«جۇڭگو مىللەتلىرى» ژۇرنىلى قەلەم ھەققىنى بانكا كارتىسى

ARKZAT

	«جۇڭگو مىللەتلىرى» ژۇرنىلى ئاپتورلارنىڭ قەلەم ھەققىنى بانكا كارتىسى ئارقىلىق ئەۋەتىشنى يولغا قويدى    دۆلەتلىك مىللەتلەر ئىشلىرى كومىتېتىنىڭ باشقۇرۇشىدىكى «جۇڭگو مىللەتلىرى» ژۇرنىلىنىڭ ئۇيغۇرچە نەشرى ئۆتكەن يىلىنىڭ كېيىنكى يېرىم يىلدىن باشلاپ، ژۇرنالنىڭ ئىچكى قىسمىغا بولغان باشقۇرۇشنى كۈچەيتىپ، خىزمەتتىكى بەزى يېڭىلىقلارنى مەيدانغا كەلتۈرۈپ، بىرقاتار ئىسلاھاتلارنى ئېلىپ باردى. بۇنىڭ ئىچىدىكى بىر يېڭىلىق ژۇرنالدا ئەسىرى ئېلان قىلىنغان ئاپتورلارنىڭ قەلەم ھەققىنى تور بانكىسى ئارقىلىق تارقىتىش بولۇپ، 2012 - يىللىق 6 - ساندىن باشلاپ مۇۋەپپەقىيەتلىك تارقاتتى. بۇ، ئاپتونوم رايونىمىز بويىچە تۇنجى قېتىم «قەلەم ھەققىنى بانكا كارتىسى ئارقىلىق تارقىتىش»نى ئەمەلگە ئاشۇرغان مەتبۇئات بولۇپ، ئۇلارنىڭ بۇ خىل خىزمەت ئۇسۇلى جەمئىيەتتە ياخشى تەسىرلەرنى پەيدا قىلدى.    ئادەتتە، مەتبۇئاتلارغا ماقالە – ئەسەر ئەۋەتكەن ئاپتورلارنىڭ قەلەم ھەققىنى تاپشۇرۇۋېلىش جەريانى ئوخشاش بولمايدۇ. قەلەم ھەققى چېكىدىكى ئىسىم - فامىلە كىملىكتىكى بىلەن ئوخشاش بولغان ئەھۋالدا، ئاندىن پۇل چېكى ئارقىلىق ئەۋەتىلگەن قەلەم ھەققىنى پوچتا تارماقلىرىغا بېرىپ ئالغىلى بولىدۇ. ئەگەر خەنزۇچە يېزىلىشىدىكى خەتلەردە پەرق كۆرۈلسە، قەلەم ھەققىنى پوچتىدىن ئېلىش بىر مۈشكۈل ئىشقا ئايلىنىدۇ، يەنى پوچتا تارماقلىرى پۇل تاپشۇرۇۋالغۇچىدىن ئۆزى تەۋە ئىدارە، شىركەت ياكى ئاھالە كومىتېتىدىن تامغا باستۇرۇش ۋە ئىسپات ئەپكېلىشنى تەلەپ قىلىدۇ... ئاپتورلارنىڭ بۇ ئىسپاتلارنى ئېلىپ قەلەم ھەققىنى قولىغا ئېلىشى ئاسانغا توختىماي، ۋاقتى ۋە زېھنى ئىسراپ بولىدۇ. بەزى ئاپتورلار ئالاقىدار ئورۇنلارنىڭ تامغىسىنى باسقۇزالماي ياكى ئىسپات ئالالماي، بەلگىلەنگەن قەرەلى توشۇپ كەتسە، پوچتا تارماقلىرى مەزكۇر قەلەم ھەققىنى «ئەۋەتكۈچى تەرەپ»كە قايتۇرۇۋېتىدۇ، بۇنىڭ بىلەن، مەتبۇئات ئورۇنلىرى پۇلنى پوچتىدىن قايتۇرۇۋېلىپ، ئاپتورلارغا يېڭىۋاشتىن ئەۋەتىشكە مەجبۇر بولىدۇ... بۇ مەتبۇئات ئورۇنلىرىدىكى مالىيە خادىملىرىنىڭ خىزمەت سالمىقىنى ئاشۇرۇۋېتىدۇ.     «جۇڭگو مىللەتلىرى» ژۇرنىلى ئاپتورلارنى يۇقارقىدەك بىھۇدە ئاۋارىچىلىقلاردىن ساقلاش ۋە ئۇلارغا تېخىمۇ قولايلىق يارىتىپ بېرىش ئۈچۈن، ئۆتكەن يىلىنىڭ كېيىنكى يېرىمىدىن باشلاپ ئەتراپلىق ۋە ئىنچىكە تەييارلىق قىلىش ئارقىلىق، قەلەم ھەققىنى بانكا كارتىسىدىن تارقىتىشنى پىلانلىدى. بۇنىڭدا، ژۇرنالنىڭ مالىيە خادىملىرى بىر قاتار ئىنچكە ۋە ئەستايىدىل خىزمەتلەرنى ئىشلەش ئارقىلىق، ماقالە - ئەسەرلىرى ئېلان قىلىنغان ئاپتورلار بىلەن ئالاقىلىشىپ، ئۇلارنىڭ سودا - سانائەت بانكىسى ۋە يېزا ئىگىلىك بانكىسى ھېسابات كارتا نومۇرىنى توپلاپ، قەلەم ھەققىنى تور بانكىسىدىن ئاپتورلارنىڭ بانكا ھېسابات نومۇرىغا بىۋاسىتە ئەۋەتىشنى ئەمەلگە ئاشۇردى.        قەلەم ھەققى بانكا كارتىسىدىن تارقىتىلغاندا، پۇل بىۋاسىتە ئاپتورلارنىڭ بانكا ھېساباتىغا ئەۋەتىلىدۇ، شۇنىڭدەك ئاپتورلارنىڭ يانفۇنىغا قىسقا ئۇچۇر يوللىنىپ، قەلەم ھەققىنىڭ كېلىش مەنبەسى ئۇقتۇرۇلىدۇ. «جۇڭگو مىللەتلىرى» ژۇرنىلى 2012 - يىللىق 6 - ساننىڭ قەلەم ھەققىنى مۇشۇ ئۇسۇل بويىچە تارقاتقاندىن كېيىن، كۆپلىگەن ئاپتورلار تېلېفون، ئېلخەت ۋە چ چ قاتارلىق تۈرلۈك ئالاقە ۋاسىتىلىرىدە، بۇ خىل ئۇسۇلنىڭ ناھايىتى ياخشى بولغانلىقىنى ھەمدە بۇنىڭ بىر خىل ياخشى باشلىنىش بولغانلىقىنى بىردەك مۇئەييەنلەشتۈردى.                  ( ژۇرنال تەھرىراتىدىن ھەسەنجان ئابدۇلئەھەد خەۋىرى )    (  تور دۇنياسىدىكى مەنبەسى: Www.Arkzat.Com تورى )

پاۋىل

	بەك ياخشى بۇپتۇ . بۇ ئاپتۇنۇم رايۇنىمىزدا بەلكىم تۇنجى ئىش بولسا كىرەك.

mastana888

	ياىشى باشلىنىشكەن

saltanat

	ياخشى ئۈنۈم.........ئاپتۇرلار   تامغا ئىسپات ئېلىپ كەپ بولغىچە  يەنە بىر تىما يېزىپ بولالىشى مۇمكىنغۇ.......

tatti-patti

	ئاپتۇرلار ئىسىل ماقاللىلىرىنى مىسرانىمغا يازسا بولمامدۇ دەيمەن ،كىچىككىنە قەلەم ھەققىگە قۇساق تۇيامتى،،،بەرىبىر مائاشىڭلار بارغۇ،،،،مىسرانىمغا يازساڭلار جىق بالىلار كورىدۇ ،ئىنكاس-پىكىرلەر نەق مەيداندا چۇشىدۇ ،،ماختاش ۋە تىل -ئاھانەتنى ئاڭلاپ ھۇزۇرلىنسىلەر ،،دە كەمچىلىكىڭلارنى ئوڭشاپ ياخشى ئادەم بولىسىلەر....

yawaat0998

	tatti-patti يوللىغان ۋاقتى  2013-2-26 01:45 PM ئاپتۇرلار ئىسىل ماقاللىلىرىنى مىسرانىمغا يازسا بولما ... دىيارىمىزدا توردىن پايدىلىنىىش شارائىتى يوق جايلار نۇرغۇن، مويىسپىتلىرىمىز مۈكچىيىپ ئولتۇرۇپ بىر قولىدا ما ئۇس، بىر قولىدا ھاسىسىنى تۇتۇپ تور كۆرەلمەيدۇدە.

kakkuk11

	نىمە مەزمۇن بار  ...  خەتلەر كۆزۈمگە پاتماي تازا  ئېنىق كۆرەلمىدىم....

yawaat0998

	بۇ بىر ياخشى ئىسلاھات بوپتۇ. ئىش ئۈنۈمىنى ئاشۇرۇش ئۈچۈن مۇشۇ ئۇسۇلنى قوللانغان ياخشى. باشقا مەتبۇئاتلارنىڭمۇ مۇشۇنداق ئۇسۇلنى قوللىنىشىنى ئۈمىد قىلىمەن. يەنە بىر تەكلىپ: جۇڭگۇ مىللەتلىرى ژۇرنىلى توردىن ئەسەر قۇبۇل قىلىدۇ، شىنجاڭ مەدەنىيىتى قاتارلىق بىر قىسىم ژۇرناللار توردىن قۇبۇل قىلمايدىكەن. بولسا شۇنداق ژۇرناللار توردىن ئەسەر قۇبۇل قىلسا، بىر تەرەپتىن ھەۋەسكارلارنىڭ قىزغىنلىقىنى قولغا كەلتۈرەلەيتتى، يەنە بىر تەرەپتىن تاللانغان ئەسەرلەرنى قەغەزدىن كومپىيۇتىرغا كىرگۈزۈپ تەھرىرلەش ۋاقتىنى زور دەرىجىدە قىسقارتىپ ئىش ئۈنۈمىنى ئاشۇرالايتتى. بۇ تەكلىپىمنى ھەرقايسى مەتبۇئاتلار ئويلىشىپ باقسا دىگەن ئۈمىدتىمەن. ئالدىنقى قېتىم شىنجاڭ مەدەنىيتى ژۇرنىلىغا بىر ئەسەر ئەۋەتكەن، ئادرىسى ئۆزگەرگەنلىك سەۋەبىدىن، 2 قېتىم ئەۋەتسەم 2 قېتىم قايتىپ كەلدى. ئاخىرى يېڭى ئادرىسىنى تېپىپ ئەۋەتتىم، ئارىلىقتا 15 كۈن ۋاقىت ئىسراپ بولدى. جۇڭگۇ دىكى، بولوپمۇ شىنجاڭدىكى ئاز سانلىق مىللەت يېزىقىدا چىقىرىلىدىغان ژۇرنال قاتارلىقلارنىڭ قەلەم ھەققى ئاز. بىزدەك ئىشتىن سىرتقى ھەۋەسكارلار قەلەم ھەققىگە ئانچە ئېتىبار بېرىپ كەتمەيمىز. ئەسەرلىرىمىز يارىتىلىپ مەتبۇئاتتا ئېلان قىلىنىپ خەلقىمىزنىڭ ئوقۇشۇغا مۇيەسسەر بولسىلا قانائەت تاپىمىز.

akyda007