ئەسسالامۇ ئەلەيكوم ئوقۇغۇچىلار تورىدىكى بارلىق ئەزىز دوستلار،ھەممىڭلارنىڭ مۇشۇ ۋاقتى خەيىرلىك بولسۇن . يىقىندىن بۇيان ئوقۇش ئىشلىرىم ۋە 2014-يىللىق تۈركىيە ئوقۇش مۇكاپاتىغا ئىلتىماس قىلغۇچىلار ئۈچۈن ياردەم ئىشلىرى بىلەن ئالدىراش بولۇپ كىتىپ ئوقۇغۇچىلار تورىدىكى ئوقۇغۇچى ساۋاقداشلىرىمنى ۋە ئوقۇتقۇچىلىرىمنى يوقلاپ كىرەلمەي قالدىم . بۈگۈن سىلەرگە مەن تۈركىيەدىكى ئارام كۈنلىرىمدىكى ساياھەت قىلغاندىكى خاتىرەمنى ھوزۇرۇڭلارغا سۇنماقچىمەن .
تۈركىيەگە كەلگىنىمگە بىر يىل بولاي دەپ قاپتۇ . تۈركىيەگە كەلگەندىن كىيىن دەسلەپكى ۋاقىتلاردا ئوقۇش ئىشلىرىم بىلەن ئالدىراش بولۇپ سىرىتلارغا ساياھەت قىلىپ چىققۇدەك ۋاقىتمۇ چىقىرالمىدىم . بىرىنجى مەۋسۈملۈك ئوقۇشنى تۈگىتىپ بولۇپ قىشلىك دەم ئىلىشتا ئىستانبۇلنىڭ سىرتىدىكى شەھەرلەرگە چىقىش پۇرسىتى كەلدى ۋە مېنىڭ تۇنجى قېتىملىك شەھەر سىرتىدىكى ساياھىتىم باشلانغان بولدى . ساياھىتىمنىڭ تۇنجى قىتىملىقى ئىستانبۇل ئىككى سائەت كىلدىغان بۇرسا دىگەن شەھەردىن باشلاندى . بۇرسا تۈركىيەنىڭ قەدىمكى شەھەرلىرىدىن بىرى بولۇپ ، دىن ۋە مەدەنىيەت جەھەتتە ئۆزىنىڭ ئۆزگىچىلىكىنى ساقلاپ قالغان شەھەرلەردىن بىرى ئىكەن . بۇرسا شەھرى ‹‹ ئۇلۇغ تاغ›› دىگەن تاغ بىلەن قۇرشالغان مەنزىرىسى گۈزەل بىر شەھەر ئىكەن . بۇرسا شەھرىدە دوستلىرىمىزنىڭ يىتەكچىلىكى ۋە يول باشلىشى بىلەن تارىخى مەسچىتلەردىن ‹‹ يىشىل جامى ›› ۋە ‹‹ ئۇلۇغ جامى ›› دىگەن مەسچىتلەرگە باردۇق . شەھەر مەركىزىدە يەر ئالغان ‹‹ توپخانە›› دىگەن تارىخى يەرلەرگە بارغان بولدۇق .ئىككىنچى كۈنى دوستلار بىلەن بىرلىكتە شەھەر سىرتىدىكى ئۇلۇغ تاغقا چىقىپ قار تىينىدۇق . ئۆمۈرۈمدە بۇنداق قار تىينىلىپ باقمىغان ئىدىم ، بۇيەرگە كەلگەندە بىر كۈن قانغۇچە قار تىيناپتۇق ( دەسلەپكى ۋاقىتلاردا قانداق تىينلىشنى بىلەلمەي تولا مۇللاق ئىتىپ دوستلارنىڭ ئالدىدا مەسخىرىگە قالدىم . بىرقانچە قىتىپ تىينىلغاندىن كىيىن تاغنىڭ يۇقىرى تەرىپىدىن تىينىلىپ چۈشۈپ ئوينىدۇق ).
ئىككى كۈنلۈك ساياھەتنى ئاخىرلاشتۇرغاندىن كىيىن ئىككىنچى بىكەت بولغان ئەنقەرە شەھرىگە كەچتە يولغا چىقتۇق . بۇرسا شەھرىدىن كەچ سائەت 12:00 دە يولغا چىقىپ ئەنقەرەگە سائەت 5:00 لەر ئەتراپىدا باردۇق . ئەنقەرە بولسا تۈركىيەنىڭ پايتەختى بولۇپ ،تۈركىيەنىڭ چوڭ ئورگانلىرى ۋە ئىش -بىجىرىش ئورۇنلىرى ئەنقەرەدە . ئەنقەرەدىمۇ تۈركىيەدىكى داڭلىق مەكتەپلەردىن ئوتتۇرا شەرىق ئۇنۋىرسىتى ، ئەنقەرە ئۇنىۋىرسىتى ،گازى ئۇنۋىرسىتى ، ھاجەتەپە ئۇنىۋىرسىتى قاتارلىق بىر تۈركۈم مەكتەپلەر بار.
ئەتىگەندە ئەنقەردىكى دوستىمىز يولۇچىلار توشۇش بېكىتىگە بىزنى ئالغىلى چىقىپتۇ . بىز دوستىمىزنىڭ يارىمى بىلەن ئاۋۋال ياتاقلارغا ئورۇنلاشتۇق ، ئاندىن ياتاقنىڭ ئاشخانىسدا ناشتىلىق قىلغاندىن كىيىن ساياھىتىمىزنى باشلاپ كەتتۇق .ئەنقەرەدىمۇ چوڭ مەسچتىلەرمۇ بار بولۇپ پىشىن نامازنى چوڭ مەسچىتلەردىن بىرى بولغان ‹كوجاتەپە ›› مەسچىتىدە ئوقۇدۇق .
پىشىندىن كىيىن ئەنقەردە بىردىن-بىر بار بولغان ئۇيغۇر ئاشخانىغا بىرىپ مىللىچە تاماق يىدۇق . تاماقتىن كىيىن بازارلارنى ئايلىنىپ كەچتە قايتىپ كەلدۇق . بىز بارغان ۋاقىت يىڭى يىلغا توغرا كىلىپ قالغاچقا كەچتە شەھەر ئىچى بەكلا ئاۋات ۋە قالايمىقان ئىدى. ئەتىسى ئاتاتۈرك ( مۇستاپا كامال )نىڭ قەبىرىسى بولغان ئانىتكابىرغا باردۇق . بۇ يەر بولسا داڭلىق ساياھەت ئورۇنلىرىدىن بىرى بولۇپ ساياھەتچىلەر ناھايىتى جىق كىلدىكەن . بۇ يەردىكى ھەربىيلەرنىڭ مىڭىشلىرىنىڭ كاتتىلىقىدا ھەيران قىلىشتۇق .شۇنداق قىلىپ ساياھەتنى ئاخىرلاشتۇرۇپ ئىستانبۇلغا قايتىپ كەلدۇق . بۇ جەرياندا تارتقان رەسىملەر تىلفۇنۇمدا بار ئىدى ،ئەمما تىلفۇندا مەسىلە چىقىپ پۇتۇن رەسىملەر يۇيۇلۇپ كەتتى . بۇ سەۋەپتىن يۇقارىقى يەرلەرنىڭ رەسىملىرىنى يولىيالماي قالدىم .
ھازىرىقى كۈنگە كەلگۈچە تۈركىيەدىكى بۇرسا،ئەنقەرە ،ئىزمىت ،چاناققەلە ،ئانتاليا ،ئالانيا دىگەندە يەرلەرگە باردىم . يۇقارىقى ئورۇنلار بولسا تۈركىيەنىڭ ساياھەت ۋەتارىخى ئورۇنلىرى بۇلۇپ مەنزىرىسى ناھايىتى گۈزەل ئىكەن . بۇ يەرگە بىرىپ ئۈزۈمنى باشقىچە راھەت ۋە بەخىتلىك ھىس قىلىپ قالدىم . گەپكە كەلسەك مەن ئۆزۈمنىڭ بارغان يەرلىرىمنى ماختاپ يازىۋەرمەي گۈزەل يەرلەرنىڭ مەنزىلىرىنى سىلەرنىڭ ھوزۇرلىنىشىڭلارغا سۇناي .
ئىستانبۇلدىكى سۇلتان ئەھمەت مەسچىدى
ئىستانبۇلدىكى ئايا سوفىيا مەسچىدى (بۇرۇن چىركاۋتى ئىستانبۇلنى ئازاد قىلغاندىن كىيىن مەسچىتكە ئۈزگەتكەن )
ئىستانبۇل ئەمىنۆنۈدىكى يىڭى مەسچىدى ( بۇ جامىينىڭ ئىسمى يىڭى جامىي بولۇپ جامىي 500 يىلدىن ئوشۇق تارىخقا ئىگە )
مەسچىتنىڭ ئالدىدىكى مىنارنىڭ كۆرنىشى
ئىستانبۇل كاباتاشتىكى دولماباغچە مەسچىدى
ئىستانبۇلدىكى گالاتا مۇنارىنىڭ يىراقتىن كۆرىنىشى
ئىستانبۇل ئەمىنۆنۈدىكى ‹ئىستانبۇل تىجارەت ئۈنىۋىرسىتىتى›
ئىستانبۇلنىڭ قاتنىشى بولغان تىرامۋاي (يۈسۈف پاشا بىكىتى )
ئىستانبۇلدىكى مارمارا دىڭىزى
ئىستانبۇلدىكى دولماباغچە سارىيىنىڭ كەينى ئىشىكى
ئىستانبۇلدىكى دولماباغچە سارىيىنىڭ ئىچى
ئىستانبۇلدىكى دولماباغچە مەسچىدىنىڭ يىنى
ئىستانبۇلدىكى ئايا سوفىيا مەسچىدىنىڭ ئىچى
ئىستانبۇلدىكى مارمارا دىڭىزىدىكى قىز كۈلەسى
ئىستانبۇلدىكى مارمارا دىڭىزىدىكى قىز كۈلەسى
ئىستانبۇلدىكى مارمارا دىڭىزىدىكى قىز كۈلەسى
ئىستانبۇلدىكى ئەڭ ئاۋات كوچىلارنىڭ بىرى بولغان تاكسىم ئىستىقلال كوچىسى
ئىستانبۇلدىن ئىككى سائەت يىراقلىقتىكى چوڭ ئارال
ئىستانبۇلدىن ئىككى سائەت يىراقلىقتىكى چوڭ ئارال
ئىستانبۇلدىن ئىككى سائەت يىراقلىقتىكى چوڭ ئارال
ئارالنىڭ كەچتىكى شەپەق مەنزىرىسى
تۈركىيەنىڭ ساياھەت شەھرى بولغان ئانتاليادىكى شارقىراتما
ئانتاليانىڭ چوڭ كوچىلىرى
ئانتاليانىڭ كەچتىكى شەپەق مەنزىرىسى
ۋاقىت مۇناسىۋىتى بىلەن تۈركىيەدىكى ساياھەت خاتىرەمنى مۇشۇ يەردە ئاخىرلاشتۇراي . يەنە نۇرغۇن رەسىملەر بار ئىدى ئەمما ئىھتىياتسىزلىق تۈپەيلى يۇيلۇپ كىتىپ يوللاشقا ئامال قىلالمىدىم . يەنە بەزەن رەسىملەر بار ئىدى ۋاقىتنىڭ قىسقا بولۇپ قىلىشى تۈپەيلى يوللىيالماي قالدىم . ئاللاھ خالىسا تۈركىيەدە ياشاۋاتقان باشقا دوستلارنىڭمۇ ئۆزىنىڭ ساياھەت خاتىرلىرىنى يېزىپ كەڭ دوستلارنىڭ بىرلىكتە ھوزۇرلىنىشىغا سۇنىشىغا ئۈمىد قىلىمەن . تېمامدا بەزەن ئىملا خاتالىقى ۋە جۈملىلەردە باغلاشمىغان يەرلەر بولىشى مۇمكىن شۇڭا كەڭ دوستلارنىڭ توغرا چۈشىنىشىنى ۋە توغۇرلاپ ئوقىشىنى ئۈمىد قىلىمەن. ئاخىرىدا ھەممىڭلارنىڭ تىنىڭلارغا سالامەتلىك ،خىزمىتىڭلارغا ئۇتۇقلۇق ،ئوقۇشىڭلارغا ئۇتۇق تىلەيمەن.
2014-يىلى 5-ئاينىڭ 24- كۈنى تۈركىيە ئىستانبۇل
مەنبە : ئىزدەن تورى
| 
بايلىق
شۆھرەت
ۋاقتى: 2014-5-25 02:52:11
ساقلاش
ھەمبەھر
قېزىلما
قوللاش
قارشى
ۋاقتى: 2014-5-25 07:21:11
ئىگىسى