يەكەن جامىئەسى

زورنىسا

يەكەن جامىئەسى ‹‹دۆلەت دەرىجىلىك نۇقتىلىق قوغدىلىدىغان مەدەنىيەت يادىكارلىقى ئورنى›› دەپ بېكىتىلدى

      ئابدۇروسۇل مۇھەممەد ئەلتۇغ خەۋىرى، فوتوسى: يېقىندا گوۋۇيۈەن 2013-يىللىق 13- نومۇرلۇق ھۆججەت تارقىتىپ، 7-تۈركۈمدىكى دۆلەت دەرىجىلىك قوغدىلىدىغان 1943 ئورۇننىڭ تىزىملىكىنى ئېلان قىلدى. يەكەن جامىئەسى بۇ تىزىملىككە كىردى.
    يەكەن جامىئەسى يەكەن كونا شەھىرىنىڭ ئوتتۇرىسىغا جايلاشقان بولۇپ، مەسچىت ۋە مەدرىستىن تەركىب تاپقان، ئومۇمىي كۆلىمى 7000 كىۋادرات مېتىر كېلىدۇ.
    تارىخىي مەلۇماتلارغا قارىغاندا، بۇ جامىئە 1409-يىللىرى ئەتراپىدا كىچىك بىر مەسچىت ھالىتىدە بولۇپ، 1660-يىللىرىغا كەلگەندە ئۇنى يەكەن سەئىدىيە خانلىقىنىڭ خانى ئابدۇللاخان كېڭەيتىپ قايتا ياسىغان. 18-، 19-ئەسىرلەردە ۋە 1949-يىلىدىن كېيىن بىر قانچە قېتىم چوڭ رېمونت قىلىنغان.
    يەكەن جامىئەسى يەكەندىكى ئەڭ چوڭ دىنىي پائالىيەت سورۇنى بولۇپ، ئەينى دەۋر خانلىقىنىڭ ئىجتىمائىي ھاياتىدا ناھايىتى چوڭ ئورۇن تۇتقان. شۇ سەۋەبتىن خانلىق جامىئەنىڭ ياسىلىشىغا ئالاھىدە كۆڭۈل بۆلۈپ، ئۇنىڭ تورۇس، تۈۋرۈك، دەرۋازا، دالان ئىچىلىرىنى ھەر خىل ئويما، قاپارتما نەقىشلەر، گۈل نۇسخىلىرى بىلەن بېزىگەن. بۇ جامىئە 1985-يىلى يەكەن ناھىيەلىك خەلق ھۆكۈمىتى تەرىپىدىن ‹‹ناھىيە دەرىجىلىك نۇقتىلىق قوغدىلىدىغان مەدەنىيەت يادىكارلىقى ئورنى››، 1990-يىلى ئاپتونوم رايونلۇق خەلق ھۆكۈمىتى تەرىپىدىن ‹‹ئاپتونوم رايون دەرىجىلىك نۇقتىلىق قوغدىلىدىغان مەدەنىيەت يادىكارلىقى ئورنى›› دەپ ئېلان قىلىنغان.
    ئىگىلىنىشىچە، يەكەن ناھىيەسىدە ھازىر ‹‹دۆلەت دەرىجىلىك نۇقتىلىق قوغدىلىدىغان مەدەنىيەت يادىكارلىقى ئورنى›› ئىككىگە، ‹‹ئاپتونوم رايون دەرىجىلىك نۇقتىلىق قوغدىلىدىغان مەدەنىيەت يادىكارلىقى ئورنى›› توققۇزغا، ‹‹ناھىيە دەرىجىلىك نۇقتىلىق قوغدىلىدىغان مەدەنىيەت يادىكارلىقى ئورنى›› 57 گە يەتكەن.
  

ئەختەر

يەكەندىكى ئوردىنى بەك كۆرگۈم بار ئىدى ، لىكىن مەن بارغاندا ئالدىدىكى دەرۋازىسى بىلەن ئاماننىساخاننىڭ قەبرىسىنىلا كۆرەلىگەن ئىدىم

گۈلۈم

مۇشۇ ئابدۇرسۇل مۇئەللىم قانداق يىڭى خەۋەر بولسا چىقىرىدۇ، خەۋەرلىرىنىلا ئەمەس ئەسەرلىرىنىمۇ بەكلا ياقتۇرىمەن دىسە...

كاللام ئىشلىمەيۋاتامدۇ نىمە، بۇ جامەنىڭ ئورنى ئىسىمگە كەلمەيۋاتىدۇيا؟

تىلسىم

مەھەللەمنى تولىمۇ كىچىكىپ كۆرەپتىمەن ، تەشەككۈر ئۇستاز ، مۇشۇ يەرلىك تۇرۇپ تارىخىنى بۇنچە ئىنىق بىلمەيتىم مەن ..

خۇنبارى

ئەختەر يوللىغان ۋاقتى  2013-8-4 13:34
يەكەندىكى ئوردىنى بەك كۆرگۈم بار ئىدى ، لىكىن مەن بارغ ...

ھازىر ئۇيەرمۇ يوق

كەچۈر

خۇدايىم بۇيرىسا، پات يېقىندا يەكەنگە بېرىپ قالسام ھەممە يەرلىرىنى كۆرۈپ - كۆرىۋالمىسام...

تىلسىم

خۇنبارى يوللىغان ۋاقتى  2013-8-7 11:33
ھازىر ئۇيەرمۇ يوق

كىم يوق دەيدۇ ؟ مەن تىخى نەچچە كۈن بۇرۇن يەكەندىكى ۋاقتىمدا كۆرەپ كەلگەن تۇرسام ..

خۇنبارى

تىلسىم يوللىغان ۋاقتى  2013-8-7 12:44
كىم يوق دەيدۇ ؟ مەن تىخى نەچچە كۈن بۇرۇن يەكەندىكى ۋاق ...

ۋاي ئاداش ھلىقى تەقلدى ئورداچۇ(سىپلچۇ) چىقىپ باشقا بىر ئىمارەت سلىپ قويدى شۇنى دەيمە ئامانسخاننىڭ مەقبەرسى بار

ئەختەر

خۇنبارى يوللىغان ۋاقتى  2013-8-7 21:24
ۋاي ئاداش ھلىقى تەقلدى ئورداچۇ(سىپلچۇ) چىقىپ باشقا بى ...

مەن بارسام مىھمان قىلاسىز جىما !

تىلسىم

خۇنبارى يوللىغان ۋاقتى  2013-8-7 21:24
ۋاي ئاداش ھلىقى تەقلدى ئورداچۇ(سىپلچۇ) چىقىپ باشقا بى ...

بىراق بۇ سۈرەتتىك جامە مەسچىت ئاداش ...