10 نەپەر داڭلىق چولپاننىڭ لايىق تاللاش ئۆلچىمىنى بىلگۈڭىز بارمۇ

مەرۋايىت

ئادەتتىن تاشقىرى چىرايلىق ۋە قابىلىيەتلىك قىزلارنىڭ توي قىلمىقى ھەمىشە بەك تەسكە توختايدۇ. چۈنكى ئاشۇ گۈزەل چىرايى، كۈچلۈك قابىلىيىتى ۋە قولغا كەلتۈرگەن نەتىجىلىرى گەرچە ئارتۇقچىلىق بولسىمۇ، بىراق تۇرمۇش مەسىلىسىدە بۇلارنىڭ ھەممىسىنىڭ ئارتۇقچىلىق ھېسابلىنىشى ناتايىن. تۆۋەندە بىز 10 داڭلىق چولپاننىڭ لايىق تاللاش ئۆلچىمىنى كۆرۈپ باقايلى.

1. فەن بىڭ بىڭ



فەن بىڭ بىڭ ئۆزىنىڭ نىكاھ تۇرمۇشى ئۈستىدە توختالغاندا كۈلۈپ تۇرۇپ، بۇ دەل ئاپىسىنىڭ بەك ئەنسىرەيدىغان ئىش ئىكەنلىكىنى، ئاپىسىنىڭ ئۇنىڭ قېرى قىز بولۇپ قېلىشىدىن بەك ئەنسىرەيدىغانلىقىنى ئېيتتى.
ئۇنىڭ كەلگۈسىدىكى لايىق تاللاش ئۆلچىمى : بەك قاملاشقان بولسا بولمايدۇ، چۈنكى بەك قاملاشقان يىگىتلەر ئۇنىڭ ئۆزىگە بولغان ئىشەنچىگە خىرس ئەكېلىدىكەن.
چوقۇم ئەقىللىق، كىتابخۇمار بولۇشى كېرەك. ھېچ بولمىغاندا ئۇنىڭدا بىر پارچە «يۈزمىڭلىغان نېمە ئۈچۈن» ناملىق كىتاب بولۇشى، ئۆزى سورىغان «نېمە ئۈچۈن»لەرگە تولۇق، ئۆلچەملىك جاۋاب بېرەلىشى كېرەك.
2. شۈ رو شۈەن



يېقىندا شۈ رو شۈەن مەلۇم پائالىيەتكە قاتناشقان ۋاقىتتا ئۆزىنىڭ ھېسسىيات مەسىلىسى ئۈستىدە توختىلىپ، ھېسسىياتنىڭ ھەقىقەتەن بەك مۇرەككەپ ئىش ئىكەنلىكىنى، ئۆزىنىڭ قانداقتۇر مۇقىم ئۆلچىمى يوق ئىكەنلىكىنى، ئۆزىنىڭ شېرىن، مۇكەممەل مۇھەببەتكە ئېرىشىشنى ئارزۇ قىلىدىغانلىقىنى ئېيتتى.

3. لى بىڭ بىڭ



لى بىڭ بىڭ ھەققىدە تارقالغان سۆز-چۆچەك بەك كۆپ بولسىمۇ، بىراق ھەممىسى ئاساسى يوق قۇرۇق گەپ-سۆزلەرلا خالاس. لى بىڭ بىڭ ھېسسىيات مەسىلىسى ئۈستىدە توختىلىپ، ئۆزىنىڭ چىن مۇھەببەتكە بەكلا ئىنتىلىدىغانلىقىنى، بىرىنىڭ ئۆزىگە ھەمراھ بولۇپ، ئۆزى بىلەن سىردىشىشنى بەكلا خالايدىغانلىقىنى، ئۇ ئادەمنىڭ گەرچە ئۆزىگە چوڭ ياردەملەرنى قىلالمىسىمۇ، ھېرىپ چارچىغاندا ئازراق تەسەللى بېرىشىنى بەك ئارزۇ قىلىدىغانلىقىنى ئېيتتى. ئۇ يەنە كەلگۈسى ھەمراھىدىن چوڭ ئۈمىد، ئاجايىپ كاتتا تامالارنى كۈتمەيدىغانلىقىنى، پەقەت ئۆزىگە كۆيۈنۈشى، ئىللىقلىق ئاتا قىلىشىنى خالايدىغانلىقىنى ئاشكارىلىدى.

4. ئا چىياۋ


بۇ يىل 30 ياشقا كىرگەن ئاچىياۋ يېقىندا توردا لايىق تاللاش ئېلانى چىقاردى. ئۇنىڭ ئوتتۇرىغا قويغان شەرتلىرى تۆۋەندىكىچە:
بەش ئەزاسى قاملاشقان بولۇشى، بىنورمال قىزىقىشى بولماسلىقى، ۋاپادار، ئىقتىسادى ئاساسى ياخشى، ئۆزى ۋە ئائىلىسىدىكىلەرنىڭ ھالىدىن خەۋەر ئالالايدىغان بولۇشى، ئاياللارنى ئۇرماسلىقى، يېشى ئۆزىدىن كىچىك بولسىمۇ مەيلى، بىراق چوقۇم ئالغا ئىنتىلىشچان بولۇشى كېرەك. مانا بۇ داڭلىق ناخشىچىنىڭ ئوتتۇرىغا قويغان تەلىپى.

5. جاڭ زىيى



بۇ خەلقئارالىق كاتتا چولپاننىڭ لايىق تاللاش ئۆلچىمى تۆۋەندىكىچە:
1. ئۆزىدىن ئاز بولغاندا 10 ياش چوڭ بولۇشى، ھەتتا ئۇنىڭدىنمۇ يۇقىرى بولۇشى كېرەك. بۇنداق بولغاندا ئاندىن بىخەتەرلىك تۇيغۇسى بولىدۇ.
2. ئەقىللىق، ساپالىق، ئۆزىگە ياردەم قىلالىشى كېرەك.
3. سودىگەرلەرنى بىردەك ياقتۇرمايمەن. چۈنكى سودىگەرلەرنىڭ ئادىمىيلىكى تۆۋەن بولىدۇ.

6. لىيۇ يى فېي



لىيۇ يى فېي يېقىندا مەلۇم ناخشا كېچىلىكىدە كەلگۈسى ھەمراھىغا قويۇلىدىغان ئۆلچەمنى ئېلان قىلدى . ئۇ ئاجايىپ سەۋدايى يىگىتلەرنى ياقتۇرىدىغانلىقىنى، ئۆزىگە سەۋدايىلارچە ئاشىق بولغانلارنىڭ چوقۇم ھالىدىن ياخشى خەۋەر ئالالايدىغانلىقىنى ئېيتتى.


7. لىن شىن رۇ



لىن شىن رۇنىڭ ئۆلچىمى: تاشقى قىياپىتى مۇھىم ئەمەس، مۇھىمى گۈزەل قەلبى بولۇشى، ئورتاق تېمىسى بولۇشى كېرەك. چوقۇم كاتتا باي بولمىسىمۇ بولىدۇ، بىراق مەلۇم ئىقتىسادى ئاساسى بولۇشى كېرەك.

8. شۇ چى



شۇ چى ئىزچىل ھالدا خرۇستالغا ئوخشاش ئوچۇق-ئاشكارا ۋە مۇستەھكەم مۇھەببەتكە ئىنتىزار بولۇپ كەلدى. بىراق بۇنداق تەلەي ھەممە ئادەمگە نېسىپ بولىۋەرمەيدۇ-ئەلۋەتتە.
ئۇ ئىزچىل تۈردە بەك ئالدىراش بولغاچقا ئۆزىنىڭ تۇرمۇش مەسىلىسىنى ئويلىشىشقا سەل قاراپ كەلدى. ئۇ بۇ ھەقتە توختىلىپ، ئۆزىنىڭ نېمە ئۈچۈن بۇنچە ئالدىراش بولۇشىنىڭ سەۋەبىنى ئۆزىنىڭمۇ ئېنىق ئۇقمايدىغانلىقىنى ئېيتتى. ئۇ يەنە تەسەۋۋۇر قىلىپ، بۇنچە ئالدىراش بولمىغان بولسا بەلكىم 800 قېتىمدەك ئۇچرىشىشقا بېرىشقا ۋاقتى يېتىدىغانلىقىنى ھەتتا ئاللىبۇرۇن توي قىلىپ بىرنەچچە بالىنىڭ ئانىسى بولۇش ئېھتىماللىقىنىڭ بارلىقىنى ئېيتتى. ئۇ ئۆزىنىڭ ئۆلچىمى : چوقۇم باي بولۇشى ھاجەت ئەمەس، بىراق چوقۇم ئۆزىنى كۈلدۈرەلەيدىغان، ئۆزىگە خۇشاللىق ئاتا قىلالايدىغان بولۇشى كېرەك.

9. لىن جى لىڭ



تەيۋەندىكى بىرىنچى ساھىبجامال ھېسابلىنىدىغان لىن جى لىڭ نۇرغۇن كىشىلەرنىڭ غايىۋى ئاشىقى ئەلۋەتتە. بىراق ئۇنىڭمۇ ئۆزىگە تۇشلۇق لايىق تاللاش ئۆلچىمى بار. 1. ھاياتقا نىسبەتەن مەسئۇلىيەتچان بولۇشى، ئائىلىنىڭ ھۆددىسىدىن چىقالىشى كېرەك. 2. يۇمۇرستىك، ئاقكۆڭۈل، پۇلدار بولۇشى كېرەك.


10. خەن  شۆ



مېنى چىن كۆڭلىدىن سۆيۈشى، ئائىلەمدىكىلەرنى خۇددى مېنى قەدىرلىگەندەك قەدىرلىشى كېرەك. مانا بۇ خەنشۆنىڭ ئىزچىل ئوتتۇرىغا قويغان ئۆلچىمىدۇر

www.ziltax.com

شۈكرى

كۆپىنچە چولپانلارنىڭ ئويلىغىننى مەن قوللايمان چۇنكى بۇلارنىڭ مەلۇم پەلسەپىۋى ئاساسى باركەن .بۇ سۆزلەر راس بولسا !

شەپقەتلىك

بۇلىدىغان قىزلاركەن ، بىر ئىكىكنى تاللاپ قويغۇلۇقمۇ نىمە ...؟ ھاھاھاھا

بۇلبۇل

شەپقەتلىك يوللىغان ۋاقتى  2014-1-30 06:56
بۇلىدىغان قىزلاركەن ، بىر ئىكىكنى تاللاپ قويغۇلۇقمۇ ن ...

ماۋۇ گىپىڭىزنى يەڭگىمىز ئاڭلاپ قالسا ئىشىڭىز چاتاق جۇمۇ ...

بۇلبۇل

ئەمەلىي ئاساسىي بار  شەرىتلەركەن جۇمۇ ....

مارشال

مەندە قىز دوست بولمىغاندىن كىن بىرەسىنى ئىمان ئىيتقۇزۇپ ئۆيلىنىپلا ۋىتەيمۇ يە.

ياسنجان

مارشال يوللىغان ۋاقتى  2014-1-30 11:40
مەندە قىز دوست بولمىغاندىن كىن بىرەسىنى ئىمان ئىيتقۇز ...

بولسا شۇنداق قىلىپ بىرەرسنى ئەپ قۇيڭا ، بەختى ئېچلىپ قالار بۇ قىزلارنىڭ ،   سىزنى تالشىپ قالمسۇن يەنە

مارشال

ياسنجان يوللىغان ۋاقتى  2014-1-30 11:50
بولسا شۇنداق قىلىپ بىرەرسنى ئەپ قۇيڭا ، بە ...

مەنلا ئەمەس، ھەرقانداق يىگىتلىرىمىزگە تەگسە بەختى ئېچىلىدۇ بۇ ‹‹چىرايلىق›› لارنىڭ.

ئايزىبا

شەپقەتلىك يوللىغان ۋاقتى  2014-1-30 06:56
بۇلىدىغان قىزلاركەن ، بىر ئىكىكنى تاللاپ قويغۇلۇقمۇ ن ...

تاللىڭە ئەمىسە.......10نىڭ ئىچىدىن بىر نەچچىنى ھا،ھا،ھا..........
قېنى كىم تاللىدڭىز........

ئايزىبا

مارشال يوللىغان ۋاقتى  2014-1-30 11:40
مەندە قىز دوست بولمىغاندىن كىن بىرەسىنى ئىمان ئىيتقۇز ...

شۇنداق قىلىڭ......ساۋاپ بولىدۇ