كۆپ قىتىم ئاڭلىغانسىز...
ئانىلار ئوتتۇرسىدا قىزلار تەربىيسىگە ئائىت گەپ بولسا،كۆپۇنچە ئانىلار ‹ ئاق قەنىتتەك ئاۋايلاپ،چاڭ قوندۇرماي ئۆستۇردۇم › دىيشىدۇ. ئاق قەنىت... دەرھەقىقەت،تولىمۇ نازۇك ئوخشىتىش.نازۇكلۇقى شۇنىڭدىكى.ئاق قەنىتكە بىرەر نەرسە يۇقسا ئۇنى تازلاش قىيىن.يۇققان جاينى كىسىپ ياكى قىرىپ ئىلىپ تاشلاش كىرەك.چاڭ تەگكەن قەنىت كۆپۇنچە تاشلىۋىتىلدۇ.
قىزبالىنىڭ نامىغا يۇققان يامان داغنىڭ كېتىشىمۇ شۇنچە قىيىن.بەزىدە كۆرمەيلا بېسىلغان تىكەن جەبرىنى بىر ئۆمۇر تارتىپ يۈرۈشكە توغرا كىلىدۇ.بەزىدە بۇ ئىش كىشنىڭ كۆڭلىنى بىر ئۆمۇر ئازابلايدۇ.كىشىنى ئۆمۇر بويى گۇمان شۈبھە،بەختى كەمتۇكلۇك قاينىمىغا سېلىپ قويىدۇ.ھەممىسىگە كۆپۇنچە ئويلىماي ئىش قىلىش،ئىرادە تىزگىنىنى بىر ــ ئىككى دەقىقە بوش قويىۋىتىش سەۋەب بولىدۇ.
ئىنسانى پەزىلەتلەر،مەنىۋى قەدىر قىممەتلەر ھەققىدە سۆز بولسا،ئۇلارنىڭ قىزلاردا ئەڭ ئالي دەرىجىدە بولۇشى تەلەپ قىلىندۇ.ئاخىرى ئۇ قىز بالىدە! مىللەتنىڭ كېلەچىكى.
قىزبالا پەقەت ئۆزىگىلا تەۋە بولمايدۇ.شۇنىڭ ئۇچۇن ئۇلار ناھايىتى نازاكەتلىك،ئىپپەتلىك،ھايالىق،سەۋىر تاقەتلىك،ئاقىل،مېھرىبان... بولۇشى كىرەك.
ئەيىب يا گۇناھ ئىش قىلىپ قويغان باشقا ھەممە كىشى كەچۈرلۈشى مومكىن،پەقەت قىزبالا كەچۈرۈلمەيدۇ.قىز بالىغا كەلگەندە ھۆكۇممۇ غايەت قاتتىق بولىدۇ:‹ ئوغۇل بالا شۇ ئىشنى قىلغاندا باشقا گەپ ئىدى،ئەمما ئۇ قىزبالىدە ! › تامام ۋەسسالام!
قىزبالىنىڭ ئىسمى،جىسمى،مەنىۋىيتى،ئىش ــــ ھەركىتىگە ھەمىشە ئۆلچەم باشقىچە بولۇپ كەلگەن.
سوراپتۇكى:
دۇنيادا ئۆلۇمدىن يامىنى نېمە؟
ــ قىزىڭنىڭ ناقابىل بولىشى.
بۇدەھشەتنى بېشىدىن كەچۇرگەنلەرنىڭ دىلىدىنمۇ،تىلىدىنمۇ بۇنىڭدىن دەھشەتلىكرەك نىدا چىقىدۇ:
ــ قىز ئاسرىغاندىن كۆرە،تۇز ئاسرىسام بولماسمىدى؟
ئىگىلگەن قامەتلەر،ئىگىلگەن باشلارغا كىلىدىغان خۇلاسە ئۇنىڭدىنمۇ دەھشەتلىك:
ــ قىزكەلتۇرگەن نۇمۇس ــ ئۆلۇمدىن ئارتۇق!
ئەسىرلەر،زامانلار بۇ ئەزەلي قاراشلارنىڭ مەنىسىنى ئۆچۇرەلمىگەندەك قىلىدۇ.قىز ئۆستۇرگەن ئائىلىدە ئائىلە ئىگىلىرىنىڭ كۆڭلىدە غورۇر،ئىپتىخار،سۆيۈنۈش ۋە قىزشەنى بىلەن باغلىق ئار ــــــ نۇمۇسمۇ يۇقىرى بولىدۇ.شۇنىڭ ئۇچۇن خەلقىمىز قىز بالىنىڭ مەنىۋى جەھەتتىن يېتۇك،كامىل ئىنسان بولۇپ ئۆسۇشى ئۈچۈن ئالاھىدە ئەھمىيەت بېرىدۇ.ئۇنى ‹ ئاق قەنىتتەك ئوراپ.ئاۋايلاپ،چاڭ قوندۇرماسلىققا › ھەركەت قىلىدۇ.
ئاپتۇر: رەھىمە شامەنسۇروۋا ( ئۆزبىك ) .‹ روھ پاكلىقى ــــــ دىل جىلۋىسى › نامىلىق كىتاپتىن ئېلىندى.
|