﻫايات مۇساپەمگە بېرىلگەن باﻫانىڭ ياخشى-يامان بولۇشىنىڭ پۈتۈنلەي مېنىڭ قەلب ئالىمىمنىڭ قانچىلىك كەڭلىكىگە باغلىق ئىكەنلىكىنى تونۇپ يەتتىم

  مېنىڭ قانداق مۇئامىلە قىلىشىمدىن قەتئىينەزەر, ئاخىرىدا ﻫاياتىم ئىجادچانلىقتىن ئىبارەت بۇ چەمبەرنى ئايلىنىدۇ.

   بىر ياخشى سەنئەتكار ئىجادچانلىقتىن ئايرىلسا بولمايدۇ, نادىر سەنئەت ئەسىرى دەل سەمىمىي سەنئەتتۇر. شۇنىڭ بىلەن بىر ۋاقىتتا, زىددىيەت بولغىنىدەك, بىر ئادەم ئىجادىيەت سەۋەبىدىن تەنﻬا قالىدۇ, بۇنداق ئىشلار ﻫەرزامان مەۋجۇت.

   سەنئەت سىزنىڭ قەلبىڭىزدىن ئۇرغۇپ چىقسۇن, سىز ئۇنى نامايان قىلىڭ, خەلق ئۇنى يا قوبۇل قىلىدۇ, يا بولمىسا شاللايدۇ. سىزنى بىردىنبىر قۇتقۇزالايدىغىنى, قەلبىڭىزدىكى ئۆزىڭىزنىڭ ئوبرازىدا چىڭ تۇرۇشتىن ئىبارەت. دۇنيا رەﻫىمسىزلىككە تولغاندا, ئۆزىڭىزنىمۇ ئېنىق كۆرەلمەيسىز. سىز چوقۇم مۇشۇنداق ئەﻫۋالدىمۇ ئۆزىڭىزىنى ئېنىق تونۇشنى ئۆگىنىۋېلىشىڭىز كېرەك. ئوخشىمىغان ئىشلارنى قىلغاندا, بۇ بەئەينى ئارقان بىلەن باغلىنىپ قالغانغا ئوخشايدۇ.

   ئۆزىڭىزنى مەسخىرە قىلىشنى ئۆگىنىۋېلىڭ, ئۆزىڭىزدىن, تۇرمۇشتىن مەڭگۈ بىزار بولماڭ. بىزارلىق سىزنى پاسسىپ ﻫالەتكە چۈشۈرۈپ قويىدۇ.

ئىجادچانلىق سىزنىڭ دۇنياغا ئاتا قىلغان سوۋغىڭىز, سىز ﻫەرگىزمۇ ئۇنىڭدىن بىر نەرسە تەلەپ قىلماڭ, ئەكسىچە مىنەتدار بولۇڭ. سىزنىڭ قىلغان-ئەتكەنلىرىڭىز ئاتا قىلىش ۋە ئۆگىنىش بولۇشى كېرەك, سەنئەتنىڭ روﻫىي بۇلىقى مەڭگۈ قۇرۇپ كەتمەيدۇ. سىزنىڭ رازىمەنلىكىڭىز نەتىجىدىن ئەمەس, بەلكى ئىجادچانلىق جەريانىدىن كېلىدۇ.

  ئاشقازىنىڭىزنى ئىجادچانلىقنىڭ ئىلﻬامى تولدۇرۇۋېتىشكە ئۇرۇنۇپ يۈرمەڭ, چۈنكى ئىلﻬام, روﻫنىڭ يېمەكلىكى, ﻫەرگىزمۇ ئاشقازاننىڭ ئەمەس.

ئەنئەنىگە رىقابەت ئېلان قىلىشتىن قورقماڭ, سەنئەتنى ۋە روﻫنى يوققا چىقىرىدىغان ئىشلارغا كۆكرەك كېرىپ ئوتتۇرىغا چىقىشتىن قورقماڭ, ئاچ قېلىشتىن قورقماڭ, بەزىدە ئۆزىڭىزنىڭ تەنﻬا قالىدىغانلىقىڭىزدىن قورقماڭ.

سىلەر بەخت تۇيغۇسى ۋە رازىمەنلىك تۇيغۇسى ئاسانلا ئارىلىشىپ كېتىدىغان يىللاردا ياشاۋاتىسىلەر, بەخت تۇيغۇسى ئاشۇ سىز سانىنىمۇ بىلمەيدىغان ئىشلاردىن كېلىدۇ.

   ماڭا نىسبەتەن, بەخت ـــ ئۆزۈمنىڭ بالىسىنى قۇچاقلاش ۋە قىزىقارلىق كىنو كۆرۈشتىن ئىبارەت. مەيلى مەن ياقتۇراي-ياقتۇرماي, مېنىڭ ﻫاياتىم ﻫەمىشە شۇنداق بىر سۆزگە باغلانغان, ئۇ بولسىمۇ دەل ‹‹مۇۋەپپەقىيەت›› دېگەن سۆز. مۇۋەپپەقىيەت قازىنىش ياخشى ئىش, ئەمما ئۇنى ئۆگىنىۋالغىلى بولمايدۇ, شۇڭا مۇۋەپپەقىيەت ﻫەققىدە پاراڭلىشىش ۋاقىت ئىسراپچىلىقى, خالاس, ماڭا نىسبەتەن, مەن ﻫەمىشە مەغلۇبىيەتتىن قورقىمەن. مېنىڭ مۇۋەپپەقىيەت قازىنىشقا بولغان ئارزۇيۇم بىلەن مەغلۇبىيەتكە بولغان قورقۇنچۇم ئوخشاشلا كۈچلۈك. مەن ﻫەقىقىي مۇۋەپپەقىيەتنىڭ مەغلۇبىيەتكە بولغان قورقۇنچتىن كېلىدىغانلىقىغا ئىشىنىمەن.

ناۋادا سىز مەغلۇبىيەتكە پەرۋاسىزلارچە مۇئامىلە قىلسىڭىز, ئۇنداقتا مۇۋەپپەقىيەت قازىنىش ئېﻬتىماللىقىڭىز ئانچە يۇقىرى بولمايدۇ. بۇ ﻫەرگىزمۇ مەغلۇبىيەت بولمىسا مۇۋەپپەقىيەت قازانغىلى بولمايدۇ, دېگىنىم ئەمەس, بەلكى سىزنىڭ مەغلۇبىيەتكە بولغان ئىنكاسىڭىزغا باغلىق. مەغلۇبىيەت سىزنىڭ تېخىمۇ نۇرغۇن يۇشۇرۇن ئىقتىدارىڭىزنى نامايان قىلىشىڭىزغا ئىلﻬام بولىدۇ, بۇ مۇۋەپپەقىيەت قازىنىشتا مۇقەررەر بېسىپ ئۆتىدىغان يولدىن ئىبارەت.

قايتا-قايتا مەغلۇب بولۇش ماڭا ياسالمىلىق قىلماسلىقنى ئۆگەتتى. مەغلۇبىيەت سىزنىڭ ﻫەقىقىي دوست تېپىشىڭىزغا ياردەم بېرىدۇ. مەغلۇبىيەتتىن غالىب كېلىش ئارقىلىق مەن ئۆزۈمنى قايتىدىن بايقايمەن ﻫەمدە تېخىمۇ كۈچلۈك ئارزۇلار تۇغۇلىدۇ, ئۆز تەسەۋۋۇرۇمدىكى چەكلىمىلىرىدىن ﻫالقىيمەن.

مېنىڭ سىلەردىن كۈتىدىغىنىم سىلەر مەڭگۈ ئۆگىنىش ﻫالىتىنى ساقلاڭلار, ئارزۇيۇڭلاردىن توختاپ قالماڭلار, ئاشۇ سىلەرنى روﻫلاندۇرىدىغان ۋە ئىلﻬام بېرىدىغان ئارزۇلار سىلەر مەغلۇب بولغاندا, ئورنۇڭلاردىن دەست تۇرۇشۇڭلارغا ياردەم بېرىدۇ.

قورقۇنچقا ۋە مەغلۇبىيەتكە يۈزلىنىشتىن قورقماسلىق كېرەك. بۇ مېنىڭ نەچچە ئايدىن بۇيانقى ئەڭ زور خۇشاللىقىم.

ئەسكەرتىش:بۇ تەرجىمە ئەسەر تەرجىماننىڭ رۇخسىتى بىلەن مۇنبىرىمىزدە ئېلان قىلىندى.مۇنبىرىمىز ئەسەرلىرىنى ئوغىرلاپ ئىشلىتىپ ئۆگىنىپ قالغان سالۇن ۋە باشقا تور بەتلەرنىڭ ئېلىپ قاچماسلىقىنى سەمىمىي ئۈمىد

قىلىمىز.

ئاي بەرگى

شاھرۇھ خاننىڭ زىنىقى ۋە كۈلۈمسىرىشى ئۇنىڭ ئەڭ خاس بەلگىسى ھېسابلىنىدۇ.

ئىسمىنىڭ مەنىسى «پادىشاھنىڭ جامالى» شۇنىڭ ئۈچۈن ئۇنىڭ ئىسمىنىڭ ئۇيغۇرچە ئەڭ توغرا ئاتىلىشى شارۇل، شاھرۇك، شاھرۇھ ئەمەس بەلكى «شاھرۇخ» بولۇشى كېرەك. شارۇل دېگەن ئۇنىڭ ئىسمىنىڭ خەنزۇچە ئاھاڭ تەرجىمىسىنىڭ مۇنداقلا تەرجىمە قىلىپ قويۇلۇشى، شاھرۇك دېگەن ھىندىچە ئاتىلىشى. ئۇيغۇرچە شاھرۇخ بولغاندىلا ئۇنىڭ ئىسمىنىڭ مەنىسى ئىپادىلىنىدۇ.

شاھرۇھ خاننىڭ ئاتا-ئانىسى مۇنداق تونۇشقان: شاھرۇھنىڭ ئانىسى لەتىفەنى ماشىنا سوقۇۋەتكەن، بۇنى شاھرۇھنىڭ دادىسى تاج مۇھەممەد كۆرۈپ قېلىپ دەرھال دوختۇرخانىغا ئېلىپ بارغان ۋە قان ئىئانە قىلغان.

مىللىتىگە نىسبەتەن شاھرۇھ خاننىڭ ئېنىقلىسمى« يېرىم ھەيدەرئابادلىق(ئاپىسى)، يېرىم پۇشتۇ(دادىسى)، ھەم ئازراق كەشمىر (مومىسى) »

ئۈچىنچى بالىسى ئابرام 2013 –يىلى 5-ئاينىڭ 27-كۈنى تۇغۇلغان، ئابرام پروبېركا بوۋاق بولۇپ، ۋاكالىتەن ھامىلدار بولۇپ بەرگۈچى ئانا تۇغقان.

رىتىك روشەن توغرۇلۇق «مەن رىتىكدەك كېلىشكەن ھەم ئۇسسۇلنى ئۇنىڭدەك ياخشى ئوينايدىغان بولۇپ قېلىشنى بەك ئارزۇلايمەن» دېگەن.

شاھرۇھ خان ئادىتيا چوپرانىڭ فىلىمى «كېلىن يۆتكەش»تە رول ئېلىپ چولپان بولغان، ھازىر ئادىتيا چوپرانىڭ ئىشخانىسىدا كىشىنىڭ دىققىتىنى تارتىدىغان بىر ئىمزالىق سۈرەت ساقلانماقتا. بۇ سۈرەتگە شاھرۇھ خان «مېنى چولپان قىلغىنىڭىزغا كۆپ تەشەككۈر» دەپ يازغان.

ھازىر شاھرۇھ ئادىيتا چوپرانىڭ كىنوسىنىڭ سىنارىيىسىنى كۆرمەي تۇرۇپ ئىشلەشكە قوشۇلىدۇ.

90-يىللاردا ھىندىستان كىنوچىلىقىنى كونترول قىلغان تۆت خاننىڭ بىرى. ئۇنىڭدىن باشقا سالمان خان، ئامىر خان، سەيىف ئەلى خان ھەممىسى كىنوچىلىق جەمەتىدىن كېلىپ چىققان، پەقەت شاھرۇھ خانلا ئادەتتىكى ئائىلىدىن كېلىپ چىققان. يەنە كېلىپ شاھرۇھ خان باشقا ئىككى خاندىن كېيىن كۆزگە كۆرۈنگەن. ئامىرخان 1988-يىلى تۇنجى كىنوسى تونۇلغان، سالمان خانمۇ 1989-يىلى ئەتراپىدا تونۇلغان، شاھرۇھ خان 1992-يىلى ئاندىن تۇنجى كىنوسىنى ئىشلىگەن.

دەسلەپكى كىنولىرىدا شاھرۇھ خان رومانتىك ئەر باش قەھرىمان ئەمەس، سەلبىي شەخىسنىڭ رولىنى ئالغان. شۇڭا ئۇ فىلىم «كېلىن يۆتكەش»نى بەك رومانتىك دەپ قاراپ، دەماللىققا رول ئېلىشتىن ئەنسىرىگەن. لېكىن «كېلىن يۆتكەش» ۋە ئۇنىڭدىن كېيىن ئىشلەنگەن بىر قاتار فىلىملەر سەۋەبىدىن ھىندىستاندىكى رومانتىك فىلىم شاھىغا ئايلانغان.

ئۇ فىلىم «Baazigar» دە ئالغان رول ئايال باش رولنى ئۆلتۈرگەن. بۇنىڭ بىلەن بەزى فىلىم ئىشلىگۈچىلەر ئۇنىڭغا «سەن ئايال باش رولنى ئۆلتۈرىدىغان رولنى ئالدىڭ، ھىندىستانلىقلار بۇنداق ئارتىسنى ياخشى كۆرمەيدۇ، سەن مەڭگۈ تونۇيالمايسەن» دېگەن.

ئوغلى ئاريان خان «شاتلىققا يوشۇرۇلغان قايغۇ» دا ئۇنىڭ كىچىك ۋاقتىنىڭ رولىنى ئالغان.

ئاتا-ئانىسى ئۇ فىلىم ساھەسگە كىرىشتىن بۇرۇن تۈگەپ كەتكەن شۇنىڭ ئۈچۈن شاھرۇخ خاننىڭ ئەڭ چوڭ ئەپسۇسلىنىدىغىنى ئاتا-ئانىسىنىڭ ئۆزىنىڭ بىر ياراملىق ئادەم بولغىنىنى كۆررەلمەي قالغانلىقىدۇر. دادىسى تاج مۇھەممەد 1981-يىلى راك كېسىلى بىلەن قازا قىلغان، ئاپىسى لەتىف فاتىمە  1991-يىلى دېئابېت كېسىلى بىلەن قازا قىلغان.

ھەدىسىنىڭ ئىسمى  شاھناز بولۇپ ئۇنىڭدىن ئالتە ياش چوڭ. ھەدىسى ئالىي مائارىپ تەربىيسىى ئالغان بولۇپ لېكىن دادىسى تۈگەپ كەتكەندىن كېيىن بەك كۆپ زەربە يەپ كېتىپ غېرىپلىق پەيدا بولۇپ، سىرتقا چىقىشنى، ئادەملەر بىلەن ئارىلىشىىشنى رەت قىلغان، خىزمەت قىلىپ باقمىغان، توي قىلمىغان. شاھرۇھ خان شۇنىڭدىن تارتىپ ھەدىسىنىڭ ھالىدىن خەۋەر ئېلىپ كېلىۋاتىدۇ، ھەدىسى ھازىرمۇ ئۇلار بىلەن بىر ئۆيدە تۇرىدۇ.

ئۇ 19 ياش ۋاقتىدا 14 ياشلىق گورى بىلەن تونۇشقان، ئىككەيلەن يەتتە يىل يۈرۈپ گورى ئالىي مەكتەپ پۈتتۈرىشىگە توي قىلغان. تويى پۈتۈنلەي ھىندى دىنىنىڭ ئادىتى بويىچە ئۆتكۈزۈلگەن.

ئۇ ئىسلام دىنىغا، ئايالى گورى ھىندى دىنىغا ئىتقاد قىلغانلىقى ئۈچۈن بالىلىرىغا ئېلىپ بېرىلغان تەربىيىدە ئىككى دىننى بىرلەشتۈرىدۇ.

كومپيۇتېر ئويۇنلىرى، ۋىدىئو ئويۇنلىرى ۋە يۇقىرى تېخنىكا مەھسۇلاتلىرىنى ناھايىتى ياخشى كۆرىدۇ.

1993-يىلى كىنودا ئايال باش رولنى سۆيگەندىن كېيىن ھەرقانداق فىلىمدە ئايال باش رولنى سۆيمەسلىككە قەسەم قىلغان، لېكىن 2012-يىلى پېشۋا رېژىسسور ياش چوپرانىڭ دەۋىتىدە فىلمىدە ۋەدىسىنى بۇزۇپ كاترىنانى سۆيگەن، لېكىن بۇ فىلىمدىن كېيىن  يەنە كونا قەسىمىنى ئەسلىگە كەلتۈرگەن.

مەكتەپدىكى ۋاقتلىرىدا بارلىق توپ تۈرلىرىنى مەشىق قىلىپ باققان، پالاق توپتا دۆلەت دەرىجىسىدە سەۋىيىسىدە ئىدى.

ھىندى، ئېلېكترون، بېئولوگىيە قاتارلىق دەرسلەردە بەك ئۇستا لېكىن ماتىماتىكىدا ئازراقمۇ ياخشى ئەمەس ئىدى.

شاھرۇھ خان يېڭى دېھلىدىكى سانتا كولۇمبىيە مەكتپىدە ئوقۇغان، ئۇ ئۇيەردە ئەڭ ياخشى ئوقۇغۇچىلار ئېرىشىدىغان «پەخىر شەمشىرى»گە ئېرىشكەن.

ئوسكار مۇكاپاتىغا ئېرىشكەن فىلىم «نامراتلار مەھەللىسىدىن چىققان مىليونىر» دا رول ئېلىش تەكلىپىنى رەت قىلغان، ئاخىرىدا بۇ رول ئانىل كاپورغا تەگكەن.

«بۇنداق ئىشلار بولۇپ تۇرىدۇ»نى ئىشلىگەندە رانى مۇكەرجىنى رېژىسسورغا تەۋسىيە قىلغان.

تاماكا چېكىش خۇمارى ناھايىتى ئېغىر.

مانچېستېر بىرلەشمە كوماندىسىنىڭ سادىق مەستانىسى.

كىنو رول ئېلىۋاتقاندا دائىم بېلىنى، تىزىنى، قولىنى يارىلاندۇرىۋالىدۇ.

BMWماشىنىسدا قاراڭغۇدا يالغۇز ئولتۇرۇپ كىنو كۆرۈشنى ياخشى كۆرىدۇ.

ھازىر  بومباي ماناتتا  ئۆي سېتىۋىلىشىنىڭ سەۋەبلىرىنىڭ بىرى شۇكى،شاھرۇھ ئايرىم ناماز ئۆيى بولۇشنى خالايدۇ. ئۇ ئەگەر كۈنلەرنىڭ بىرىدە ۋەيران بولساممۇ ماناتنى سېتىۋەتمەيمەن دەيدۇ.
ئايالى ئادەتتە ئۇنىڭ كىنولىرىنى ئانچە كۆرۈپ كەتمەيدۇ،ھەممىدىن بەك «قىزىل يوپۇرماق»تىكى تۇرقىنى ناھايىتى ياخشى كۆرىدۇ.
ئۇ ھەم ئوغلى ئاريان  WWE  مۇسابىقىىسنى  ناھايىتى ياخشى كۆرىدۇ.

ئاي بەرگى

ماۋۇ كىنوسىنى ئىككى يىل ئاۋال يىغلاپ ئولتۇرۇپ كۆرگىنىم ئېسىمدە

ئاي بەرگى

تەڭرى قوشقان بىر جۈپلەر...كىنوسىنىڭ تۇلۇق نۇسخىسىنى تاپالمىدىم ئەتتەڭ ،ناخشىسىنى ئاڭلىغاچ ئولتۇرايلۇق

ئاي بەرگى

"تەڭرى قوشقان بىر جۈپلەر" نىڭ مەن ئەڭ ياقتۇردىغان ناخشىسى

دۇردانە

نېمىشقىكىن ھىندىستاننىڭ كىنولىرىنى كۆرۈپ كەتمەيمە، بولۇپمۇ بۇ ئادەمنىڭكىنى. " ئوم شانتى ئوم" دېگەن كىنوسىدىن باشقىسىنى ئاساسەن دېگۈدەك ياقتۇرمايمەن.

دۇردانە

ھەممەيلەن شۇنچە ياخشى دەيدۇ، پەقەت مەنلا ياقتۇرمايمەن ئەجىبا بۇ بىنورماللىقمىدۇ

ئاي بەرگى

يالى ئۇنۋېرسېتىتىدا سۆزلىگەن نۇتۇقى مۇنبىرىمىزدىكى ئوقۇغۇچىلارنىڭ ئوقۇپ چىقىشىغا ئەرزىيدىكەن،ئوقۇپ ئويلىنىپ بېقىڭلار ئوقۇغۇچىداشلار

ئاتىكەم

مەن  شاھروخ خاننىڭ   كىنولىرىنى   بەكمۇ ياقتۇرۇپ كۆرىمەن  ،  ئۇ سۆزلىگەن نۇتۇقنىڭ  ئوقۇغۇچىلىكى بار  ئىكەن .
يوللىغىنىڭىزغا  رەھمەت !

چوكىنات

مەنمۇ پەقەت ياقتۇرمايتتىم ھىندىستاننىڭ كىنولىرىنى...لېكىن دوست-بۇرادەر، ئاكا-ئاچىلىرىم بەك ياقتۇرىدۇ...ئۇنىمىسام ئۇنىماي كۆرسىتىدۇ... قايسى كۈنى بۇنداق ئىشلار بولۇپ تۇرىدۇ دېگەن كىنو بىلەن ئالماشقان چىراي دېگەن كىنونى كۆگەندىن باشلاپ سەل باشقىچىراق قاراشتا بوپ قالدىم...  بۈگەن كېلىن يۆتكەش دېگەن كىنونى كۆرىۋېتىپ ئاندىن ئۇخلاشنى قارار قىلدىم~~