مارشال شېئىرلىرى(2)

مارشال

-1-

يېنىمدا كېچىنىڭ غەمكىن سىماسى،
ياتىدۇ مەن تامان زىمىننى بېسىپ.
كەل مېنىڭ بۇ يىتىم خىياللىرىمغا،
ئۆزۈڭدىن چەتنىگەن سۆزلەردىن ئېشىپ.

-2-

ماڭا ئېيتىپ بەرگىن
لەۋلىرىڭنىڭ ئاخىرقى بەرگى توزۇپ كەتكۈچە
كىرپىكلىرىڭگە جېنىم سانجىلىپ قالغۇچە
ئېيتىپ بەرگىن
گۈللىرىمنىڭ قۇرۇغان تەبەسسۇملىرىغا
ئۆلۈمدەك ساپ ۋە چىن قەلبىڭ بىلەن
كۆڭلۈڭدىكى رەزىل سۆزلەرنى…

-3-

مەن كەلدىم قاپقارا تۈنلەرنى تاشلاپ،
ئەتراپىم قۇپقۇرۇق، ھېچكىملىرىم بار.
ئۇيقۇنىڭ سۆيۈلگەن كىرپىكلىدە،
تۇيۇلار پەقەتلا دۇنيا ماڭا تار.

-4-
چىقىمەن ئېسەدەپ كېچىلىرىمدىن،
ساداسىز، تىنىمسىز خىياللىرىمغا.
مەن سېنى ئۇزىتىپ قويىمەن تەكرار،
قەلبىڭنىڭ تارالغا تۇمانلىرىغا.

-5-
يالغۇزلۇقۇمنى يۈدۈپ
ئىشىك ئالدىڭدىن ئۆتىۋاتىمەن
يېپىق دېرىزەڭگە قاراپ

ئاي سۈكۈتتە پارچىلانماقتا
بۇلۇتلار تالىماقتا
يالغۇز قالغان نۇرىنى ئۇنىڭ
بىز مېڭىپ تۈگىتىۋەتكەن يوللادا
يالىڭاچلانغان دەرەخلەرنىڭ تۈۋىدە…

-6-

تاملاردەك مەڭگۈلۈك سۈكۈتلىرىمنى،
ھېچكىمگە تىنمىدىم، تىنمىدىم ئەسلا.
سەن يىراق جايلاردا ياڭرىغان ناخشا،
تارالماس سېنىڭدىن ئازاپمۇ ھەتتا.
ئۇتنۇشنىڭ ئۆزىنى ئۇنۇتقان بىر تەن، يوقىتار ئۆزىنى تۇمانلىرىدا.
دوق قىلغان بىر ئاۋاز كېزەر دىلىمنى،
ۋىسالنىڭ قان بولغان ئارمانلىرىدا.

-7-
چىرمىشار خىيالىم قار ئۇچقۇنىغا،
كۆزلىرىم پەرىشان كۆڭلۈم ئۈمىدۋار.
ياشىدىم، ياشايمەن ئۆزۈمنى بەزلەپ،
مەن ئۈچۈن تەسەللى مۇزلىغان يانۋار.

-بەختىيارئابلەت

كەچۈر

6 - پارچىسى بۆلەكچە تەسر قىلدى «ھېنېمىمىزىمچى»، ئىلھام كەپتەرلىرىڭ ھارمىغاي

قاھىرە

بەكلا ياخشى چىقىپتۇ ، قىستۇرغان ناخشى بەكلا ماسلىشىپتۇ  ئەتىگەندە ھۇززۇرلۇنۇپ ناخشا ئالىغاچ شېئېرىڭىزدىن ھۇرۇز ئالدىم ، تەشەككۈر ،قەلەم تۇلپارىڭىز ھارمىغاي

گۈلگۈن

يالغۇزلۇقۇمنى يۈدۈپ
ئىشىك ئالدىڭدىن ئۆتىۋاتىمەن

بەك يارىدى .......

بارلاس

لەۋلىرىڭنىڭ ئاخىرقى بەرگى تۇزۇپ كەتكىچە ،ماڭا ماۋۇ يېرى بەكلا يارىدى ئەمما .

بىلگيار

شىئىرنى مۇنداق يازسىمۇ بولىدىكەنغۇ!؟ ھەقىقەتەن ئىسىل شىئىرلار ئىكەن. 6-شىئىرنى ئالاھىدە ياقتۇردۇم، چۈنكى ئۇنى ھەقىقىي چۈشەندىم. مۇشۇ كۈنلەردە نىمەم نىمە بولدىكىن تاڭ شىئىرلارنى يېزىش ئۇياقتا تۇرسۇن، ئوقۇپ چۈشىنىشكىمۇ تازا ئىلھام يوق. نەلەرگە كەتتىكىن بۇ ‹‹ئىلھام ›› دېگەن شۇم .

تۇمارىس

تاملاردەك مەڭگۈلۈك سۈكۈتلىرىمنى،
ھېچكىمگە تىنمىدىم، تىنمىدىم ئەسلا.
سەن يىراق جايلاردا ياڭرىغان ناخشا،
تارالماس سېنىڭدىن ئازاپمۇ ھەتتا.
ئۇتنۇشنىڭ ئۆزىنى ئۇنۇتقان بىر تەن، يوقىتار ئۆزىنى تۇمانلىرىدا.
دوق قىلغان بىر ئاۋاز كېزەر دىلىمنى،
ۋىسالىڭ قان بولغان ئارمانلىرىدا\

چىرمىشار خىيالىم قار ئۇچقۇنىغا،
كۆزلىرىم پەرىشان كۆڭلۈم ئۈمىدۋار.
ياشىدىم، ياشايمەن ئۆزۈمنى بەزلەپ،
مەن ئۈچۈن تەسەللى مۇزلىغان يانۋار

بۇ ئىكسنى بەك ياقتۇردۇم .

تىلسىم

شىئېرلىرىڭنى ئوقۇسام قاراڭغۇلۇقتا تۇرغاندەكلا ھىس قىلىمەنغۇ .
لىكىن شۇنداق رۇمانتىك ، بىراق  يالغۇزلۇق...ئۇتۇقلۇق بولسۇن .

ئوقۇغۇم

كۆزلىرىم پەرىشان كۆڭلۈم ئۈمىدۋار

ئوقۇغۇم

ياختۇردۇم بەكلا ياخشى يېزىپسىز