|
|
ئالىي مەكتەپ ھاياتىمنىڭ 4 - يىلى ئىدى ، مەكتەپتە لاۋدا سانىلاتتۇق . قىشلىق تەتىلدە ئاتۇشلۇق ۋە قەشقەرلىك بالىلار بىر ئاپتۇبۇستا يۇرتقا قايتتۇق ، مىنىڭ يىنىمدىكى ئورۇندا ئاتۇشلۇق بىر بالا ئولتۇراتتى ، ئۇ بالا ئۆزىنى تونۇشتۇرۇپ ئاتۇشتىن ئىكەنلىكىنى ، ئالدىنقى يىلى ئوقۇشقا كەلگەنلىكىنى ئىيىتىپ ، مەندىن سىز مۇشۇ يىلنىڭمۇ ياكى ئالدىنقى يىلنىڭمۇ دەپ سورىدى . بۇ گەپنى ئاڭلاپ مىنىڭ سەل ئاچچىقىم كەلدى ، ئالدىنقى يىلنىڭ شۇمتىكى تۇرۇپ ، مەندەك لاۋدا ئاچىسىنى تونۇمايۋاتقىنىنى ، خەپ دىدىم - دە ، ئۇنى ئەخمەق قىلىش ئۈچۈن ئۆزمنى مۇشۇ يىلنىڭ ، مۇپەتتىشلىك كەسپىدە ئوقۇيمەن دىدىم .
ئۇ يەنە ئىسمىمنى ، يۇرتۇمنى ۋە ياتاق نۇمۇرۇمنى سورىدى .
مەنمۇ چاندۇرماي بىر دوستۇمنىڭ سىڭلىسىنىڭ ئىسمى ، ياتاق نۇمۇرى ، يۇرتى قاتارلىقلارنى دەپ بەردىم .
شۇنداق قىلىپ ئۇ بالا مىنى كىچىك كۆرۈپ ، ئۆزىنى خۇددى چوڭ ئادەمدەك چاغلاپ چوڭ گەپ قىلىشقا باشلىدى ، مەنمۇ كۈلۈپ قويۇپ پارىڭىنى ئاڭلىغاچ ، ئانچە - مۇنچە پاراڭ قىستۇرۇپ ماڭدىم . 24 سائەتلىك يول ئەمەسمۇ ، يولنى پاراڭ بىلەن تۈگەتمىسەك ، زىرىكىپ ئۆلمەمدۇق ، ئۇنىڭ ئۈستىگە مىنىڭ ماشىنىدا ئولتۇرۇپ ئۇخلايدىغان ئادىتىم يوق ، يول بويى كۆزۈم يۇمۇلۇپمۇ قالمايدۇ . شۇنداق قىلىپ نەچچە سائەت ۋاقتىمىز مۇشۇنداق پاراڭ بىلەن ئۆتۈپ كەتتى . ئۇ بالا بىلەن جىق گەپلىرىمىز بىر يەردىن چىقىدىكەن ، تىخى مىنى سەنلەپمۇ بولدى ، مەنمۇ بوپتۇ دەپ سەنلىشىپ پاراڭلاشتىم .دەل شۇۋاقىتتا بىر سىنىپتا ئوقۇغان ساۋاقدىشىم مىنى ئۆز ئىسمىم بىلەن چاقىرىپ قالدى . مەن ئۇنىڭ بىلەن پاراڭلىشىۋاتسام ، بۇ ئاتۇشلۇق سىزنىڭ ئىككى ئىسمىڭىز بارمۇ ؟ دەپ سورىدى . مەن بىر نىمە دەپ بولغىچە ئۇ ساۋاقدىشىم : نەدە ئىككى ئىسمى بولىدۇ ، ئۇ قەشقەر شەھىرىدىن ، ئىسمى ئاتىكەم ، بۇ يىل يازدا ئوقۇش پۈتتۈرىدۇ ، مەكتىۋىمىزنىڭ لاۋداسى ....دەپ مىنى تونۇشتۇرىۋەتتى . ئۇ ئاتۇشلۇق ئاڭلاپ ھەيرانلىقتىن ئىغىزىنى ئاچقانچە بىر ماڭا ، بىر ساۋاقدىشىمغا قاراپلا قالدى .
مەن كۈلۈپ كىتىپ ، نىمە بولدىڭىز ؟ مىنىڭ ئادەم ئالداش تىخنىكام خىلى يۇقىرىمىكەن ؟ مىنىڭ چىرايىمغا قاراپمۇ يىشىمنىڭ چوڭلىقىنى بىلەلمىدىڭىزمۇ ؟ دەپ سورىسام .
ئۇ ئاتۇشلۇق : مەن سىزنى مەندىن چوڭدەك ھىس قىلمىدىم ، ئىككىمىزنىڭ مىجەزى بەك كىلىشىدىكەن ، سىزنى يەنىلا مىھرىگۈل دەپ قارايمەن دەپ تۇرۇۋالدى .
ئاللا ، نىمە ئىش بۇ ئەمدى ؟ بۇ بالىنىڭ چوڭچىلىق بىلەن قىلغان گىپىگە ئاچچىقىم كىلىپ ، كولدۇرلۇتۇپ قويسام ئاچچىقى كەلمەكتە يوق ، تىخى سىزنى داۋاملىق مىھرىگۈل دەپ قارايمەن ، ھەم شۇنداق چاقىرىمەن دەپ تۇرۇۋالغىنىنى .
ھەيييييييييييييي.............................
ئۆزۈم تاپقان بالاغا ، نەگە باراي داۋاغا دىگەندەك ئىش بولدى- دە . |
|
|
مۇھەببەت - ئىنساننىڭ ئىرادىسىگە بويسۇنمايدىغان سىرلىق ياخشى كۆرۈش تۇيغۇ...
|
|
|
|
|
|
|
ئىگىسى: دىلناز
بايلىق
شۆھرەت
ۋاقتى: 2014-7-27 11:30:04
ۋاقتى: 2014-8-4 11:33:49
