قارا ئەتتىرگۈل

كۈلكە

قارا ئەتتىرگۈل

            

گۈللەرنىڭ ھەممىسى قىزىل دەمسەن ؟ باغرى خۇن ،يۈرىكىدە ئوخچىغان قانلىرى  ئاللبۇرۇن سوۋۇپ بولغان گۈلنى قىزىل دىيىشكە قانداق تىلىم بارسۇن ؟

قارا ئەتتىرگۈل ،قىسمىتىڭگە يىغلايمەن ،سەن بىرلا قارا ئەتتىرگۈلگە ئەمەس ،سەن كەبى غۇنچىلەرنىڭ نىدالىرغا ئۆكسىيمەن .
سۈبھىدىكى شەبنەم تېمىش ئالدىدا ،ئوتقاشتەك جۇلاسنى يۇقىتىپ ،ئايسىز ئاخشامدىكى قاراڭغۇلۇققا بەنىت بولغاندەك نۇرسىز كۆرۈندىغان بەرگىلىرىڭگە ساقىغان بىر تامچە شەبنەم ساڭا ھاياتلىقنىڭ يېڭى مەنىسنى بېرەلىدىمۇ ؟ ياق ياق ،بىلىپ تۇرۇپتىمەن ،تامچىلەرگە ئارلىشىپ كەتكەن ياشلىرىڭ تىكەنلىرڭنى ياشارتماقتا ....
قارا ئەتتىرگۈل ،بۇلبۇل ناۋاسىغا جۆر بۇلۇشتىن ئۆزۈڭنى ئېلىپ قېچۋاتامسەن ،سەن گۇناھكار ئەمەسمەن ، تۆكلۈپ ئەڭ ئاخىرقى بىر تال بەرگىڭ قالسىمۇ ،مەن سېنى ئەتتىرگۈل دەپ ئاتاشقا ھەقلىقمەن ، چۈنكى ھەر بەرگىڭدىن بىر نىدا ئۆكسىىپ ئۆزۈڭنى  يۇشۇرماق بولغىنىڭ بىلەن ،مەن ھەر بەرگىڭدىن گۈل ھىدىغا قانماق بۇلۇپ ۋۇجۇدۇمنى ساڭا ياقىمەن .
بۇلبۇل سايرىماس بولغان باغلىرىڭ ،كىپنەكلەر ماكانى ، گۈللەرگە خاس جىلۋەڭنى يۇقاتما قارا ئەتتىرگۈل .
ھېكايەڭنىڭ شاھىدىمەن قارا ئەتتىرگۈل .
بۇلاقتەك كۆزلىرىدىن ھېكمەت تۈكىلدىغان قارا ئەتتىرگۈل ، گۈللەرگە خاس جىلۋەڭ بىلەن ھاياتىڭنىڭ ئاخىرىقى تىنىقلىردا گۈلزارلىقتىكى بىر گۈل بۇلۇش سۈپتىڭ بېلەن باسقان مۇساپەڭگە خۇرسەنمەن .
ئانار رەڭگىدىكى بەرگىلىرىڭ بارا-بارا قارداشقا باشلىغان بىلەن ،سەندىكى سۆيۈملۈك گۈل قەلبنىڭ بارا-بارا ئوت رەڭگىدە تاۋلانغىنغا خۇرسەنمەن .
ساڭا سىڭىپ كەتكەن شۇ دەملەردە قارا ئەتتىرگۈلنىڭ رۇخسارىنى قەلىب بوستانىمدا ئېچىلدۇرالىغنىمغا خۇرسەنمەن .
شۇنداق ،سەن بوستانلار ئىچىدىكى ئەڭ چىرايلىق بىر گۈلسەن ، بەلكىم پۇرار ئىدى بىر چاغ سېنى قانماي ھەر كىم ،بەلكىم ئۈزۈشنى كۆڭلىگە پۈككەن بولغۇيتى ئېھتىمال بىرچاغ ،ساڭا شەيدا ھەر كۆڭۈل .
بەرگىلىرىڭنى ئاستا-ئاستا نابۇت قىلماقچى بولغان قۇرۇتلارغا نەپرىتىم چەكسىز ،يىغلاشنى ئۆزۈمگە راۋا كۆرمەيدىغان مەن ، سەن ئۈچۈن  رەت ياش تۆككەن ئىدىم قارا ئەتتىرگۈل .
قىسمەتلەرنىڭ پايانى چەكسىز ،شۇ چەكسىزلىك ئىچىدكى سېنىڭ قىسمىتىڭگە ئۇچۇرغان شۇ دەملەردىكى مەن  "يەتتە پەرىزات" نى ساڭا ھەمراھلىققا چىللاۋاتمەن .

ئالىيە
2-ئاينىڭ 14-كۈنى  

كۆكتاش

بۇيەردىكى قارا ئەتتىرگۈل -ياشلىق باھارى ۋاقىتسىز خازان بولغان قىز !ئۇ ئۆزىنى قىزىلغا ئايلاندۇرالايدۇ !

تۇمارىس

گۈللەرنىڭ ھەممىسى قىزىل دەمسەن ؟ باغرى خۇن ،يۈرىكىدە ئوخچىغان قانلىرى  ئاللبۇرۇن سوۋۇپ بولغان گۈلنى قىزىل دىيىشكە قانداق تىلىم بارسۇن

ئەلبۇم

قارا ئەتىرگۈل
ئەلبۇمغا سارغىيىپ چۈشكەن تامچە ياش،
لەۋلەرنىڭ قېتىغا تۆكۈلگەن قوقاس.
بىر قىزنىڭ ھەسرىتى ئاڭلانغىنىدا،
قاپقارا بەرگىدە قىلىدۇ ئىخلاس.

قارا ئەتىرگۈل
ئاپئاق قار تەكتىگە كۆمۈلگەن مۇقام،
كىرپىكى يىرتىلغان، مۇڭلىرى جۇل - جۇل.
بىر دەستە ھىجراننىڭ ئىچىگە مۆكۈپ،
قەلبىمگە تىۋىشسىز كېلىۋەر ئۇدۇل.

كۈلكە

كۆكتاش يوللىغان ۋاقتى  2015-2-15 12:37
بۇيەردىكى قارا ئەتتىرگۈل -ياشلىق باھارى ۋاقىتسىز خازا ...

ئۆز ئەسرىڭنى ئىخلاس بىلەن ئوقۇغانلارنى كۆرگەندە خۇش بۇلۇپ قالدىكەنسەن .

قاھىرە

قالتىس بەكلا مەزمۇنلۇق چىقىپتۇ . ھارمىغايسىز. دوستۇم

ئۇنتۇش

ئىسىل ！＿  بەك ياخشى يېزىپسىز ، ياقتۇرۇپ ئۇقۇدۇم

يۈرىكىم

قارا گۈلزارلىققا، قوللىرىڭ نويابىرنىڭ سوغۇقىدا قانداق ئۈششىگەن بولسا ،  گۈل بەرگەىلىرىڭمۇ شۇ قىسمەتتە ،  ئەجەبا گۈللىرىڭنىڭ يازنىڭ مىھرىگە قىنىپ، قۇياش بەھرىگە چۆمۈپ،  يىلتىزەدىن تارتىپ،  گۈل چىنىسىگىچە، مۇھەببەتلىك يېشىللىققا پۈركۈنۈپ جىلۋە قىلغۇسى يوقمۇ؟ قارا گۈللىرىڭگە،  سۇلغان بولسىمۇ بەخىتنىڭ ئىزنالىرى بىلىنىپ تۇرغان گۈل بەرگىلىرىگە، ئۇلارنىڭ مەۋجۇدىيتى ۋايىغا يىتىپ،  ئىچىلمايلا جۇتقا ئۇچرىغان غۇنچىغا باققاندا نەقەدەر قىممەتلىك -ھە؟!   سەن گۈل بىقىپ باققانمۇ ،  چاڭقىغان گۈللىرىڭگە سۇ قۇيۇپ باققانمۇ ،  سەن يىراقلارغا كەتكىنىڭدە،  باققان گۈلۈڭ بورانلىق كىچىلەردە قاراقسز قالغىنىدا، ئىچىلاي دەپ قالغان غۇنچەڭدىن ئەنسىرەش تۇيغۇسىدە بولۇپ باقتىڭمۇ........

ئاتىكەم

سەۋىر   قىلىش كىرەك  .   
ئادەم ھايات بولسىلا   ھەممە  ئىشنى يىڭىباشتىن باشلىسا  بولىدۇ .
قارا  ئەتىرگۈلنىمۇ قىزىل ئەتىرگۈلگە  ئايلاندۇرغىلى بولىدۇ .

گۈلگۈن

ئەسەر تولىمۇ يېقىملىق تىللار بىلەن يېزىلىپتۇ.