قارىغۇ(ھېكايە)

ئاقيول

‏

قارىغۇ

(ھېكايە)

ئېلى ياسىن(ئاقيول)
_ھەي قارىغۇ!
شۇنداق دەپ مۈرەمگە قويۇلغان قولدىن چۆچۈپ كەينىمگە قارىدىم، ئاغىينەم ئالىم ماڭا قاراپ خاپا بولغاندەك قاراپ تۇراتتى.
-ۋاي، ئاداش خاپا بولمىغىن راستلا پەرىق قىلالماپتىمەن، خېلى بولدى كۆزۈم بەك ناچارلىشىپ كەتتى.
-يېنىڭدىن ئۆتۈپ كېتىپ بارسام تۈپتۈزلا كىتىپ بارىسىنا؟ راستلا قارىغۇ ئىكەنسەن جۇمۇ!
-ۋاي ئاداش راسىتلا كۆزۈم ئاجىز...
-ھە، مۇنداق دېگىن، بۇنداق قىينىلىپ يۈرگىچە كۆز ئەينەك ئېلىپ تاقىساڭ بولمامدۇ؟
-ھەي، نىمىسىنى دەيسەن ئاداش، قۇرساقنىڭ ئۇمۇچى يوق كۆز ئەينەك تاقاپ يۈرسەم ياراشمايدىكەن، كۈنەلمەيدىكەنمەن.
-ھە، يولدا ماڭساڭ مانداق ئادەمگە قاراپ ماڭ قارىغۇدەك ماڭماي...
راستىنى دېسەم يېقىن ئاغىينەمنى كۆرمەي ئۈتۈپ كەتكىنىمدىن بەك خېجىل بولدۇم. ئالىمدىن بىر مۇنچە ئۆزىرە سۇراپ خوشلاشتىم، ھەي، كۆز ناچار بولسا راستلا بولمايدىكەن جۇمۇ! كۈندە مۇشۇ يولدىن ئۆتىمەن، قانچىلىغان تۇنۇشلارنى كۆرمەي ئۆتۈپ كەتكەندىمەن؟ ئۇلار قانداق ئويلاپ قالغاندۇ؟ بۇنىڭدىن كېيىن دېققەت قىلىپ ماڭسام بولغىدەك...
شۇنىڭدىن كېيىن يولدا ماڭسام ئەتىراپقا سىنچىلاپ قاراپ ماڭىدىغان بولدۇم، بىر كۈنى ئىشقا مېڭىۋېتىپ تۇيۇقسىز يول بويىدا قارا سومكا تۇتۇپ تۇرغان قادىرنى كۆرۈپ قالدىم، قادىر بىلەن ئالى مەكتەپتە بىرگە ئوقۇغان، كېيىن ئۇ بانكىغا خىزمەتكە چۈشكەن ئىدى، ئۇنىڭ بىلەن نىمىلا بولمىسۇن قېشىغا بېرىپ كۆرۈشۈپ قويماقچى بولدۇم...
-ئەسسالامۇ ئەلەيكۇم ئاداش، ئوبدان تۇرغانسەن؟
قادىرنىڭ قېشىغا كۈلۈپ باردىم، بېرىپ بولۇپ ئۇنىڭ قادىر ئەمەسلىكىنى تۇنۇدۇم.  چىرايىمنىڭ تاتىرىپ كەتكەنلىكىنى ئۆزۈم بىلىمەن، تۇنىمايدىغان ئادەم بىلەن ئەھۋال سورۇشىۋېتىپ كۆرۈشېۋېتىپ يولۇمغا ماڭدىم،ھەر ھالدا ئۇ ئادەممۇ خېلى ئۇچۇق يورۇق خۇشخۇي ئادەمكەن، چاندۇرۇتمىدى، لېكىن ئىچىدە قانداق ئويلىغاندۇ؟ بەلكىم ‹‹ قارىغۇ ئاداشمۇ بۇ ›› دەپ ئويلىغاندۇ...
يولدىن ئەگىلىشىمدە بورۇن بىللە ئىشلىگەن تۇرسۇنگۈلنى كۆرگەندەك قېلىپ قالدىم، ئۇنىڭ بەدەن قورىلىشى، چىرايى ئاشۇ تۇرسۇنگۈلنىڭ دەل ئۈزى، ئۇنىڭ بىلەن ئىشلەۋاتقاندا خېلى يېقىن پاراڭلىشىپ ئۈتەتتۇق، خىزمىتىنى يۆتكىگەن ۋاقتىدا كۆڭلۈم بىر قىسما بولۇپ قالغان، شۇندىن كېيىن تېلىفۇندا بولسىمۇ ئالاقىلىشىپ تۇرغان، كېيىن نومۇر ئۆزگەرىتتىمۇ تېلىفۇن ئالسام باشقا ئادەم ئالدى. شۇنىڭدىن بېرى پاراڭلىشىپ باقمىغانئىدىم ئۇنى ئاران بىر ئۇچۇراتقاندا ئەھۋال سۇراپ تېلىفۇن نومۇرىنى سۇرىۋالاي دەپ ئويلىدىم-دە ئالدىغا باردىم.
-ئەسسالامۇ ئەلەيكۇم تۇر... كەچۈرۈڭ ھە! مەن خاتا تۇنۇپ قاپتىمەن، راستلا خاپا بولماڭ...
-قارىغۇمۇ بۇ؟
كەينىمگە يېنىپ ئىككى قەدەم ئالغاندا ئۇنىڭ شۇنداق دېگەنلىكىنى ئاڭلىدىم.شۇ ۋاقىتتا ئىزادىن ئۈلەي دېدىمدە ئۇدۇل ئىشقا ماڭماي كۆز ئەينەك دۇكىنىغا قاراپ ماڭدىم...

كۆكتاش

ھىكايىگە كىرىشكە ھەم ھىكايىدىن چىقىشقا پەيزىڭىز بارجۇمۇ !
مەنمۇ كۆز ئەينەك تاقاپ قالامەنمۇ دەپ ئەنسىرەيدىغان بوپ كەتتىم مۇشۇ زامانغا كەگەندە ،كۆزۈم ئاجىزمىكى  ياكى باشقىلارنىڭ ئاجىزمىكى ،يا

مەن سىزنى ئارتۇقچە ماختىماي نەخ گەپكە كەلسەم  يەنە شۇ ئىزچىللىق يار بولغاي ،ئۇتۇقلۇق بولۇڭ !

ئاقيول

‏رەھمەت كۆكتاش،سىزگىمۇ ئۇتۇق تىلەيمەن دوستۇم...

كۆكتاش

كەينىمگە يېنىپ ئىككى قەدەم ئالغاندا ئۇنىڭ شۇنداق دېگەنلىكىنى ئاڭلىدىم.شۇ ۋاقىتتا ئىزادىن ئۈلەي دېدىمدە ئۇدۇل ئىشقا ماڭماي كۆز ئەينەك دۇكىنىغا قاراپ ماڭدىم...مۇنۇ ئاخىرلاشما پەيزىكەن !خۇددى شېئىر ئوقۇغاندەك ئاجايىپ بىرخىل ھىسياتقا كەپ قالدىم !ئوقۇرمەنگە قالدۇرۇلغان بوشلۇق مەزمۇن راستلا كەڭرى ھەم تەبىئى !بۇ ھىكايىنىڭ غەلبىسى !

چولپان

تىلى ئاددى مەزمۇنى ئاز بولسمۇ ،ئىپادىلەپ بەرگەن مەنەسى ئۆزگىچە بوپتۇ قەلەملەر قۇت تاپقاي !

كۈلكە

كۆز ئەينەك تاقىسمۇ بىكار دەك قىلامدۇ نىمە  بۇ ‹‹قارغۇ ›› غا .
ھېكايلىرڭىزنىڭ ياخشى ئوقۇرمىنمەن .

تۇمارىس

ئوزى  ئاز  ئەمما  بەك  ياخشى چىقىپتۇ .ئۇتۇق يار بولسۇن .

ئاتىكەم

ئاز  ،  ساز  يىزىلىپتۇ  ،  بەكمۇ ياقتۇرۇپ ئوقۇدۇم .
رەھمەت سىزگە !

ئاي بەرگى

بۇ ھېكايىنى نەچچە ئوقۇدۇم.ئاددىيلا قىلىپ "ياخشى يېزىپسىز"دەپلا چىقىپ كەتكۈم كەلمىدى.بۇنىڭدىن ياخشىنى يازالمدىم.يەنىلا "ياخشى يىزىپسىز"دەپ باشمالتىقىمنى چىقىرىپ ئولتۇرۇشقا مەجبۇر بولدۇم شۇ .ئىشقىلىپ ھەقىقەتەن ياخشى چىقىپتۇ.

مۇئەللىم

ماڭا ئوخشايدىكەن بۇ بالاڭزا،دوستۇم ماڭا قاراپ ھىجىيىپ كۆرۈشكىلى كەلسە،قارىماي ئۆتۈپ كەتكەندەك،تازا تىللىغانتى مېنىمۇ....

ئاز ھەم ساز چىققان ھېكايە.....