تـەرخەمـەك جـاۋاھىـراتـلىـرى

كەچۈر

سۇنۇق دىلىم بولغاندا غېرىپ،
دەردىم ئېيتتىم مەسچىتكە بېرىپ.
سەۋرى بەرگىن كۆڭلۈمگە يارەب،
ھېچ ئىنساندىن كۈتمىدىم ئۈمىد.

چىشىڭىزنىڭ بار ۋاقتىدا كۈلۈمسىرەڭ!

ئەگەر بىرىنى ياخشى كۆرسەڭ، ئۇنى ئاللاھتىن سورا، قەلب ئاللاھنىڭ ئىلكىدىدۇر.

ئاجايىپ ئادەملەر بار - ھە، يېنىدا ئالتۇن تۇرسا قەلەيگە ۋاي دەيدىغان...

كىم كەلسە دەرد تۆكىۋەرمە، بەزىلەر ئەخلەت چېلىكىگە ئوخشىسا، بەزىلەر سۇ چېچىش ماشىنىسىغا ئوخشايدۇ. دەردىڭىزنى ھەممە يەرگە سېپىۋېتىشى مۇمكىن.

«سەن ئۈچۈن» دېگەنلەرگە ئىشەنمە، ئەمەلىيەتتە ھەممىسى ئۆزى ئۈچۈن.

بىرىگە سۆز قىل، مەيلى. يا ياشات، يا ئۆلتۈر، لېكىن ھەرگىز قەلبىنى يارا قىلما.

بەزىلەرنىڭ رول ئېلىش ماھارىتىگە قاراپ ئىچىم كۆيىدۇ، ماڭا بىر خىل، ساڭا بىر خىل.

كۆپ تەشەككۈر بۇ قەدرىمگە يەتكەنلەرگە، رەنجىشىم يوق تۇرمۇشۇمدىن يۈتكەنلەرگە.

بۇ دۇنيادا پەقەت ئاتا - ئانىڭىزلا سىزنىڭ ئۆزىدىن ئېشىپ كېتىشىڭىزنى خالايدۇ، مەندىنمۇ ياخشى ياشىسىكەن، دەيدۇ.

مەن كىشىلەرنىڭ قىلغان غەيۋىتىدىن ئەمەس، شۇ غەيۋەتلەرنىڭ بىزنى ئايرىپ قويىشىدىن قورقىمەن.

ئەركەككە ئالتۇن ھارامدۇر، ئۇنىڭ ئەڭ قىممەتلىك ئالتۇنى خانىمىدۇر.

بەزىلەر ئۆزلىرىنىڭ قەلبىمدىكى ئورۇنلىرىنى بىلسە ئىدى، ماڭا قىلىۋاتقانلىرىدىن خىجىل بولۇپ يىغلايتتى.

- قولۇڭ ئاغرىدىمۇ؟
- ھەئە.
- ئەمسە قويىۋەت
- ياق، ئاغرىققا چىدايمەن، قويىۋېتىشكە چىدىمايمەن

شۇنداق بىر كۈنلەر كېلىدۇكى، بىزگە ئوت سالغانلار بىزدىن چوغ سوراپ كېلىدۇ.

يۈزسىز ئادەمدە يۈز بولسا ئېشەكتە مۈڭگۈز بولاتتى.

ھەممە ئادەم پىشانىسىگە پۈتۈلگەننى كۆرىدۇ. سەن چالما دەپ تاشلىغاننى باشقىلار ئالما دەپ ئالىدۇ.

ساختا سۆيگۈ ھامان چانىدۇ،
سەن سۆيگەنمۇ سەندىن تانىدۇ.
ئۇ قىۋالدىم، بۇ قىلدىم دېمە،
ۋاقتى كەلسە ۋەھشــــىي يانىدۇ.

مېنى يوقاپ كەتتىڭ، دەپ قاقشىماڭ، بىرىنى ئىزدەپ تۇرۇش ۋەزىپىسى ماڭا يۈكلەنمىگەن.

ھەمراھىڭنىڭ ھەر بىر كەمچىلىكىنى تويدىن بۇرۇن كۆزۈڭنى چوڭ ئېچىپ كۆزەت، تويدىن كېيىن بىر كۆزۈڭنى قىسىپ ئۆتكۈزىۋەت.

مەن دەيمەن، مۇشۇ تۈرمىگە كىرگەنلەر چىقىدىكەن، بازارغا كىرگەنلەرمۇ چىقىدىكەن، ئەمما مۇشۇ كاللىغا كىرىۋالغانلار پەقەت چىققىلى ئۇنىمايدىكەن دېسە.

بەزى ئىشلارغا ئالدىراشنىڭ ھاجىتى يوق، خۇدايىم ۋاقىت - سائەتى بىلەن بېرىدۇ.

موزدوز ئۇستام بەك چاققان،
نالىسىگە مىخ قاققان.
بۇ كۆرەلمەس مايماقلار،
ياڭزا - ياڭزا گەپ تاپقان.

تېلېفونۇمنىڭ توكى 1% قېلىپ، توكقا چېتىشقا يۈگۈرگىنىمدە ئۆزۈمنى خۇددى بىمارنى جىددىي قۇتقۇزۇشقا ئالدىراپ ئەكىتىۋاتقان سېستىراغا ئوخشىتىپ قالىمەن.

ماڭا شۇنچە ئازاب قالدۇرۇپ كەتكۈچە ئازراق چەك - پەك قالدۇرۇپ كەتسەڭچۇ.

يامغۇردا يېنىمدىمىدىڭ؟ كۈن چىققاندا كېلىشتىن نومۇس قىل!

ئەي دوستۇم ئىت بىلەن تالاشما سۆڭەك،
تالاشساڭ ئىت مىجەز بولۇشۇڭ كېرەك.
ئېلىشساڭ ئەگەركىم شىر بىلەن ئېلىش،
يا سۇنسۇن بىلەك يا چوڭايسۇن يۈرەك.

دوستلۇق دېگەن باراۋەرلىك، ھۆرمەت ئاساسىغا قۇرۇلغان چىن مۇناسىۋەت. بۇنى چۈشەنسىڭىز دوست تۇتۇڭ، بولمىسا كۆل بويىدا يالغۇز ئولتۇرۇپ بېلىق تۇتۇڭ.

شام سەرەڭگىدىن چوڭ بولسىمۇ ھامىنى شۇ سەرەڭگىنىڭ ئوتىدا كۆيۈپ تۈگەيدۇ.

مۇھەببەتنى تۇتقان يۈرەك بىلەن مەسئۇلىيەتنى تۇتقان يۈرەك ئوخشىمايدۇ.

كېتىمەن دېگەنلەرنى كىم توستى، كېتىۋەرسۇن. ئىشىكنىڭ كەڭلىكى ئىككى مېتىر، ئېگىزلىكى تۆت مېتىر، پاتىدۇ!

باشقىلار بىلەن بولغان مۇناسىۋىتىڭ ئوتقا ئوخشاش بولسۇن، يېقىنلاشساڭ كۆيىسەن، يىراقلاشساڭ مۇزلايسەن.

ئەسلىدە ئۈمىد يولى بىلەن ماڭغان ئىدىم، ئويلىماپتىمەن، ئۈمىدسىزلىك دوقمۇشىدا تۈنەپ قالدىم.

ئىچىڭگە تولغان دەرد يا گەپ بولۇپ تىلدىن چىقىدۇ، يا ياش بولۇپ كۆزدىن چىقىدۇ، يا كېسەل بولۇپ تەندىن چىقىدۇ، پەقەت بولمىسا ئۈندىدار، مۇنبەر، بلوگدا چىقىدۇ.

ياشلىقىڭ قېنى، شاشلىقىڭ قېنى؟ سورىمايلا قوي، ئىمتىھان غېمى....

بۇلۇت قانداق توسالىسۇن يامغۇر سۈيىنى، كىرپىك قانداق توسالىسۇن سۆيگۈ يېشىنى.

- سۇنغان كۆڭۈل يەنە سۆيەمدۇ؟
- سۆيىدۇ.
- ئەمسە سىز سۇنغان ئىستاكاندىن سۇ ئىچىپ باققانمۇ؟
- سىز ئىستاكان سۇنۇقكەن دەپ سۇ ئىچىشتىن ۋاز كېچىپ باققانمۇ؟

رەنجىپ قالدىمىكىن، دەپ ئەنسىرەپ كەتمە، رەنجىگۈدەك يېقىنىم ئەمەس سەن.

ئادەم غېرىپسىنىپ قالغاندا ئۆزى ئويلاپمۇ باقمىغان كىشىلەردىن تەسەللىي تاپىدىكەن، ئويلىغانلىرى يىراق قاچىدىكەن.

ئىشىكنى بەك قاتتىق ياپماڭ، قايتا كىرىپ قالارسىز.

بەختىمىزنى ئۆزىمىز بىلسەك بولدى، باشقىلارنىڭ باھالاپ بېرىشىنىڭ نېمە ھاجىتى.

ئۆزۈڭ يېقىن كۆرگەن ئادەملەردىن يۈرىكىڭ ئاسان رەنجىيدىكەن، چۈنكى سەن ئۇلارنى ئۇنداق قىلار دەپ ئويلىمايدىكەنسەن.

- قاملاشقان، ئەقىللىق، باي، كۆيۈمچان ئەرگە تەگكىلى بولارمۇ؟
- بولىدۇ، تۆت قېتىم تېگىشىڭىز كېرەك.

بىرىگە چەكسىز، شەكسىز ئىشەنسەڭ مۇنداق ئىككى خىل نەتىجىگە ئېرىشىسەن: ئۆمۈرلۈك ھەمراھ ياكى ئۆمۈرلۈك ساۋاق.

قىلغان گۇناھلىرىڭنى يوشۇرغىنىڭدەك، ياخشىلىقىڭنى ھەم يوشۇر.

كىشىنىڭ سىرىنى كىشىگە ئېيتما. بولمىسا ئۇنىڭ ئالدىدا يا خىجالەتچى يا خىيانەتچى بولىسەن.

مەن يېقىن بىلگەنلەر مېنى يېقىن بىلمەپتۇ، مېنى يېقىن بىلگەنلەرنى مېنىڭ دىلىم بىلمەپتۇ.

يۈرەك ئاغرىقىڭنى ھەرگىز ئاناڭغا ئېيتما، ئۇ سەندىن نەچچە ھەسسە ئازابلىنىدۇ.

لامپۇچكىنى ئېدىسون كەشىپ قىلغان، توك پۇلىنى مەن تۆلەۋاتىمەن.

جىمجىت يۈرسەم ئۆلۈپتۇ دېمە،
ئويناپ يۈرسەم تۈگەپتۇ دېمە،
ئىزدىمىسەم تاپتى باشقىنى،
ئىزدەپ قويسام كۆيۈپتۇ دېمە،
ئۆز دەردىمنى ئۆزۈم بىلىمەن.

كۆزدىكى ھەسرەتلەرنى كۆرمىگەنلەر قەلبتىكى سۆيگۈنى قانداق كۆرسۇن؟!

ھەقىقىي ئەر بولاي دېسەڭ ئايالىڭنىڭ ئانىسى، دادىسى، قېرىندىشى بول، چۈنكى ئۇ سېنى دەپ شۇلارنى تاشلىدى.

ھەممىلا ئادەم «كۆڭلۈمدىكىنى تاپ» دېگەندەك ياشايدىكەن، بىرى بولسىمۇ «كۆڭلۈمدىكىنى ئېيتاي» دېسىدى، يۈرىكىم بىلەن ئاڭلايتتىم.

ئەڭ چوڭ پۇشايمىنىم، بىر ئۆمۈر سېنى سۆيىمەن، دېسەڭ خۇشاللىقىمدا قايسى ئۆمرۈڭدە دەپ سوراشنى ئۇنتۇپتىمەن ئەمەسمۇ.

دۈشمەن ئامېرىكا، ياپونىيەدىنلا چىقمايدۇ. «ۋاي ئاداش»، «ۋاي جېنىم» دېگەن يۈزسىزلەردىن كۆپرەك چىقىدۇ.

پورتمالىمنى ئوغرىلاپ قالامدىكىن دەپ بەك ئەنسىرەيمەن، ئىچىدە بىر پۇڭ يوق ئەمەسمۇ، ئادەمنى خىجىل قىلىپ.

بەزىلەرنى چوڭ بىلىپ كۆڭۈل تۆرۈڭگە باشلىساڭ دادىسى سېلىپ بەرگەن سەينا ھېس قىلىپ ئۇياق - بۇياققا قاتراپ باقىدىكەن.

كۆڭلۈمنىڭ تىلىمغا، تىلىمنىڭ كۆڭلۈمگە ئاچچىقى بار. كۆڭلۈم تىلىمنىڭ ئويلىغىنىنى دېمىگىنىگە، تىلىم كۆڭلۈمنىڭ دېمەيدىغاننى ئويلىغىنىغا.

نەزىرىمدىن چۈشسەڭ مەيلى، ئاداۋەت تۇتمايمەن لېكىن ئارىلىق ساقلايمەن.

قەدرىمنى بىلگىنىگە مەندىن ياخشى يوق، قەدرىمنى بىلمىگەنگە مېنىڭ قەرزىم يوق.

كەچۈر

گۈلۈم

ئېسىل ئېسىل، ھەممىسى مەن ياقتۇرۇپ ساقلىۋالغان سۆزلەركەنغۇ بۇلار.... يەنە بارمۇ؟

ئاي بەرگى

خاتىرەمگە قارىسام خېلى باركەن مارجان سۆزلەر.ھەممىسى تۇرمۇش ساۋاقلىرى............
ھارغىنىڭىزچە بار.تېمىڭىزنى ھەممىمىز ياقتۇرۇپتىمىز.ھاردۇقىڭىز چىقىپمۇ قالغاندۇ؟

كۈلكە

پاساھەتلىك سۆزلەر تۆكمە بۇلۇپ كەتسمۇ ھامان قىممىتنى تاپىدۇ .
تەرخەمەك جىدلى قىلمايدىغان بولدۇق ،بەك كۆپكەن.

گۈلۈم

ئادەم ھەممە نەرسىگە تويۇشى مۇمكىن، ئەمما بىرلا نەرسىگە يەنى مېھىر- مۇھەببەتكە تويمايدۇ،  بۇ جەھەتتە شاھ بىلەن گاداي باراۋەر، ھالبۇكى- دۇنيادا بۇنىڭدىن ئارتۇق ئەرزان نەرسە يوق، بىر ئېغىز تاتلىق سۆز، كىچىككىنە مىھرىبانلىق قىلغانغا ھىچكىمنىڭ ھىچنىمى خوراپ قالماس، بىزلەر بولساق شۇنىمۇ بىر بىرىمىزدىن ئايايمىز!

بەزى كۆزلەردىن ياش ئاقمايدۇ ، قەلىب يىغلار ئۈنسىز ھالدا.

ئەينەك چىقىلسا سۈپۈرۈپ تاشلىۋاتقىلى بولغان بىلەن، يۈرەك چىقىلسا ئىلىپ تاشلىۋاتقىلى بولمايدۇ.

سۆيسەڭ بۈگۈن سورا، ئىزدە، ئەتىگە كىم ئۆلىدۇ، كىم قالىدۇ؟

شىجائىتىڭ بولسا تاغنىمۇ يۆتكىۋىتەلەيسەن، تەدبىرىڭ بولسا يىڭنە بىلەنمۇ يولۋاسنى ئۆلتۈرەلەيسەن، يۈرىكى يوق ئىتتىن، يۈرىكى بار پىت ياخشى!

كۆرگەن چۈشلەر كەبى كەتسۇن مەيلى كەتكەنلەر،
گۈزەل ئەتىگە ئايلانسۇن سەبىر بىرلە سىنى كۈتكەنلەر!

باشقىلار ئالدىدا ئارتۇقچە بوپ قالساڭ ئۆزەڭنى بىلىپ كەينىڭگە يان، ئاناڭ سىنى ئارتۇقچە دىمەي ئەتىۋارلاپ باققان.

بىر چاي تولدۇر ماڭا ھاياتىم كەبى قويۇق بولسۇن، شىكەر سالما ئىچىگە دەردىم كەبى ئاچچىق بولسۇن، چىقار قوشۇقنى ئىچىدىن، مەن كەبى يالغۇز بولسۇن!

يىغلاش بىرەر دەردكە دەۋا بولغان بولسا ئىدى، دورىخانىلاردا پىياز ساتقان بولاتتى.

ئەگەر ئۆزىڭىزچە مىنى بىرەر ئىشنى خاتا قىلدى دەپ قارىسىڭىز، چوقۇم ماڭا دەڭ، مەنغۇ ئۆزۈمنىڭ توغرا بولغاندىكىن ئۆزگەرتمەيمەن، لىكىن سىزنى كىسەل تىپىۋالامدىكىن دەپ ئەنسىرەيدىكەنمەن.

بىز ‹كىشىلەر نىمە دەپ قالار› دەيدىغانلىقىمىز ئۈچۈن بەخىتسىز!


بىر ئېغىز گەپتىن قىلىشنى ئۆگەن، بوپتۇ دىيىشنى ئادەتلەندۈر.ئاغزىڭنى يۇمساڭ كاللا كەتمەيدۇ، ئىسىڭدە بولسۇنكى، دىمىگەننى دەۋالغىلى بولىدۇ، بىراق دەپ بولغاننى ياندۇرۋالغىلى بولمايدۇ.

ئەي كۆڭۈلسىزلىك- ئەگەر رەببىمنىڭ ئىزناسى ۋە رىزاسى بىلەن كەلگەن بولساڭ _ مەرھابا، خۇش كەلدىڭ!

ئۇچار گىلەم يوق، جەيناماز بار، ئىشلىتىشنى بىلسەڭ سىنى جەننەتكە ئاپىرىدۇ.

سىنى سېغىنىش قانداق قەرزدارلىقكىنتاڭ، سېغىنسام سېغىنسام تۈگىمەيدىغان......

گۈلۈم

ئۇنتۇشنىڭ ئەڭ ياخشى چارىسى _ ئۆتمۈشۈڭدىنمۇ ئەھمىيەتلىكرەك بۈگۈننى يارىتىش.

كىچىك ۋاقىتلىرىمىزدا يىغلاپ ، يىغلاپلا كۈلۈپ كىتەتتۇق، ھازىر چوڭ بولغاندا كۈلۈپ كۈلۈپلا، يىغلاپ كىتىدىغان بولدۇق، ھەتتا ئولتۇرۇپمۇ، مىڭىۋىتىپمۇ يىغا تۇتىدىغان بولۇپ قالدى. ( تىما كۆرۈش تۈگۈل، ئىنكاسلارمۇ يىغلىتىپ يۈرسە كىشىنى )



نىمە قىلساڭ قىل، قانداق ياشىساڭ ياشا، لىكىن  كۈلۈشۈڭ ئۈچۈن، باشقىلارنى يىغلاتما!

ھەقىقىي بىر  ئەركەك دۇنيادىكى ئەڭ گۈزەل ئايالنى سۆيمەيدۇ، ئۇ ئۆز دۇنياسىنى گۈزەللەشتۈرگۈچى ئايالنى سۆيىدۇ.

شۇنداق بىر قازان بولغان بولسا دەرد ئازاپلارنى قاينىتىدىغان، ئىچىمدىكى دەردلىرىمنى قاينىتىپ كۆڭلۈمگە ئازاپ بىرىشكە چىدىغان ئاشۇ كىشىلەرگە بىر نەزىر- چىراغ ئۆتكۈزۈپ بەرسەم،  دەرد شورپىلىرىنىڭ تەمىنى بىر تىتىپ باقسىكەن دەيمەن.


بەزىدە شۇنداق چۈشلەرنى كۆرىمەن كاشكى ئوڭۇم بولۇپ قالسىچۇ دەيدىغان، بەزىدە شۇنداق بىر ئىشلار بولىدۇ، كاشىكى چۈشۈم بولسىچۇ دەيدىغان...



قەلبىمگە يىقىن كىشىلىرىمنى قۇچاقلىۋىلىشقا بىلەكلىرىم يەتمىگەندە، مەن دائىم ئۇلارنى دۇئالىرىم بىلەن قۇچاقلايمەن.

ئاشكارا ئۆتكۈزگەن خاتالىق پىشانىسىگە ، يوشۇرۇن ئۆتكۈزگەن خاتالىق قەلىبكە تامغا بولۇپ بىسىلىدۇ.

سەن سۆيگەن ئادەم سىنى سۆيمىسە پۈتكۈل دۇنيادىكى كىشىلەر سىنى سۆيگەن ھىساپلانمايدىكەن...

سەن ئۆزۈڭنى مەن ھەممىدىن يامان، مەن ھەممىدىن نوچى دەپ قارىساڭ قەبرىستانلىققا چىقىپ قاراپ باق، ئۇ يەردە سەندىمۇ نوچىلارنىڭ قەبرىسى بار.

تۇيۇقسىزلا ئولتۇرۇپ ئويلاپ قالدىم، ئادەمنىڭ بىشىغا ھەر كۈنلەر كىلىدىكەن، دۈيشەنبە، سەيشەنبە، چارشەنبە، پەيشەنبە، جۈمە، شەنبە، يەكشەنبە دىگەندەك.....

جىمجىتلىقنى ئاددىي قىياسلىماڭ، ھىچكىم يۈكسەك ئاۋازدا سۇيقەسىت پىلانلىمايدۇ.

كۆڭلۈمدىكىنى تاپ دىگۈچىلەر مىنى ئەپۇ قىلىڭلار، 百度 ئەمەسمەن ھەممىنى تىپىپ بىرەلەيدىغان...



بىزەكنىڭ مېغىزىنى تۇنجى بولۇپ مەن چاقتىم تازا.....

قەترە

بۇ ئىككىڭلار تازا يىغىپسىلەرھە  ھى ھى ھى  قايىل بولدۇم !!!

ئەلبۇم

بىرىگە سۆز قىل، مەيلى. يا ياشات، يا ئۆلتۈر، لېكىن ھەرگىز قەلبىنى يارا قىلما.

بۇ سۆز ماڭا شۇنداق تەسىر قىلدى. ئۆزۈمگە ئالسام خىلى كۆپلەرنىڭ قەلبىنى يارا قىپتىمەن. ئۇلۇغ ئاللاھ شۇلاردىن كەچۈرۈم سوراش پۇرسىتىنى بەرسە دەيمەن، ئېسىل جاۋاھىراتلار ئۈزۈلمىسۇن ھەممىڭلارغا رەھمەت!

سۇپىرقىز

ھەقىقەتەن ئىسىل يازمىلار ئىكەن ، تەشەككۈر سىلەرگە ، ئىجادىيەتلىڭلار بەركەت تاپسۇن ، شۇنداق ياقتۇردۇم .