|
چۈشەنمەيسەن
مۇھەممەد يۈسۈف
مەيۈس كۈنۈم كۆزۈم چۈشسە،
كۆيەر ئاسمان، چۈشەنمەيسەن.
مېنى ساما چۈشىنەركى،
سەن، ھەي ئىنسان، چۈشەنمەيسەن.
كۆكسۈم كۆيۈپ ئۆتەر بولسام،
ئاقار بولسام، كېتەر بولسام.
مېنى دەريا چۈشىنەركى،
سەن، ھەي ئوكيان، چۈشەنمەيسەن.
مەن ھەم شەيدا، مەن ھەم مەپتۇن،
مەن ھەم ھېچكىمى يوق مەجنۇن.
مېنى لەيلى چۈشىنەركى،
سەن، ھەي جانان، چۈشەنمەيسەن.
مېنىڭ يولۇم ئۇزۇن ئارمان،
ئۆزۈم داۋان، ئۆزۈم كارۋان.
مېنى سەھرا چۈشىنەركى،
سەن، ھەي يولباش، چۈشەنمەيسەن.
مېنىڭ بارىم ئېرۇر كۆڭلۈم،
مېنىڭ يارىم ئېرۇر كۆڭلۈم.
مەيۈس، تەنھا چۈشىنەركى،
سەن، ھەي خەندان، چۈشەنمەيسەن.
مەيۈس كۈنۈم كۆزۈم چۈشسە،
كۆيەر ئاسمان، چۈشەنمەيسەن.
مېنى اللاھ چۈشىنەركى،
سەن، ھەي خاقان، چۈشەنمەيسەن.
كۆزلىرىم گۈل، كۆڭلۈم گۈلدۇر،
قوللىرىم گۈل، يۈزۈم گۈلدۇر.
مېنى سابا چۈشىنەركى،
سەن، ھەي توزان، چۈشەنمەيسەن.
غۇبارمىدۇر بويى رەيھان،
مۇنارىمدۇر تىلىم گەپدان.
مېنى دۇنيا چۈشىنەركى،
سەن، ھەي نادان، چۈشەنمەيسەن.
ئۇيغۇرچىلاشتۇرغۇچى: ئېلمۇرە غەيرەت
| 
بايلىق
شۆھرەت
ۋاقتى: 2015-7-11 02:52:18
ساقلاش
ھەمبەھر
قېزىلما
قوللاش
قارشى
ۋاقتى: 2015-7-11 05:26:51
ۋاقتى: 2015-7-11 05:29:10
ئىگىسى
