ئۇدۇن: بالىلىقنى سېغىنىش ۋە...

ئۇدۇن

بالىلىقنى سېغىنىش ۋە...

مەن،
يورۇڭقاش ئوغلى.
ئۇنىڭ بويىدا،
قالغان بالىلىق.
تۇيغۇلىرىم ئالداۋاتىدۇ،
كېڭەيگەنچە ئارىلىق.
ياتلاشقان تاشلار،
تۆكمەكتە ياشلار
قاغجىراق تەن،
سۈكۈتلۈك دەم،
چىقتى ئەۋجىگە،
يات يېتىرقاشلار.
ئىزدەپ قالىمەن
بالىلىقىم قالغان،
قۇمساڭغۇ ساھىل،
چاكاندا،يۇلغۇن
ئۆسكەن قىرغاقنى.
تارىيىپ بارماقتا،
بۇ ھايات كەبى،
زۇمچەك-زومدەك قەبرىلەر ياتار،
دولقۇنلارنى بېسىپ باغرىغا.
لاتقا ئىچىدە،
بوغۇلۇپ-بوغۇلۇپ كىشنەيدۇ دولقۇن!
ئۈنسىز-تىۋىشسىز،
كەتمەكتە قۇرۇپ.
.....

ئۆيىمىز يورۇڭقاش ساھىلىدا ئىدى ،
شاۋقۇنلىرىدىن
كۈۋەجەيتتى قانلىرىم،
نەرە تارتىپ قىرغاققا،
كەڭرى باغرىدىن
تاپار ئىدىم بۈيۈكلۈك،
ھاياتقا.
نەمخۇش،سوغۇق ھىدىنى پۇراپ،
كېتەر ئىدىم ئۇيقۇغا،
بۆلەر ئىدى ھەركېچە،
تەپەككۇرۇمنى،
ئەجەپ جۇشقۇن تۇيغۇغا.
قېنى،ئەمدى نەرىلەر،
باستى سۈكۈت.
مۇڭلۇق زېمىن،
كەيدى ئىگىن
ئۆزلىكىدىن ياتلاشقان لىباس،
ئاسى بولغاندەك،
ئاتا-ئانىغا.
چىقتى ئاران-ئاران
بوۋاينىڭ نەپىسىدەك،
موماينىڭ شەپىسىدەك،
ئىڭرىغان ئاۋاز...

.....

ئىزدەيمەن بالىلىقىمنى،
يوقالغان ئوڭۇم،
خىيالدىن كېچىپ،
تەنھالىق ئىچرە
تاپقاندا تۇغۇم.

ئىجادىيىتىم.

تۇمارىس

balikka  bakla kaytkum  bar  mng .ham  daim baliktiki aslimlirimni asalp  kaliman .  bak yakturdum kalam tulparigz harmigay

كۈلكە

بالىلقىمنى ئەسلەپ چۆچەكلەرگە سىڭىپ كېتىمەن ....

ئۇدۇن

تۇمارىس يوللىغان ۋاقتى  2014-7-22 14:48
balikka  bakla kaytkum  bar  mng .ham  daim baliktiki aslimlirimni asalp  kaliman .  bak yakturdum k ...

ئامال قىلىپ ئۇيغۇرچە يېزىق قاچىلىۋېلىڭ. ياقتۇرۇپ ئوقۇغىنىڭىزغا رەھمەت.

مەكتەپ مۇدىرىنىڭ كومپيۇتېرىدا ئۇيغۇرچە كىرگۈزگۈچنىڭ بولماسلىقى مېنى ئەپسۇسلاندۇردى...
......

ئاي بەرگى

ئۇدۇن

تۇمارىس يوللىغان ۋاقتى  2014-7-22 14:48
balikka  bakla kaytkum  bar  mng .ham  daim baliktiki aslimlirimni asalp  kaliman .  bak yakturdum k ...

كومپيۇتېرىڭىزنىڭ ئاستىدىكى يېزىق تاللاشنى ئۇيغۇرچىغا توغرىلاپ قويسىڭىزلا بولغىنى..

ئەسلىمە

بالىلقىمنى سېغىدىم بالىلقا قايتىقۇم كەلدى تولمۇ گۈزەل كۈنلەرتى ئۇ ھىچقانداق ناتوغرا نىيەت يوق ھەممىز شۇ قەدەر سەببي شۇ قەدەر ساددا.......ئۇستازنىڭ ئىجادىيتىگە قۇت تىلەيمەن يىڭى يىڭى تېملرىڭزنى كۈندە كۆرۈپ تۇرسام دەيمەن

چولپان

بەك ياخشى يىزىپسىز .....نادىر يازمىلىرىڭىز مۇنبەردىن ئۈزۈلمۇسۇن،قەلەم تەۋرەتكەن قولار ھارمىغاي.

گۈلگۈن

ئېسىل شىئېرىڭىزدىن ھوزۇرلانغىنىمدىن تولىمۇ خۇرسەن بولدۇم.

ئۇدۇن

ئاي بەرگى يوللىغان ۋاقتى  2014-7-22 16:07

قىستۇرمنڭىزغا رەھمەت.