بۇ يازمىنى ئاخىرىدا كۈلكە تەھرىرلىگەن. ۋاقتى 2015-2-13 17:46
521-نۇمۇرلۇق ياتاق
(مەكتەپ تۇرمۇشىمغا مەنا ئاتا قىلغان سۆيۈملۈك بەش قىزغا بېغىشلايمەن)
كۆزگە تاشلىنىپلا تۇردىغان بېنا ،ئەنە بىرىنچى رەتتىكى بۇ بىنانىڭ بەشىنچى قەۋىتىگە جايلاشقان ئىشىك بېشىغا ‹‹521›› دەپ نۇمۇر قۇيۇلغان بۇ ياتاق مېنىڭ ياتىقىم ، ياتىقىملا ئەمەس تۆت يىللىق تۇرمۇشىمدىكى كىچىك ئائىلەم .
بۇ ئائىلنى مەن بېلەن قوشۇپ ئالتەيلەن بەرپا قىلغان ، مەڭگۈ مەۋجۇت بۇلۇپ تۇرالمايدىغان ئۆتكۈنچى يامغۇردەك تامچىلىرنى قەلىبلەرگە سىڭدۈرۋىتەلەيدىغان قىسغىنە ۋاقىتلىق بۇ ئائىلە ئاجايىپ گۈزەل ،ئۇنىڭ گۈزەللكى سەرامجانلاشتۇرشىدا ئەمەس بەلكى ئوخشىمغان ئالتە جايدىن كەلگەن ،ئوخشىمغان ئالتە ئائىلە تەربىيسى ،ئوخشاشمىغان ئالتە خۇي ،ئوخشاشمىغان ئالتە گۈل-چىرايلارنىڭ بىركىشى بىلەن ،تاتلىق،ئاچچىق كارتىنلىرى بىلەن بۇ گۈزەللىكنى ياراتقان .
521-ياتاق بۇ ئۆگنىش سورۇنى .
شۇنداق ،بۇ ئاجايىپ بىر ئۆگنىش سورۇنى ، بۇ جايدا سېنىپتا ئۆگەنگەنلىرمنى مۇزاكىرە قىلمايمىز ،بىزنىڭ ئۆگىندىغنمىز ئالتە مىجەز-خۇي ئىچىدىن قايسنى ئۆگنىپ قايسىنى تۈزىتىش .ھايات يۇلىدىكى بۇ ئۆتكۈنچى پەسىلدە ئۇستاسىز ئادىمىيلىكنى ئۆگنىش ،تەبىيلا قارشى تەرەپنىڭ كۆڭلۈنى ئاغرىتمايدىغان پوزىتسەينى ئۆگنىپ قالمىز . يەنە مەن بۇ ياتاقتىن ھىچنىمە بىلمەيدىغان ھالىتىمدىن بۇ قىزلارنىڭ زورلىشى بىلەن چىرايلىق دوپپا تىكەلەيدىغان كەشتىچى قىزغا ئايلانغانمەن ، يەنە نۇرغۇن يەرلىك شىۋىلەرنى ئۆگەندىم ھەم ئۆگەتتىم ،ئالتە خىل قائىدە -يۇسۇنلارنى ئۆز ئارا ئالماشتۇرغان بۇ ياتاق شۇ تاپنىڭ ئۆزىدە بىر مەدىنيەت ئالماشتۇرۇش كۆۋرىكگە ئايلانغان .
521-نۇمۇرلۇق ياتاق "غەيۋەتخور" لار ماكانى
پاراڭ قىززماقتا ،نىمە ئۈستىدە غەيۋەت قىلۋاتىدۇ دەمسىز ،بۈگۈن سېنىپتىكى قايسى بىر ساۋاقدىشمىزغا مۇناسۋەتلىك يۈز بەرگەن قىزقارلىق ئىشلار ،ئۇ ئەينەن تەسۋىرلەيدۇ ،بىز كۈلۈپ بولالماي كارۋاتنى بىر ئالىمىز ، يەنە بار ،كىمنىڭ قايسى كىيمنىڭ بەك چىرايلىق ياراشقانلىقى ،قىزلارنىڭ بۇ پاراڭ تېمىسى ھەممە قىزلاردىكى ئورتاق خۇي ،چۈنكى ھەممە قىز گۈزەللىككە ئىنتىلگۈچى ،پاراڭ تېمىمز ھەرگىزمۇ ئۇ قىز ئۈستىدە ئەمەس بەلكى .. ، بۈگۈن قايسى مۇئەلمىدىن نارازى بولغانلىقنى قاپقىنى تۈرۈپ سۆزلەيدۇ ئۇ يەنە ، ئۇنىڭغا جۆر يەنە بىز ،ئۇنىڭ ئاچچىقىغا ھاي بېرىپ كۈلدىرۋىتىدىغنى يەنە بىز .
يەنە بار، ئوغۇللارنىڭ پارىڭى بۇ ياتاقتا يوق دەمسىز ، ئارتۇق سۆزلەشكە تىلىم كۆيىدۇ ، ياتاق تۇرمۇشنى باشتىن ئۆتكۈزگەن قىزلار سۆزۈمنىڭ ئاخىرنى پەرەز قىلىپ بولدى ئېھتىمال .
غەيۋەت شەخىسكە ئۆتتى ،بىر جۈملە سۆز باشلىنىپ بولغۇچە ئۆزىنىڭ ئۇرغۇلۇق سۆزلىرى بىلەن جىملەپ قۇيدىغان بۇ قىزغا ھۆرمىتىم بار ، ئۇ بىزنى بىرسى ئۈستىدىن سۆز-چۆچەك قىلىشتىن توسۇيدۇ ،ئۇنىڭ توسقۇنى گۇناھ يۇلىغا مېڭىش ئىكەنلىكنى ئويلىيالىغدەك كاللا بىز ھەممىزدە بار .
521-نۇمۇرلۇق ياتاق ‹‹مەلىكلەر›› دۇنياسى
ياتىقىمزنى پاكىز تۇتشقا ئادەتلەندۇق ئەلۋەتتە ،چۈنكى پاكىزلىق ھەممەيلەنگە ئىللىقلىق ئاتا قىلىدۇ ،گۈل بېقىشنى ياخشى كۈردىغان قىزنىڭ بىر قانچە تەشتەك گۈللىرى ياتىقىمزغا ئۆزگىچە ھۆسىن قوشۇپ تۇراتتى ،ئۇنىڭ گۈللىرى ياتىقىمزنىڭ كۆرىكى ، مەكتەپ بەرگەن پەردىنى ياراتماي ،ئۆزىمىز تاللاپ سېتۋالغان شاپتۇل چىچىكىگە ئوخشاش چىرايلىق گۈللىرى بار ھەم شۇ رەڭلىڭ پەردىمىز ياتىقىمزغا بەكلا يارىشىپ كەتتى ،ھەممە قىزلار ياتىقىمزغا كىرىپ پەردىمزنى ماخىتسا كۆڭلىمىز يايراپ كېتىدۇ بىزنىڭ ،پەردىلەرنى ئىككى تەرەپكە قايرىپ چىرايلىق قىسىپ قويغان ئىككى چاچ قىسقۇشچۇ تېخى ‹‹مەكتەپتىن ئايرىلغاندا بۇ چاچ قىسقۇچلار ماڭا قالسۇن " ھەييارلىق بىلەن شۇنداق دېگىنىمدە ھەممەيلەننىڭ ياتاقتىكى ئومۇمى مۈلۈكنى بۈلىشىپ "مىراس" تالىشىپ كۆتۈرگەن قىقاس -چۈرەنلەر بىر دەمدىلا ياتىىقمىزنى قۇرۇقداپ قويغان شۇ كۈنلەر ئاجايىپ تاتلىق ...
كارۋىتىمنىڭ ئۈستىدىكى بۈرجەككە ئىلىپ قويغان كىچىككنە سىۋەتلىك سۇس ئاق رەڭلىڭ سۇلياۋ گۈل ، كارۋات بېشىغا بىر رەت قاتار تىزىپ قويغان ،مەن ئۇخلاشتىن بۇرۇن بىر ۋاراقلىۋەتمىسەم كۆڭلۈم ئۇنمايدىغان سۆيۈملۈك كىتابلىرىم ، پاتماي بوش كارۋاتقا ئېلىپ قويغان چوڭ قونچاق ،ئۇنىڭ كارۋىتىدىكى ئۇماق ئېيىق ،يەنە ئۇنىڭ كارۋىتىدىكى يۈرەك ،ئۇنىڭ تامغا چاپلاپ قويغان ئۆيىدىكى كىچىك شاكىچىكلەرنىڭ رەسىمى ،ئۈستىدىكى ئۇنىڭ كارۋاتىدا يەنە ئۇلۇغلۇقنىڭ نىشانى ...
بۇ ياتاق ئەنە شۇنداق سۆيۈملۈك ،ئەنە شۇنداق ئىللىق ،ئەنە شۇنداق ئالتەيلەن ئاتا قىلغان گۈزەللىكلەرنىڭ مۇجەسسمى ،مەن بۇ ياتاققا ئەلۋەتتە ‹‹مەلىكلەر دۇنياسى››دەپ نام بېرىمەن .
521-ياتاق "دەرىتمەنلەر" گە بېرىدۇ داۋا
ئۇ يىغلىۋەتتى ،ئۆكسۈپ -ئۆكسۈپ يىغلىۋەتتى ،ئۇنىڭ كارۋىتنى چۆرىدىگەن بەش قىز ئۇنىڭ يىغىسغا ھەمدەم ،ئائىلدە كەلگەن كىچچىكنە كۆڭۈلسىزلىك بۇ نازۇك قىزنىڭ يۈرىكنى يارا قىلدى ، تەرەپ-تەرەپتىن ئېيتىلغان قىسقىسى بەش جۈملىگە يىغچاقلىغان تەسەللى سۆزى بىلەن ئۇ ياشلىق كۆزلىرنى سۈرۈتتى ، يۇمۇر ئېيتتى ،ئۇ كۈلۋەتتى ،ئۇسۇلغا تارتتىم، ئۇ قايغۇنى بىردەمگىنىە ئۇنتۇپ شوخ ئۇسۇلغا چۈشتى ،بېقىشىپ تۇرۇپ ئوينىغان ئۇسۇللىرمىز بىلەن ئۇ كۆڭلىگە تەسكىن تاپتى ،بىردەملىك قايغۇ يىغلىتالايدىغان بۇ قىزنى بىردەملىك شوخ ھاياجان ھەم كۈلدىرەلەيدۇ ، 521-نۇمۇرلۇق ياتاقتا كىم شۇنداق يىغلىسا ئۇنى كۈلدۈرمىگچە بولدى قىلمايدۇ شەيتان قىزلار .
مۇھاببىتىدىن ئازار يىگەن ئۇ يىغلاشقا ئارانلا تۇراتتى ، بەلكىم يۈرىكى ئاللبۇرۇن قانلىق يىغىنىڭ ئىسكەنجىسدە قالدى بۇ چاغ ،قىز دوستىنى بۇ ئازابقا دۇچار قىلغان ئۇ "نامەرد" نى تىللغۇم كەلدى ، ئەمما جۇگېلىياڭدىن ئېشىپ چۈشىدىغان بەش كاللا ئىشلەتكەن ئامال بىردەمدىلا بۇ قىزنى چىرايلىق ياساندۇرۇپ يىگىتنىڭ قېشىغا يولغا سالدى . شۇ دەمدە ھەم ئۇنىڭ يىگىتى ئىنتىزارلىق بىلەن ساقلىماقتا ..
"ئون كۈلكىنىڭ بىر يىغىسى بار" دەيدىكەن كونىلار ،دەل شۇنىڭغا ئوخشاش 521-نۇمۇرلۇق ياتاققا ئۈششۈك تەگكەن ۋاقىتتا بىز ئالتىمىز باھار ھىدىنى تاراتقۇچى .
521-نۇمۇرلۇق ياتاقتا بۈگۈن ھېيت ،بۈگۈن بايرام
ئۇلۇغ ھېيتلاردا ئۆيگە قايتالمىغان مەنلا ئەمەس ،ئالتە جۈپ شەھلا كۆزنىڭ ھەممىسى شۇنداق ، ئەمما بىزنىڭ كىچىك ئائىلمىزدە ھېيىت ، داستىخىنمىز مول ، ئۆيدىن كەلگەن نىممەتلەر بەرىكەتلىك ،سېنىڭ مېنىڭ دەپ ئايرىمدۇق ،بىز كۆڭلۈمىزنى مۇشۇنداق خۇش قىلىپ ھىچقايسمىز ياش تۆكمۈدۇق .
بۈگۈن بۇ قىزنىڭ تۇغۇلغان كۈنى ،ئۇنىڭ ئانىسنى ئۇلۇغ تىلەكلەر بىلەن تەبرىكلىدۇق ،كىچىىكنە ياتىقمىزدا ئاددىغنە داستىرخان سېلىپ ئۇنىڭ بۇ قۇتلۇق كۈننى تەبرىكلىمەكتىمىز ،بۇ ئۆتكەن ئۈچ يىلدا ھەممىزنىڭ بېشىدا ئۈچ قېتىمدىن چۆرگىلدى ،بىلۈندۈرمەي تۇيۇقسىز خۇشال قىلىپ مىھىر مۇھاببەتلەرنى ھىس قىلدۇرغان بۇ دەملەردە 521-نۇمۇرلۇق ياتاقنىڭ ئىچىدە خوشاللىق تەنتەنە قىلماقتا .
521-نۇمۇرلۇق ياتاقتا ...
521 -نۇمۇرلۇق ياتاقتا قىيدىشىپ قالدى ئۇلار ، قىزلاردىكى كىچچكنە ئورتاق خاراكتىر ئۇلارنىڭ قىيداشلىرغا سەۋەب بولدى ،بەلكىم گەپ قىلىشماس بىر كۈن ياكى ئىككى كۈن ،بىر-بىرگە دوق قىلار ئۇدۇلمۇ-ئۇدۇل كېلىپ قالغان دەملەردە ، ئەمما قاراڭ ،بىر نەچچە كۈندىن كېيىن ئىككسنىڭ بىر بىرنى قولتۇقلاپ كۈلۈشكىنچە ئاشخانىغا ماڭغىننى كۆرسىز،مەنمۇ ھەم شۇنداق ئىدىم دەسلەپ ....سۈيۈملۈك قىزلار .
521-نۇمۇرلۇق ياتاقتا بۈگۈن ‹‹ياسانچۇق›› قىزلارغا تەنتەنە ،كارۋاتقا تاشلانغان قالايمىقان كىيىملەر ... توكقا چېتىقلىق چاچ قۇرۇتقۇچ ،ئۇنىڭ قولىدىكى نەچچە ئون يۈئەنگە سېتۋالغان يۈز ماي ، ئۇنىڭ ئاپىسى ئەۋەتكەن داڭلىق ماركىدىكى يۈز ئاسراش مەلھىمنى تالاشقان جۈپ كۆزلەر ،يەنە... ئەمما كېپىللىك قىلمەنكى ئۇلار چەكتىن ئاشمايدۇ ، گۈزەللىككە ئىتىلگۈچى ھەر بىر قىزنىڭ كۆز ئالدىدىن 521-ياتاقتىكى بۇ كۆرنۈش كىنو لىنتىسىدەك كۆز ئالدىدىن ئۆتىۋاتىدۇ بەلكىم ...
521-نۇمۇرلۇق ياتاقتا....
521-نۇمۇرلۇق ياتاقتا ...
521-نۇمۇرلۇق ياتاق ئالتە قىزنى بىر بىرگە جىپسىلۋەتكەن .
شۇ تاپ 521-نۇمۇرلۇق ياتاقنىڭ بىر ئەزاسى ئۇلارنى سېغنىپ قەلەم تەۋرەتمەكتە...
ئالىيە ئابلا 2015-يىلى 2-ئاينىڭ 13-كۈنى
| 
بايلىق
شۆھرەت
ۋاقتى: 2015-2-13 17:38:48
ساقلاش
ھەمبەھر
قېزىلما
قوللاش
قارشى
ۋاقتى: 2015-2-13 21:08:13
ئىگىسى