قاردىكى غۇنچە

ئەلقىرا

قاردىكى غۇنچە
ئەلقىرا

(1)
لەيلەپ چۈشكەن قارلار ئۇچقۇنى ،

يۈزۈمنى سۆيۈپ چۈشسە يەرلەرگە.
ئۇنىڭدىكى ھەسرەت پىغانى،
ئېچىرقاپ تۇرۇپ سۆيسە لەۋلەرگە.
ھەربىر تىنىق ھەسرەت نىداسى،
خەنجەر بولۇپ تەگسە يۈرەككە.
قىپقىزىل بوپ تامچىغان قانلار،
ناپاك بولۇپ چۇشسە يەرلەرگە.

(2)
بولدى قان،
بولدى قىزىل،
ئەتىرگۈلنىڭ بەرگى گويا.
شۇ بەرگىلەر ياتسا مۈگدەپ،
ناتىۋاندەك،
مۇساپىر گويا.
كەڭرى كەتكەن قارلار ئۈستىدە،
چېچىلغاچ غۇنچە،
دەسسەلدى،
بېسىلدى،
ئېزىلدى شۇنچە،
بىراق كائىنات پەرۋاسىز يەنە.

(3)
بىر ئاۋاز كىردى قۇلاققا،
نالە-پەرياد ئاھلار ئوقۇلغان.
نە سەۋەب ئەسلا بىلمىدىم،
ئاياغ ئاستىم گۈللەر بېسىلغان.

مەنبە: ئەلقىرا (بىرشاھ)

بۇ مەن ئەڭ ياقتۇرىدىغان شئېرىمنىڭ بىرسى

تۇمارىس

بۇ بىر بىردىن ئىسل يىزلغان شئېرلاركىن .
لەيلەپ چۈشكەن قارلار ئۇچقۇنى ،
يۈزۈمنى سۆيۈپ چۈشسە يەرلەرگە.
ئۇنىڭدىكى ھەسرەت پىغانى،
ئېچىرقاپ تۇرۇپ سۆيسە لەۋلەرگە.
ھەربىر تىنىق ھەسرەت نىداسى،
خەنجەر بولۇپ تەگسە يۈرەككە.
قىپقىزىل بوپ تامچىغان قانلار،
ناپاك بولۇپ چۇشسە يەرلەرگە.

كۆرەش

بەك  ياخشى  يىزىپسىز  مەنمۇ  يازسامچۇ لىكىن سىزدەك بىلىملىك ئەمەسمەن

كەچۈر

قىزىل گۈللەرنى خازان قىلمىغۇلۇق، سەۋەبىنى بىلسۇن - بىلمىسۇن ئاياغ ئاستىغا قالدۇرمىغىلۇق....

قاھىرە

بەكلا ياخشى يېزىپسىز ، قەلەملەر بەرىكەتلىك بولغۇسى  

ئوقۇغۇم

ياختۇرۇپ ئوقۇدۇم شىئېرىڭىز نى  

تىلسىم

مۇشۇ خىل ئۇسلۇبتىكى شىئېرلارنى مەن ياقتۇرۇپ قالدىم ، بەلكىم يازالمىغانلىقىمدىندۇر.
مۇنبىرىمىزگە كەلگەنلىكىڭىزدىن خۇرسەن بولدۇق ، نادىر تىما ۋە تىتىملىق ئىنكاسلىرىڭىز ئۈزۈلمىگەي .

قاھىرە

قەلەملەر بەرىكەتلىك بولغۇسى ، ياخشى يېزىپسىز

يۈرىكىم

شېئىرغا قىززىقىپ كەتمىسەممۇ....لىكىن ياقتۇرۇپ ئوقۇدۇم....

ئەلقىرا

مېنى قارشى ئالغان ۋە شئېرىمنى ياقتۇرغان بارچە دوسلىرىمغا كۆپ رەھمەت ئېيتىمەن، راستىمنى ئېيتسام ئۆزگىچىلىكى بار بۇ ئوقۇغۇچىلار مۇنبىرىنى ياقتۇرۇپ قالدىم .