شەيتاننىڭ شىكايەتلىرى _ نىجات شۆھرەت (ئىلىخو)

ILIHO

	شەيتاننىڭ  شىكايەتلىرى نىجات شۆھرەت (ئىلىخو)      ھەي، بۇرادەرلەر مۇشۇ ئىنسانلارغا ھەيرانمەن، بىزنى دەپ نۇرغۇن كىشلىرىمىز ئۆزىنىڭ ياشلىق باھارىنى، ئىللىق ئائىلىسىنى، ئاتا- ئانىسىنى،  پەرزەنتلىرىنى، ئاياللىرىنى، ئەرلىرىنى ۋەيران قىلماقتا، ئۆز ھاياتىنى، تەغدىرىنى نابۇت قىلماقتا.       بىزنى دەپ پۈتكۈل دۇنيا سۈكۈتكە چۈشتى، بىزنى دەپ ئۇلار ساقايماس كېسەللەرگە مۇپتىلا بولدى، بىزنى دەپ ئۇلار خۇمار بولۇپ بىزدىن بىر قەدەممۇ نېرى تۇرالماس بولۇپ قالدى. بىزنى دەپ ئۆز تېنىنى ساتتى، بىزنى دەپ بىر-بىرنى ئۆلتۈردى، بىزنى دەپ قىلمىغان ئەسكىلىكلىرى قالمىدى. كۆردۈڭلارمۇ ئىنسانلار مەن بەك خوشال، چۈنكى مېنىڭ ئېزىقتۇرۇشىم بىلەن سىلەرنى ئۆز دېپىڭلارغا ئۇسۇل ئويناتتىم، ئۆزۈڭلارنىڭ قېنىنى ئۆزۈڭلارغا ئىچكۈزدۈم، ئۆزۈڭلارنىڭ جېنىنى ئۆزۈڭلار ئەجەل دوقمۇشىغا سۆرەتكۈزدۈم. ھېچقانچىلىك كۈچىمىدىم، پەقەت سىلەرنى ھېچنىمىنى ئاڭقىرالماس قىلىپ بىردە گاچا، بىردە گاس، بىردە قارغۇ قىلىپ سىلەرنى خانۇ-ۋەيران قىلىدىم، پۈتكۈل دۇنيا مەن ئۈچۈن جەڭڭە ئاتلانغان بولسىمۇ، قانۇن-نىزاملار مىنى توسقان بولسىمۇ مەن يەنىلا پەسكەش يوللار بىلەن مەقسىتىمگە يەتتىم...     ئويلاپ بېقىڭلار ئەي ئىنسانلار، تارىختىن بۇيان بىز زەھەرلىك چېكىملىكنى، ئەيدىزغا ئوخشاش  نىجىس كېسەللەرنى، پاھىشخانلارنى، پاھىشىۋازلارنى، شۇلار ئارقىلىق تارقالغان نىجىس كېسەللەرنى كىممۇ توسالىغان؟! ئۇلار بىزنى توسقانسىرى بىزنىڭمۇ شۇ جەمىئىيەتكە يۈزلىنىش يوللىرىمىز ئىلغارلاشتى. تەپ تارتماستىن ھەرخىل رەزىل، مەينەت يوللار بىلەن بىمالال ئۆز يوللىرىمىزنى داغدام قەدەملىرىمىز بىلەن بېسىپ مۇرات -مەقسىتىمىزگە يېتىۋاتىمىز.   بىزنى دەپ قانچىلىك ئىنسانلار  ئىزدەپ يۈرىدۇ، بىزنى دەپ قانچىلىك قىزلار ئۆز تېنىنى سېتىۋاتىدۇ، بىزنى دەپ قانچىلىك پاھىشىۋازلار شۇ مەينەت، نىجىس كېسەلنىڭ ئوت پىلتىسى بولغان ياتاقلارنىڭ ئىشكىنى چېكىۋاتىدۇ، بىزنى دەپ يەنە قانچىلىك سەبىي بالىلار يىتىم بولىۋاتىدۇ، بىزنى دەپ يەنە قانچىلىك ئائىلە، ئەر-ئايال تۇرمۇشلىرى بۇزىلىۋاتىدۇ، ئاتا-ئانا قان يىغلاۋاتىدۇ، مانا بۇلارنىڭ ھەممىسى بىزنى دەپ مۇشۇ يوللارغا ماڭغانلار، بۇلار بىزنىڭ چالغان دېپىمىزغا كېلىشتۈرۈپ، جېنىنىڭ بارىچە، پۈتۈن ۋۇجۇدى بىلەن ئۇسۇل ئويناۋاتىدۇ.      ھەي...ئىنسانلار، سىلەر نېمانچە دۆت، نېمانچە ھاماقەت، تارىختىن بۇيان شۇنچە نىجىس ئىشلىرىمىز سىلەرنى خانۇ-ۋەيران قىلىۋاتقانلىقىمىزنى بىلىپ تۇرۇپ، ئۆزۈڭلارنى يەنىلا ئوتقا ئىتتىرىۋاتىسىلەر، بىر-بىرىڭلارغا ئورا كولاپ، بىر-بىرىڭلارنى قەستلەپ، بىر-بىرىڭلارغا تىغ كۆتۈرىۋاتىسىلەر...     قاراڭلار، ئاۋۇ ئاتا-ئانىغا قول كۆتۈرۈپ، ئۇلارنى زار-زار يىغلىتىۋاتقان قىز-ئوغۇللارنى، قاراڭلار ئاۋۇ بىگۇناھ سەبىي بالىلارنى، ئاتا-ئانىسىنىڭ ئەرزىمەس ئىشلىرى تۈپەيلى يىتىم بولۇپ، كوچا-كويلاردا سەرگەردان بۇلۇپ، ئاتا-ئانا مېھرىگە تەلمۈرۈشلىرىنى، كۆردۈڭلارمۇ ئاۋۇ ئەر-ئاياللارنى ئاتا-ئانىسىنىڭ قەدىرىنى قىلىش، ئۇلارنىڭ ھالىغا يېتىش ئۇياقتا تۇرسۇن ئۆي خىزمەتكارىدەك بالا باققۇزۇپ، تاماق ئەتكۈزۈپ، ئۇلارنىڭ قەلبىنى جاراھەتكە تولدۇرۋاتقانلىقىنى، كۆردۈڭلارمۇ ئاۋۇ ئاتا-ئانىلارنى باللىرىنى بېقىپ چوڭ قىلىپ، ئۆي-ئوچاقلىق قىلىپ، ھېيىت-بايراملاردا يەنە شۇ بەڭۋاش، ۋاپاسىز باللىرىنىڭ يوللىرىغا، تاتلىق، ئوماق نەۋرىلىرىنى باغرىغا قانغۇچە باسقۇسى كېلىپ تەلمۈرۈپ كۈتىۋاتقىنىنى، مانا بۇ سىلەر، مانا بۇ ئىنسانلار..     سىلەر ھەقىقەتەن شۇنداق رەھىمسىز، سىلەردە غورۇر، ئەخلاق، شەرمىي-ھايا، غەيرەت-جاسارەت، ئىشەنچ-ساداقەت، مېھىر-ۋاپا، ئېتقىقاد سۇسلىشىپ كەتتى. يامان ئىشلارنىڭ ھەممىسىنى بىزدىنلا كۆرمەي، بەلكى ئۆزۈڭلاردىن كۆرۈڭلار، سىلەرنىڭ شۇ ھاۋايى-ھەۋەسكە بېرىلىپ، ئۆز نەپسىڭلارغا، ئۆزۈڭلار چوغ تارتىپ، كەيىپ-ساپا، ئىشقىۋازلىق، پاھىشىۋازلىق، كىچىككىنە ھېسىياتنى دەپ ئۆزۈڭلارنى بىر ئۆمۈر ئازاپقا دۇچار قىلىىۋاتىسىلەر، ھەتتا جېنىڭلارنى سېلىپ بېرىۋاتىسىلەر.      قېنى دەپ بېقىڭلار! ھەي، ئىنسانلار مۇشۇنداق يامان يولغا كىرىشىڭلارنىڭ سەۋەبى كىمدىكەن؟! ياخشى ئويلىنىپ ئىش قىلىڭلار، ئۆزۈڭلارنى ئەمەس كەلگۈسىڭلارنى،  پەرزەنتلىرىڭلارنى، ئىناق ئائىلەڭلارنى، ئاتا-ئاناڭلارنى، قان-قېرىنداشلىرىڭلارنى، مىللىتىڭلارنىڭ كەلگۈسىنى ئويلاپ قويۇڭلار...      ھاياتلىق سىلەرگە پەقەت بىر قېتىملىق سىناق، چۈنكى بۇ دۇنيا سىلەرگە بىر ئۆتەڭ، يولدىكى قونئالغۇ خالاس. ياشىسىڭىزلا ھېساپ ئەمەس، بەلىكى ھەربىر تىنغان تىنىقىڭىزنىڭ ئەھمىيىتى، مەنىسى بولسۇن. شۇندىلا ھاياتلىق سىلەرگە خوشاللىق، بەخىت-سائادەت، ئۇزۇن ئۆمۈرلەر ئاتا قىلىدۇ... 2013-يىلى2-ئاينىڭ27-كۈنى (چارشەنبە_ ئۈرۈمچى)

alenur

	بەزى ياشلىرىمىزغا ئىبرەت بولغۇدەك تېمىكەن رەھمەت سىزگە

quxtikiakku

	تەربىيەنى قۇبۇل قىلغان ئىنسانلار ياخشى ھەم توغرا قەدەم بىلەن مىڭىپ شەيتاننىڭ ئازدۇرىشىدىن ساقلىشى كىرەك.

شەمشەر

	شەيتاننىڭ ئازدۇرىشىدىن ساقلىنىش ئۇچۇن ئىمان  ئېتىقادىمىز مۇستەھكەم بولسۇن .ھازىر ئېزىتقۇ شەيتانلار بەك كۆپ ،بەك كۆپ .........................ھەي!

kubri

	ئىمانى، ئىرادىىسى ئاجىزلارنى شەيتان ھەرۋاقىت ئازدۇرۇشقا تەييار، شەيتان ھەرقاچان يېنىمىزدا بار، شۇڭا بىز ئۆزىمىز ئۇنىڭ باشلىغان يولىغا ماڭماسلىق ئۈچۈن، ئىمانىمىزنىڭ مۇكەممەل قىلىشىمىز كېرەك. ئىمانى دۇرۇس ئادەم نۇرغۇن ئىشلارنىڭ توغرا يولىنى تاپالايدۇ، ھەق يولنى كۆرەلەيدۇ، ئىمانى يوقلار كۆزى ئوچۇق تۇرۇپمۇ، يەنە شۇ خاتا يولغا شەيتاننىڭ يول باشلىشى بىلەن ماڭىدۇ..........

turk119

	yahxikan

alanwar

	ئىمان بولسا،مۆئىمىن مۇسۇلمان بولسا،شەيتان نېر بولۇر!!!

yasenm

	ئىبرەت ئىبرەت يەنە ئىبرەت.

1naima

	ھەر بىر نەپەسلىرىمىزدىن سورىلىمىز ، شۇنىڭ ئۈچۈن  ھاياتىمىزنى ئەھمىيەتلىك ئۆتكۈزۈش ئۈچۈن تىرىشايلى !

nazila998

	ئەھمىيەتلىك تىما ،