يۈرەكلەردە قاتقان قان (مۇكاپاتلىق ئەسەر سەھىپىسگە )

پەرىزات ساق -سالامەت يەڭگىۋالغاچقىمۇ بۇ بىر نەچچە كۈندىن بېرى ئادىل دوختۇرلاردىن ئارتۇق گەپ سورىمىدى .‹‹پەرىزات ئېغىر ھەركەت قىلىپ بالدۇر تۇغۇپ قويدى ،دوختۇرخاندا ئۇزۇنراق يېتىپ سالامەتلىكنى ئەسلىگە كەلتۈرۋېلشى كېرەك ›› دەپ ئويلىغان ئادىل دوختۇرلارغا يالۋۇرۇپ يۈرۈپ ياتاق رەسمىيتنى قايتىدىن بىجىردى .
پەرىزات دوختۇرخانىدا يېتۋاتقىلمۇ بىر ھەپتىدىن ئاشتى .ئادىل پەرىزاتنىڭ ھەم ئۆزىنىڭ ئاپىسنى كەتكۈزۋېتىپ  مەكتەپكىمۇ بارماي پەرىزاتقا ئۆزى قاراۋاتاتتى. پەقەت ئىككى تەرەپنىڭ ئۆيدىكىلرى دوختۇرخانىغا تاماق توشۇپ ھارمايتى .
—پەرىزات ،بالىمىزنىڭ ئىسمىنى بىز بۇرۇن ئويلىشۋالغىنمىز بۇيچە  سىزگە يېقىن پەزىلەت قۇيايلى ،چوڭلار بىلەنمۇ مەسلىھەتلەشتىم ،ئۇلارمۇ قوشۇلدى .سىزچە قانداق ؟
—مەيلى چىرايلىق ئىسىمكەن .—ئادىلنىڭ بۇ گېپىگە پەرىزات ئويلانمايلا تېزلا ماقۇل بولدى .
—پەرىزات ،پەزىلەت ئىككى پەرىشتە مېنىڭ بارلىقىم .ئۆيگە بېرىپلا بۇ كىچىك مەلىكەمگە پەزىلەت دەپ ئىسىم قۇيىمەن .—ئادىل خوشاللىقىدا شۇنداق دەپ بالىنى كۆتىرىپ ياتاق ئىچىدە ئۇيان -بۇيان ماڭدى .
—يا ئاللا بالىسى بولسا شۇنداق  ياخشى بۇلامدىكەن ئاكا ؟قارا ئاۋۇ خوش بۇلۇپ كەتكىنىڭنى  —ئادىلە شۇنداق دەپ كىسەلخانىغا كىرىپ كەلدى .ئۇنىڭغا ياندىشىپلا قولىدا بىر مۇنچە نەرسىلەرنى كۆتۈرۋالغان ئېھسانمۇ كىردى .
—شۇ شۇ ،دادا بۇلۇشنىڭ تەمىنى پەقەت دادا بولغۇچىلا بىلدۇ . قارا بۇ بالا پەرىزاتنىڭ ئۆزى ،لىكىن چوڭ بولغاندا چۇقۇم ماڭا ئوخشايدۇ .
—ياق ساڭا ئوخشىمسۇن ،بولمىسا سەت بۇلۇپ قالىدۇ .—ئادىلە قەستەن ئاكىسى بىلەن قېرىشىپ قويدى .
—مەنمۇ خېلى كىلشكەنغۇ ؟بوپتۇ كۆزى پەرىزەتنىڭ كۆزىدەك چوڭ ،قاپقارا بولسۇن ،باشقا جايى ماڭا ئوخشىسۇن —تۇنجى ‹‹ئاتا ›› بولغان ئادىل قېن-قېنغا پاتماي سۆزلەيتى .
— ئۇماقلىقنى  ،قاراڭ ئېھسان —ئادىلە شۇنداق دەپ بالنى قولىغا ئېلىپ ئېھسانغا كۆرسەتتى .
ئېھسان بالىغا قارىدىيۇ قاراپ قېتىپ قالدى .خۇددى كىچىك بوۋاق دادىسنى تۇنۇپ قالغاندەك قىقىراپ يىغلاشقا باشلىدى .
—ئوۋ ..ئوۋ يىغلىما قوزام —ئادىلە شۇنداق دەپ بۇۋاقنى پەپىلەپ قويدى .
—ئادىلە ئەكىلىڭ ئۆزۈم ئالاي ،بۇ بالا كىچىك تۇرۇپ دادىسى بىلەن ئاپىسىدىن باشقا ئادەمنى يەكلەشنى ئۆگۈنۋالدىمۇ نىمە ؟—پەرىزات ئېھسان ئاڭلىماي قالمىسۇن دېگەندەك قەستەن ئۈنلۈك ئاۋازدا شۇنداق دېدى .بۇ گەپنى پەقەت ئېھسانلا چۈشىنەتتى.
—توغرا ئادىلە ،بالىنىڭ تەييار زاكىسى تۈگەپتىكەن ،ئاپام ئەكلىپ بېرمەن دەپ ھازىرغىچە يوق ،مەن ياخشىنى تاللىيالمايمەن ،سەن ئېلشىپ بېرەمسەن ؟
—ھە  بولىدۇ ، ئېھسان  پەرىزات بىلەن پەزىلەتكە ياخشى قاراڭ ھە ؟—ئادىلە شۇنداق دەپ ئادىل بىلەن بىللە چىقىپ كەتتى.
  كىسەلخانا ئىچىنى ئېغىر جىمجىتلىق قاپلىدى .ھەر ئىككەيلەن ئېغىر سۈكۈت ئىچىدە ئىدى .پەرىزات ئېھسانغا كەينى تەرپىنى قىلىپ بالىسنىڭ قولىنى تۇتقىنچە ياتاتتى .
—پەرىزات بالىنى كۆتۈرۈپ باقسام بۇلامدۇ ؟—ئارىدىكى جىمجىتلىقنى ئېھسان بۇزدى .
—قايسى بالىنى ؟—پەرىزات ئېھسانغا قاراپمۇ قويماي زەردە بىلەن شۇنداق دېدى .
—ئۇنداق قىلما پەرىزات ،قانداقلا بولمىسۇن بۇ مېنىڭ بالامغۇ ؟پەقەت بىرلا قېتىم كۆتۈرۈپ باقاي .
—نىمە دېدىڭ ؟ مېنىڭ بالام دەۋاتامسەن ئېھسان ؟ئەمدى قانداق بۇلۇپ سېنىڭ بالاڭ بۇلۇپ قالدى ؟بىلىپ قوي بۇ دېگەن ئادىلنىڭ بالسى ،مېنىڭ ئېرىم ئادىلنىڭ بالسى .—پەرىزات يېرىم ئورنىدىن تۇرۇپ ئېھسانغا مىختەك قادىلىپ شۇنداق دېدى .
—پەرىزات ئۆز بالامنى قۇچىقىمغا ئالغۇدەك پۇرسەتمۇ بەرمەمسەن ؟ —ئېھسان شۇنداق دەپ ئورنىدىن تۇرۇپ بالىغا قولىنى ئۇزاتتى ،
—تۇتما ئىپلاس ! بالاڭنى كۆتۈرگىڭ بار ئادەم ئەينى ۋاقىتتا نىمە دەپ مېنى ئالمايسەن ؟ نىمە دەپ باشقا بىرنى خوتۇن قىلسەن ؟ ئەمدى قايسى يۈزۈڭ بىلەن بۇ مېنىڭ بالام دەۋاتىسەن ؟ يۇقال كۆزۈمدىن، تېز يۇقال ! —پەرىزات يىغلاپ تۇرۇپ شۇلارنى ئارانلا دېيەلىدى .ئېھسان پەرىزاتقا بىر ئېغىز گەپ قايتۇرماي چىقىپ كەتتى .
پەرىزات جالاقلاپ تىترەيتى .ئۇ بالسىنى باغرىغا باسقىنچە ئاۋازىنى قۇيۋىتىپ يىغلۋەتتى.
ئادىلە ۋە ئادىلنىڭ كىلدىغان ۋاقتىمۇ بۇلۇپ قالغان ئىدى .پەرىزات تېزلا ئۈزىنى ئوڭشىۋېلىپ ئۇلارنىڭ كېلشنى كۈتتى.