- جۇغلانما
- 180
 بايلىق- 122 دانە
 شۆھرەت- 0 سەر
ئوقۇغۇچى
|
دۇنيانىڭ تۈۋرۈكى، زىننتى ئايال،
ھاياتنىڭ مەنىسى، لەززىتى ئايال.
ئايال ئۇ قەدىرلىك ئەڭ ئۇلۇغ ئىنسان،
ئائىلىنىڭ چىرىغى، زىننىتى ئايال.
ئايالسىز موراڭدىن چىقمايدۇ تۈتۈن،
قازاندىن لەغمىنىڭ چىقمايدۇ پۈتۈن،
ھەتتاكى ھەپتىلەپ يېرىلماس ئوتۇن،
ئۇسساپ كەتسەڭمۇ دەيسەنغۇ خوتۇن،
جاھاندا ھەممىدىن ئايال بولماق تەس.
يەنە شۇ ئايالسىز مايلانماس ئاياق،
ئۇ بىر كۈن بولمىسا يۈرۈيسەن ساياق،
ئاچچىقىڭ كەپقالسا يەيدۇ ئۇ تاياق،
چەشلەرنى يىغقاندا تىرىدۇ باشاق،
جاھاندا ھەممىدىن ئايال بولماق تەس.
ئايالنىڭ ھىممىتىدە يۈرۈيسەن ئامان،
ھەم ئايال ئىشقىدا بولىسەن سامان،
بىر كۈچنىڭ ئىلكىدە يول ئېلىپ تامان،
مەزلۇمنىڭ ئېتىنى قىلىسەن يامان،
جاھاندا ھەممىدىن ئايال بولماق تەس.
بىر تەڭگەڭ بولسىلا ئىچىپ يۈرۈيسەن مەس،
ئىشىڭ ئوڭغا تارتمىسا، دەيسەن ئايال نەس،
ھەم ئۇنى كۆرىسەن ئۆزۈڭدىن بەك پەس،
سۆزلىمەي جىم تۇرسا، دەيسەن مۆرىمەس،
تەس دېسە جاھاندا ئايال بولماق تەس.
ئاخشىمى كىرمەيسەن يۈرىشىڭ تالا،
سەھەردە ئۇخلايسەن، دەپ ئۇيقۇم چالا،
كېچىدىن شۇ ئايال باقتىغۇ بالا،
كۆز يۇماي دېگەندە يىغلىدى بالا،
جاھاندا ھەممىدىن ئايال بولماق تەس.
يۈزۈڭنى يۇغاندا تەييار بوپ تاماق،
ئىشقا ئالدىراپ كىيەر ئۇ ئاياق،
ھېرىپ كەلگەندە ئاش يۇقى تاۋاق،
ئۆي، بالام، بالام دەپ ئۇيقۇدىن يىراق،
جاھاندا ھەممىدىن ئايال بولماق تەس.
ئۇششاق گەپ دەستىدىن تۇرمۇشى قىيىن،
ئۆزىنى ئاقلىسا گېپى بىر تىيىن،
توي قىلىپ يات ئۆيگە بولسا ئۇ كېلىن،
بىراق سانىلار ھەممىدىن كېيىن،
تەس دېسە ھەممىدىن ئايال بولماق تەس.
ئاپتورى: سوپىيە كىرەم. |
|
|
باشتا تەقدىرگە تايىنىۋالغانلار ئاخىرىدا تەقدىردىن قاقشايدىغانلاردۇر.
|
|
|
|
|
|
|
ئىگىسى: مېھرىيە
ۋاقتى: 2015-12-25 16:09:58
ئىگىسى