|
|
ئەسسالامۇ ئەلەيكۇم سەبىر، بۇ ئىنكاسنى ئىككىنچى قىتىم يىزىۋاتىمەن. ئەلۋەتتە، ئىككىنچى قىسمىنى تولۇق ئوقۇپ بولغاندىن كىيىن.سىز ۋە بىلگىيارنىڭ تىرىشىشى ئاستىدا ئىككى بۆلۈم مۇۋەپپەقىيەتلىك ئاخىرلاشتى. ھەمدە كەڭ تورداش دوستلانىڭ ياقتۇرۇپ ئوقۇشىغا ئېرىشتى، مەنمۇ ھەم ياقتۇرۇپ ئوقوغۇچىلاردىن ئەلۋەتتە.گەرچە ئىككى بۆلۈمى ئىككى ئادەم يازغان بولسىمۇ ،لىكىن يىزىش جەھەتتكى ئۇسلۇب ئىمكانقەدەر يىقىنلاشتۇرۇلۇپتۇ، شۇڭا ئىككى كىشى يىزىشتەك يېڭىچە ئۇسلۇبتىمۇ ھوزۇرلىنىش نوقتىسى تۆۋەنلىمىدى، شۇڭا ئەسىرىڭىزنى ئۇتۇقلۇق چىقتى دەپ قارىدىم.
مۇختەر بىلەن ئايقىز تۆت يىل ۋاقىت بىللە بولۇپ ،يەنە تۆت يىل ئايرىلدى. بۇ سەككىز يىل ئىچىدە، ئەمدى ئون سەككىزنىڭ قارىسىنى ئالغان ئىككى ياش بېشىدىن ئوخشاش بولمىغان ئسسىق-سوغۇقنى بىشىدىن ئۆتكۈزدى،چوڭ بولدى، مەسئۇلىيەتنىڭ نېمە ئىكەنلىكىنى چۈشەندى. بىرىنچى بۆلۈمنىڭ ئاخىرىدا ئەگەر مۇختەردە مەسئۇلىيەت تۇيغۇسى بولمىغان بولسا ،چىن كۆڭلىدىن سۆيىدىغان ئايقىزنى ئۇزىتىپ قويۇپ، يالغۇز ئۆزى جاپا تارتمىغان بولاتتى.ئەگەر ئايقىزدا مەسئۇلىيەت تۇيغۇسى بولمىغان بولسا مۇختەردىن ئايرىلىپلا ھەممىسىنى ئۇتتىرىۋەتكەن قىمارۋازدەك بولۇپ كىتىشى مۇمكىن ئىدى، ئەمما ئۇ ئالىي مەكتەپتىكى كۆپىنچە ۋاقىتنى ناھايتىمۇ مەنىلىك ئۆتكۈزدى، ئۆزىنى ئازاپ تېمىنىڭ كەينىگە يوشۇرمىدى، چۈنكى ئۇ ئۆزىگە ۋە كەلگۈسىگە مەسئۇلىيەت تۇيغۇسى بىلەن قاراشنى ئۆگەنگەن.
ئەسەردىكى ئىككى ئايۇپ ۋە پىنھاننىڭ پەيدا بولۇشى بۇ بۆلۈمنى باشقىچە جىددىي تۈسكە كىرگۈزۈپ، ئوقۇرمەننى جەلىپ قىلىش ۋە قىزىقتۇرۇش كۈچى ئاشقان.نۇرغۇنلىغان كىچىك ھېكايىلەر بايان قىلىنىپ، بىز بىلىۋاتقان، لىكىن بىلىپ تۇرۇپ خاتالىشىۋاتقان تەرەپلەر كۆرسىتىپ بىرىلگەن،كۆپ جايدا ئاپتور ئۆز خىيالى ئارقىلىق توغرىنى بىزگە يەتكۈزگەن. شۇڭا ئىككىنجى بۆلۈممۇ مەزمۇنغا تويۇنغان.
بىرەر مەسىلە بارمۇ دېسە، مەن ھېس قىلغان مۇنداق بىر ئىش بار. ھېس قىلىشىمچە سىز كۆپىنچە ۋاقىتتا ھەركۈنلۈك كىچىك بۆلەكنى يوللىغاندىن كىيىن، شۇ بۆلەكنىڭ ئاخىرىنى تېپىشماق بىلەن ئاخىرلاشتۇرىسىز، مەسىلەن«بۇ خىل بەخىتنىڭ ئەتىدىكى توزاق ئىكەنلىكىنى ئويلاپ باقمىانىكەنمەن،...ئۇزاق ئۆتمەي يۈز بەرگەن بىر ئىش مېنى پۈتۈنلەي تۈگەشتۈرۋەتتى...»دېگەندەك ئاياغلىشىش جۈملىلىرى. مۇۋاپىق ھالدا بۇنداق ئۇسۇلدىن پايدىلانساق ئۈنۈمى ھەقىقەتەن ياخشى، ئوقۇرمەن ئاخىرىنى ئوقۇشقا تېخىمۇ تەلپۈنىدۇ. لىكىن بۇنداق بولسا بىز ئەسىرىمىزنىڭ كەينىدە قانداق ئۆزگىرىش بولىدىغانلىقىنى دەپ بەرگەن بولىدىكەنمىز. بۇ خۇددى بىر ئادەمنى ئوڭغا ماڭ، سولغا ماڭ دېگەندەك ئىشكەن. مېنىڭچە بۇنداق مەزمۇندىكى ياكى ھېكايىدىكى ئۆزگىرىش ھېچقاندەك شەپىسىز يۈز بەرسە تېخىمۇ ياخشىمىكىن دەيمەن، چۈنكى ھەممەيلەن ھەيرانلىق تۇيغۇسىنى ياقتۇرىمىز. شۇڭا مېنىڭ تەكلىپىم بۇ خىل ئۇسلۇبنى مۇۋاپىق دەرىجىدە ئىشلەتسەك، بۇرۇلۇش نوقتىسىنى تېخىمۇ سەرخىل شەكىللەر ئارقىلىق يورىتىپ بەرسەك، ئوقۇرمەندىكى زىرىكىش ھېسسىياتىنى تىزگىنلەپ قالغىلى بولامدىكىن دەيمەن، بۇ دېگىنىم بىرسى سىزنىڭ ئەسىرىڭىزنى ئوقۇپ زىرىكىپتۇ دېگەن گەپ ئەمەس جۇمۇ.
بۇ ئەسەرنى ئوقۇپ ئازراق ئويلىغىنىم يۇقىرىقىدەك، ئارتۇق سۆزلىگەن بولسام كۆرمەسكە سالغايسىز.
ئۈچىنچى قىسمىغا تەقەززامەن! غەيرەت قىلىڭلار، بۇندىن كىيىنكى ئىجادىيەت يولۇڭلار بەرىكەتلىك ھەمدە ئوڭۇشلۇق بولسۇن |
|
|
بەزىلەر بۇ دۇنياغا ئىبرەت بولۇشقا كەلسە، يەنە بەزىلەر ئىبرەت ئىلىشقا كىلىدۇ. ھەقىقەتەنمۇ بۇ دۇنيا ئىبرەت بىلەن توشقان.
|
|
|
|
|
|
|
ئىگىسى: بىلگيار
بايلىق
شۆھرەت
ۋاقتى: 2014-12-29 12:28:03
ۋاقتى: 2014-12-29 17:43:43
ئىگىسى
