办公厅 نى تەرجىمە قىلغىلى بولماسمۇ؟

دىلشىكار

   办公厅 نى تەرجىمە قىلغىلى بولماسمۇ؟

مەركەز ۋە ئاپتونۇم رايونىمىزدا پارتىيە ۋە ھۆكۈمەتنىڭ كۈندىلىك ئىشلرىنى بىر تەرەپ قىلىدىغان (شەخسىي چۈشەنچەم)، خەنزۇچىدا  办公厅 دەپ ئاتىلىپ كېلىۋاتقان بىر فۇنكىسىيىلىك ئورگان بولۇپ، 办公厅 دېگەن بۇ ئاتالما ھازىرغىچە ئانا تىلىمىزغا تەرجىمە قىلىنماي  شۇ پېتى ئىشلىتىلىپ كېلىۋاتىدۇ. شۇڭا办公厅 دېگەن ئورۇننىڭ زادى نېمە ئىش بىلەن شۇغۇللىنىدىغان ئورۇن ئىكەنلىكىنى شۇ ئورۇندا ئىشلەيدىغان كىشىدىن باشقا مۇتلەق كۆپ سانلىق كىشى بىلمەيدۇ. 总统，总理，国务院 دېگەن خەنزۇچە ئاتالغۇلارنى ئۇيغۇرچىدا «باش باقان»، «باش مىنىستېر»، «دۆلەت ئىشلىرى مەھكىمىسى» دەپ ئېلىش گەرچە تىل-يېزىق كومېتىتى تەرىپىدىن قېلىپلاشتۇرۇلغان بولمىسىمۇ لېكىن يەرلىك گېزىت-ژورنال ۋە تور قاتارلىق تاراتقۇلاردا ئومۇملىشىپ قالدى.
تىلىمىز ئەزەلدىن ئىپادىلەش كۈچىگە بايلىقى بىلەن قەدىمدىن ھازىرغىچە چەت تىللاردىن كىرگەن سۆز-ئاتالغۇلارنى تىلىمىزغا لايىقىدا تەرجىمە قىلىپ، ئۆزىنىڭ لۇغەت تەركىبىنى بېيىتىپ، مۇكەممەللەشتۈرۈپ كەلگەن. بۇ ساھەدە يېقىنقى يىللاردىن بۇيان نۇرغۇن تەتقىقاتچى، ئالىملار، تىل-تەرجىمە ھەۋەسكارلىرى ئورتاق كۈچ چىقىرىپ، بۇرۇندىن ئاتاپ ئادەتلىنىپ كەتكەن بىر قىسىم خەنزۇچە ئاتالغۇلارنى تىلىمىزغا ئوڭۇشلۇق ئاغدۇرۇپ لايىقلاشتۇردى ۋە خەلقنىڭ ئالقىشىغا ئېرىشتى، كۆپ قىسمى ئۆز تىلىمىز بويىچە ئومۇملاشتى. لېكىن نېمىشقىدۇر办公厅 ئاتالمىسى ھازىرغىچە ئۆز پېتى ئېلىنىپ كېلىۋاتىدۇ، شۇڭا بۇ ئورۇننىڭ زادى قانداق ئىش بىلەن شۇغۇللىنىدىغانلىقىنى بىلىدىغانلار ساناقلىق. تىل تەتقىقاتچىلىرى، تەرجىمانلار ۋە كەڭ تىل سۆيەر كىشىلىرىمىزنىڭ موشۇ ئاتالغۇنى ئۇيغۇرچىلاشتۇرۇش ھەققىدە ئورتاق ئىزدىنىپ بېقىشىنى تەۋسىيە قىلىمەن.
(قوشۇمچە: 80-يىللارنىڭ ئاخىرىدا «گاڭسەر» دەپ ئاتىلىدىغان ئالدى تەرىپى تۈگمىلەنمەيدىغان، يېڭىنىڭ ئۇزۇنى ۋە قىسقىسىمۇ بولىدىغان بىر خىل سۈنئىي تالالىق مايكا چىققان ئىدى. بۇ «گاڭسەر» دېگەن ئاتالمىنىڭ خەنزۇچىدا قانداق يېزىلىدىغانلىقىنى ئېنىقلىيالمىدىم. بەلكىم بۇ ھازىر مودا بولىۋاتقان T恤  دېگەن ئاتالغۇنىڭ 80-يىللادىكى شەكلى بولۇشى مۇمكىن. لېكىن «گاڭسەر» دېگەن بۇ شالغۇت ئاتالغۇمۇ، T恤 دېگەن بۇ مودا ئاتالغۇمۇ تىلىمىزدا ئۆز پېتى ئىشلىتىلىپ كېلىۋاتىدۇ، شۇڭا بۇ ھەقتىمۇ ئاناتىلىمىزنىڭ ساپلىقى ئۈچۈن جان كۆيدۈرىدىغان ھەر بىر قېرىندىشىمىزنىڭ ئىزدىنىپ بېقىش مەجبۇرىيىتى بار دەپ ئويلايمەن).

مەنبە: قەلىمىم. 2014.01.01

چېچەن~قىز

مۇشۇ خەنزۇ تىلغا كەلگەندە پەقەت ئۇقمايمەن . ئابدۇكرەم ئابلزدەك تەرجمە قىلشنىمۇ بىلمەيمەن، نەچچە كۈن  لۇغەت ئاختۇرمسام .

بۇلبۇل

راستىنى دىسەم 办公厅 دىگەن ئاتالغۇنى راستىنى دىسەم قېلىپلاشقان ھالەتتە تەرجىمە قىلالمايمەن . لىكىن ئۇنى مەن ئۆزۈمچە ئاممىۋى ئىش بىجىرىش زالى دەپلا تەرجىمە قىلۋالدىمغۇ ؟ ئابدۇكېرىمكامدەكلا ....
لىكىن ئاۋۇ گاڭسەر دىگەن سۆزنى بىزمى ئادەتتە ئىشلىتەتتۇق كىيىن t血 دەيدىغانمۇ بولدۇق ، لىكىن بۇ t血 دىگەن قىزلارنىڭ كىيمىگە قارتىلغانمىكىن دەپ قارايمەن . لىكىن گاڭسەر دىگەننى مەنمۇ چۈشەنمەيدىكەنمەن جۇمۇ راستىنى دىسەم ....

ئۆزخان

بۇنداق سۆزلەر ھەقىقەتەنمۇ كۆپ ئەمما مېنىڭ خەنزۇتىلى سەۋىيەم. نۆلدىن سەل يۇقىرى شۇڭا تەرجىمسىنى زادىلا بىلمەيمەن. شۇڭا مۇشۇنداق ئاتالغۇلارنى ئاڭلىسام سەل ئازاپلىنپ قالىمەن.

تارىخىم

راس راس مۇشۇ سۆزنى تەرجىمە قىلىدىغان ئىش ئىدى،يا بىزدە تەرجىمانلار يوقمۇ ياكى بۇ سۆز چېقىلىشقا بولمايدىغان مۇقەددەس سۆزمۇ ھىچ بىلمىدىم.

گۈلۈم

ئۆتكەندە بىرى شۇجىچۇنىڭ شۇجىسى  دىگەننى تەرجىمە قىلساق قانداق مەنا چىقىدۇ دەپ تالاش تارتىش قىلىپ ئاخىرىدا بۇ گەپنىڭ مەنىسىنى __سېكىرتارىيات  دەپ جەزىملەشتۈرگەن.

كەچۈر بولسا چوقۇم ئىزدىنىپ تاپاتتى ماۋۇنى.....

ئاتىكەم

ئىش بىجىرىش نازارىتى  دەمدىغاندۇ ؟
مەن مۇشۇنداقراق دەپ ئويلۇدۇم .

تاش كەمپىت

ئاتىكەم يوللىغان ۋاقتى  2014-1-3 16:56
ئىش بىجىرىش نازارىتى  دەمدىغاندۇ ؟
مەن مۇشۇنداقراق دەپ ...

ئاتكەمنىڭ بىر ئاز يېقىنلاشتى دەپ قارايمەن

دىلدوس

بۇ  سۆزنىڭ مەنىسى بەنگۇڭتىڭ دەپ تەرجىمە  قىلىنىدۇ.

ئەختەر

مەنمۇ ئاتىكەم ھەدەمنىڭكىگە قوشىلىمەن