باشقىلارغا ئەڭ ياخشىسنى بېرىڭ

uyghuray~25

	ھەپتە ئاخىرىدا يېزىدىن بىزنى يوقلاش ئۈچۈن كەلگەن دادام چوڭ ئۆيدىن يوغان بىر تاغار كۆكتات ئېلىپ كەلگەن ئىدى.ئادەتتە ئۆيدە مەن ھەم ئايالىم  ئىككىمىزلا بار.ئۇنىڭ ئۈستىگە چۈشلۈك تاماقنى سىرتتا يەيدىغان تۇرساق،بۇنچە كۆپ كۆكتاتلارنىڭ بۇزۇلۇپ قېلىشى ئېنىق-دە! مەن كۆڭلۈمدىكىنى دادامغا ئېيتىشىمغا،دادام:-ئۇنداقتا قوشنىلىرىڭغا ئازراق ئەچىقىپ بېرەمدۇق؟-دېدى.مەنچە بولسا بولىدىغان گەپ.شۇنىڭ بىلەن بىر قانچە خالتا ئەكىلىپ كۆكتاتنىڭ قولۇمغا چىققانلىرىنى قاچىلاشقا باشلىدىم.دادام:-بۇنداق قاچىلىمايسەن،باشقىلارغا بۇنداق بەرسەڭ ياخشى بولمايدۇ!-دەپ مىنى توختىتىۋېلىپ،تىزلىنىپ ئولتۇرغىنىچە خالتىدىكى كۆكتاتلاردىن ياڭيونىڭ يوغان ھەم بۇزۇلمىغىنىنى،كۆك سەيلەرنىڭ يۇپۇرماقلىرى سولاشمىغان،يېڭىلىرىنى ئىنچىكىلىك بىلەن تاللاشقا باشلىدى.مەن دادامنىڭ تاللىغىنىغا قاراپ چىداپ بولالماي:-بۇنچە ئاۋارە بولغىچە خالىغانچە قاچىلاپلا بىر خالتا قىلىپ بەرسەك بولمامدۇ؟-دېيىشىمگە،دادام بېشىنى كۆتۈرۈپ قەتئىيلىك نەزىرى بىلەن:-باشقىلارغا بەرمەكچى بولساڭ ئەڭ ياخشىسىنى بەر.بۇنداق قىلىش سېنىڭ باشقىلارنىڭ قەلبىدىكى ئورنىڭغا تەسىر كۆرسىتىدۇ.-دېدى.شۇنىڭ بىلەن دادام ئىككىمىز كۆكتاتلارنى ئەستايىدىل تاللاپ چىقىپ،خالتىلارغا بۆلۈپ قاچىلاپ ئاندىن قوشنىلارغا بەردۇق. بۇ ئىشتىن كېيىن مەنداڭلىق يازغۇچى لىن شى نىڭ <<قولى ئۇچۇق بېخىل>>ناملىق ئەسىرىدىكى بىر ۋەقەلىكنى ئويلاپ قالدىم:-بىر ئاتا ئوغلىنى ئەگەشتۈرۈپ باشلىقىنى يوقلىغىلى بارغاندا باشلىقى ئۇلارغا بىر يىشىك ئالما سوۋغا قىلىپتۇ.ئۆيگە ئەكىلىپ قارىسا ھەممىسى توڭ ئۇششاق ئالما ئىكەن.ئوغلى چىدىيالماي:-قانداق گەپ بۇ ئەمدى؟بىزنىڭ ئۆيدىكى ئالما بۇنىڭدىن ياخشىراق،بۇ ئالمىنى تاشلىۋەتسىمۇ تېرىۋالىدىغان ئادەم چىقمايدۇ!-دەپ سۆزلەپ كېتىپتۇ.دادىسىمۇ ئوغلىغا بولۇشۇپ:-شۇ،قانداق گەپ بۇ ئەمدى؟بالام،ئىسىڭدە بولسۇن.ئۆزۈك ياقتۇرمايدىغان ۋە لازىم قىلمايدىغان نەرسىلەرنى باشقىلارغا سوۋغا قىلماقچى بولغاندا سەنمۇ بۇ ئىشنى ئويلا!-دەپتۇ. كىشىلەر بىلەن ئېلىم-بېرىم قىلغاندا سىز باشقىلارغا قانداق مۇئامىلە قىلسىڭىز،باشقىلارمۇ سىزگە شۇنداق مۇئامىلە قىلىدۇ.سىز ئۆزىڭىز ياقتۇرمايدىغان ياكى لازىم قىلمايدىغان نەرسىلەرنى باشقىلارغا سوۋغا قىلغاندا باشقىلارمۇ سىزگە شۇنداق قىلىدۇ.سوۋغاتنىڭ قىممىتى -سىزنىڭ باشقىلارنىڭ قەلبىدىكى ئوبرازىڭىزغا تەسىر كۆرسىتىدۇ.سوۋغا قىلسىڭىز ئەڭ ياخشىسىنى قىلىڭ،بولمىسا سوۋغا قىلماڭ.باشقىلارنى ئۆزىڭىزگە ئوخشاش تۇرمۇشنىڭ گۈزەللىكىدىن بەھرىلەندۈرەلىسىڭىز ئاندىن ھۆرمەتكە ئېرىشەلەيسىز! تەرجىمە قىلغۇچى:جىياڭسۇ ئۆلكىسى ۋۇشى شەھىرى  ئەقىدە قاشتېشى دۇكىنى

mahatjan

	باشقىلار ئېھتىياجلىق نەرسە سىزدە بولسا ،باشقىلارنى ھوزورلاندۇرالايدىغان بولسا بەرسىڭىز بولىدۇ،

nazakat888

	تەربىيىۋى ئەھمىيىتى كۈچلۈك تېما ئىكەن.بولۇپمۇ‹‹كىشىلەر بىلەن ئېلىم-بېرىم قىلغاندا سىز باشقىلارغا قانداق مۇئامىلە قىلسىڭىز،باشقىلارمۇ سىزگە شۇنداق مۇئامىلە قىلىدۇ.سىز ئۆزىڭىز ياقتۇرمايدىغان ياكى لازىم قىلمايدىغان نەرسىلەرنى باشقىلارغا سوۋغا قىلغاندا باشقىلارمۇ سىزگە شۇنداق قىلىدۇ.سوۋغاتنىڭ قىممىتى -سىزنىڭ باشقىلارنىڭ قەلبىدىكى ئوبرازىڭىزغا تەسىر كۆرسىتىدۇ.سوۋغا قىلسىڭىز ئەڭ ياخشىسىنى قىلىڭ،بولمىسا سوۋغا قىلماڭ.باشقىلارنى ئۆزىڭىزگە ئوخشاش تۇرمۇشنىڭ گۈزەللىكىدىن بەھرىلەندۈرەلىسىڭىز ئاندىن ھۆرمەتكە ئېرىشەلەيسىز!›› تېما ئىگىسىگە رەھمەت.

بەرگى

	يۈزەكىلىك بىلەن قىلىنغان ئىش ياكى دىيىلگەن سۆز ئۆزىمىزگە زىيان .

ئاردا

	ئۆزىمىزگە ياخشى كۆرگەننى باشقىلارغىمۇ ياخشى كۆرىشىمىز !  ئۆزىمىزگە يامان كۆرگەننى باشقىلارغىمۇ يامان كۆرىشىمىز كىرەك  !

defolia

	ئابدۇرېھىم گىرۈيىن دەيدىغان بىر ئامرىكىلىق مۇسۇلمان بار ئىكەن ئۇ ئىلگىرى پوپ ئىكەنتۇق،بىر رامىزان ۋاقتىدا ئۇ مىسىردىن سودا ئۈچۈن كەلگەن مۇھەممەد دەيدىغان مۇسۇلمان بىلەن ئۇچرىشىپ قاپتۇ،پوپ خىيالىدا بۇنى ئۆيۈمدە تۇرغۇزۇپ ئىنجىلنى ئۈگىتىپ بىر خىرىستىيان قىلۋىتەي دەپ ئويلاپتۇ.خىرىستىيانلار چىركاۋغا يىغىلغان سەدىقىلەرنى سېتىپ نامراتلارغا ياردەم بېردىكەنتۇق،بىر كۈنى ھېلقى مۇسۇلمانمۇ سېتىشقا ياردەم بېرىپتۇ ،ئۇ نەرسە كېرەكلەرنى ساتقاندا ئەڭ ياخشىسىنى تاللاپ سېتىپتۇ،لىكىن پوپ ئۇنىڭغا ئاۋال ناچارلىرىنى ساتىمىز دەپتۇ،مۇسۇلمان بىزنىڭ دىنىمىزدا .ۇنداق قىلساق بولمايدۇ دەپتۇ،پوپ ئۇنىڭغا بىر ئاز قايىل بوپتۇ،كىيىن .ئۇمۇ بىر ناماز ئوقۇپ باقماقچى بوپتۇ ھويلىسىدا ناماز ئوقۇغاندا ئاجايىپ ھۇزۇر ھېس قىپتۇ،ئۆيىگە كىرسە ئايالى ئۇنىڭدىن ئاجرىشىمەن دەپتۇ،پوپ مەن پەقەت ئۇ مۇسۇلماننى ئۆيىمىزدە تۇرغۇزدۇم ئۇنىڭ دىنىغا كىرمىدىم دەپتۇ ،لىكىن ئايالى مەن بىر مۇسۇلمان ئايال تۇرۇپ خىرىستىيان ئەر بىلەن بىر ئۆيدە ياشىيالمايمەن دەپتۇ،ھازىر بۇ پوپ بىر تەبلىغچى مۇسۇلمان بوپتۇ

wolkanboy

	ھەقىقەتەن ياخشى يىزىپسىز

wolkanboy

	wolkanboy يوللىغان ۋاقتى  2013-2-28 01:20 PM ھەقىقەتەن ياخشى يىزىپسىز ياشاش ئاسان لىكىن ھەقىقى ئادىمىيلىك پەزىلەت بىلەن ياشاش تولىمۇ مۈشكۈل.بىراق چوقۇم تىرىشىشىمىز كىرەك ،ئۇنداق قىلالمىساق ئەھمىيەتسىز ياشىغان بولمامدۇق؟

گۈلچۈشى

	باشقىلارغا سىز قانداق مۇھامىلە قىلسىڭىز باشقىلار سىزگىمۇ شۇنداق مۇھامىلە قىلىدۇ .بەزىلەر بار باشقىلارغا بەرسەم ئىست ئېشىم ،ئۆيدە قويسام سېسىق ئېشىم دەپ ،يا ئۆزى يەپ بولالماي ،يا باشقىلارغا بەرمەي سېسىتىپ تاشلايدىغان ،ياكى بولمىسا سېسىغاندا ئاندىن باشقىلارنى ئويلايدىغان ،بۇنداق ئادەملەرگە ھەيرانىمەن ،يېتىپ ئاشقانلىرى بولسا سېسىتىپ ئۆيدە قويغىچە ،ئازراق باشقىلارغا قولنىڭ ئۇچىنى سۇزۇپ قويسا بولىدۇ ئەمەسمۇ .