ئېسىڭدىمۇ كەچكۈز ئاخشىمى،
ساڭا قاراپ كۈلگەن ئاشۇ قىز.
يۇپۇرماقنىڭ تىۋىشلىرىدەك،
يۈرەكلىرى سالغان سىزىمسز.
ئېسىڭدىمۇ كەچكۈز ئاخشىمى،
ئۇنىڭ بىلەن ئاينى كۆرگىنىڭ.
يۇلتۇزلارغا بىلدۈرۈپ تىلەك،
تەشۋىش بىلەن سىرلىق كۈلگىنىڭ.
ئېسىڭدىمۇ كەچكۈز ئاخشىمى،
ئۇ قەلبىڭدىن تاپقان ھارارەت .
يۇلتۇزلارنىڭ كۆكتىن ساقىشى ،
قىسمەتلەردىن بەرگەن بىشارەت.
ئېسىڭدىمۇ كەچكۈز ئاخشىمى،
ئۇ مۇڭلىنىپ ساڭا سىر تۆككەن.
سەن كۆڭلۈڭدە ۋىدارلاشماققا،
يۇشۇرۇنلا نىيەتلەر پۈككەن.
2010-يىلى 4-ئاينىڭ 18-كۈنى
ئەلۋىدا دىمە
بۇلار ھەر چاغ كۆڭلۈم پەرىشان،
بىز ئايرىلار كۈننى ئويلىسام.
نە پىنھاندا كۈلەرسەن جېنىم،
مەن قىيالماي زار-زار يىغلىسام.
بەلكىم خۇشال كۈلۈپ ماڭارسەن،
ئەقىدىسىز تىلەك ئالارسەن.
ئاھ ،مىنىڭدەك دەرتمەننى تاشلاپ،
كىملەر بىلەن قايان بارارسەن.
بوپتۇ مىنى سۆيمىسەڭ مەيلى،
كۈندە كۈرۈپ تۇرسام مەيلىدى.
ئاھ، كىم ئۈچۈن ئوت بوپ يانارسەن،
سىنى مەندەك سۆيسە مەيلىدى.
خوش دىمەيمۇ ماڭارسەن بەلكىم،
بىر رەت كۈلۈپ باقساڭ مەيلىدى.
بارسا كەلمەس ئاشۇ يوللاردىن،
ئۆز بەختىڭنى تاپساڭ مەيلىدى.
ئايرىلغاندا بۈگۈن سىنىڭدىن
ئايرىلىپ سىنىڭدىن يىغلىسام بۈگۈن،
يۇلتۇزمۇ بەرمىدى ھېچبىر تەسەللى.
تۇلۇنئاي ئەركىلەپ يۈرەتتى بىر چاغ،
ئاھ بۇ پەيت تۈندىكى شوخ سابا قېنى.
بۇرۇنقى كەپسىزلىك ،شوخلۇقۇم بۈگۈن .
يىغلاڭغۇ شىئىرغا بولدى مۇپتىلا.
كاككۇكمۇ ئاغرىنىپ قالغاندەك مەندىن،
يۇلتۇزدىن كۈزۈمنى ئۈزدۈم شۇندىلا.
ئالبۇمدا بىر تاتلىق ئۇخلايدۇ كۈلكە،
كەچمىشلەر چولپاندەك نۇرلىنىپ گويا.
ئايدىڭدا بىخلىنىپ سانسىز توتقۇلاق،
ئۆتمۈشكە ئېچىنىپ تىلىدى دۇئا.
ئۇپۇقمۇ تارتىشىپ قالغاندەك ساڭا،
ھەسەن ۋە ھۈسەننى ئايرىدى يىراق.
سەن ماڭغان يوللارغا تۈكۈلەر ئۈنسىز،
مۇڭلىنىپ ھەسرەتتە سارغايغان ياپراق.
نى يىللار ئۈتۈپتۇ دەككە دۈككىدە،
ماڭىمۇ ياتسىراپ، ساڭا مەنىسىز.
خوش دىمەي پەرۋاسىز كەتكەنسەن قايان،
كەلسەڭتى قايتا رەت شۇنداق شەپىسىز.
خازان پەسلى
ئالتۇن رەڭ كۈز ئاقار سەل بۇلۇپ،
ھالسىرىغان ئويچان تىلەكتە.
تەشۋىشلىنىپ ياتار بىر قەبرە،
مۇڭغا تولغان كۈلرەڭ يۈرەكتە.
ئۇ قەبرىنىڭ ئېچىدە سەن بار،
باھارىمنى جۇتتا قۇرۇتقان.
مەۋجۇتلۇقۇڭ شۇندىمۇ سىنىڭ،
زۇلمەتلەردە دىلىم يۇرۇتقان.
ئۇنتۇلمايدۇ بەخىت قوينىغا،
ھىجرانىمدا مەغرۇر ئاققىنىڭ.
ئۇنتۇلمىدى شۇندىمۇ تۈندە،
كۆزلۈرۈڭنى نۇر دەپ باققىنىڭ.
قىسمەتلەرگە شاھىت بىر يۈرەك،
بەرمەك بۇلار پۈتمىشگە راي.
ئاغرىنىشتىن خالىي بىر سۆيگۈ،
كۈتەر سىنى شۇندىمۇ تالاي.
2013-يىلى11-ئاي چېڭدۇ.
سۆيگۈ رىۋايىتى
تەمتىرەيدۇ سۈكۈتتە گۇگۇم،
ئىزىڭ يوق بۇ قايناق شەھەردە.
تۇمان باسقان كېچە باغرىدىن،
ئاي مارايدۇ سۇغۇق نەزەردە.
يۇلتۇز ساقىپ ئۆچكەن كېچىلەر،
كۆز ياشلىرىم يازىدۇ سىنى.
دىدارىڭسىز سۇزۇلغان تاڭلار،
دەيدۇ سوتلاپ:نىگارىڭ قېنى؟.
تۈن باغرىدىن سۇغۇرلۇپ قەلبىم،
ئۆتمۈشلەرگە بۇلىدۇ سۈرگۈن.
داستان كەبى كىرپىكلىرىڭدە،
مەنمۇ بىر چاغ ئاقاتتىم ئەركىن.
دىدارىڭغا ئەسىر خىياللار ،
سىزىپ چىقار سەندىن زىلالنى.
ئاق تۇلپارغا مېنىپ كېچىلەر،
سەن كىلەتتىڭ باشلاپ ھىلالنى.
بال تامچىغان تىنىقلىرىڭدىن،
يېزىلاتتى تۈگىمەس ناخشا.
قىسسە كەبى ئوقچۇغان چىھرىڭ،
ئۇيىلاتتى چولپانمۇ باقسا.
ساداقەتنىڭ سىرلىق خەزنىدىن،
بايلىق قازماق ئىدى ئارمىنىڭ.
پۈتمەي تۇرۇپ مىڭ بىر كېچىلەر،
يولدىن ئېزىپ قاپتۇ كارۋىنىڭ.
ئەقىدەڭنىڭ سۇنۇپ قاناتى،
سەن كېتىپسەن كەلمەسكە ئەپسۇس.
كەتكەن بىلەن جاننىڭ بەھرىدىن،
سەن قەلبىمگە بوپ قاپسەن مەھبۇس.
2013-يىلى 11-ئاينىڭ9-كۈنى چېڭدۇ.
---دىلخازان
بايلىق
شۆھرەت
ۋاقتى: 2015-6-22 13:34:26
ساقلاش
ھەمبەھر
قېزىلما
قوللاش
قارشى
ئىگىسى
ۋاقتى: 2015-6-22 15:36:59
