ھارپا كىچىسىدىكى سېغىنىشلىق سالام ( نازاكەت )

شەپقەتلىك

مەن ئۇزۇندىن بۇيان ئاق ئاتلىق شاھزادىسىنى ، سۇمبۇل چاچلىق كۆكتىكى ھىلال ئايدەك مەلىكىنىڭ  ساقلاپ تۇرغىنىنى ، يۇلىغا تەلمۇرگىنىنى كۇرۇپ باقماپتىكەنمەن . مۇنبەردىكى يىگىتلەرنىڭ يۇرگىگە  ئوت قۇيىۋىتىپسىزغۇ  نازاكەت خانىم ،  كىمدۇ ئۇ ئاق ئاتلىق شاھزادە ؟ بەلكىم ھەممە يىگىتلەر مەن دەپ ئويلايدىغاندۇ ، بىراق ئۇلار ئويلاپ باقمىغاندە مەن ئىكەنلىگىمنى .....

نازاكەت

ئەينەك يوللىغان ۋاقتى  2014-1-1 14:51
مەن ئۇزۇندىن بۇيان ئاق ئاتلىق شاھزادىسىنى ، سۇمبۇل چاچ ...

ۋۇييييييييييييييۇ  چاخچاقمۇ ھىساۋىدا بولسۇن دەيمەن .  مەن سىزنى تۇنمىسام قانداقسىگە مىنىڭ ئاق ئاتلىق شاھزادەم بوپ قالسىز . ئۇ دىگەن بىر خىيالى تۇيغۇ خالاس .مىنىڭ ھازىرقى ئېچكى ھىسسياتىم ئەمەس .

مەھلىيا

يۇرەكلىرىمنى تىترىتىۋەتتىڭىز جىنىم.بەك ياخشى يىزىپسىز،
كۈچلۈك سىغىنىش،ئوتلۇق مۇھەببەت ئەينەن ئىپادىلىنىپتۇ،
بۇنىڭدىن كىيىنكى ئىجادىيەتلىرىڭىز تىخىمۇ ئۇتۇقلۇق بۇلسۇن

ئۆزخان

ھەي بۇ خەتنى كۆچۈرىۋېلىپ ئانچە-مۇنچە ئۆزگەرتسەم قىزلار ئوبدانلا قايىل بولامدۇ نىمە؟

دىلزات

ئۆزخان يوللىغان ۋاقتى  2014-1-1 22:12
ھەي بۇ خەتنى كۆچۈرىۋېلىپ ئانچە-مۇنچە ئۆزگەرتسەم قىزلا ...

ئاداش سالام خەت لازىم بوسا  ئايرىم ئۇچۇر قىڭلار ،باشلانغۇچتا ئوقۇۋاتقان چاغلاردا  يىزىپ قۇيغان بىر توپلام كەلگۈدەك سالام خەتلەر بار ،لىكىن قىزلارغا بىرەلمەي پىچىىنى بۇزماي ئەپ قۇيغان ،شۇنى يوللاپ بىرەي ،ئۇ چاغدا  مەن --مەن دىگەن قىزلامۇ ئىشقىڭلىدا ئۆلەپ بەمىگەن تەقدىردىمۇ كىسەل بوپ بىرىدۇ،

ئۆزخان

دىلزات يوللىغان ۋاقتى  2014-1-1 22:18
ئاداش سالام خەت لازىم بوسا  ئايرىم ئۇچۇر قىڭلار ،باشل ...

ھېكايە يېزىڭ دىسە ئوبدانلا يازىمەن. ئەمما-زە مۇشۇ سالام خەتكە زادىلا كاللام ئشلىمەيدۇ-دىسە . لىكىن شۇنداق بولسىمۇ بىر .......... بار . پات ئارىدا توي قىلماقچىمەن. لىكىن يوللاپ بېرىڭلار ئاخشاملىرى ئوقۇپ بېرەرمەن.

نازاكەت

ئۆزخان يوللىغان ۋاقتى  2014-1-1 22:22
ھېكايە يېزىڭ دىسە ئوبدانلا يازىمەن. ئەمما-زە مۇشۇ سال ...

ھا ھا  ھا   توي قىلىپ بولغاندىن كىيىن ئۇقۇپ بەرگۈڭىز كەلمەي قالارمىكىن ئۆزخان .

تىلسىم

مانا يىڭى يىلنىڭ 1. كۈنى ئۆزۈمنىڭ ئەڭ سۆيۈملىك ئادىمى بىلەن ناخشا ئىيتىشىپتىمەن ، بەخىت دىگەن مانا شۇ ، ئالاغا چەكسىز شۈكرى ، بۇ ھاياتىمدا مۇشۇنداق تاتلىق كۈنلەر يەنە كىلەرمۇ دەپ ئويلاپ قالدىم ،  ئادەم يىڭى يىلدا قانداق كەيپىياتتا كىرسە داۋاملىق شۇنداق كەيپىيات بىلەن يۈرەر دەيدىكەن ، شۇنداق بولىشىنى چىن دىلىمدىن تىلەۋاتىمەن ، ئاللا تىلەكلىرىمگە يەتكۈزسۇن .

ئىقبال

                         كۆيگەن يۈرەكتىن كۆيدۈرگەن يۈرەككە
                                                                   سېغىنىشلىق سالام خەت  

       بۈگۈن 31-دېكابىر.
        ئەسسالاممۇ-ئەلەيكۇم نەرگىز گۈلۈم، تىنچ-ئامانمۇ سەن؟ ھىجران بىلەن ئۆتكەن بۇ بىر يىلىمنىڭ ئەڭ ئاخىرقى دەملىرىدە چەكسىز سېغىنىش، ئىزتىراپ، خىياللار ئىكلىدە ساڭا بۇ خەتنى يېزىپ ئولتۇرۇپتىمەن. بىلەمسەن گۈلۈم، بۇ بىر يىلنىمۇ ئىلگىركى يىللاردىكىگە ئوخشاش سېنى سېغىنىش، كۈندە نەچچە رەت سەن ماڭغان يوللارنى چىڭداش بىلەن ئۆتكۈزۈۋەتتىم. مۇھەببەتنىڭ كۈچ-قۇدرىتى شۇنداق كۈچلۈك بولسا كېرەك. گەرچە يۈرەكلىرىم سېنىڭ قايتا كەلمەيدىغىنىڭدىن خەۋەر بېرىپ تۇرسىمۇ، يەنىلا سېنى غايىبانە كۈتۈش ئىلكىدە بۇ يىلنى ئۇزىتىش، يېڭى يىلنى كۈتۈۋېلىش ئالدىدا تۇرۇپتىمەن.
       گەرچە سەن مەندىن شۇنچە، شۇنچە يىراقتا ياشىساڭمۇ، سېنى مەڭگۈ كۆرەلمىسەممۇ يەنە سېنى سېغىنىپ ئولتۇرۇپتىمەن. سېنى ئويلاپ تالاي كېچىلەرنى ئۇيقۇسىز ئۆتكۈزۈپتىمەن. يالغۇز خانەمگە سولىنىپ، سۈرىتىڭگە قاراپ، ئۇزۇندىن-ئۇزۇن خىيال سۈرۈپ چىقىمەن. كۆز ياشلىرىمدا جىسمىمنى نەمدەپ، خەتلىرىڭدا كۆڭلۈمنى بەزلەپ ياشاپ كەلگىنىمدە نەچچە يىل بولدى. سېنى ئۇنتۇشقا شۇنچە تىرىشساممۇ ، قۇربىم يەتمىدى گۈلۈم.
      بۈگۈن يەنە سېنى ئەسلىدىم. ئەسلىمەي دېسەممۇ ئامالىم يوق. چۈنكى يۈرىكىم ئاللىقاچان ساڭا كۆيۈپبولغان، كۆيۈپ بولغانلا ئەمەس بەلكى كۆنۈپ بولغان. يەنە سېنى ئەسلەيمەن، سېنى سېغىنىمەن. سەن بىلەن قار كەچكەن يوللار، سەن بىلەن مۇڭداشقان ئەستلىك چاغلار، گۈللەرنى شېخىدىن ئۈزۈپ چېكەڭگە قىستۇرغان باغلار، ھېلىھەم ئېسىڭدىمۇ گۈلۈم...
      بۈگۈن 31-دېكابىر، ئاستا خاتىرەمنى ئاچتىم.

                                  نەگىز گۈلۈم

                     ئاق كېچىنەك، ئاپئاق چېچەككە،
                     پەقەت سېنى ئورايمەن گۈلۈم.
                     سەنسىز ئۆتكەن ئۇزۇن تۈنلەردە،
                     بىرلا سېنى ئويلايمەن گۈلۈم.

                     سۈرىتىڭگە تەلمۈرۈپ قانچە،
                     سەندىن سۆيگۈ سورايمەن گۈلۈم.
                     سوغۇق تۈندە يىگانە ئۆزۈم،
                     دەرت قوينىغا سۆرەيمەن گۈلۈم.

                     كۆكتىن ئۇچۇپ چۈشسە ئاق چېچەك،
                     يەنە سېنى ئويلايمەن جېنىم.
                     شىۋېرغانلىق مۇڭغا جۆر بولۇپ،
                     يالغۇز ئۆزۈم يىغلايمەن جېنىم.

        بۇ مىسرالار ئېسىڭدىمۇ گۈلۈم. بۇ مېنىڭ تۇنجى ساڭا، يەنى قەلبىمدىكى بىر قىزغا ئاتاپ يازغان شېئىرىم ئىدى. بۇ دەل بۇندىن بەش يىل بۇرۇنقى 31-دېكابىردا ساڭا ئاتاپ يېزىپ، يېڭى يىللىق سوۋغا سۈپىتىدە ساڭا تېڭېفۇندا ئوقۇپ بەرگەن شېئىر ئىدى. ئاڭلاۋاتامسەن گۈلۈم بۈگۈن يەنە ئۇ شېئىرنى سەن ئۈچۈن قايتا-قايتا ئوقۇۋاتىمەن.ئەگر سەنلا ئاڭلاشنى خالىساڭ ، ساڭا مەڭگۈ-مەڭگۈ ئوقۇپ بەرسەم دەيمەن. ئەپسۇس سەن ئەمدى يېنىمدا يوق.
       كۈنلەر ئەنە شۇنداق ئۆتمەكتە، كۈندە سۈرىتىڭنى قولدىن چۈشۈرمەي دېگۈدەك، قولۇم ھېچ ئىشقا بارمايدۇ. تىللىرىم يا سۆزگە، ئانام ئەنسىرەيدۇ، دادام قاقشايدۇ.... لىكىن، مەن پەرۋاسىز، پەرۋاسىز ياشايمەن، ماڭا پەقەت سەن بولساڭ بولاتتى، پەقەت سەنلا بولساڭ بولاتتى گۈلۈم.
       سەنسىز ئۆتكەن ئۇزۇن تۈنلەردە سۈرىتىڭگە قاراپ ئۇنى قۇچاقلىغىنىمچە ئۇخلاپ قالىمەن. چۈشلىرىمدە سېنى ئىزدەيمەن. ئەپسۇس سەن يوق. مېنى « جېنىم، ئامرىقىم...بارلىقىم...» دەپ يانلىرىغا چاقىرىدىغان، مېنى بىرەر رەت جىلە قىلۋچاسا ئالامچە خۇشال بولىدىغان، تاتلىق كۈلىدىغان سەن. شۇندىمۇ ساڭا بۇ سالامنى يازدىم ، چەكسىز ئىزتىراپ ئىلكىدە بۇ خەتنى يازدىم. يېڭى يىلىڭغا مۇبارەك بولسۇن ... بىلىمەن. سەن بۇ تىلەكلىرىمنى سەن مەڭگۈ ئاڭلىيالمايسەن شۇندىمۇ ساڭا يەنە تىلەك تىلەيمەن. يارتقان ئىگەمگە يېلىنىپ تۇرۇپ تىلەك تىلەيمەن. تىلەكلىرىم بەك كۆپ گۈلۈم... شۇندىمۇ يەنە تىلەيمەن.
      بۈگۈن 31-دېكابىر، ياراتقان ئىگەمدىن ساڭا ئەبەدىي جەننەت تىلەيمەن.
      بۈگۈن 31-دېكابىر... ئاھ ...31-دېكابىر... خەير...ئامان بول گۈلۈم...
   

نازاكەت

ئىقبال يوللىغان ۋاقتى  2014-1-2 11:47
كۆيگەن يۈرەكتىن كۆيدۈرگەن يۈرەككە
           ...

       ئۇففففففففففففففففففففف   دەرىت -ھەسرەت ئىچىدە باشلانغان تىمامنىڭ ئاخىرى يەنە دەرىت ھەسرەت بىلەن ئاخىرلىشپتۇ -ھە .  بۇمۇ بوپتۇ بىر ھىساپتا بۇ دۇنيادا ھەممە ئادەمنىڭ دەردى بار ،ھەسرىتى بار .مۇشۇ قۇرلارنى  يېزىۋلىپ ئىچىڭىز بۇشاپ قالغاندۇ بەلىكىم .مەنمۇ يازغان ۋاقتىمدا شۇنداق بۇلۇپ قالغان . ئەمما ھەقىقەتەن يۈرەكنى تىتىرتىدۇ دە ،چىن يۈرەكتىن چىققان پىغانلىق ھەسرەتلەر .  سىزمۇ ماڭا ئوخشاش يېزىۋىتىپ يىغلاپ سالغانسىزمۇ ئىقبال ؟  ياق سىزنىڭ كۈزڭىز ئەمەس يۈركىڭىز يىغلىدى ھەقچان .  مىنىڭ ھەم كۈزۈم ھەم يۈركۈم يىغلىغان .ماڭا قارغاندا يەنىلا سىز  بەخىتلىككەنسىز .ئەمما يازمىڭىزنىڭ ئەڭ ئاخىرى مىنى ئويلاندۇرۇپ قويدى .جەننەت ئاتا قىلسۇن دىگەن سۈزىڭىز . بەلكىم ئۇنڭغا بولغان مۇھەببتىڭىزنى يۈركىڭىزنىڭ چۇڭقۇر قاتلىمغا دەپىنە قىلۋەتكەنسىز ماڭا ئوخشاش . شۇڭا شۇ سۆزنى ئىشلەتكەنسىزمۇ ؟ياكى ؟؟؟؟؟؟؟؟؟