قەلبلەردىن تۆكۈلگەن لېرىك ئۈنچىلەر

musilina

	قەلبلەردىن تۆكۈلگەن لېرىك ئۈنچىلەر ( داۋاملاشتۇرۇپ يېزىپ باقامدۇق) ساختا سۆيگۈگە سۆز بىلسەڭ قەلبىم بىر پارچە داغ تەگمىگەن ئاپاق قەغەز ئىدى،سەن جادۇ كۆزلىرىڭ بىلەن مېنى سېھىر قىلىپ،  بۇ ئاپئاققىنە  قەغەزنى ئاستاغىنە ئېلىۋالغان ئىدىڭ،بۇ ئاق قەغەزگە ئىسمىڭنى،سۆيگۈڭنى،كۈلكەڭنى،قايغۇڭنى،يىغاڭنى خەت قىلىپ يېزىپ چىققان ئىدىڭ....! بۇ قەغەزگە يېزىلغان ھەر قۇر يۈرىكمگە چوڭقۇر ئورنىغان ئىدى،ئۇنى يۈرىكىم قېتىدىن چىقىرىۋېتىشنى ئەسلا ئويلاپ كۆرمىگەن ئىدىم ،ھالا بۈگۈنگە كەلگەندە ئۆز قولۇڭ بىلەن يۈرىكىمگە كەشتىلىگەن بۇ خەتلەرنى رەھىمسىزلىك بلىەن ئۆچۈرىۋتىشكە قولۇڭ بارغىنىغا ھېچبىر ئىشەنگۈم كەلمەيدۇ،بىراق رىئاللىق شۇنداق تۇرسا ئىشەنمەيمۇ نە ئامالىم بولسۇن...! بىر تەرەپتىن ئازابلار قوينىدا لەيلەپ يۈرسەم،بىر تەرەپتىن ساختا قىياپىتىڭنىڭ بالدۇر ئاشكارىلىنىشىدىن،تارتىدىغان ئازابلاردىنمۇ بالدۇرراق قۇتىلىدىغانلىقىمنى ئويلاپ كۆڭلۈم ھەر ھالدا خاتىرجەم بولۇپ قالدى...! ئۆزۈڭنى بالدۇر ئاشكارىلىغىنىڭمۇ بىر ھېسابتا ياخشى بولدى مەن ئۈچۈن،ئازاب قانچە بالدۇر بولسا ،ئازاب تارتىدىغان ۋاقىتمۇ بالدۇر ئاياقلىشىدۇ مېنىڭچە.....! ‹‹خەير،ساختا سۆيگۈ،مېنى بىر تەرەپتىن ئازاب قوينىغا تاشلىساڭ،بىر تەرەپتىن سۆيگۈنى چۈشىنىشنى،پاك سۆيگۈنىڭ قەدرىگە يېتىشنى،دەرد –ئەلەملەر كەلگىنىدە بەك ئاھ ئۇرۇپ،ئۆزۈمنى تاشلىۋەتمەسلىكىمنى ئۆگەتتىڭ ماڭا...››دەپ پىچىرلىدىم ئۆز –ئۆزۈمگە ئاستاغىنە...! سۆيگۈمگە سوئال...! ئاغزىمدا ئېتىراپ قىلغىلى ئۇنىمىساممۇ،يۈرىكىم،ئاسىي كۆزلىرىم ئاشىقلىقلىقىمىنى ئاشكارىلاپ قويدى ساڭا.توۋا دەيمەن،سېنى قانداق بولۇپ ياخشى كۆرۈپ قالغاندىكەن،سېنىڭ نەرىڭنى ياخشى كۆرۈپ قالغاندىكەن....!؟ تەگسىز سوئاللىرىمغا جاۋاب تاپالمىدىم، سۆيۈشنى،ياخشى كۆرۈشنىڭ ئۆلچىمى،شەرتى بولمايدىغان ئوخشايدۇ قارىغاندا....! سېنى سۆيدۈم،يۈرىكىمنى كۆرۈنمەس بىر يىپقا باغلاپ تورغاندەك،سەن قاياققا ماڭساڭ،سايەڭدەك ئەگىشىپ ماڭغۇم كېلىدۇ.....! كۆڭۈل دېگەننىڭ يۈگىنى يوقكەن،كىمگە چۈشۈشنى،كىمنى سۆيۈپ قېلىشنى بەلگىلەپ بەرگىلى بولمايدىكەن،ئامالىم قانچە ،كۆڭلۈم ساڭا چۈشكەندىكىن،سېنى سۆيمەي،سېنى ئويلىماي،دىدارىڭنى بىر كۆرۈشكە ئىنتىزار بولۇپ،يوللىرىڭغا ئوغرۇلۇقچە كۆز تىكمەي،كۆرەلمىگەن كۈنلەردە دورا يېگەن بېلىقتەك خارامۇش يۈرمەي....! ئۈمىدۋارمەن،ئىسمىڭنى دىلمدا زىىكر قىلىمەن،سىمايىڭنى كۆزۈمگە سىڭدۈرىمەن،خىىيالىم بىر سەندە،ھەممە ئىشلىرىمدا،ھەممە ئويلىرىمدا سەن بارسەن....! سېنى يۈرىكمدىن سۆيدۈم ئەزىزەم،سۆيگىنىمنى چۈشىنەرسەنمۇ،،،،؟!چۈشەنگەن بىر كۈنلىرىڭدە مېنى ۋىسال جامىدىن مەي ئىچتۈرەرسەنمۇ؟!ۋەسلىمگە يەتكۈزەرسەنمۇ...؟! كاللامدا ئايىقى چىقماس تەگسىز خىياللار.... خەير،بىر كۈنلەردە بۇ سوئاللىرمنىڭ جاۋابىنى سەندىن تېپىپمۇ ئالارمەن...! گۈزەلدۇر بۇ  دۇنيا شۇنچە....! ئادەم بىر ئۆمۈر سۈزۈك سۇغا ئوخشاش پاك،رەڭدار چېچەكلەردەك گۈزەل ياشىيالىغان بولسا نېمە دېگەن ياخشى بولاتتى-ھە...! بىراق بۇ مېنىڭ خىيالىم،كۆڭۈل ئارزۇلۇرۇملا خالاس،رىئاللىق ھەرگىزمۇ ئادەمنىڭ ئارزۇسىدىكىدەك بولمايدۇ ھەم ئارزۇ –ئارمانلىرىغا باقمايدىكەن،ئادەملەرنىڭ  ھەم نەپسى،تويمىغۇرلىقى ،ئاچكۆزلىكى ئارزۇسىدىكىدەك ياشاشقا يول قويمايدىكەن...! بۇلارنى ئويلىسام ،كۆڭلۈم شۇنچىلىك بىئارام بولىدۇ،بىراق يەنە ئارزۇيۇمدىكىدەك ياشاۋاتقان گۈزەل قەلبلىك كىشىلەرگە قاراپ ‹‹قارا ئەنە،سەن ئارزۇ قىلغاندەك سۇغا ئوخشاش پاك،رەڭدار چىچەكلەردەك گۈزەك قەلبكە ،ۋىجانىي تۇيغۇغا،ئىمان –ئېتىقادقا،ئەخلاقىي –پەزىلەتكە  تولغان كىشىلەر ئەتراپىڭدا يەنىلا كۆپ،سەن ئويلىغىنىڭدىنمۇ كۆپ....!›› دېگەنلەرنى ئويلاپ،كۆڭلۈم يەنە خاتىرجەم بولىدۇ. قەلب كۆزۈمنى  ناچارنىلا كۆرۈشكە ئەمەس،ياخشىلارنىمۇ كۆرۈشكە ئۈندەيمەن....! دۇنيا مېھر-مۇھاببەت بىلەن گۈزەلدۇر،دۇنيا ياخشىلىقلار بىلەن تولغان،سىز كۆرىۋاتقان ئازغىنە رەزىللىلكلەر ،ئازغىنە رەزىل كىشىلەر پەقەت تۈمەنلىگەن ياخشىلىقلارنىڭ،نەچچە مىڭلىغان ياخشى،ئاقكۆڭۈل،پاك،دىيانەتلىك كىشىلەرنىڭ تېخىمۇ بەك جۇلالىنىشى ئۈچۈندۇر خالاس....! قەلب كۆزلىرىڭىز دۇنيانىڭ گۈزەللىكىنى كۆپرەك كۆرۈشنى ئۆگەنسۇن.... ! دۇنيا سىز،مەن،ئۇلار بىلەن گۈزەلدۇر....! مەنبە : ئۆز قەلىمىم ئەسكەرتىش:گۈزەل تىللاردىن شېرىن ،لېرىك ئۈنچىلەر توختىماي تۆكۈلۈپ تۇرسۇن...داۋاملاشتۇرۇپ يېزىشنى خالايدىغان مۇنبەرداشلىرىمغا بۇ تېمامنىڭ ئاخىرى ئامانەتكە قالدى ئەمسە.....

ardamay

	دۇنيا مېھىر مۇھەببەت بىلەن گۈزەلدۇر،دۇنيانىڭ گۈزەللىكىنى پەقەت گۈزەل قەلب بىلەنلا كۆرگىلى بولىدۇ.رەڭدار گۈل چىچەكلىرى بىلەن زىمىنغا جەزبە ۋە گۈزەللىك بېغىشلاپ ئانا تەبىئەتنىڭ سېھرىي گۈزەللىكىنى تېخىمۇ جۇلاللاندۇرۇپ تېخىمۇ گۈزەللەشتۈردىغان باھار كەبى يېقىملىق، باھار كەبى ئىللىق ،تاغ چەشمىلىرىدەك سۈزۈك ،ئىمانىي تۇيغۇغا ۋە ئەخلاقىي پەزىلەتكە باي گۈزەل قەلبكە ئىگە كىشلەر خۇددى ھاياتلىقنىڭ سۇلماس باھارى،سۇلماس چىچەكلىرىدەك،ئۆمۈر بوستانىمىزغا زىننەت ۋە قۇۋۋەت ئاتا قىلىدۇ،بىزگە ھاياتلىقنىڭ گۈزەللىكىنى ھېس قىلدۇرۇپ ،دۇنياغا ۋە تۇرمۇشقا بولغان مۇھەببىتىمىزنى ئۇلغايتىدۇ.ئەنە ئاشۇ قەلب تۆرىلىرىنى ۋاپا،ھايا،ئىمان،دىيانەت،ئادىمىيلىك گۈللىرى بىلەن بېزىگەن كىشلىرىمز ئاتا قىلغان گۈزەللىك تۇيغۇسىنى شۇنداق قەدىرلىگۈمىز كېلىدۇ،ئەمما قەلبلىرىمىزنىڭ گۈزەل تۇيغۇلىرىنى بەربات قىلۋاتقان رىئاللىق بىلەن خىيالىي دۇنيارىمىزدا ئاسمان زىمىن پەرق بېرىۋاتقان،دۇنيا مەئىشەتلىرى بىلەن ئەقلى توسۇلۇپ ھاياتلىق باھارى سۇلىۋاتقان كىشلىرمىزگە قاراپ يۈرىكىمىز يىغلايدۇ،ئەمما~~~~~ ئېتىز ئىككى خامان بىر، رىزىق ئىككى زامان بىر، بۇ جاھاندا سانىساق ياخشى ئىككى يامان بىر. كۈلىشكە يارالغان كۆزلىرىمىزدىن لەھزە ياشلار تۆكۈلمىسۇن،گۈزەللىكىنى كۆرۈشكە يارالغان قەلبلىرىمىزنى دۇنيا مەئىشەتلىرىنىڭ چاڭ توزانلىرى باسمىسۇن~گۈزەل قەلبلىرىمىز بىلەن گۈزەللىكنى كۆرۈشكە ۋە بايقاشقا ئىنتىلەيلى~دۇنيا گۈزەلدۇر سىز بىلەن ،مەن بىلەن،ئۇ بىلەن~~~ دۇنيا گۈزەلدۇر ،گۈزەل قەلبىمىز بىلەن~~~

太阳

	مەيۈسلەنمگىن -بۇ مەن ساڭا ئىيىتماقچى بولغان ئەڭ ھىكمەتلىك گەپ. ھاياتلىق يولۇڭدىكى يۇشۇرۇن خادا تاشقا پۇتلىشىپ يىقىلىپ چۈشكىنىڭدە چوقۇم ئورنۇڭدىن تۇرۇپ كىتەلەيسەن. يامغۇرلۇق كىچىدىكى مەيۈسلۈك ئاۋازنى ئاڭلىغىنىڭدا،بورانلىق قىشتىكى جۇدۇنلۇق كۈنلەرنى كۆرگەندە مەيۈسلەنمىگىن. قىيامەت دەشتىدە قالغان  تۇپراقنىڭ ئاجىز نىدالىرى قۇلاق تۈۋىڭدە ياڭرىغاندا، خورلانغان جاندارلارنىڭ ئاھۇ-زارلىرى كۆكتىن بالقىغاندا مەيۈسلەنمىگىن مەيۈسلەنمەيمەن-ھەرگىزمۇ مەيۈسلەنمەيمەن، ھاياتتىكى ئوڭۇشسىزلىقلارغا ،تۇرمۇشتىكى كۆڭۈللسىزلىكلەرگە مەيۈسلەنمەيمەن. ئەقىدەمنىڭ كۈچ-قۇدىرتىنى قەدىرلەيمەن، ھەر ۋاقىت باسقان قەدىمىمگە گۈل تىرىيمەن. ساڭا ئىيتسام مىنىڭ قەلبىم كۆكى ئشەنىچ يۇلتۇزلىرى بىلەن بىزەلگەن خاتىرەمدىن

گۈلچۈشى

	....گە         مەن سېنى دەپلا زېمىنغا ئارتۇقچە يۈك بولۇپ ،سرۇلۇپ ياشاپ كەلدىم ،كۈنلەر،ئايلار،يىللار......سېنىڭ نامىڭنى زىكىر قىلىش بىلەن ئۆتتى،چۈنكى سەن مېنىڭ قەلبىمدىكى پەرىشتە ئىدىڭ.         كۆزلىرىم سېنىڭدىن باشقىنى كۆرۈشنى خالىمايتى،تەپەككۇرۇم سېنىڭدىن باشقىنى ئويلاشنى خالىمايتى،مېنىڭ نەزىرىمدە سەن ئەمەس سېنىڭ ئەتراپىڭدىكى ھەر قانداق نەرسىمۇ ساڭا ئوخشاشلا گۈزەل ئىدى.        روھىم ئاللىقاچان سەن بىلەن كەتكەن بولۇپ مەندە قالغىنى بۇلبۇلسىز قەپەز، يىلتىزسىز غولغا ئوخشاش قاغجىرغان تەندىن باشقا نەرسە ئەمەس ئىدى. كۈنلەر زارىقىش ،سېغىنىش،ئەسلەش،يادلاش......بىلەن ئۆتمەكتە.بۇ كۈنلەرنىڭ زادىلا چېكى يوقمىكىن، بىزگە ۋىسال دەملىرى مەڭگۈ نىسىپ بولمامدىكىن.........

مەپتونە

	سەندىن ۋاز كىچىش ماڭا تۇلىمۇ تەس كىلۋاتدۇ،بۇلارنى ئويلىسام يۇرۇكۇم ئازاپ تىن يېرلىپ كىتەيلا دەپ قالدى،سىنى چىن يۇرۇكىمدىن ،چىن قەلبىمدىن سۆيگەنمەن بىلسەڭ،  سىنى ئۇنتاي دىگەنچە كۇنلۇرۇم سىنى ئويلاش بىلەن ئۇتمەكتە ،تۇۋۋا بۇجاھاندا ياخشى كۆرگەن ئادىمنى ئۇنتاي دەپ مۇ ئۇنتالمايدىكەن كىشى،مۇھەببەت ئاجايىپ سىرلىق بۇلىدىكەن دىسە،ياخشى كۆررگەن ئادىمىدىن كۇڭلى ئازار يىسىمۇ ،يەنە ئۇنىڭ ئۇچۇن باھانە سەۋەپ ئىزدەپ ئۇنى ئاقلىلايدىكەن،ئۇنىڭدىن قىلچىلىك ئاغرىنمايدىكەن،مۇھەببەتنى دەپ بەزىدە ئادەم غۇرورىنى مەغرور لۇقىنى يۇقۇتىپ قۇيىدىكەن،مۇھەببەتنىڭ ئۇلۇقلىقى بەلكىم ئۇنىڭ ھىچقانداق غەرەسسىز ھالدا باشقىلارغا ئىللىقلىق يەتكۇزىشىدە بولسا كېرەك،بۇنى ئەمدى ھىس قىلدىم. ئاغرىنمايمەن رەھىمسىز دەپ تەقدىرنى ئازابىممۇ يىتەر بىر كۇن چىكىگە بۇ ئازاپقا گەر ئامالىم بولمىسا بارغۇ ئامال جىمجىت كۆزياش تۇكۇشكە خەير ھاياتىمدىكى تۇنجى مۇھەببەت، يۇرۇكۇم يەنىلا ساڭا تەلپۇنمەكتە!!ئامالىم قانچە پىشانەم تەتۇرمۇ ....سىنىڭ بىلەن تۇلىمۇ كىچىكىپ ئۇچراشقىنىمدىن ئۇمۇر بۇيى ئەپسوس لىنىمەن!؟؟ بىر كۇنلەرگە كىلىپ سەنمۇ مەندەك ئەھۋالغا قالغاندا ،مىنىڭ كۇڭلۇمنى ئازراق چۇشىنىپ قالا سەن!!!

22iltija

	tix lik mu   ?????

ئىپارە

	يۈرەككە تولغان مۇھەببەت !چۈشلىرىمدە ئايان بولدى قەلبىڭدىكى شۇ سۆزۈڭ!...

musilina

	‹‹رەھمەت››دېگەن بىر ئېغىز سۆزىزىڭىز بىلەن  ماڭا بولغان تەشەككۈرىڭىزنى ،سۆيۈنۈشىڭىزنى ئىپادىلىگەن ۋاقىتتا ،كۆزلىرىم ئىپتىخارلىق تۇيغۇسى بىلەن نۇرلاندى،خۇشاللىق نۇرلىرى يۈزۈمگە تەپتى،مانا بۇ سىزنىڭ ماڭا بەرگەن مەدىتىڭىز....! كىشىلىك تۇرمۇش مانا مۇشۇنداق ‹‹رەھمەت›،لەر بىلەن گۈزەلدۇر،بىر ئېغىز تەشەككۈر سۆزى قارشى تەرەپنى سىز ئويلاپ باقمىغان خۇشاللىققلارغا،ئىپتىخارلىققا ئېرىشتۈرىشى،سۆيۈندۈرىشى مۈمكىن،شۇ تەشەككۈرىڭىزنىڭ تۈرتكىسى بىلەن قارشى تەرەپ تېخىمۇ كۆپ ياخشى ئىشلارنى قىلىشى،تېخىمۇ كۆپ كىشىلەرنى رازى قىلىش ئۈچۈن تىرىشىشى مۈمكىن....! بىراۋلارنىڭ ياخشى ئەمەللەرنى كۆپرەك مەيدانغا كەلتۈرىشى ئۈچۈن ‹‹رەھمەت ››سۆزىڭىزنى ئايىماڭ....!