بۇ يازمىنى ئاخىرىدا بىلگيار تەھرىرلىگەن. ۋاقتى 2015-5-9 13:20
مۇبارەك بايرىمىڭ شەنىگە ئانا،
دولقۇنلار بايراملىق سالام دىللاردا.
سۆيۈندى ئەجرىڭدىن كائىنات،ھايات.
تەرىپىڭ تۈگىمەس داستان تىللاردا.
مېھرى ئوت،ئالەمنى ئىللىتقان ئانا،
مېھرى نۇر دۇنيانى يورۇتقان ئانا.
مېھىرنىڭ،كۆيۈمنىڭ كۈچ-كامالىدىن،
خاتانى-توغرىنى تونۇتقان ئانا.
مۇجەسسەم قىلدىڭ سەن ئاجىز جىسمىڭغا،
نەچچە ئەر تەڭدىشى قۇدرەت-كامالنى.
مىننەتسىز مېھنەتتە يارىتىپ دۇنيا،
ئۇلىدىڭ ئەجدادقا يەنە ئەۋلادنى.
بۆشۈك ئەمەس قولۇڭدا تەۋرىگەن دۇنيا،
سەن ئۈچۈن تەسەددۇق بارلىقىم يانا.
جىسمىڭدىن كۈچ ئەقىل ئالغان ئەۋلاد بىز،
بۈيۈكسەن دىللاردا پەخىرلەن ئانا.
سېخىيلىق بابىدا ئۇنتۇپ ئۆزۈڭنى،
پەرزەنت ئىشقىدا، كۆيدۈڭ شام بولۇپ،
پەرزەنتلەر بېشىغا كەلسە دەرت-ئەلەم،
قوغدىدىڭ سەن گويا پولات تام بولۇپ.
ئېتىلسا ياۋ ئوقى پەرزەنت كۆكسىگە،
كىم ئۇنى ئانىدەك توسالايدىكىن،
ئىزدىگىن كۈندۈزدە چىراق يېقىپ گەر،
ئانىدەك غەمگۇزار قېنى نەدىكىن؟
پەرزەنتنىڭ ئىشقىدا كۆيۈپ-يېنىشتىن،
تىلەيسەن ئاھ، ماڭا گۈزەل تىلەكلەر،
سەن قۇياش يورۇتقان ھايات يولۇمنى،
نە قۇياش بارچىغا تەڭداش يۈرەكلەر.
مۇبارەك ئانىجان ،بايرام مۇبارەك،
تۈمەنمىڭ قەلبتە ئوتلۇق ئېھتىرام.
يۈكسەك بىر ھۆرمەتتە تەڭرىتاغ، تارىم،
ئېگىلىپ بىر ساڭا بېرىدۇ سالام.
مەنبە : ئانىلار بايرىمىغا ئاتاپ خىزمەتدىشىم يازغان شېئىر
| 
بايلىق
شۆھرەت
ۋاقتى: 2015-5-9 13:03:16
ساقلاش
ھەمبەھر
قېزىلما
قوللاش
قارشى
ۋاقتى: 2015-5-9 13:37:29
