بۇ يازمىنى ئاخىرىدا گۈلگۈن تەھرىرلىگەن. ۋاقتى 2015-3-17 22:12
ئەسسالامۇ ئەلەيكۇم سۈيۈملۈك ھەمشىرىلىرىم،ئالتۇن تەنلەر ئامان بولسۇن! كۈل ئالساڭلار كۈمۈش بولسۇن!
ئويلاپ باقسام بىزنىڭ ئەنئەنىۋى بايرىمىمىز "نورۇز"غىمۇ يەنە نەچچە كۈنلا ۋاقىت قاپتۇ.شۇڭا بىللە "نورۇز ئېشى "ئىتىشنى ئۆگىنىۋالايلى دەپ كەلدىمغۇ؟
قېنى ،تېمىنىڭ داۋامىغا مەرھەمەت:
كىتىدىغان ئاساسلىق ماتېرىيال:
قوناق يارمىسى،سۇلۇ،ئاق پۇرچاق،قىزىل پۇرچاق،كۆك ماش،قارا بۇغداي،ئاق قوناق،نوقۇت،بۇغداي مېغىزى
قوشۇمچە ماتېرىيال:
قوي گۆشى،قوي پاچىقى،قوي كاللىسى،سەۋزە،چامغۇر
تەم خۇرۇچلىرى:
تۇز
تەييارلاش ئۇسۇلى:
1.ئالدى بىلەن گۆشنى پۇشۇرۋالىمىز.پىشۇرۇش جەريانىدا گۆشتىن چىققان كۆپۈكچىلەرنى پاكىز ئېلىۋىتىمىز.
2.كۆپۈكچىلەرنى ئېلىپ بولغاندىن كېيىن ئۈستىگە ئاق پۇرچاق،قىزىل پۇرچاق،كۆك ماش،ئاق قوناق،بۇغداي مېغىزى قاتارلىق ماتېرىياللارنى سېلىۋالىمىز ۋە بىر سائەت قاينىتىمىز.
3.بىر سائەت قايناپ pئەتىراپىدا پىشقاندىن كېيىن،گۆشنى سۈزۈپ ئېلىۋېتىپ يەنە قالغان قوناق يارمىسى،سۇلۇ،نۇقۇت قاتارلىق ماتېرىياللارنى سالىمىز.
4.سەۋزە ،چامغۇرنى توغراپ قايناۋاتقان قازانغا سېلىپ بىللە قاينىتىمىز.
5.ئارقىدىن سۈزۈپ ئېلىۋالغان گۆشنى ۋە قوي كاللىسى قاتارلىق ماتېرىياللارنى توغراپ تەييارلايمىز.
6.ئەڭ ئاخىرىدا تۇز تەمىنى تەڭشەپ قاچىغا ئۇسسۇپ توغراپ تەييارلىۋالاغان گۆشنى ئۈستىگە سېلىپ قويساق ناھايىتى قۇۋۋەتلىك ئەنئەنىۋى تائاملىرىمىزنىڭ بىرى بولغان نورۇز ئېشىمۇ تەييار بولغان بولىدۇ.
پاھ،پاھ...........بەك تەملىك بوپتۇ ھە؟ قېنى باشقىلارمۇ تېتىپ بېقىڭلار،ئوخشىدىمىكىن؟ئۆگىنىۋالغانلار نورۇز كۈنى ئىتىپ بىزنى چاقىرىشنى ئۇنتۇپ قالماڭلارجۇمۇ؟
مەنبە:تائاملار سالونى | 
بايلىق
شۆھرەت
ۋاقتى: 2015-3-17 22:08:20
ساقلاش
ھەمبەھر
قېزىلما
قوللاش
قارشى
ۋاقتى: 2015-3-18 07:45:20
